X XXVIII

xxxii, 249 — xxxix, 312

De povreté me garmentant,

Souventesfois me dit le cuer :

« Homme, ne te doulouse tant

Et ne demaine tel douleur,

Se tu n'as tant que Jaques Cuer :

Mieulx vâult vivre soubz gros bureau

Povre, qu'avoir esté seigneur

Et pourrir soubz riche tombeau ! »

Qu'avoir esté seigneur ! . . . Que dis ?

Seigneur, las ! et ne l'est il mais ?

Selon les davitiques dis Son lieu ne congnoistras jamais.

Quant du surplus, je m'en desmetz :

Il n'appartient a moy, pécheur ; Aux théologiens le remetz, Car c'est office de prescheur.

Si ne suis, bien le considère,

Filz d'ange portant dyademe

D'estoille ne d'autre sidère.

Mon père est mort, Dieu en ait l'ame !

Quant est du corps, il gist soubz lame.

J'entens que ma mère mourra,

Et le scet bien la povre femme,

Et le filz pas ne demourra.

Je congnois que povres et riches, Sages et folz, prestres et laiz, Nobles, villains, larges et chiches, Petiz et grans, et beaulx et laiz, Dames a rebrassez colletz, De quelconque condicion, Portans atours et bourreletz, Mort saisit sans exception.

xl Et meure Paris ou Helaine,

Quiconques meurt, meurt a douleur Telle qu'il pert vent et alaine ;

316 Son fiel se crevé sur son cuer,

Puis sue, Pieu scet quelle sueur !

Et n'est qui de ses maux l'alege :

Car enfant n'a, frère ne seur,

320 Qui lors voulsist estre son plege.

xli La mort le fait frémir, pallir,

Le nez courber, les vaines tendre, Le col enfler, la chair mollir, 324 Joinctes et nerfs croistre et estendre.

Corps femenin, qui tant es tendre, v Poly, souef, si précieux,

Te fauldra il ces maux attendre ?