CHAPITRE XXXVIII

font les micquelotz, se mirent en franchise l'orée des dentz. Mais, par malheur, l'un d'eux, tastant avecques son bourdon le pays à savoir s'ilz estoient en sceureté, frappa rudement en la faulte d'une dent creuse et ferut le nerf de la mandibule, dont feist très forte douleur à Gargantua, et commença crier de rage qu'il enduroit. Pour doncques se soulager du mal, feist aporter son curedentz et, sortant vers le noyer grollier, vous denigea Messieurs les pèlerins. Car il arrapoit l'un par les jambes, î'aultre par les espaules, l'aultre par la bezace, l'autre par la foilluze, l'autre par l'escharpe, et le pauvre haire qui l'avoit féru du bourdon, le accrochea par la braguette ; toutesfoys ce luy fut un grand heur, car il luy percea une bosse chancreuze qui le martyrisoit depuis le temps qu'ilz eurent passé Ancenys.

Ainsi les pèlerins denigez s'enfuyrent à travers la plante à beau trot, et appaisa la douleur.

En laquelle heure feut appelle par Eudemon pour soupper, car tout estoit prest :

« Je m'en voys doncques (dist il) pisser mon malheur. »

Lors pissa si copieusement que l'urine trancha le chemin aux pèlerins, et furent contrainctz passer la grande boyre. Passans de là par l'orée de la Touche, en plain chemin tom-

berent tous, excepté Fourmilier, en une trape qu'on avoit faict pour prandre les loups à la trainnée, dont escapperent moyennant l'industrie dudict Fourmilier, qui rompit tout les lacz et cordages. De là issus, pour le reste de celle nuyct couchèrent en une loge près le Couldray, et là feurent reconfortez de leur malheur par les bonnes parolles d'un de leur compaignie, nommé Lasdaller. lequel leur remonstra que ceste adventure avoit esté predicte par David Ps *

« Cum exurgerent homines in nos, forte vivos déglutissent nos, quand nous feusmes mangez en salade au grain du sel ; cum irasceretur fur or eorum innos,forsitan aqua absorbuisset nos, quand il beut le grand traict ; torrentem pertransivit