Chapitre XLV

ESTEescannouche parachevée, se retyra Gargantua avecques ses gens, excepté le moyne, et sus la poincte du jour se rendirent à Grandgousier, lequel en son lict prioit Dieu pour leur salut et victoire, et, les voyant tous saultz et entiers, les embrassa de bon amouret demanda nouvelles du moyne. Mais Gargantua luy respondit que sans doubte leurs ennemys avoient le moyne. « Hz auront (dist Grandgousier) doncques maie encontre,» ce que avoit esté bien vray. Pourtant encores est le proverbe en usaige de bailler le moyne â quel' cun. Adoncques commenda qu'on aprestast très bien à déjeuner pour les refraischir. Le tout apresté, l'on appella Gargantua; mais tant luy grevoit de ce que le moyne ne comparoit aucunement, qu'il ne vouloit nyboyre ny manger

Tout soubdain le moyne arrive et, des laporte de la basse court, s'escria :

a Vinfrays, vin frays, Gymnaste, mon amy !»

Gymnaste sortit etveitque c'estoit Frère Jean qui amenoit cinq pèlerins et Toucquedillon prisonnier. Dont Gargantua sortit au davant, et luy feirent le meilleur recueil que peurent, et le menèrent davant Grandgousier, lequel l'interrogea de toute son adventure. Le moyne luy disoit tout, et comment on l'avoit prins, et comment il s'estoit deffaict des archiers, et la boucherie qu'il avoit faict par le chemin, et comment il avoit recouvert les pèlerins et amené le capitaine Toucquedillon. Puis se mirent à bancqueter joyeusement tous ensemble.

Ce pendent Grandgousier interrogeoit les pèlerins de quel pays ilz estoient. dont il venoient et où ilz alloient.

Lasdaller pour tous respondit :

« Seigneur, je suis de Sainct Genou en Berry ; cestuy cy est de Paluau ; cestuy cy est de Onzay ; cestuy cy est de Argy ; et cestuy cy est de Villebrenin. Nous venons de Sainct Sébastian près de Nantes, et nous en retournons par noz petites journées.

— Voyre, mais(dist Grandgousier) qu'alliez vous faire à Sainct Sébastian?

— Nous allions (distLasdaller)luy offrir noz votes contre la peste.