AUTRE BALLADE
Icy se clost le testament
Et finist du povre Villon.
Venez a son enterrement, *999 Quant vous orrez le carrillon,
Vestus rouge com vermillon,
Car en amours mourut martir ;
Ce jura il sur son couillon, 2003 Quant de ce monde voult partir.
Et je croy bien que pas n'en ment ; Car chassie fut comme ung souillon De ses amours hayneusement,
2007 Tant que, d'icy a Roussillon,
Brosse n'y a ne brossillon Qui n'eust, ce dit il sans mentir, Ung lambeau de son cotillon,
201 1 Quant de ce monde voult partir.
Il est ainsi, et tellement,
Quant mourut n'avoit qu'ung haillon ;
Qui plus, en mourant, mallement
2015 L'espoignoit d'Amours l'esguillon :
Plus agu que le ranguillon D'un baudrier luy faisoit sentir, C'est de quoy nous esmerveillon, .
2019 Quant de ce monde voult partir.
Prince, gent comme esmerillon, Sachiez qu'il fist au départir :
Ung traict but de vin morillon, 2023 Quant de ce monde voult partir
[B. de bon I. — BALLADE
conseil.]
Hommes faillis, bersaudez de raison, Desnaturez et hors de congnoissance, Desmis du sens, comblez de desraison, Fols abusez, plains de descongnoissance, 5 Qui procurez contre vostre naissance, Vous soubzmettans a détestable mort Par lascheté, las ! que ne vous remort L'orribleté qui a honte vous maine ?
Voyez comment maint jeunes homs est mort 10 Par offencer et prendre autruy demaine.
Chascun en soy voye sa mesprison, Ne nous venjons, prenons en pacience ; Nous congnoissons que ce monde est prison Aux vertueux franchis d'impacience ;
i$ Battre, rouiller, pour ce n'est pas science, Tollir, ravir, piller, meurtrir a tort.
De Dieu ne chault, trop de verte se tort Qui en telz faiz sa jeunesse demaine, Dont a la fin ses poins doloreux tort
20 Par offencer et prendre autruy demaine.
Que vault piper, flater, rire en trayson, Quester, mentir, affermer sans fiance, Farcer, tromper, artifier poison,
i, i — il, 14 79
Vivre en pechié, dormir en deffiance 25 De son prouchain sans avoir confiance ?
Pour ce conclus : de bien faisons effort, Reprenons cuer, ayons en Dieu confort, Nous n'avons jour certain en la sepmaine ; De noz maulx ont noz parens le ressort 30 Par offencer et prendre autruy demaine.
Vivons en paix, exterminons discort ; Ieunes et vieulx, soyons tous d'ung accort :
La loy le veult, l'apostre le ramaine Licitement en l'epistre rommaine ; 35 Ordre nous fault, estât ou aucun port.
Notons ces poins ; ne laissons le vray port Par offencer et prendre autruy demaine.
[B. des II. — BALLADE
prwerbes.]
Tant grate chievre que mal gist, Tant va le pot a l'eau qu'il brise, Tant chauffe on le fer qu'il rougist,
4 Tant le maille on qu'il se debrise,
Tant vault l'homme comme on le prise, Tant s'eslongne il qu'il n'en souvient, Tant mauvais est qu'on le desprise,
8 Tant crie l'on Noël qu'il vient.
Tant parle on qu'on se contredist, Tant vault bon bruyt que grâce acquise, Tant promet on qu'on s'en desdist, 12 Tant prie on que chose est acquise,
Tant plus est chiere et plus est quise, Tant la quiert on qu'on y parvient,
Tant plus commune et moins requise, 16 Tant crie Ton Noël qu'il vient.
Tant ayme on chien qu'on le nourrist, Tant court chanson qu'elle est apprise, Tant garde on fruit qu'il se pourrist,
20 Tant bat on place qu'elle est prise, Tant tarde on que faut entreprise, Tant se haste on que mal advient, Tant embrasse on que chiet la prise,
24 Tant crie l'on Noël qu'il vient.
Tant raille on que plus on ne rit, Tant despent on qu'on n'a chemise, Tant est on franc que tout se frit,
28 Tant vault tient que chose promise,
Tant ayme on Dieu qu'on suit l'Eglise, Tant donne on qu'emprunter convient, Tant tourne vent qu'il chiet en bise,
?2 Tant crie l'on Noël qu'il vient.
Prince, tant vit fol qu'il s'avise, Tant va il qu'après il revient, Tant le mate on qu'il se ravise, 36 Tant crie l'on Noël qu'il vient.
[B. des . III. — BALLADE
menus propos.]
Je congnois bien mouches en let, Je congnois a la robe l'homme, Je congnois le beau temps du let, 4 Je congnois au pommier la pomme, Je congnois l'arbre a veoir la gomme, Je congnois quant tout est de mesmes,
ii, 15 — iv, 5 8i
Je congnois qui besongne ou chomme, 8 Je congnois tout, fors que moy mesmes.
Je congnois pourpoint au colet,
Je congnois le moyne a la gonne,
Je congnois le maistre au varlet, 12 Je congnois au voille la nonne,
Je congnois quant pipeur jargonne,
Je congnois fols nourris de cresmes,
Je congnois le vin a la tonne, 16 Je congnois tout, fors que moy mesmes.
Je congnois cheval et mulet,
Je congnois leur charge et leur somme,
Je congnois Bietris et Belet, 20 Je congnois get qui nombre et somme,
Je congnois vision et somme,
Je congnois la faulte des Boesmes,
Je congnois le povoir de Romme, 24 Je congnois tout, fors que moy mesmes.
Prince, je congnois tout en somme, Je congnois coulourez ou blesmes, Je congnois Mort qui tous consomme, 28 Je congnois tout, fors que moy mesmes.
[B. des IV. — BALLADE
contre vérités.]
Il n'est soing que quant on a fain, Ne service que d'ennemy, Ne maschier qu'ung botel de foing, 4 Ne fort guet que d'homme endormy , Ne clémence que felonnie,
Villon, Œuvres.
N'asseurence que de peureux, Ne foy que d'homme qui regnie, 8 Ne bien conseillé qu'amoureux.
Il n'est engendrement qu'en baing, Ne bon bruit que d'homme banny, Ne ris qu'après ung coup de poing,
12 Ne lotz que debtes mettre en ny,
Ne vraye amour qu'en flaterie, N'encontre que de maleureux, Ne vray rapport que menterie,
16 » Ne bien conseillé qu'amoureux.
Ne tel repos que vivre en soing, N'honneur porter que dire : « Fi ! », Ne soy vanter que de faulx coing,
20 Ne santé que d'homme bouffy,
Ne hault vouloir que couardie, Ne conseil que de furieux, Ne doulceur qu'en femme estourdie,
24 Ne bien conseillé qu'amoureux.
Voulez vous que verte vous die ?
Il n'est jouer qu'en maladie, Lettre vraye que tragédie, 28 Lasche homme que chevalereux,
Orrible son que mélodie, Ne bien conseillé qu'amoureux.
[B. contre les
ennemis de V. — BALLADE
la France.]
Rencontré soit de bestes feu getans, Que Jason vit, querànt la toison d'or ; Ou transmué d'homme en beste sept ans,
^ iv, 6 — v, 35 83
Ainsi que fut Nabugodonosor ;
Ou perte il ait et guerre aussi villaine 6 Que les Troyens pour la prinse d'Helaine ;
Ou avallé soit avec Tantalus
Et Proserpine aux infernaulx palus ;
Ou plus que Job soit en griefve souffrance,
Tenant prison en la tour Dedalus, 11 Qui mal vouldroit au royaulme de France !
Quatre mois soit en ung vivier chantans, La teste au fons, ainsi que le butor ; Ou au Grant Turc vendu deniers contàns, Pour estre mis au harnois comme ung tor ; Ou trente ans soit, comme la Magdalaine,
17 Sans drap vestir de linge ne de laine ; Ou soit noyé comme fut Narcisus, Ou aux cheveulx, comme Absalon, pendus Ou, comme fut Judas, par Desperance ; Ou puist périr comme Simon Magus,
22 Qui mal vouldroit au royaulme de France !
D'Octovien puist revenir le tems :
C'est qu'on luy coule au ventre son trésor ; .
Ou qu'il soit mis entre meules flotans
En ung moulin, comme fut saint Victor ;
Ou transglouty en la mer, sans aleine,
28 Pis que Jonas au corps de la baleine ; Ou soit banny de la clarté Phebus, Des biens Juno et du soûlas Venus, Et du dieu Mars soit pugny a oultrance, Ainsy que fut roy Sardanapalus,
35 Qui mal vouldroit au royaulme de France !
Prince, porté soit des serfs Eolus En la forest ou domine Glaucus ;
Ou privé soit de paix et d'espérance :
Car digne n'est de posséder vertus 38 Qui mal vouldroit au royaulme de France !
