CHAPITRE XXXII I

veux je advenir. Nous sommes icy assez mal avituaillezetpourveuz maigrement des harnoys de gueule. Si Grandgousier nous mettoit siège, des à présent m'en irois faire arracher les dents toutes, seulement que troys me restassent, autant, à voz gens comme à moy : avec icelles nous n'avangerons que trop à manger noz munitions.

— Nous, dist Picrochole, n'aurons que trop mangeailles. Sommes nous icy pour manger ou pour batailler ?

— Pour batailler, vrayment, dist Toucquedillon ; mais de la pance vient la dance, et où faim règne, force exule.

— Tant jazer! dist Picrochole. Saisissez ce qu'ilz ont amené. »

Adoncques prindrent argent et fouaces et beufz et charrettes, et les renvoyèrent sans mot dire, sinon que plus n'aprochassent de si près pour la cause qu'on leur diroit demain. Ainsi sans rien faire retournèrent devers Grandgousier, et luy contèrent le tout, adjoustans qu'il n'estoit aulcun espoir de les tirer à paix, sinon à vive et forte guerre.

Comment certains gouverneurs de

Picrochole, par conseil précipité,

le mirent au dernier péril.