CHAPITRE XIX

Omnis clocha clochabilis, in clocherio clochando, clochans clochativo clochare facit clochabiliter clochantes. Parisius habet clochas. Ergo gluc.

« Ha, ha, ha, c'est parlé cela ! Il est in tertio prime, en Darii ou ailleurs. Par mon ame, j'ay veu le temps que je faisois diables de arguer, mais de présent je ne fais plus que resver, et ne me fault plus dorénavant que bon vin, bon lict, le dos au feu, le ventre à table et escuelle bien profonde.

« Hay, Domine, je vous pry, in nomine Patris et Filii et Spiritus Sancti, amen, que vous rendez nos cloches, et Dieu vous guard de mal, et Nostre Dame de Santé, qui vivit et régnât per omnia secula seculorum, amen. Hen, hasch,ehasch, grenhenhasch !

« Verum enim vero, quando quidem, dubio procul, edepol, quoniam, ita certe, meus Deus fidus, une ville sans cloches est comme un aveugle sans baston, un asne sans cropiere, et une vache sans cymbales. Jusques à ce que nous les ayez rendues, nous ne cesserons de crier après vous comme un aveugle qui a perdu son baston, de braisler comme un asne sans cropiere, et de bramer comme une vache sans cymbales.

« Un quidam latinisateur, demourant près l'Hostel Dieu, dist une foys, allegant l'autorité d'ung Taponnus, — je faulx : c'estoit Pon-

tanus, poète séculier, — qu'il desiroit qu'elles feussent de plume et le batail feust d'une queue de renard, pource qu'elles luy engendroient la chronique aux tripes du cerveau quand il composoit ses vers carminiformes. Mais, nac petitin petetac, ticque, torche, lorne, il feut declairé hereticque ; nous les faisons comme de cire. Et plus n'en dict le déposant. Valete et plandite. Calepinusrecensui. »

Comment le sophiste emporta son

drap, et comment il eut procès

contre les aultres maistres.