CHAPITRE XXVII I
sainct Mesmes de Chinon, à sainct Martin de Candes, à sainct Clouaud de Sinays, es reliques de Javrezay et mille aultres bons petitz sainctz.
Les ungs mouroient sans parler, les aultres parloient sans mourir. Les ungs mouroient en parlant, les aultres parloient en mourant.
Les aultres crioient à haulte voix: « Confession ! Confession! Confit eor ! Miserere! In manus ! »
Tant fut grand le cris des navrez que le prieur de l'abbaye avec tous ses moines sortirent, lesquelz, quand apperceurentces pauvres gens ainsi ruez parmy la vigne et blessez à mort, en confessèrent quelques ungs. Mais, ce pendent que les prebstres se amusoient à confesser, les petits moinetons coururent au lieu où estoit Frère Jean et luy demandèrent en quoy il vouloit qu'ilz luy aydassent. A quoy respondit qu'ilz esguorgetassent ceulx qui estoient portez par terre. Adoncques, laissans leurs grandes cappes sur une treille au plus près, commencèrent esgourgeter et achever ceulx qu'il avoit desjà meurtriz. Sçavez vous de quelz ferremens ? A beaulx gouvetz, qui sont petitz demy cousteaux dont les petitz enfans de nostre pays cernent les noix.
Puis à tout son baston de croix guaingna la brèche qu'avoient faict les ennemys. Aulcuns des moinetons emportèrent les enseignes
et guydons en leurs chambres pour en faire des jartiers. Mais, quand ceulx qui s'estoient confessez vouleurent sortir par icelle bresche, le moyne les assommoit de coups disant :
« Ceulx cy sont confès et repentans, et ont guaigné les pardons, ilz s'en vont en paradis, aussy droict comme une faucille et comme est le chemin de Faye. »
Ainsi, par sa prouesse, feurent desconfiz tous ceulx de l'armée qui estoient entrez dedans le clous, jusques au nombre de treze mille six cens vingt et deux, sans les femmes et petitz enfans, cela s'entend tousjours. Jamais Maugis, hermite, ne se porta sy vaillamment à tout son bourdon contre les Sarrasins, desquelz est escript es gestes des quatre filz Haymon, comme feist le moine à rencontre des ennemys avec le baston de la croix.
Comment Picrochole print dassault
La Roche Clermauld, et le regret
et difficulté que feist Grand-
gousier de entreprendre
guerre.
