CHAPITRE V
secz boyaulx ! — Pour néant boyt qui ne s'en sent. — Cestuy entre dedans les venes ; la pissotière n'y aura rien. — Je laveroys voluntiers les tripes de ce veau que j'ay ce matin habillé. — J'ay bien saburré mon stomach. — Si le papier de mes schedules beuvoyt aussi bien que je foys, mes créditeurs auroient bien leur vin quand on viendroyt à la formule de exhiber. — Ceste main vous guaste le nez. — Oquants aultres y entreront avant que cestuy cy en sorte ! — Boyre à si petit gué, c'est pour rompre son poictral. — Cecy s'appelle pipée à flaccons. — Quelle différence est entre bouteille etflaccon? — Grande, car bouteille est fermée à bouchon, etflaccon àviz. — De belles!
— Nos pères beurent bien et vuiderent les potz. — C'est bien chié chanté. Beuvons !
— Voulez vous rien mander à la rivière ? Cestuy cy va laver les tripes. — Je ne boy en plus q'une esponge. — Je boy comme un templier. — Et je tanquam sponsus. — Et moy sicut terra sine aqua. — Un synonyme de jambon? — C'est une compulsoire de beuvettes ; c'est un poulain. Par le poulain on descend le vin en cave; par le jambon en Testomach. — Or çà, à boire, boire çà ! Il n'y a poinct charge. Respice personam ; pone pro duos; bus non est in usu. — Si je montois aussi bien comme j'avalle, je feusse pieçà hault en l'aer. — Ainsi
se feist Jacques Cueur riche. — Ainsi profitent boys en friche. — Ainsi conquesta Bacchus l'Inde. — Ainsi philosophie Melinde. — Petite pluye abat grand vend. Longues beuvettes rompent le tonnoire. — Mais, si ma couille pissoit telle urine, la vouldriez vous bien sugcer? — Je retiens après. — Paige, baille; je t'insinue ma nomination en mon tour. — Hume, Guillot ! Encores y en a il un pot. — Je me porte pour appellant de soif comme d'abus, Paige, relieve mon appel en forme. — Ceste roigneure ! — Je souloys jadis boyre tout; maintenant je n'y laisse rien. — Ne nous hastons pas et amassons bien tout. — Voycy trippes de jeu et goudebillaux d'envy de ce fauveau à la raye noire. O, pour Dieu, estrillons le à profkt de mesnaige ! — Beuvez, ou je vous.., — Non, non! — Beuvez, je vous en prye. — Les passereaux ne mangent sinon que on leurs tappe les queues; je ne boy sinon qu'on me flatte. — Lagona edatera! Il n'y a raboulliere en tout mon corps où cestuy vin ne furette la soif. — Cestuy cy me la fouette bien. — Cestuy cy me la bannira du tout. — Cornons icy, à son de flaccons et bouteilles, que quiconques aura perdu la soif ne ayt à la chercher céans : longs clysteres de beuverie l'ont faict vuyder hors le logis. — Le grand Dieu feist les planettes et nous faisons les
