CHAPITRE LVIII
Car les grans eaulx dont oyez deviser Feront chascun la retraite adviser ; Et toutesfoys, devant le partement, On pourra veoir en l'air apertement L'aspre chaleur d'une grand flamme esprise Pour mettre à fin les eaulx et l'entreprise. Reste, en après ces accidens parfaictz, Que les esleuz, joyeusement refaictz, Soient de tous biens et de manne céleste, Et d'abondant par recompense honeste Enrichiz soient; les aultres en la fin Soient denuez. C'est la raison, affln Que, ce travail en tel poinct terminé, Un chascum ayt son sort prédestiné.
Tel feut l'accord. O qu'est à révérer Cil qui en fin pourra persévérer.
La lecture de cestuy monument parachevée, Gargantua souspira profondement, et dist es assistans :
« Ce n'est de maintenant que les gens reduictz à la créance Evangelique sont persécutez ; mais bien heureux est celluy qui ne sera scandalizé et qui tousjours tendra au but au blanc que Dieu par son cher Filz nous a prefix, sans par ses affections charnelles estre distraict ny diverty. »
Le moyne dist :
<r Que pensez vous, en vostre entendement, estre par ceste énigme designé et signifié ?
— Quoy ? (dist Gargantua) le decours et maintien de vérité divine.
— Par sainct Goderan ! (dist le moyne), telle n'est mon exposition : le stile est de Merlin le Prophète. Donnez y allégories et intelligences tant graves que vouldrez, et y ravassez, vous et tout le monde, ainsy que vouldrez. De ma part, je n'y pense aultre sens enclous q'une description du jeu de paulme soubz obscures parolles. Les suborneurs de gens sont les faiseurs de parties, qui sont ordinairement amys et, après les deux chasses faictes, sort hors le jeu celluy qui y estoyt et l'aultre y entre. On croyt le premier qui dict si l'esteuf est sus ou soubz la chorde. Les eaulx sont les sueurs; les chordes des raquestes sont faictes de boyaux de moutons ou de chèvres; la machine ronde est la pelote ou l'esteuf. Apres le jeu, on se refraischit devant un clair feu, et change l'on de chemise, et voluntiers bancquete l'on, mais plus joyeusement ceulx qui ont guaingné. Et grand chère! »
Pages
La vie treshorrificojje du grand Gargantua, père de Pantagruel ni
Aux lecteurs iv
Prologe de l'auteur i
