REPOS ETERNEL DONNE A CIL
clxvi Item, je vueil qu'on sonne a bransle Le gros beffroy, qui n'est de voirre ; Combien qu'il n'est cuer qui ne tremble,
1907 Quant* de sonner est a son erre.
Saulvé a mainte bonne terre, Le temps passé, chascun le scet :
Fussent gens d'armes ou tonnerre,
191 1 Au son de luy, tout mal cessoit.
clxvii Les sonneurs auront quatre miches Et, se c'est peu, demy douzaine ; Autant n'en donnent les plus riches,
191 s Mais ilz seront de saint Estienne.
Voilant est homme de grant paine :
L'ung en sera ; quant g'y regarde, Il en vivra une sepmaine.
1919 Et l'autre ? Au fort, Jehan de la Garde.
clxviii Pour tout ce fournir et parfaire, J'ordonne mes exécuteurs, Auxquels fait bon avoir affaire
192} Et contentent bien leurs debteurs.
Hz ne sont pas moult grans vanteurs Et ont bien de quoy, Dieu mercis !
De ce fait seront directeurs.
1927 Escry : je t'en nommerai six.
clxix C'est maistre Martin Bellefaye,
Lieutenant du cas criminel.
Qui sera l'autre ? G'y pensoye :
193 1 Ce sera sire Colombel;
S'il luy plaist et il luy est bel,
Il entreprendra ceste charge.
Et l'autre ? Michiel Jouvenel.
193s Ces trois seulz, et pour tout, j'en charge.
CLXVI, 1904 — CLXXIII, I967
clxx. Mais, ou cas qu'ilz s'en excusassent,
En redoubtant les premiers frais, Ou totallement récusassent,
19*9 Ceulx qui s'enssuivent cy après
Institue, gens de bien très :
Phelip Brunel, noble escuyer, Et l'autre, son voisin d'emprès,
1943 Si est maistre Jaques Raguier,
clxxi Et l'autre, maistre Jaques James,
Trois hommes de bien et d'onneur, Desirans de sauver leurs âmes
1947 Et doubtans Dieu Nostre Seigneur.
Plus tost y mettroient du leur Que ceste ordonnance ne baillent ; Point n'auront de contrerolleur :
19s 1 A leur bon seul plaisir en taillent.
clxxii Des testamens qu'on dit le Maistre De mon fait n'aura quid ne quoi ; Mais ce sera ung jeune prestre,
1955 Qui est nommé Thomas Tricot.
Voulentiers beusse a son escot, Et qu'il me coustast ma cornete !
S'il sceust jouer a ung tripot,
1959 II eust de moy le Trou Perrete.
clxxiii Quant au regart du luminaire, Guillaume de Ru j'y commets.
Pour porter les coings du suaire,
1963 Aux exécuteurs le remetz.
Trop plus mal me font qu'oncques mais Barbe, cheveulx, penil, sourcis.
Mal me presse temps ; désormais
1967 Si crie a toutes gens mercis.
BALLADE [B. de mercy,]
A Chartreux et a Celestins, A Mendians et a Dévotes, A musars, a clâquepatins,
1971 A servans, a filles mignotes
Portans surcotz et justes cotes, A cuidereaux d'amours transsis Chaussans sans meshaing fauves botes,
197s Je crie a toutes gens mercis.
A filletes monstrans tetins
Pour avoir plus largement d'ostes,
A ribleurs, mouveurs de hutins,
1979 A bateleurs, traynans marmotes,
A folz, folles, a sotz et sotes, Qui s'en vont siflant cinq et six, A marmosetz et a mariotes,
1985 Je crie a toutes gens mercis.
Sinon aux traistres chiens mastins Qui m'ont fait chieres dures crostes Maschier mains soirs et mains matins,
1987 Qu'ores je ne crains que trois crotes.
Je feisse pour eulx petz et rotes ; Je ne puis, car je suis assis.
Au fort, pour éviter riotes,
199 1 Je crie a toutes gens mercis.
Qu'on leur froisse les quinze costes De gros mailletz, fors et massis, De plombées et telz pelotes.
199s Je crie a toutes gens mercis.
