Chapitre LXIIL
fK^^rul||
rcROCHOLE, à la relation de ceulx qui avoient évadé à la roupte, lors que Tripet fut estripé, feut esprins de grand courroux, ouyant que les diables avoient couru suz ses gens, et tint son conseil toute la nuict, auquel Hastiveau et Toucquedillon conclurent que sa puissance estoit telle qu'il pourroit défaire tous les diables d'enfer s'ilz y venoient, ce que Picrochole ne croyoit du tout, aussy ne s'en defioit il.
Pourtant envoya soubz la conduicte du conte Tyravant, pour descouvrir le pays, seize cens chevalliers, tous montez sus chevaulx legiers,
en escarmousche, tous bien aspergez d'eau beniste et chascun ayant pour leur signe uneestolle en escharpe, à toutes adventures, s'ilz rencontroient les diables, que par vertus tant de ceste eau Gringorienne que des estolles, yceulx feissent disparoir et esvanouyr. Coururent doncques jusques près La Vauguyon et la Maladerye,maisoncques ne trouvèrent personne à qui parler, dont repassèrent par le dessus, et en la loge et tugure pastoral, près le Couldray, trouvèrent les cinq pèlerins, lesquelz liez et baffouez emmenèrent comme s'ilz feussent espies, non obstant les exclamations, adjurations et requestes quilz feissent.
CHAPIIRE XLIII
Descendus de là vers Seuillé, furententenduz par Gargantua, lequel dist à ses gens :
« Compaignons, il y a icy rencontre, et sont en nombre trop plus dix foys que nous. Chocquerons nous sus eulx ?
— Que diable (dist le moyne) ferons nous doncq ? Estimez vous les hommes par nombre, et non par vertus et hardiesse ? » Puis s'escria : « Chocquons, diables, chocquons ! »
Ce que entendens, les ennemys pensoient certainement que feussent vrays diables, dont commencèrent fuyr à brideavallée, excepté Tyravant, lequel coucha sa lance en l'arrest et en ferut à toute oultrance
2l6 GARGANTUA
le moyne au milieu de la poictrine; mais, rencontrant le froc horrifique, rebouscha par le fer, comme si vous frappiez d'une petite bougie contre une enclume. Adoncq le moyne avec son baston de croix luy donna entre col et collet sus l'os acromion si rudement qu'il l'estonna etfeist perdre tout sens et movement, et tomba es piedz du cheval. Et, voyant l'estolle qu'il portoit en escharpe, dist à Gargantua :
« Ceulx cy ne sont que prebstres : ce n'est qu'un commencement de moyne. Par sainct Jean, je suis moyne parfaict : je vous en tueray comme de mousches. »
Puis le grand gualot courut après, tant qu'il atrapa les derniers, et les abbastoit comme seille, frapant à tors et à travers.
Gymnaste interrogea sus l'heure Gargantua s'ilz les debvoient poursuyvre. A quoy dist Gargantua :
« Nullement, car, selon vraye discipline militaire, jamais ne fault mettre son ennemy en lieu de desespoir, parce que telle nécessité luy multiplie sa force et accroist le couraige qui jà estoit deject et failly, et n'y a meilleur remède de salut à gens estommiz et recreuz que de ne espérer salut aulcun. Quantes victoires ont esté tolluesdes mains des vaincqueurs par les vaincuz, quand il ne se sont contentés de raison, mais ont attempté du tout mettre à
