CHAPITRE LIV

Ny vous, gualous, verollez jusque à Tous : Portez vos loups ailleurs paistre en bonheur, Croustelevez, remplis de deshonneur.

Honneur, los, deduict, Céans est deduict Par joyeux acords ; Tous sont sains au corps ; Par ce bien leur dict Honneur, los, deduict.

Cy entrez, vous, et bien soyez venuz

Et parvenuz, tous nobles chevaliers !

Cy est le lieu où sont les revenuz

Bien advenuz, affin que entretenuz,

Grands et menuz, tous soyez à milliers.

Mes familiers serez et peculiers,

Frisques, gualliers, joyeux, plaisans, mignons,

En gênerai tous gentilz compaignons.

Compaignons gentilz,

Serains et subtilz,

Hors de vilité,

De civilité

Cy sont les oustilz,

Compaignons gentilz.

Cy entrez, vous, qui le sainct Evangile En sens agile annoncez, quoy qu'on gronde : Céans aurez un refuge et bastille Contre l'hostile erreur, qui tant postille

Par son faulx stile empoizonner le monde; Entrez, qu'on fonde icy la foy profonde, Puis qu'on confonde, et par voix et par rolle, Les ennemys de la saincte parolle !

La parolle saincte Jà ne soit extaincte En ce lieu très sainct ; Chascun en soit ceinct ; Chascune ayt enceincte La parolle sainte.

Cy, entrez, vous, dames de hault paraige ! En franc couraige entrez y en bon heur, Fleurs de beaulté à céleste visaige, A droict corsaige, a maintien prude et saige : En ce passaige est le séjour d'honneur. Le haut seigneur, qui du lieu fut donneur Et guerdonneur, pour vous Ta ordonné, Et pour frayer a tout prou or donné.

Ordonné par don Ordonne pardon A cil qui le donne, Et très bien guerdonne Tout mortel preud'hom Or donné par don.

Comment estoit le manoir des The-

lemites.