CHAPITRE XLII 2 1 I

tenence du moyne et la forme dont il pendoit, et dist à Eudemon :

ce Vous avez mal rencontré, le comparant à Absalon, car Absalon se pendit par les cheveux; mais moyne, ras de teste, s'est pendu par les aureilles.

— Aydez moy (dist le moyne), de par le diable ! N'est il pas bien le temps de jazer ? Vous me semblez les prescheurs decretalistes, qui disent que quiconques voira son prochain en dangier de mort, il ledoibt, sus peine d'excommunication trisulce. plustoust admonnester de soy confesser et mettre en estât de grâce que de luy ayder. Quand doneques je les voiray tombez en la rivière et prestz d'estre noyez, en lieu de les aller quérir et bailler la main, je leur feray un beau et long sermon de contemptu mundi et fuga seculi, et, lorsqu'ilz seront roides mors, je les iray pescher.

— Ne bouge (dist Gymnaste), mon mignon, je te voys quérir, car tu es gentil petit monachus :

<( Monachus in claustro Non valet ova duo ; Sed, quando est extra Bene valet triginta.

« J'ay veu des pendus plus de cinq cens, mais je n'en veis oneques qui eust meilleure grâce en pendilant, et, si je l'avoys aussi

bonne, je vouldroys ainsi pendre toute ma vye. — Aurez vous (dist le moyne) tantost assez presché? Aidez moy de par Dieu, puisque de par l'Aultre ne voulez. Par l'habit que je porte, vous en repentirez tempore et loco prelibatis. » Allors descendit Gymnaste de son cheval, et montant au noyer, souleva le moyne par les goussetz d'une main, et de l'autre deffist sa visière du croc de l'arbre, et ainsi le laissa tomber en terre et soy après.

Descendu que feut, le moyne se deffist de

tout son arnoys et getta l'une pièce après

l'autre parmy le champ, et, reprenant son

baston de la croix, remonta sus son

cheval, lequel Eudemon avoit

retenu à la fuite. Ainsi s'en

vont joyeusement, te-

nans le chemin de

laSaullaye.

Comment l'escharmouche de Picro-

chole feut rencontré par Gargantua,

et comment le moyne tua le

capitaine Tyravant, et puis fut

prisonnier entre les ennemys.