CHAPITRE XL

à boyre czà ! Aporte le fruict : ce sont chastaignes du boys d'Estrocz avec bon vin nouveau. Voy vous là composeur de petz, vous n'estez encores céans amoustillez. Par Dieu, je boy à tous guez, comme un cheval de promoteur I »

Gymnaste luy dist :

ce Frère Jean, ouslez ceste rouppie que vous pend au nez.

— Ha ! ha ! (dist le moyne) serois je en dangierde noyer, veu que suis en l'eau jusques au nez? Non, non. Quare? Quia elle en sort bien, mai poinct n'y entre, car il est bien antidote de pampre. O mon amy, qui auroit bottes d'hyver de tel cuir, hardiment pourroit il pescher aux huytres, car jamais ne prendroient eau.

— Pourquoy (dist Gargantua) est ce que Frère Jean a si beau nez?

— Parce (respondit Grandgousier) que ainsi Dieu l'a voulu, lequel nous faict en telle forme et telle fin, selon son divin arbitre, que faict un potier ses vaisseaulx.

— Parce (dist Ponocrates) qu'il feut des premiers à la foyre des nez. Il print des plus beaulx et plus grands.

— Trut avant (dist le moyne). Selon vraye philosophie monasticque, c'est parce que ma nourrice avoit les tetins moletz : en la laictant, mon nez v enfondroit comme en beurre, et là

s'eslevoit et croissoit comme la paste dedans la

met. Les durs tetins de nourrices font les

enfans camuz. Mais, guay, guay !

Ad forrnam nasi cognoscitur ad te

levavi...Je ne mange jamais

de confitures. Page, à

la humerie ! Item,

rousties ! »

Comment le moyne feist dormir

Gargantua, et de ses heures et

bréviaire.