LIVRE I, CHAPITRE XLII
«. Boire si tost après le dormir, ce n'est vescu en diete de medicine. Il se faut premier escurer l'estomac des superfluités et excremens. — C'est, dist le moine, bien mediciné. Cent diables me saultent au corps s’il n’y a plus de vieux ivrongnes qu’il n’y a de vieux medicins. J’ay composé avec mon appétit, en telle paction que tousjours il se couche avec inoy, et à cela je donne bon ordre le jour durant : aussi avec moy il se lève. Bendez tant que voudrez vos cures, je m’en vais après mon tirouer. — Quel tirouer, dist Gargantua, entendez vous? — Mon bréviaire, dist le moine ; car, tout ainsi que les fauconniers, davant que paistre leurs oiseaux, les font tirer quelque pied' de poulie pour leur purger le cerveau desphlegmes et pour les mettre en appétit : ainsi, prenant ce joyeux petit bréviaire au matin, je m’escure tout le poulmon, et voy me là prest à boire.
— A quel usaige, dist Gargantua, dictes vous ces belles heures? — A l'usaige, dist le moine, de Fecan, à trois pseaulmes et trois leçons, ou rien du tout qui ne veult. Jamais je ne m’assubjectis à heures : les heures sont faictes pour l'homme, et non l'homme pour les heures. Pourtant je fais des miennes à guise d'estrivicres, je les accoiuris ou allonge quand bon me semble. Brevis oratio pénétrât cœlos, longapotatio évacuai scyphos. Où est escriptcela? — Par ma foy, dist Ponocrates, je ne sçay, mon petifcouillaust; mais tu vaulx trop. — En cela, dist le moine, je vous ressemble. Mais, venite apotemus. »
L'on appresta carbonnades à force, et belles souppes de primes, et beut le moine à son plaisir. Aucuns luy tindrent compainlc, legs aultres s'en déporteront. Après, chascun commença soy armer et accoustrer. Et armèrent le moine contre son vouloir, car il ne voulait aultres armes que son froc devant son estomac, et le baston de la croix en son poing. Toutefois, à leur plaisir, fut armé de pied en cap, et monté sus un bon coursier du royaume , et un gros braquemart au costé. Ensemble Gargantua. Ponocrates, Gymnaste, Eudemon, et vingt et cinq des plus adventureux de la maison de' Grandgousier, tous armés à l'advantaige, la lance au poing, montés comme sainct Georges ; chascun ayant un arquebousier en crope.
