Dans un petit coin

Quant sera ce ? — Quant seray hors d'enfance. — Plus ne t'en dis. — Et je m'en passeray. —

Que penses tu ? — Estre homme de valeur. — Tu as trente ans. — C'est l'aage d'ung mullet '. — Est ce enfance ? — Nennil. — C'est donc folleur Qui te saisist ? — Par ou ? — Par le collet ; Riens ne congnois. — Si fais : mouches en let ; L'ung est blanc, l'autre noir, c'est la distance ^. — • Est ce donc tout ? — Que veulx tu que je tance ? Se n'est assez, je recommenceray. — Tu es perdu ! — J'y mettray résistance. — Plus ne t'en dis. — Et je m'en passeray. —

J'en ay le dueil ; toy, le mal et douleur.

Se feusses ung povre ydiot et folet,

Encore eusses de t'excuser couleur :

Se n'as tu soing, tout t'est ung, bel ou let.

Ou la teste as plus dure qu'ung jalet >,

Ou mieulx te plaist qu'onneur ceste meschance !

Que respondras a ceste conséquence ? —

J'en seray hors quant je trespasseray. —

Dieu, quel confort ! — Quelle sage éloquence !

Plus ne t'en dis. — Et je m'en passeray. —

Dont vient ce mal ? — Il vient de mon maleur.

Quant Saturne me feist mon fardelet,

Ces maulx y meist, je le croy. — C'est foleur :

Son seigneur es, et te tiens son varlet.

Voy que Salmon escript en son rolet :

« Homme sage, ce dit il, a puissance

Sur planètes et sur leur influence. » 4 —

Je n'en croy riens ; tel qu'ilz m'ont fait seray. —

Que dis-tu ? — Dea ! certes, c'est ma créance. —

Plus ne t'en dis. — Et je m'en passeray.

1. La pièce date donc de 1461. — Voir les considérations sur la trentaine dans Christine de Pisan et le calendrier des livres d'Heures surtout. On disait, dans la langue populaire, un singe de trente ans, pour désigner un vieux rusé : « Vidistis ne ces escornifleux de botta dies qui sunt ita innocentes sicut simia triginta annorutn ». (Michel Menot, Sermones, 1530, fol. g6 ro. Il parle des accapareurs).

2. Cette pièce est vraisemblablement postérieure à la Ballade des menus propos : Je congnois bien motiscbes en let.