CHAPITRE V

platz netz. — J'ay la parolle de Dieu en bouche : Sitio. — La pierre dicte ào-fka-ioç n'est plus inextinguible que la soif de ma Paternité. — L'appétit vient en mangeant, disoyt Angest on Mans; la soif s'en va en beuvant. — Remède contre la soif? — Il est contraire à celluy qui est contre morsure de chien : courrez tousjours après le chien, jamais ne vous mordera; beuvez tousjours avant la soif, et jamais ne vous adviendra. — Je vous y prens, je vous resveille. Sommelier éternel, guarde nous de somme. Argus avoyt cent yeulx pour veoir; cent mains fault à un sommelier, comme avoyt Briareus, pour infatigablement verser. — Mouillons, hay, il faict beau seicher! — Du blanc! Verse tout, verse de par le diable! Verse deçà, tout plein : la langue me pelle.

— Lans, tringue ! — A toy, compaing ! De hayt, de hayt! — Là! là ! là ! C'est morfiaillé, cela. — O lachryma Christi ! — C'est de La Deviniere, c'est vin pineau! — O le gentil vin blanc ! ■ — Et, par mon ame, ce n'est que vin de tafetas. — Hen, hen, il est à une aureille, bien drappé et de bonne laine. — Mon compaignon, couraige! — Pour ce jeu nous ne voulerons pas, car j'ay faict un levé. — Ex hoc in hoc. Il n'y a poinct d'enchantement ; chascun de vous l'a veu ;je y suis maistre passé.

— A brum! A brum ! je suis prebstre Macé.

— O les beuveurs! O les altérez! — Paige,

mon amy, emplis icy et couronne le vin, je

te pry. — A la Cardinale! — Natura ab-

horret vacuum. — Diriez vous q'une

mouche y eust beu ? — A la mode

de Bretaigne ! — Net, net,

à ce pyot! — Avaliez,

ce sont herbes! »

Comment Gargantua nasquit en façon bien estrange.