CHAPITRE X

prieté et ordre specificque, que au leon. Plus dict que en forme léonine ont esté diables souvent veuz, lesquelz à la présence d'un coq blanc soubdainement sont disparuz.

Ce est la cause pourquoy Galli (ce sont les Françoys, ainsi appeliez parce que blancs sont naturellemen t corn me laict que les Grecz nomme Y«Xa) voluntiers portent plumes blanches sus leurs bonnetz ; car par nature ilz sont joyeux, candides, gratieux et bien amez, et pour leur symbole et enseigne ont la fleur plus que nulle aultre blanche : c'est le lys.

Si demandez comment par couleur blanche nature nous induict entendre joye et liesse, je vous responds que l'analogie et conformité est telle. Car — comme le blanc exteriorement disgrege et espart la veue, dissolvent manifestement les espritz visifz, selon l'opinion de Aristoteles en ses Problèmes, et les perspectifz (et le voyez par expérience quand vous passez les montz couvers de neige, en sorte que vous plaignez de ne pouvoir bien reguarder, ainsi que Xenophon escript estre advenu à ses gens, et comme Galen expose amplement, lib. x, De usu partium) — tout ainsi le cueur par joye excellente est interiorement espart et patist manifeste resolution des esperitz vitaux; laquelle tant peut estre acreue que le cueur demoureroit spolié de son entretien, et par con-

sequent seroit la vie estaincte par ceste perichairie, comme dict Galen, lib. xij Metho., li. v, De lacis affectis, et li. ij, De symptomaton causis, et comme estre au temps passé advenu tesmoignent Marc Tulle, li. j. Quxstio. Tuscul., Verrius, Aristoteles, Tite Live, après la bataille de Cannes, Pline, lib. vij, c. xxxij et liij, A. Géllius, li.tij, xv., et aultres, à Diagoras Rodien, Chilo, Sophocles, Diony, tyrant de Sicile, Philippides, Philemon, Polycrata, Philistion, M. Juventi et aultres qui moururent de joye, et comme dict Avicenne (in ij canone et lib. De Viribus cordis) du zaphran, lequel tant esjouit le cueur qu'il le despouille de vie, si on en prend en dose excessifve, par resolution et dilatation superflue. Icy voyez Alex. Aphrodisien, lib. primo Problematum, c. xix. Et pour cause.

Mais quoy ! j'entre plus avant en ceste matière que ne establissois au commencement. Icy doncques calleray mes voilles, remettant le

reste au livre en ce consommé du tout, et diray en un mot que le bleu signifie certainement le ciel et choses celestes, par mesmes symboles que le blanc signifioit joye et plaisir.

De l'adolescence de Gargantua.