Chapitre XXXII

mm&è^m

tant se teut le bon homme Gallet ; mais Picrochole à tous ses propos ne respond aultre chose sinon : « Venez lesquerir, venez les querir.Ilz ont belle couille et molle. Hz vous braveront de la fouace. »

Adoncques retourne vers Grandgousier, lequel trouva à genous, teste nue, encline en un petit coing de son cabinet, priant Dieu qu'il vouzist amollir la cholere de Picrochole et le mettre au poinct de raison, sans y procéder par force. Quand veit le bon homme de retour, il luy demanda:

« Ha! mon amy, mon amy, quelles nouvelles m'apportez vous ?

— Il n'y a (dist Gallet) ordre ; cest homme est du tout hors du sens et délaissé de Dieu.

— Voyre mais (dist Grandgousier), mon amy, quelle cause prétend il de cest excès?

léo GARGANTUA

— 11 ne me a (dist Gallet) cause queconques exposé, sinon qu'il m'a dict en cholere quelques motz de fouaces. Je ne sçay si l'on auroit poinct faict oultrage à ses fouaciers.

— Je le veulx (dist Grandgousier) bien entendre davant qu'aultre chose délibérer sur ce que seroit de faire. »

Alors manda sçavoir de cest affaire, et trouva pour vray qu'on avoit prins par force quelques fouaces de ses gens et que Marquet avoit repceu un coup de tribard sus la teste; toutesfoys que le tout avoit esté bien payé et que le dict Marquet avoit premier blessé Forgier de son fouet par les jambes. Et sembla à tout son conseil que en toute force il se doibvoit défendre. Ce non ostant dist Grandgousier :

« Puis qu'il n'est question que de quelques fouaces, je essayeray le contenter, car il me desplait par trop de lever guerre. »

Adoncques s'enquesta combien on avoit prins de fouaces, et, entendent quatre ou cinq douzaines, commenda qu'on en feist cinq charretées en icelle nuict, et que l'une feust de fouaces faictes à beau beurre, beau moyeux d'eufz, beau saffran et belles espices pour estre distribuées à Marquet, et que pour ses interestz il luy donnoit sept cens mille et troys philippus pour payer les barbiers qui l'auroient pen-