Chapitre XIX
Ihen, hen, h en ! Mna dies, Monsieur, mna aies, et vobis, Messieurs. Ce ne seroyt que bon que nous rendissiez noz cloches, car elles nous font bien besoing. Hen, hen, hasch.'Nous en avions bien aultresfoys refusé de bon argent de ceulx de Londres en Cahors, sy avions nous de ceulx de Bourdeaulx en Brye, qui les vouloient achapter pour la substantificque qualité de la complexion élémentaire que est intronificquée en la terresterité de leur nature quidditative pour extraneizer les halotz et les turbines suz noz vignes, vrayment non pas nostres, mais d'icy auprès; car, si nous perdons le piot, nous perdons tout, et sens et loy.
« Si vous nous les rendez à ma requeste,
je y guaigneray six pans de saulcices et une bonne paire de chausses que me feront grant bien à mes jambes, ou ilz ne me tiendront pas promesse. Ho ! par Dieu, Domine une pair de chausses est bon, et vir sapiens non abhorrebit eam. Ha! ha ! il n'a pas de pair de chausses qui veult, je le sçay bien quant est de moy ! Advisez, Domine \ il y a dix huyt jours que je suis à matagraboliser ceste belle harangue : Reddite que sunt Cesaris César i, et que sunt Dei Deo. Ibi jacet lepus.
« Par ma foy, Domine, si voulez souper avecques moi in caméra, par le corps Dieu ! charitatis, nos faciemus bonum chérubin. Egooccidi unum porcum, et ego habet bon vino. Mais de bon vin on ne peult faire maulvais latin.
« Or sus, de parte Dei, date nobis clochas nostras. Tenez, je vous donne de par la Faculté ung Sermones de Utino que, utinam, vous nous baillez nos cloches. Vultis etiam pardonos ? Per diem, vos habebitis et nihil poyabitis.
« O Monsieur ZtojmW, clochidonnaminor nobis! Dea, est bonum urbis. Tout le monde s'en sert. Si vostre jugement s'en trouve bien, aussi faict nostre Faculté, que comparata est jumentis insipientibus et similis fact a est eis, psalmo nescio quo... Si l'avoys je bien quotté en mon paperat, et est unum bonum Achilles. Hen, hen, ehen, hasch!
« Ça ! je vous prouve que me les doibvez bailler. Ego sic argument or :
