CHAPITRE XLV

— 0(distGrandgousier)pauvres gens, estimez vous que la peste vienne de sainct Sébastian?

— Ouy vrayement (respondît Lasdaller), noz prescheurs nous l'afferment.

— Ouy ? (dist Grandgousier) les faux prophètes vous annoncent ilz telz abuz ? Blasphèment ilz en ceste façon les justes et sainctz de Dieu qu'ilz les font semblables aux diables, qui ne font que mal entre les humains, comme Homère escript que la peste fut mise en Toust des Gregoys par Apollo, et comme les poètes faignent un grand tas de Vejoves et dieux malfaisans ? Ainsi preschoit à Sinays un caphart que sainct Antoine mettoit le feu es jambes, sainct Eutrope faisoit les hydropiques, sainct Gildas les folz, sainct Genou les gouttes. Mais je le puniz en tel exemple, quoy qu'il me appellast hérétique, que depuis ce temps caphart quiconques n'est auzé entrer en mes terres, et m'esbahys si vostre roy les laisse prescher par son royaulme telz scandales, car plus sont à punir que ceulx qui, par art magicque ou aultre engin, auroient mis la peste par le pays. La peste ne tue que le corps, mais telz imposteurs empoisonnent les âmes. »

Luy disans ces parolles, entra le moyne tout délibéré, et leurs demanda:

« Dont este vous, vous aultres pauvres hayres ?

— De Sainct Genou, dirent ilz. i5

— Et comment (dist le moyne) se porte l'abbé Tranchelion, le bon beuveur ? Et les moynes, quelle chère font ilz? Le cor Dieu ilz biscotent voz femmes, ce pendent que estes en romivage !

— Hin hen ! (dist Lasdaller) je n'ay pas peur de la mienne, car qui la verra de jour ne se rompera jà le col pour l'aller visiter la nuict.

— C'est (dist le moyne) bien rentré de picques ! Elle pourroit estre aussi layde que Proserpine, elle aura, par Dieu, la saccade puisqu'il y a moynes autour, car un bon ouvrier mect indifferentement toutes pièces en œuvre. Qjue j'aye la verolle en cas que ne les trouviez engroissées à vostre retour, car seulement l'ombre du clochier d'une abbaye est féconde.

— C'est (dist Gargantua) comme l'eau du Nile en Egypte, si vous croyez Strabo ; et Pline lib. vij, chap. iij, advise que c'est de la miche, des habitz et des corps. »

Lors dist Grandgousier :

« Allez vous en, pauvres gens, au nom de Dieu le créateur, lequel vous soit en guide perpétuelle, et dorénavant ne soyez faciles à ces otieux et inutilles voyages. Entretenez voz familles, travaillez, chascun en sa vocation, instruez vos enfans, et vivez comme vous enseigne le bon apostre sainct Paoul. Ce faisans, vous aurez la garde de Dieu, des anges et