JJ

Suens fu Montaspres, s’en tint les heritez.

Et Hautefoille , celle noble frétez ;

En Alemaingne ravoit grans poestez.

De par sa famé tenoit quatre citez ,

Et .x. chastiaus et autant fermetez;

Bien puet en ost .11. mil homes mener,

A cleres armes , à destriers sejornez.

Un jor s’en vint fors de l’ost déporter Par defors Nobles , por les murs esgarder :

Li empereres i fist s’ost sejorner.

Bien furent .vu. de cel mal parenté.

Qui tuit sont conte, duc et demainne et per; Puient .1. tertre, s’ont un val avalé,

En un broillet là se sont arresté.

L’ost de France ont véu et esgardé ,

Si corn il sont à Nobles la cité.

De .in. grans lieues ne sevent tant garder De nulle part , par terre ne sor mer,

Que onques voient fors pavillons et très. TRiebaus les voit , si commence à panser ; Par maintes fois prinst coulor à muer.

Dist Auloris : « Or avez moult pansé ;

« Moult est li rois de grant nobilité. » Thiebaus respont : « Je ne le puis amer :

« Par maintes fois a fait mon cuer irer,

« No lingnaige ahoni et vergondé,

« Gane, mon frere, fist ardoir en .i. ré « Sor Rochepure , et tout discipliner,

« Et Pynabel, mon neveu l’alosé,

« Fist il à coes de chevax traïnner.

« Mal soionz nous de si haut parenté,

« Quant ne l’avons murtri et estrainglé.

« Qui no lingnaige auroit bien assamblé « Par touz les lieus où il a poesté ,

« Toz li plus povres, qui mains porroit mander,

« Porroit en ost .nm. homes mener,

« A cleres armes , à destriers sejomez. »

Dist Auloris : « Tout ce laissiez ester ;

« Ce fait Gaydons , nostre annemis mortex,

« Il et ses oncles , dus Naynmes Ii senez ,

« Et li Danois, cui Dex puist mal donner!

« Cil sont dou roi del tout issi privé « Que ses conseuls ne puet sans euls finer.

« Véez lor tentes (toz les confonde Dés!)

« Corn il sont prez de cel demainne tref.

« Mais qui porroit .1. bon conseil donner,

« Que poissiens Gaydon au roi mesler,

« Nostre annem^ qui tant noz a grevé ,

« Si le noz die, por Deu de majesté. »

Thiebaus a dit : « Or oiez mon pansé :

« Quant fui petis , dès que je soi alèr,

« Mis fui as laittres, por iestre plus senez ;

« A Saint Denis fui bailliez à l’abé,

« Le plus saige home de la crestienté.

« Mes oncles fu , si m’ot en grant cherté ;

« Plus savoit d’art et de l’autorité « De nyngremance, plus que hom qui soit nés. « Tant m’en aprinst que g’en soi à plenté ;

« Car aprez lui cuida que fuisse abez ,

« Ou à Paris à evesques posez.

« Canes mes freres ne le volt endurer :

« En Espolisce me fist à lui mander,

« Là me fist il chevalier adouber,

« Et me donna Montaspre an hérité ,

« Et Hautefoille, qui tant fait à loer.

« Encor n’ai pas mon grant sen oublié « Encor ai je tel herbe mecinnel « En .1. escring, en mon demainne tref,

« Qui l’averoit en un mortier triblé,

« Et de blanc vin si l’éust destrempé t « On en porroit parmains si meciner tf Dex ne fist home qui de mere soit nés ,

« S’il en avoit .i. poi le col passé ,

« Confession li léust demander,

« Les iex dou chief ne li face voler,

« Le cuer dou ventre et partir et sevrer, cf G’en ferai ja ,i. bel présent porter « A Karlemaine , nostre emperere ber, c< De par Gaydon cui il puet tant amer, cc 11 n’i a home où miex se puist fier; cc II l’ainme tant, ne s’en porra garder c< Qu’il n’en menjust : ce porra lui peser, ce Lors sera mors, ne porra plus'durer. cc Roi me ferez en France coronner; cc Si voz donfai les riches heritez , cf Orliens, et Rains, et Biauvais la cité.

<f Nostre annemi sont en mal an entré :

« Ogiers et Naynmes seront ars en un ré » ce Gaydes sera à chevax traïnnez. »

Et cil respondent : ce Or avez bien parlé ; ce Cist conseuls iert tenus et créantez. >»

A ces paroles ont le pui avalé,

Isnellement en sont venu as très.

Son seneschal a Thiebaus apellé :

« Amis , fait il , mon tref me délivrez , ce Que n’i demort nus hom de mere nés , cf Ne clers , ne prestres , ne moinnes , ne abez ; c« Et voz méismez voz irez déporter,

<f Car tel mal ai que je ne puis durer.

— - Sire , fait cil , si corn voz commandez. »

Li seneschaus fist le tref délivrer ;

Li traïtor s’assistrent lez à lez.

isa— ij| GAYDON.

Thiebaus lor va les herbes aporter ;

En .1. mortier les ont fait pesteler,

Et de blanc vin l’ont moult tost destrempé. Trente parmains en ont si mecinez Dex ne fist home qui de mere soit nés ,

S’il en avoit .1. poi le col passé,

Confession li léust demander,

Les iex dou chief ne li face voler.

Le cuer dou ventre et partir et sevrer.

Dist Auloris : « Seignor, or faitez pais : « Prennez .!. mes que ne voionz jamais,

« Qufde parler soit saiges et entais,

« Si l’envoions à l’emperéor d’Ais.

« Les parmains port , si noz aura refais « De par Gaydon , à cui n’auronz ja pais « Devant adonc que il sera desfais. »

Thiebaus a dit, h traîtres mauvais :

« Dex voz en oie, li gloriouz, li vrais! » Auloris garde , li traîtres punais ,

Voit un garson qui fu et ors et lais ;

De la cuisinne ist lassez et estrais.

De la cuisinne ez issu le garson ,

.1. Prouvenciaus , qui le cuer ot félon.

Voit le Auloris , si l’a mis à raison :

« Amis , dit il , tes peres fu preudom ;

« Tu porteras cest présent à Karlon.

« Ne dire pas que nouz li envoionz,

« Mais de la part au riche duc Gaydon ,

« Le fil Joiffroy l’Angevin, le baron,

« Qu’il ainme mieus c’ommede sa maison.

« Au revenir, auraz gent guerredon :

« Je te donrai mon hermin pelison,

« Mon palefroi et mon esmerillon.

— Vostre merci , sire » , dist li garsons. Auloris prinst .1. bliaut à girons,

Vestir li fist sans point d’arrestison :

Plus bel ira au roial pavillon Sa raison dire, devant le roi Karlon.

Quant li garsons se fu appareilliez, Chauces de paile de cordoan chauciez,

Prent la toaille , à son col la pandié ,

Et prent la guiche , an destre poing la tient. An cheval monte , Auloris tint l’estrier ;

Au tref roial s’est li gars adreciez.

Par devant l’uis encontre .1. escuier :

« Amis , fait il , est or li rois couchiez ? »

Et cil respont que n’i volt atargier :

« Nenil, fait il , on le doit deschaucier ;

« Li chambellain parolent dou couchier.

— Amis , fait il , or tenez cest destrier,

« Tant que je aie icest présent baillié ;

« Se g’i gaaing , certez, mieus voz en ier.

— Vostre merci , sire » , dist Pescuiers.

Il descendi , et cil li tint l’estrier.

En maistre tref s’en vait li pautonniers , Treuve le roi et maint bon chevalier.

Quant il parla , bien fu qui Pentendié :

« Cil Danmledex , qui tout a à baillier,

« Cil saut le roi , par la soie pitié,

« Et avec lui ses privez conseilliers ,

« De par Gaydon, le fil Joiffroi d’Angiers ,

« Qui voz envoie dou fruit , si en mengiez. « Parmains i a , qui moult font à prisier,

« Et bon claré, qu’il n’a meillor soz ciel.

— Moult grans mercis, li rois li respondié.

« Le sien présent doi je moult avoir chier.

« Encor n’a gaires donna moi .xx. destriers ; « Par saint Denis , je li merirai bien.

— Sire, fait cil, orme donnez congié

« Qu’à mon seignor soie à son deschaucier.

— Amis, dist Karles, bien fait à otroier.

« Le matin soiez à mon appareillier :

« Se sers por armes , ferai toi chevalier ,

« Et se tu iez sergans d’autre mestier,

« Tant te donrai et argent et ormier « Toz tes lingnaiges i aura recovrier.

— Crans merci, sire », ce dist li pautonniers Isnellement revint à l’escuier,

Tost est montez , et cil li tint l’estrier.

Au tref Thiebaut est li gloz repairiez ;

Mais Auloris à l’encontre li vient ,

L’un de ses bras au col li a ploié :

« Amis , dist il , comment as esploitié ?

— En non Deu , sire , ce dist li garsons, bien « [frLe claré] vi de main en main puirier

« Et les parmains donner as chevaliers. »

Dist Auloris : « Tu as bien esploitié. »

.1. parmain tint que il ot afaitié :

« Tien cestui , frere , je le t’ai estuié. »

Et cil le prinst , qui ne s’i sot gaitier Que n’en menjast à son grant encombrier.

Il n’en ot pas passé le col très bien Que li volèrent andui li oil dou chief ;

Li cuers dou ventre li part en .11. moitiés , Par devant lui chaï mors à ses piés.

Voit le Auloris, onques ne fu si liés.

« Avois ! s’escrie li cuivers renoiez.

« Par Deu , dist il , nos puisons viennent bien « S’or en menjüent li rois ne li princier,

8 Gaydon. sai— *()

« Ainz la complie sera Canes vengiez. »

Oiez, seignor, com Dex ot Karlon chier.

Qu’il nel laissa honnir ne vergoingnier.

Ez voz entré .1. danmoisel legier ;

Fiz fu .1. conte qui moult fist à prisier,

En sa main porte .1. bon coutel d’acier; Parmains paroit, texiere ses mestiers.

Devant le roi s’estoit agenoillez.

Li rois l’anmoit et si le tenoit chier; Cortoisement l’en prinst à arraisnier :

v Par Deu, sire anfes, moult voz voi volentiers. « Voz fustez fiz au riche duc Gaiffier,

« Qu’an Ronscevaus se laissa detranchier « Avec Rollant et avec Olivier ;

« J’amai le pere, si tenrai le fil chier.

« Par saint Denis, gel voz merirai bien :

« De .11e. homes voz acrois vostre fief.

— Grans mercis, sire », li anfes respondié.

Et Karlemaines, par moult grant amistié ,

Tint .1. parmain, à l’anfant T’a baillié.

Et cil le prinst, qui ne s’i sot gaitier Que n’en menjast à son grant encombrier.

Il n’en ot pas passé le col très bien Que li volèrent li bel oil de son chief ;

Li cuers dou ventre li parti et fandié,

Devant le roi chaï mors à ses piés.

Li rois le voit, n’ot en lui qu’aïrier;

Entre ses bras l’en ala redrescier,

Puis le resgarde et avant et arrier.

Quant sain le voit, moult s’en est merveilliez. Fors que des iex qui volèrent dou chief. Adonques primes s’aperciut li rois bien Par le mes fu c’on li ot envoié ;

Jt

j{4-»86 GAYDON.

Adont s’escrie lî riches rois proisiez :

« Par Deu , seignor, tuit iestez engingnié,

« Trestuît icil qui dou fruit ont mengié.

— Avois ! s’escrient li baron chevalier,

« Chascuns de noz tient le sien tôt entier, a Lors en aorent le Glorioz dou ciel.

Nostre empereres fu forment corresouz; Deu en jura , le pere gloriouz :

v Encor voir hui amoie plus Gaydon ,

« Le fil Joffroy l’Angevin, le baron,

« Que ne faisoie home de ma maison ;

« Et or me cuide ocirre en traïson ,

« Et par le fruit qu’aporta uns garsons !

« Dex me confonde parmi la crois , en som ,

« Se mais menjuz de char ne de poisson ,

« Ne ne bevrai de claré , de vin bon ,

« S’aurai tenu son cuer dedens mon poing. » Li rois manda Girart de Roussillon ,

Gui de Biaufort' et Aymon de Dordon :

« Entr’euls amainnent .nm. compaingnons « Por iestre prest de ce que rouverons. »

Et cil respondent : « A Deu benéison ! »

[* Li mes] s’en tome à force et à bandon,

A chascun dist le messaige Karlon,

Puis s’en repaire , si l’a mis à raison :

« Drois empereres, vezici vos barons.

— Dex! dist li rois, corn demoré il ont! »

Cil sont venu devant le roi Karlon.

Karles li rois lor conte l’achoison ;

Cil s’en merveillent et font crois en lor frons. Premiers parla Girars de Roussillon :

« Drois empereres , ditez que noz ferons.

— Baron, dist Karles, quant iestez compaingnon

— sire, ne sai s’assez estonz.

— Oïl, dist Karles, car tuit iestez preudom.

« Dirai voz ores com m’a servi Gaydons ,

« Li fiz Joiffroi l’Angevin, le baron,

« Que plus amoie c’omme de ma maison :

« Or me voloit ocirre en traïson ,

« Et par le fruit qu’aporta uns garsons.

« Dex me confonde , oui souffri passion ,

« Se mais menjus de cnar ne de poisson,

« Ne ne bevrai de claré , de vin bon ,

« Si l’aurai ars en feu ou en charbon ,

« Se il èst chose quel loent li baron.

« Gaydes set bien les voies et les pons ;

« Il s’enfuira anquenuit à larron ,

« Car il ne set se ge sui mors ou non.

« Mais, par l’apostre c’on quiert en pré Noiron , « Se je ne l’ai en ma commandison ,

« Demain, au jor, ansois que prime sont,

« Poi voz poez fier es iex dou front ;

« Ne voz lairrai vaillant un esporon. »

Et dist Girars : « Trop i perdrions donc ;

« Dormez séur, car bien le gaiterons. »

A .1111. fois le trait à un bouzon,

Sor la riviere , dont il gardent le pont,

Sont embuschié, ainz nés aperciut on.

Sainte Marie ! or aidiez au baron ,

Qu’il ne set mot de ceste traïson ,

Que li porchace dans Thiebaus d’Aspremont : Soef se dort dedens son pavillon.

Li dus se dort en son lit d’olyfant;

Dedens son tref de bon paile auffriquant N’i avoit cierges ne chandeille alumant,

Mais escharboucle qui sont cler et luisant :

3 jo — jjJ GAYDON. II

Tout adez vont de clarté tensonnant.

A mie nuit ja ne sera si grant,

Ne ja obscure ne sera si forment ,

Que on nen voie tout aussi clerement Comme de main, endroit prime sonnant.

.1111. kalendres li chantoient devant,

Et commensoient dès le soleil couchant ,

Puis ne finoient jusqu’à l’aube apparant.

A mie nuit, par som le coc chantant ,

Une avison li vint en son dormant,

Que il estoit en Valie la grant ,

En sa forest esgarez si forment Qu’il n’avoiast por nulle riens vivant.

Devers le ciel venoit .1. aygles grans,

Teste avoit rouge, vermeille comme sanc.

Tout debrisoit quant qu’aloit ataingnant;

Par lui venoit tant orgoillousement Qu’il li tranchoit le chief de l’aufferrant.

Li dus descent, son destrier complaingnant ;

Et .vu. sangler li venoient devant,

Qui l’assailloient moult angoissousement.

Par devers destre venoit .1. pors moult grans , Tex .1111. plaies li faisoit en ses flans De la menor morust .1. amirans.

Li dus l’agarde tout droit par de devant ,

Tel cop li donne de l’espée trenchant Toute li vait dedens le cors boutant,

Estorst son cop , si l’abat mort atant.

Li dus s’esveille et s’assist maintenant';

.1. gentiz moz li vint adont devant :

« Sainte Marie , car me soiez aidans ! »

Li dus s’esveille à la fréor qu’il a ,

Ses chambellains maintenant apella ,

Isnellement se vesti et chausa.

Li chapelains de chanter se hasta;

Il dist la messe , et li dus l’escouta.

Grans fu l’offrande que li dus offert a ;

Dou monstier ist quant la messe fina, Isnellement dedens son tref entra.

Touz ses barons par devant lui manda ,

Et dist à euls qu’au tref roial ira,

O son seignor là s’esbanoiera ,

Et as eschas devant lui joera.

Li dus ne s’est tant ne quant arrestez ; El destrier monte corrant et abrievé ,

A cort s’en vait por son cors déporter ; Mais s’il séust comment il est menez,

N’i volsist estre por l'or de .x. citez.

Cil s’en repairent, qui le duc ont guié;

Au tref Gaydon en sont tôt droit alé.

Li dus Girars a premerains parlé ,

De Roussillon , qui moult fu preus et ber ; Le seneschal au auc a apellé :

« Amis, dist il, où est tes sire alez ? »

Et cil respont : « A la cort, en non Dé. » Et dist Girars : « Dis me tu vérité ?

— 011 , voir, sire , ne voz ai point faussé , « Que à la cort est mes sires alez. »

Dist l’uns à l’autre : « Li dus est forsenez , « Qui va à cort et ainsiz a ouvré:

« Tel traïson comment osa panser?

« On li devroit toz les membres coper,

« Ardoir en feu ou gieter en la mer. »

Et dist Girars : « Tout ce laissiez ester ;

« Mains gentiz hon est à tort encorpez. » Atants’en tornent, n’i ont plus demoré.

)8é — 418 Gaydoh. 13

A lor très vinrent , si se sont desarmé ,

Puis s’appareillent, si sont à cort alé.

Enmi lor voie ont Thiebaut encontré ,

Et touz les .vit., 0 les félons pansers.

Quant il i entrent, touz en empli li très.

Moult en i ot de cel mal parenté ,

Qui onques bien nen orent empensé.

J7 poi devant i fu Gaydes entrez ;

Entre les jambes Naynmon iert acoudez.

Cil chevalier s’assiéent sor les jons,

Sor les tapis, entor et environ.

Gaydes se sist devant les piés Naynmon;

Entre les jambes séoit au franc baron ,

Cel de Baiviere, qui tant fu gentiz hom.

Li rois resgarde tant prince et tant baron , Devant lui garde, si a véu Gaydon,

Le fil Joiffroi l’Angevin, le baron.

Lors li ramembre de la grant traïson :

Tainst lui la chiere, se li mua li frons;

Ausiz noircist li rois comme charbons .

La soie chiere ne priseroit nus hom ,

Car elle estoit plus fiere d’un lyon.

Tint .1. coutel qui plain pié ot de lonc;

La manche an fu de l’uevre Salemon ,

Et li aciers poitevins jusqu’an som.

En talent ot qu’il en ferist Gaydon ,

Quant se porpense, si apella Naynmon :

« Biaus sire Naynmes, ce dist li rois Karlon ,

« Car demandez vostre neveu Gaydon,

« S’il clainme en France ne chastel ne donjon , « Ne bore, ne ville, fermeté ne maison,

« Ne d’autre chose vaillant un esperon ;

« Se il le clainme, droiture l’en ferons. »

Li dus l’entent , si saut sus de randon :

« Nenil voir, sire, s’à votre plaisir non,

« Se je n’avoie fors seulement le don « Que me donnastez dedens vo pavillon,

« Quant je ocis Pynabel le félon.

« A icelle hore , 01 je Thierris à non ;

« Mais por .1. jay m’apelle on Gaydon,

« Qui sor mon hiaume s’assist, bien le vit on.

« Par voz sui je , biaus sire, riches hom.

« Mais, par l’apostre c’on quiert en pré Noiron, «Je vos ainz plus que nulle riens dou mont;

« [6 Servirai vos à coite d’esperon].

« Mien enciant, sauf seront vostre don ;

« Ja de celle hore n’orrai vostre besoing « Ne voz amaingne .xxx. mil compaignons,

« A cleres armes et à chevax gascons.

— Tais , glouz, dist Karles , li cors Deu mal te « Com tu seiz ores couvrir ta traïson ! » [donst !

En piés se dresce Karlemaines li rois :

« Or m’entendez , Alemant et Tyois ,

« Et Loherainc et Normant et Fransois!

« Doit dont cist dus lez mon costel séoir,

« Qui tel présent m’envoia ci arsoir ?

« A .1. vaslet en donnai demanois,

« Fil à .1. conte qui Auvergne tenoit;

« Il n’en ot pas passé le col , ce croi ,

« [*Li cuers del vantre li fu partiz en trois].

« Ice fist Gaydes que ci voi devant moi.

« Dex me confonde , li glorioz, li voirs,

« Se mais menjus tandis que il vis soit ! »

Li dus l’entent, cuidiez que ne l’en poist?

De mautalent ot trestot le cuer noir;

Lors saut en piés , que le virent Fransois :

« Drois empereres , dist li dus , ce que doit « Que li coraiges voz mue si sor moi ?

« La traïson deffant je endroit moi ;

« Ne la pensaisse, por les membres ardoir.

« Li dus Rollans me norri, par ma foi ;

« Gel servi bien de cuer, en bonne foi ;

« .VIL anz toz plains li gardai son conroi.

« En Ronscevax où noz fumez destroit,

« En la bataille où ne fumez que troi ,

« Ce fu Rollans et l’arcevesque et moi ,

« Là vi mon pere detranchier devant moi,

« Se ne li poi ne aidier ne valoir,

« Car de .ni. plaies oi le cuer moult destroit. « Li dus Rollans m’embrasa contre soi,

« Quant il sonna son olyfant .ni. fois.

« La maistre vainne dou cuer li desrorapoit, « Parmi la bouche toz li sans li filoit ;

« Tel .mi. rai en volèrent sor moi « De tout le menre, par la foi que voz doi ,

« Poisse emplir .1. bacin demanois.

« Et quant il vit que à la mort estoit ,

« Que nulle aide mestier ne li avoit,

« Il m’envoia sor .i. destrier norois « (C’est Clinevent, ja meillor ne verrois),

« Il m’envoia, bons rois, desci à toi,

« Por raconter le voir, corn il estoit ,

« De Ganelon , qui trais noz avoit.

« Vos n’i éustez Loherainc ne Thyois ,

« Fransois, Normant, ne Breton ne Ainglois, « Vers Ganelon osast lever le doi ,

« Que Pynabel voz en ocis tout froit.

«Je m’en alai, que li mestiers estoit,

« Vers Ganelon voz fomis vostre droit ,

« Vers le cuivert, le traïtor renois ;

l6 GaYDON. 486-519

« Tel guerredon en doi je bien avoir,

« Quant voz ce ditez jamais ne mengeroiz « Trosqu’à celle hore que voz ocis m’auroiz ?

« Por le Seignor, qui haut siet et loinz voit ,

« Gardez , biaus sire , que voz ce ne fasois « Dont blasme aiez de nul de vos Fransois !

— Tais , gloz , dist Karles, tu soiez maléois !

« Que doit [h or ce que tu si me deçoiz ,

« Quant] tuit le virent, qui i furent arsoir,

« Que li presens fu assiz devant moi ,

« Et si me fu présentez de par toi ?

Riolz se lieve, cil qui Le Mans tenoit ;

En toute France si saige home n’avoit ,

Ne qui miex saiche le tort partir dou droit. Blanche ot la barbe et le chief comme noif ; Départ la presse , si vint devant le roi :

« Drois empereres, dist il , entendez moi :

« Je teing dou duc trestout Aloenois ,

« Et tout le Perche et tout le Saonois ;

« Trosqu’à Angiers en corrent mi destroit.

« [* Se je cuidoie] que voz déissiez voir,

« Ma bouche juge que l’aillissiens ardoir ; n Mais ne cuit mie que nus s’en liet des mois v Qui vers le duc en préist ses conrois « Qu’il ait fait chose dont vers voz mesprinssoit.

— Tais, glouz, dist Karles, tu soiez maléois 1 « Di ta parole, puis fui de devant moi ;

« Je te naz tant que ne te puis véoir.

« Trop me redout que ce ne soit par toi :

« Onques encor ne me portas tu foi ,

« N’onques dou Mans ne poi service avoir;

« Se l’oi au main , je ne l’oi pas au soir. »

Et dist Riolz : « Si n’aurez voz des mois.

« Se voz au Mans me volez asséoir,

J ao — j s i GaYDON.

« Faitez le moi savoir devant .1. mois :

« Bien i porrez séoir .11. ans ou trois.»

Karles l’entent, moult en ot le cuer noir.

En piés se dresce nostre rois de Léun ,

Si a parlé par moult ruiste vertu :

<f Or m’entendez, tuit mi baron créu :

« Riol dou Mans avez bien entendu ,

« Qui me ramposne , moult en sui irascus ,

« Et si me dist ja li dus n’iert vaincus ;

« Auroit il ores baron en ma cort nuis « Qui vers le duc en portast son escu « De ceste chose qui apparissans fu ? »

Ogiers se dresce et dans Sanses li dus,

Cil de Borgoingne à la fiere vertu :

« Drois empereres , trop iestez irascuz ;

« Vostre coraiges voz est trop esméuz.

« Parlez de ceuls, comment sont maintenu,

« Qui ci estoient quant li presens i fu.

— Hé Dex! dist Karles, ja n’en parole nus;

« Ansois sont tuit si taisant et si mu « Que se il fussent couvert dedens . i. fu. »

Nostre empereres fu forment aïrouz ;

Deu en jura , le pere gloriouz :

« Se sans bataille s’en va ainsiz Gaydons,

<* Li fiuls Joiffroi l’Angevin, le baron,

« Dont puis je dire qu’an ma cort n’a preudon.» En piés se dresce dans Thiebaus d’Aspremont , Li desloiaus qu’ot fait la traïson ,

Qui freres fu au conte Ganelon ,

Qu’an Ronscevaus traï les compaingnons Et les .xxm. des chevaliers barons;

Devant le roi se mist à jenoillons,

Cortoisement l’en a mis à raison :

« Drois empereres , dist Thiebaus d’Aspremont, « Je ne sui mie dou mieus de ta maison ,

« Tout por mon frère le conte Ganelon ;

« Mais, se Deu plaist, ancui voz serviron « De tel service ou noz preu averonz :

« Ceste grant ire à mesure métrons.

« Dirai voz ores corn m’a servi Gaydons,

« Li fiz Joiffroi qui est de tel renon ,

« Que plus amoiez c’omme de ta maison.

«Je convoioie arsoir le duc Sanson ,

« Toutes les loges , devers mon pavillon ;

« Je vi Gaydon dessevrer d’un garson,

« Une toaille à son col environ « Et une boiste , ne sai s’iert plainne ou non.

« Tant se hasta ii gars de sa raison « C’un des parmains donna à mon garson ;

« Il en menja ainz que descendion ;

« Lors li volèrent andui li oil dou front :

« Encor gist mors devant mon pavillon.

« Garant en trai Amboyn et Millon,

« Et Guillemer et Gautier d’Avalon :

« Se cest afaire voloit noier Gaydon,

« Je sui touz prez que noz li monstrerons. » Gaydes l’entent , s’en rist sor le menton ;

En son cuer pense que celle traïson Ont controuvée li encriemmé félon Por lui mesler au riche roi Karlon.

Bien seit et voit que c’est par l’achoison De Pynabel et dou fel Ganelon ;

Vengier s’en cuident par si faite raison.

Mais, se Deu plaist, qui souffri passion,

H en auront ancui mal guerredon.

j8j— 617 Gaydon. 19

Quant vit li dus Thiebaus s’en entremist ,

Qui li donnast et Orliens et Paris ,

Toute la terre au roi de Saint Denis,

A celle fois si lié ne le féist.

« Drois empereres, li dus Gaydes a dit ,

« Vez moi tout prest et tôt amenevi « De moi deffenare, que Thiebaus a menti , v Et tex pensers ainz de moi ne parti,

« N’onques nel voil n’onques nel consenti ,

« N’onques encor en penser ne me vint. » Thiebaus despoille .1. riche mantel gris ;

Devant le roi tantost se poroffri.

Dou mantel gris est Thiebaus deffunblez ;

De cendal d’André la couverture an ert ;

Devant Fransois l’a à terre gieté ,

Et remest saingles en bliaut gironné.

Grant ot le cors, parcréu et menbré ,

Larges espaules et le pis encharné ,

La jambe droite et le pié bien torné ;

Bien li avint à iestre esperonné.

Les bras ot Ions et les poins bien quarrez ,

La face blanche et le vis coulouré ,

Et les iex vairs comme faucons muez,

Et le poil blont, menu rencercelé ;

N’a el mont or tant cuit ne esmeré Contre le poil ne perde sa clarté.

N’a home el mont de si grant poesté Par cui Thiebaus poist iestre matez ,

S’il rte fust si plains de desloiautez.

Es mains le roi a son gaige donné.

.XIIII. conte en sont en piés levé,

De son lingnaige et de son parenté -,

Tuit dient : « Sire , or le noz recréez

20 GAYDON. 618— éji

« Premièrement desor nos heritez,

<c Et en après sor les membres coper.

« S’il est vaincus , nés en volons porter.

— Baron, dist Karles, si soit corn dit avez. »

Et Thiebaus ra son mantel affunblé ,

Si s’est rassis là d’ont il fu levez.

Dist li traîtres : « Ainsiz doit il aler. »

Et Karlemaines a Gaydon apellé :

« Sire vassal, ostaiges me livrez.

« Je teing vo gaige ; ansoiz que m’eschapez ,

« Avrai ostaiges, ou le poing i perdrez. »

Li dus esgarde environ le barné,

Mais n’en voit nul qui s’en voille lever ;

Le chief baissa , si commence à penser.

Karles esgarde et voit le duc iré :

« Vassal, dist il , voz por quoi demorez « Que vos ostaiges tantost ne me livrez ?

« Par saint Denis, qui est mesavoez,

« Tost voz porra à dammaige tomer :

« Cel destre poing voz ferai ja coper,

« Dont voz cel gaige m’avez el mien donné ;

« Et tex voz puet ostaigier de son gré « Cui je ferai touz les membres coper,

« Ardoir en feu et la poudre venter. »

Quant Fransois oient lor seignor si parler,

Mal de celui qui osast mot sonner.

Trestuit se taisent, duc et demainne et per,

Ne mais icil qui nel porrent véer.

De Toardois est l’evesques levez ,

Rispeus de Nantes et Joiffroisl’adurez,

Guis de Biaufort et Riols li membrez ;

Devant le roi en sont venu ester :

« Sire, font il, car le noz recréez « Premièrement desor nos heritez ,

é{ 2-684 Gaydon.

« Et en aprez sor les membres coper ;

« S’il est vaincus , nés en volons porter.

— Baron, dist Karles, arriéré voz tenez.

« Voz iestez tuit si home et si chasé ;

« De lui tenez toutes vos heritez ,

« Et bors et villes et chastiaus et citez,

« Et hom qui est de traison retez ,

« Il ne doit pas ses homes amener;

« Ainz se devroit ostaigier de ses pers ,

« Le sien méismez trestot abandonner.

« Par saint Denis, quant de moi partirez ,

« Voz convenra d’autre martin chanter. »

Ogier apelle , le Danois d’outremer :

« Danois, fait il, faitez le moi garder « Jusqu’à demain que li jors parra clers;

« Car, par l’apostre c’on quiert en Noiron pré, « Se il se muevent et il me soit conté ,

« Perdu aurez mon cuer et m’amisté.

Ogiers respont : « A vostre volenté. »

Dolans en fu , mais ne l’ose véer.

Nostre empereresfu forment corrouciez ;

Il a tel duel à poi n’est enraigiez.

Il s’apuia au col d’un chevalier,

Devant lui garde, et voit le duc irié ;

Par mautalent l’a tantost arraisnié :

« Sire vassal , por coi me delaiez « Que vos ostaiges tantost ne me bailliez ?

« Par saint Denis, cui hom je sui dou chief ,

« Le destre poing voz ferai ja tranchier,

« Dont voz m’avez vo gaige ou mien baillié ; « Et tex voz puet folement ostaigier « CuLjeferai toz les membres tranchier,

« Ardoir en feu ou en eve noier. »

Fransois olrent lor seignor desraisnier ;

Mal soit de cel qui ost lever le chief.

Atant s’en vont li baron chevalier.

Voit les li dus , n’ot en lui qu’a'irier ;

Tenrement plore des biaus iex de son chief, Deu réclama qui tout a à jugier :

« Peres de gloire , où fis je le pechié ,

« Par coi on m’a en cort tant empirié « Que n’ai parent qui de moi ait pitié ?

« Las ! je cuidai tant avoir esploitié « Que je éusse de Karlon l’amistié ;

« Mais traïtor m’en ont si esloingnié « Qu’il me menace qu’aurai le chief tranchié. «Hé! Rollant, sire, nobile chevaliers,

« Bien sai devoir, se voz or vescuissiez ,

« J a en la cort ne fuisse ainsiz traitiez!

— Non , glouz, dist Karles, ja ne le pansissiez; « Qu’il voz féist touz les membres tranchier,

« Ardoir en feu ou detraire à sommiers. »

Li dus l’entent, le sens cuida changier ;

Il se resgarde , voit Naynmon le Baivier,

Par devant lui s’en vait agenoillier ,

Par grant amor l’en prinst à arraisnier :

« Sire , dit il, por coi ne m’ostaigiez ?

« Ja savez voz que je sui vostre niés,

« Fiuls vo seror, se dire le deingniez. » Naynmes l’entent , si l’en prinst grans pitiés :

« Certez, dit il, or ai fait que lasniers « Et cpie coars , que faillis chevaliers ;

« Mais trop doutoie mon seignor correcier.

« Or ne lairoie , por les membres tranchier,

« Que je ne voise mon neveu ostaigier. »

Touz estendus chaï le roi as piés :

« Drois empereres, dist Naynmes de Baiviers,

719—7JI GaYDON. 23

« Se il voz plaist , or le me raplegiez « Sor quant que j’ai, sor Pchastiax] et sor fiés ,

« Et en aprez sor les membres tranchier.

— Naynmes, dist Karles, corn voz plaira si iert ; « Mais une chose voz voil bien acomtier,

« Que, par celui qui tout a à jugier,

« S’il est vaincus, voz en serez iriez.

— Sire , dist Naynmes , corn voz plaira si iert ; « Premièrement en iert mes cors jugiez. »

.111. fois se pasme ainzque soit redreciez ,

As piés le roi , dus Naynmes li Baiviers.

Karles le voit, s’en ot le cuer irié.

N'ot en la cort serjant ne chevalier,

Ne un ne autre , garson ne escuier,

Qui oist Naynmon son neveu ostaigier,

Qui n’en plorast des biaus iex de son chief :

.IIe. et plus en plorent de pitié.

Ogiers se sist devant les piés le roi :

« Drois empereres, dit il , entendez moi :

« Les siens doit on amer en bonne foi.

« Or a dus Naynmes le duc plevi, ce voi ;

« Se je cuidoie , sire, qu’il ne voz poist ,

« J’ostaigeroie ces homes orendroit.

— Ogiers, dist Karles, corn voz plaira si soit ;

« Mais le matin les raiez devant moi,

« .1. poi devant que la bataille soit. »

Ogiers respont : « A vo volenté soit. »

Thiebaus se dresce , qui Aspremont tenoit , Desrompt la presse , si vint devant le roi :

« Drois empereres , je m’en vois orendroit ;

« Quant voldrez voz que la bataille soit?

— Thiebaus, dist Karles, ja mar m’en mescroirois « Que ja traîtres ait lonc sejor vers moi :

« Le matinnet gardez que ci soioiz.

« Par cel seignor qui haut siet et loins voit ,

« Buer l’avez fait, se voz ne me mentois. v D’or en avant mes seneschaus serois ,

« Et Poriflambe de France porterois.

« Bien iert amez cui voz i amerois ;

« Cui voz harrez n’i porra remanoir. »

Thiebaus respont : « Or en soit Dex au droit ! » Lors dist en bas que nus ne l’entendoit :

« Mauvaisement endroit moi en iroit.

— Drois empereres , li dus Ogiers a dit ,

« Ne créez pas le lyngnaige Aulori ,

« Ne le lyngnaige qui onques bien ne fist ,

« En Ronscevax vostre neveu trait,

« Et les .xxm- des chevaliers hardis.

— Ogiers, dist Karles, merveilles avez dit!

« Me cuidiez voz de parole esbaubir,

« Quant tuit le virent qui arsoir furent ci ,

« Et li presens fu devant moi assis ? »

Li dus se dresce , qui s’en voloit partir.

Nostre empereres l’acena un petit :

« Sire vassal , nel metez en oubli ;

« De la bataille soiez près le matin. »

Li dus respont : « Si m’en avez garni « Jor de ma vie nel quier maittre en oubli. »

De la cort partent li chevalier de pris ;

A lor très vont li prince et li marchis.

Trosqu’à son tref Gaydes ne prinst ainz fin ; Encontre viennent si chevalier de pris.

. Devant son tref est Gaydes descendus.

Encontre sont maint chevalier venu ,

Vestu de vair, de gris et de boffu ,

Qui li escrient : « Avez besoing éu ?

— Oïl, baron, onques hon n’en ot plus. » Dist Amaufrois : « J’ai grant paor éu ,

« Quant Karles tint le coutel esmolu ;

« Ne gardai l’ore qu’il voz éust féru « Ou en poitrine , ou en cors , ou en bu.

« Jamais nuljornen iere en ma vertu,

« Mais n’en croiroie nul home qui ainz fust « Que par Thiebaut ne soit cist plais méuz. Li dus a dit : « Quel part qu’il soit créu ,

« Mauvaisement me aut iestre avenu « Dou dextre poing; à poi ne l’ai perdu.

« Quant il tenoit le grant coutel agu,

« Ne gardai l’ore qu’il m’en éust féru ;

« Mais, par celui qui en ciel fait vertu ,

« S’encor séoie sor Clinevent le brun « (Tex chevax est onques mieudres ne fu ,

« Fors Villantif, ne sai s’il le valu),

« Et je tenoie mon brant d’acier molu « (C’est Hauteclere, le conte Olivier fu),

« Karlon rendroie et mercis et salu.

« A grant merveille me sera deffendu ,

« S’encor né trai le sanc dou cors de lu.

— Hé ! fel gloutons , dist Riolz, que dis tu ? « Ton droit seignor, se l’avoiez féru ,

« Devant celle nore que il deffiezfust,

« Jamais en cort ne seroiez connus « Que chevaliers te tendist ton escu.

« Weuls tu sambler un Girbert qui ja fu ,

« Qui guerroia contre le roi Jhesur « Et nostre Sires , par la soie vertu ,

« Le fist mucier dedens le crues d’un fust.

« Vois tu ces terres et ces haus mons agus ? « Tant i a très et pavillons tendus ,

26 GAYDON. 818 — 8 jo

« Plus que Girbers pot guerroier Jhesu « N’auroiez tu contre Karlon vertu.»

Riolz a dit : « Or est li tans entrez « Que cuide faire .1. legiers bachelers « tfiins saiges hon n’oseroit pas panser.

« Resambler weuls Girbert le desraé ,

« Qui guerroia contre méisme Dé ?

« Et quant Jhesus Pot ainsiz malmené ,

« Ne li laissa ne chastel ne cité ,

« Donjon ne ville ne bore ne fermeté ,

« En crues d’un fust le fist aprez entrer ;

« Puis Pen gieta par si grant poesté ,

« Par .1. efïoudre , qu’il le fist aweugler.

« Je voz norri petit anfant , soef ,

« Tant que voz oi au duc Rollant jousté ,

« Soz Aspremont où il fu adoubez ; a Parmi tout ce , mon seignor naturel ,

« De cui je tieng toutes mes heritez ,

« Et bors et villes et chastiax et citez ,

« De cest baston qui gist enmi cest tref,

« Voz en alaisse parmi le chief donner. »

Gaydes l’entent , si commence à parler :

« Merci, biaus sire , por Deu de majesté !

« Jamais nul jor ne le quier apenser. »

Li cuens dou Perche a les mos escoutez ; Forment en ot le cuer triste et iré ;

Pas avant autre est celle part alez :

« Sire , dit il, laissiez Riol ester,

« Et le viellart desci au Mans aler « Boivre ses vins , dont il i a plenté ,

« Et par matin de ses poons disner :

« Viandes ait, qu’il ne quiert jamais el ,

« Fors le dormir et le bien reposer. »

8{i — 884 Gaydon.

Riolz l’entent, a poi n’est forsenez ;

Par grant vertu est vers le duc alez,

En haut parole , car bien fu escoutez :

« Sire , vassal, moult grant tort en avez,

« Se j’ai poons , voz en aiez maygrez ;

« Car ges conquis, quant je fui bachelers,

<f A cleres armes, à destriers sejornez.

« Encor m’en servent .imra. home armé. » Jusqu’à son vis li a sa main porté ,

Et en aprez en vola li sans clers,

Trosques à poi venissent au mesler.

Quant ce voit Gaydes, le sens cuide desver; Desor le dois est saillis touz irez ;

En sa main tint .1. baston pomelé.

Quant il parla, si fu bien escoutez ;

Il jure Deu , le roi de majesté ,

Il n’i a nul qui tant soit ses privez ,

S’estor commence si soit li champs finez,

Ne soit pendus à .1. aubre ramé :

« Je me fi tant en ma grant loiauté « De ceste chose dont on m’a encorpé ,

« Que nel pensaisse por ardoiren .1. ré.

« Mais qui sauroit .1. bon conseil donner,

« Si le noz die, por Deu de majesté.

« Quant sera chose qu’aurai mon champ finé, « Et mort Thiebaut , le traïtor prouvé ,

« En quel maniéré m’en porrai je aler « Droit à Angiers, la mirable cité ?

« Sachiez au roi ne voldrai pas parler;

« De moie part le voldrai deffier « Ja tantc’om puisse .nm. homes mener,

« A cleres armes, à destriers sejornez.

« Ne [^faudra* guerre] vers lui tout mon aé. » Dist Riolz : « Sire, conseil voz demandez ;

« Se m’en créez, bons voz sera donnez.

« A mienuit ferons coillir nos très,

« Coffres et males sor les sommiers trorser,

« Fors que les armes, que retenir ferez ;

« Tout le chemin les an envoierez « Trosqu’à Angiers, qui est vostre citez ,

« Et le chemin dou Mans n’i oubliez.

« Nos les sieurrons, quant li champs iert finez.

« De vostre part soit Karles deffiez ;

« [fcCuer] voz faudra , se chier ne li vendez « La vilonnie dont iestez apellez.

«Je sai de voir que voz Thiebaut vaintrez ,

« Car Dex et drois sera vostre avoez. »

Dist Gaydes : « Sire , moult bien me confortez ; « Au grant besoing onques ne m’oubliez ;

« Souventes fois éu mestier m’avez.

« Dex voz en rende et mérités et grez !

« Se je eschape , por voir dire porrez « Quant que j’aurai iert en vos volentez. »

Or voz lairons ci endroit de Gaydon ,

Le fil Joiffroi l’Angevin, le baron ;

Quant lieus en iert , bien i recouverrons.

Mais malement si gardent li baron ;

Car cil Thiebaus , qui sire iert d’Aspremont ,

Ot en sa cort .1. moult mauvais garson,

Qui ot espic et escharpe et bordon.

Si se musa es grans tentes Gaydon;

N’i ot parole ne contée raison Li gars n’ait mise desoz son chaperon.

Lors l’ala dire à Thiebaut d’Aspremont.

Thiebaus le voit, si l’a mis à raison :

« Diva, fait il, corn se contient Gaydons ?

— En non Deu, sire , plus est fiers d’un lyon ;

« Il jure Deu et sa surrexion « Qu’à Hauteclere voz mouvra tel tenson « Trenchera voz le chief sor le menton. » Thiebaus a dit : « Et que ferai je dont ?

« Se je tenoie mon brant enz an mon poing,

« Qui fu mon pere, le riche duc Grifon ,

« Cel d’Autefoille, le nobile baron ,

« Toute sa force ne pris pas .1. bouton.

— Or m’entendez , sire , dist Ii garsons,

« Je ai oïe toute lor traïson :

« Il s’enfuiront anquenuit à larron,

« Tout lor harnois avant envoieront « Trosqu’à Angiers, à coite d’esporon ,

« Ses conduira Ferraus li poingnéors ,

« Et Amaufrois, à .vnc. compaingnons. »

Dist Auloris : « Noz les convoierons « En tel maniéré que ja preu n’i auront. »

Thiebaus a dit ; « Baron, entendez moi :

« Hom qui tort a combatre ne se doit. » Auloriet en apella à soi :

« Va , pren Guion , ton frere , avecques toi ,

« Atout .11. m. de chevaliers cortois,

« A cleres armes et à riches conrois ;

« Le val de Glaye voz acheminnerois.

« .II. bois i a qui tuit sont de sapois’; u Uuec voz proi que voz voz mipartoiz,

« Et , s’encontrez Ferraut ne lor harnois,

« A touz voz proi que les chiés en prennois ,

« Car je n’ai cure que jamais change an soit. »

Thiebaus a dit : Seignor, or m’entendez :

« Hom qui tort a ne doit en champ aler. » Auloriet en prinst à apeller,

JO Gaydon.

Puis li commande que il se voit armer,

Ses compaingnons face bien atomer.

Et cil respont : « Volentiers et de grez. » Auloris s’arme , que n’i volt arrester,

Et fist .nra. de chevaliers armer;

Le val de Glaye se sont acheminné.

Ainz que li cos éust .111. fois chanté,

Se furent il et parti et sevré.

De l’agait voil ici endroit laissier ;

Quant lieus en iert , bien en saurai plaidier. De Gaydon voil ici rencommencier.

Li dus appelle Ferraut cui molt ot chier,

Et Amaufroi qui moult fist à prisier ;

Si neveu sont , bien s’i doit afier.

« Baron, dit il, allez voz haubergier;

« Nostre harnois voz convient convoier. » Ferraus a dit : « Bien fait à otroier. »

Ses armes prent porsoi appaseillier, Ensamble o euls tel .vnc. chevalier N’i a celui n’ait bon corrant destrier,

Et cleres armes et escu de quartier.

Et roide lance et espée d’acier.

Gaydes a fait très et tentes chargier,

Coffres et males ; trorsé sont li sommier ; Ainz n’i remest chaudière ne trepier,

Pot ne paiele, coûte ne oreillier.

Son maistretref a fait Gaydes laissier;

Et cil issirent de l’ost tôt sans noisier,

Lor harnois font devant euls avoier,

Le val de Glaye prinrent à chevauchier ; Mais il ne sevent le mortel encombrier, Com Auloris les a fait agailier,

Qui touz les weult ocirre et detranchier.

98 j— -10* j GaYDON. .

Se Dex n’en panse, qui tout a à jugier, Ansoiz que voient autre nuit anuitier, Perdront les testes, n’i aura recouvrier.

Vers Angiers vont, Dex les puist conseillier !

Va s’en Ferraus, Dex le puisse sauver !

Et Amaufrois, qui tant fait à loer ,

Et tel .viic., qui tuit sont bacheler;

Devant eux font les sommiers arouter.

Dès or voz voil de Naynmon ci conter,

Qui prinst congié au meillor coronné Qui onques fust en la crestienté,

A tout .vnc. de chevaliers armez;

Et autretant de legiers bachelers.

Yves de Bascles s’est encontre levez,

.1. arcevesques, qui [fcà cort] fu posez;

Cil prinst Naynmon par le mantel doré :

« Sire, dit il , por Deu de majesté ,

« Véiz tu onques home plus malmené « Corn fu mes sires dedens le maistre tref ? » Dus Naynmes l’oit, à poi qu’il n’est desvez : « Sirç arcevesques, or me laissiez ester;

« G’en ai tel duel que j’en cuit forsener.»

Li arcevesques les a ammonestez,

Saingniez les a et benéis de Dé :

« Seignor, fait il , à la chapelle alez.

« Prennez chandeilles et cierges alumez ,

« En la chapelle en alez por orer ,

« Et proiez Deu , le roi de majesté ,

« Qu’il voz garisse le duc que tant amez.

— Sire , font cil , si corn voz commandez. » La gent Thiebaut si refont autretel :

A la chapelle sont alé por orer ,

Portent chandeilles et cierges alumez.

Et proient Deu , le roi de majesté ,

Qu’il lor garisse Thiebaut c’ont tant amé.

Si fera il com traitor prouvé.

Li .vu. traître furent en pavillon;

Por Thiebaut ont et paor et frison :

« Hé ! Thiebaus, sire, qu’avez voz fait por noz ?

« Voz avez tort , et comment vaintrez voz P « Hé ! Gaydes, sire , quelle ire as prins sor noz ? « Voz avez mors les .11. de nos seignors :

« L’un Pynabel , l’autres fu Ganelons ;

- « S’or ociiez dant Thiebaut d’Aspremont ,

« Bien porrons dire que sans seignor serons. » Lors se pasmerent li encriesmé félon.

La nuit s’en vait, et Dex donna le jor ;

Et Thiebaus oit la messe sans retor,

O lui tel mil qui tuit sont en esror,

Et proient Deu, le pere criator,

Qu’il lor garisse Thiebaut , lor droit seignor.

Si fera il com félon traïtor.

La messe est dite , li services dou jor;

Thiebaus entra dedens son pavillon ,

A haute vois s’escria ses adous ;

Lors li aportent Amaugins et Sansons.

Thiebaus s’arma, n’i nst arrestison.

Au matinnet, quant l’aube parut clere , Thiebaus li fel a la messe escoutée ;

Au matinnet , quant elle fu chantée ,

Ist dou monstier, n’i a fait arrestée.

A son tref vint sans nulle demorée ,

Ses armes huche ; on li a aportées.

Sor .1. vert paile furent errant posées.

Les chauces chauce blanches com flors de prée ; La maille en fu com argens esmerée.

1049— i c>8 1 GaYDON.

En son dos a une broingne gietée;

Par grant maistrise Pot ouvrée une fée. S’uns bien preudon l’éust en champ portée , Ja par nulle arme ne fust le jor dampnée.

En chief li lacent .i. elme d’Aquilée;

El cercle d’or .lx. pierres ierent,

La pire an est esmeraude clammée.

Au flanc senestre a Thiebaus ceint l’espée , Qui fu Grifon d’Autefoille son pere :

Toise ot de lonc, si fu derpi pié lée,

Et plus tranchans que n’est faus acerée.

Sor le hauberc a la range fermée , \ v Et jure Deu qu’il en donra colée Tele que ja ne sera jor sanée.

Bausant amainnent, à la sele dorée;

Li arson valent d’argent une charrée ,

Tuit furent d’or desci en l’eschinnée;

La couverture iere d’argent parée.

Thiebaus i monte, qu’estriers ne li agrée. Quant montez fu , sa targe a demandée.

On li aporte, à son col l’a fermée:

D’or et d’azur estoit estancelée.

En son poing tint sa grant lance planée,

Puis s’escria, à sa vois qu’il ot clere :

« Ancui iert prinse venjance de mon frere.»

Thiebaus s’en tome, quant se fuademis.

Li bruns Bausans estoit si volentis N’ot plus corrant en .l. pais;

Dès que Thiebaus ot pié en l’estrier mis,

L’ot il porté .mi. arpens et demi Ainz que il fust enz es arsons assiz.

Quant assiz fu , si a son frainc saisi ,

Le cheval tome, s’apella ses amis,

io8a — ii 14

Milon , son frere, en a à raison mis :

« Frere , fait il, pansez de voz garir,

« Se Dex m’ait, que de moi est il fins;

« Voz savez bien que la traïson fiz. »

Et cil respont : « Bien m’en avez garni ;

« Ce poise moi quant la chose est ainsiz. » D’iluec s’en toment corresouz et marri ; •

Au tref le roi sont ensamble verti.

Thiebaus descent, environ si ami.

Son escu prinst Hernaus, .1. siens cousins ; .1. dammoisiaus a son destrier saisi ;

Sa lance fort bailla à .1. meschin.

Espée ceinte, s’est dedens le tref mis.

El tref avoit .1. faudestuef assiz,

Qui por Thiebaut i fu posez et mis ;

Espée ceinte , i est li glouz assiz.

Qui qui mefface , Gaydes ne ses amis ,

C’est li traîtres qui s’en est entremis.

Moult fu Thiebaus et orgoillouz et fiers. Crans, eslevez, parcréuz et plenniers,

Et en bataille hardis et resoingniez.

Moult li sist bien li vers elmes en chief,

Et à son lez li brans forbis d’acier,

Li esperon qu’il ot fermez enz piés.

S’il fust preudon et amast Deu dou ciel , N’éust en France home tant fust prisiez.

Où vit le roi, si l’en a arraisnié :

« Drois empereres, où est li dus d’Angiers? « Est il encor armez ne haubergiez?

« J a déust iestre par desor le destrier ;

« Grant tort me fait, miedis est moiez.

« Mais , par l’apostre c’om à Rome requiert, « Poi li vaudra ancui ses detriers.

tilf — 1148 Gaydon.

« S’il est en champ armez sor son destrier,

« Je le cuit si hui cest jor chastoier,

« De ceste espée dont li brans est d’acier,

« Jamais puisons ne li auront mestier,

« Ne li parmain qu’il voz a envoiez,

« Dont voz cuida honnir et vergoingnier.

— Thiebaus, dist Karles, cil te puist hui aidier « Qui en la crois se laissa traveillier!

« Por tout l’or Deu ne seroie si liez. »

Celui dou Perche en a moult anvié ; ,

Où voit Thiebaut , si l’en a arraisnié :

« Sire vassal, mal faitez et pechié,

« Quant voz le duc blasmez ne laidengiez ;

« Là aval est li dus à un monstier,

« Où il oit messe avec ses chevaliers:

« Par tans l’aurez armé sor son destrier.

« Il n’a coraige de voz trop esloingnier.

« Se Dex m’ait, li gloriouz dou ciel,

« Qui li donroit Estampes et Orliens ,

« Por la bataille demorer et laissier,

« Nés panroit pas, selonc le mien cuidier.

« Li dus n’est mie ne coars ne lasniers ;

« Joiffrois, ses pere, n’en fu ainz coustumiers,

« Onques n’ama coart ne losengier,

« Ne an sa vie nen ot traïtor chier ;

« Mais li fel Canes, li cuivers renoiez,

« Vendi Marsille, Rollant et Olivier,

« Et l’arcevesques , et Gerin et Gelier,

« Les .xii. pers, dont li rois fu iriez,

« Et les .xxm. de chevaliers proisiez,

« Dont vos lyngnaiges a mauvais reprouvier,

« Mal dehais ait de Deu le droiturier « Cui bel ce est que voz le laidengiez ! » Thiebaus l’entent, si erabronche le chief.

$6 GaYDON. i ; 49 — 1 1 S f

Fransois le voient , s’en sont joiant et lié ;

Dist l’uns à l’autre : « Cist a Thiebaut paié. »

Au matinnet , quant li jors parut cler,

Ala li dus le service escouter.

Messe li chante l’arcevesque Guimer;

Cil iert de cors .i. saiges clers letrez.

Et li dus Gaydes l’a de cuer escouté,

O lui maint prince dou mieus de son barné.

Il vait offrir, com chevaliers membrez,

.1. marc d’argent et .i. paile roé.

Aprez le duc sont Fransois arrouté.

Quant ce vint chose que furent tuit passé ,

Qui de l’offrande déist la vérité ,

On l’en tenist à mentéor prouvé.

Quant li services fu et dis et finez ,

Le duc enmainnent dedens son maistre tref Si faitement com voz m’orrez conter.

Ogiers et Naynmes furent à l’adouber.

Desor .i. paile entaillié, bien ouvré ,

Se sist li dus , por son cors à armer.

Chauce unes chauces qui moult font à loer ;

Lonc tans i mist .1. Gius à l’ouvrer.

Il vest l’auberc, si lace l’iaume cler;

N’avoit meillor en la crestienté.

Fées le firent en une ysle de mer;

. I . don li mistrent , qui bien iert averez ,

Que ne doute arme .i. denier monnaé ,

Fer ne acier, tant i pust on chapler.

Ceinst Hauteclere au senestre costel ,

Celle qui fu Olivier l’aduré.

En la place ont Clinevent amené ;

N’ottel cheval en la crestienté.

11 fu norris en tme ysle de mer, i ...

1 1 8 a— t a i { • GAYDON.

Entre .11. roches où il fu faonnez.

.1. Sarrazins se pena dou garder.

Tantost com pot d’alaitier consirrer,

Le fist de mere partir et dessevrer.

En .1. celierlenst li Turs garder ;

Grant piece i fu, si com j’oï conter.

Quant ot .11. ans, moult [frplui] à esgarder.

Li mareschaus qui le devoit ferrer .1. jor oublie le celier à fermer;

Li chevax vit sor lui estanceler Le cler soleil , prinst soi à effraer,

Rompt son chevestre , si saut et hennist cler ; Tant acorrut que il vint à la mer,

Enz se feri , que n’i volt arrester.

Plus tost s’en vait, quant il prinst à noer, C’uns palefrois ppoïst] d’eslais ambler;

.XX. lieues noe ainz qu’il fust ajorné.

Rois Corsabrins aloit .1. jor berser ;

Le cheval fist à cordes atraper,

Frainc et harnois i fist tantost poser ;

A moult grant painne le fist on affrener.

Cil rois le prinst et si l’en fist mener Droit en Espaingne, Marsille présenter.

Desor celui fu Marsille tuez En Ronscevauls , si com oï avez.

De sa fason voz voldrai aconter :

La teste ot maigre , le musel enversé ,

Large narrinne et l’oil ardant et cler;

La jambe ot plate , si fu haut eschinnez ; Bien porteroit .11. chevaliers armez De plains eslais, toute jor ajorné,

Ja .!. seul poil n’en auroit tressué.

Et se il vient à un guez trespasser,

Qui ait .il. lieues ne trois à tresnoer,

$8 GAYDON. xaié — iï49

Plus tost noe outre que cers ne cort par pré , Que ja par onde n’en sera destorné ;

Por ce fu il Clinevent apellez.

Selle ot en dos, qui moult fist à loer :

Li arson furent d’un yvoire planné,

A esmaus d’or moult soutilment ouvré ;

La couverture , d’un bon paile roé.

Li estrier furent à fin or sororé.

Li frains dou chief fu de si grant bonté Les pierres valent tôt l’or d’une cité.

Puis que chevax l’a en son chief posé ,

Ne puet enfondre et si n’iert ja lassez.

Li poitraus fu de cuir de cerf ouvrez ,

D’or et de pierres richement atomez.

Et de .in. ceingles fu li chevax ceinglez,

Ne pueent rompre ne porrir por orez.

Li dus i monte, qu’à estrier n’en sot gré ;

Aprez lui sont .c. chevalier monté,

Tuit duc et conte , qui sont d’un parenté :

Ogiers et Naynmes et Richars l’adurez ,

Guis de Biaufort et Riolz li barbez ,

Hoiaus de Nantes , Hues au poil meslé.

Au tref le roi sont tuit acheminné ;

Quant il i entrent touz en empli li très.

Devant les autres i est Riolz entrez.

Or escoutez corn les a saluez :

« Cil Dex de gloire, qui tout a estoré,

« Qui fist le ciel et la terre et la mer,

« Et les poissons, les oisiaus fait voler,

« Il saut le roi, qui France a à garder!

« Ensamble o lui saut trestout son bamé ,

« Et il confonde nos anemis mortex ,

« Si corn il sont, environ et en lez!

— Tais, glouz, dist Karles, tu aiez mal dehez!

u$o — ü8j Gaydon.

« Se Dex m’ait, s’au desor puis tomer,

« Gel te ferai chierement comparer. »

Dist Riolz : « Sire , encor n’est Pans entrez « Que soit mes sires de traïson retez. »»

.1. aes traîtres s’en est en piés levez ,

C’est Amboyns, de la Nueve Ferté;

A Riol vint , si l’a arraisonné :

« Vassal , dist il , voz iestez fox prouvez ;

« Tu et tes sires avez or si ouvré « Qu’an cort de roi ne déussiez entrer,

« Par nul enging ne venir ne aler. »

Riolz a dit : « Vassal, voz i mentez;

« Je ne sui mie dou vostre parenté;

« Ainz iestez voz dou lyngnaige Hardré,

« Dou Ganelon , le traïtor prouvé « Qu’en Ronscevax trài les .xii. pers,

« Et les .xxm. de chevaliers armez.

« Voz n’avez mie lor mestier oublié ;

« Mal dehais ait li vostres parentez ! » Amboyns l’oit, à poi n’est forsenez;

Jusqu’à la barbe li a le poing porté ,

Que .c. des poils en a jus avalé ,

Et puis le sanc , dont Riolz fu irez.

Riolz le voit , à poi n’est forsenez ,

Hausa le poing qu’il ot gros et quarré , Baissa le coûte et lait le cop aler;

Parmi le col a Amboyn donné Que à ses piés l’a à terre versé,

Hauce le poing, .111. cops li a donnez.

En piés sailli et Guichars et Hardrez,

Et bien .lx. de lor lyngnaige né;

Ja fust li cuens moult malement menez.

De Toartois est l’evesques levez,

Et li dus Guis et Ogiers li membrez.

Naynmes li dus, qui le poil ot meslé ,

En sa main tint .1. bastoncel plané :

« Glouton , dit il, arriéré voz tenez!

« Par le Seignor, qui maint en trinité ,

« Pour .1. seul cop, .lx. en raverez.»

Cil se rassiéent, qui nen osent faire el.

Et Amboyns est vers le roi alez :

« Sire , dit il , mal m’a Riolz mené.

— Tais,glouz, dist Karles, Dex te puist mal « Qu’avoiez ores ses grenons à tyrer ? [donner ! « Ceste meslée voz convient amender.

« Danois , fait il, en prison le metez,

« Car la meslée commensa en mon tref. »

Ogiers respont : «A vostre volenté.»

Amboyn prinst , laidement l’a mené ;

Parmi les jambes l’a si emprisonné Que il en fist le sanc tout cler voler.

Et l’empereres a Thiebaut apelié :

« Ferez en plus ou noz parlerons d’el. » Thiebaus l’entent, li sans li est muez,

N’ot mais tel duel en trestout son aé;

Car l’empereres fist Joiouse aporter,

Ce est l’espée où moult se pot fier.

Enz el poing d’or avoit ensaielé Bonnes reliques dou cors saint Honoré.

Dou bras saint Jorge, qui moult fait à loer.

Et des chevox Nostre Dame à plenté.

Thiebaus la voit, as sains s’est arrestez ;

Et dist Thiebaus : « Biaus sire , or entendez « Que li dus Gaydes a dit et pourparlé,

« Et de son tref en vi celui aler,

« Et de sa bouche le vi à lui parler,

« Et de son cors vi celui dessevrer,

« Qui le présent aporta à cest tref,

t j 1 8 — ijjo GAYDON.

« Par coi li home sont andui mort gieté.

— Gloz, dist Riolz, trop voz iestez hastez ; « Les meillors mes avez entroubliez.

« Hom sui au difc, nel voz quier à celer,

« Mon enciant .c. yvers a passez,

« Voire .vu**., car, gel sai de verté,

« En toute France n’a nul de mon aé.

« Mais nonpourquant ce devez voz jurer « Dont voz avez mon seignor encorpé ,

« Si t’ait Dex et la soie bontez ,

« Corn l’a mes sires et dit et pourparlé ,

« Et de sa main li véistez livrer « Qui le présent aporta en cest tref ,

« Par coi li home sont andui mort gieté ,

« Et que Karl on fu par lui présenté ,

« Pour lui ocirre et pour lui enherber.

— Par Deu , dist Karles , Riolz dist vérité ;

« N’a home el mont qui l’en puisse grever. >»

Et dist Thiebaus : « Bien ai Riol oï.

« Le sairement ai moult bien eschevi ,

« Se Dex m’ait et li saint qui sont ci ,

« Et tuit li autre qui por Deu sont sainti ,

« Que li dus a et porparlé et dit ,

« Et de Sa bouche li vi parler à lui ,

« Et de sa main li vi livrer celui « Qui le présent au roi Karlon tramist,

« Par coi li home sont malmis et ocis.

— Glouz , dist li dus , voz y avez menti ,

« Si m’ait Dex , qui en la crois fut mis ,

« Et tuit li saint, qui sont en paradis !

« Que je ne l’ai ne porpensé ne dit,

« Ne de ma part li presens ne vint ci, c Ne de ma bouche ne parlai à celui

IJH— 1?84

« Que traïsisse l’emperéor ainsiz ,

« Qui m’a bien fait et maintes fois chien,

« Et je l’avoie moult volentiejss. servi. »

Gaydes s’abaisse vers les sains-ibenéis,

Baisiez les a , et puis en piés sailli.

« Gaydes, dist Charles, voz en avez moult dit ; « Vo sairement avez bien eschevi.

— Sire , dist Gaydes , si m’ait Jhesu Cris,

« Onques encor en pansé ne me vint.

— Certez , dist Karles, tôt ainsiz sera il :

« L’un de voz .11. en convenra morir. »

Les sains baisa Thiebaus, li Deu mentis;

Quant les baisa, à poi que ne chaï.

Li dus s’avance , par le poing le retint ,

Puis li a dit : v Tu as ta foi menti. »

Thiebaus relace son elme poitevin ;

Et sa ventailie li lasa .1. meschins.

Les menus saus, vers son seignor s’en vint,

De plainne terre est en cheval saillis ,

Devant le roi .11. ademises fist.

Mais au monter Gaydon furent tel .m.,

Qui tuit sont conte et chevalier gentil.

Li dus monta, mais à l’estrier se tint ;

Voit le dus Naynmes, adont volsist morir.

Lors douta il que ses niés ne féist La traïson c’on sus li avoit mis,

Por ce quel voit simplement maintenir.

Vers Oriant à jenoillons s’est mis ,

Deu réclama qui onques ne menti ,

Et qui sa mort pardonna à Longis ,

La haute dame, de quoi sa mere fit :

« Hé ! Dex , dit il, dame de paradis ,

« Proie ton fil , roïne genitrix,

« Qui le travail et la painne an souffris,

1 38 j — 1-4*7 GAYDON.

« Et la fontainne dou ciel en toi ouvri !

« Voirs Dex de gloires, peres de paradis,

« venredi, quant tu la mors soufffiz,

« Et le vert maubre desoz tes piés fendis ,

« Et qui Jonas en la mer garandis ,

« Dedens le ventre d’un poisson qui Pot prins , « Et soz Ninive à terre le méis ;

« Sainte Suzane dou faus tesmoing garis ;

« As noces fustez le saint archeteclin ,

« Quant la fontainne féis devenir vin ;

« Et à la ceinne tes apostres servis ,

« Et lor lavas les piés par un juesdi ,

« Et si souffristez que Yudas voz vendi « .XXX. deniers : petit aquest ot ci;

« Hé! las, dolans, si grant avoir i mist!

« Gieu voz prinrent au jor dou venredi ,

« Et en la crois fu vostre saint cors mis.

« Longis li grans , qui ainz goûte ne vit ,

« Il prinst la lance , maintenant voz feri ,

« Que sans et eve jusqu’as dois descendi ;

« Terst a ses iex, et il tantost en vit,

« Bâti sa corpe et si cria merci ;

« Et voz li pardonnastez volentiers, de cuer fin. « Si corn c’est voirs , peres, que je ai dit ,

« Que vos féistez le pardon à Longis,

« Si aiez hui de mon neveu merci.

« Et se c’est voirs, peres , qu’il le féist ,

« La traïson dont est retez ainsiz,

« Biaus rois de gloire, sire, donnez moi fin,

« Que je nel voie vergonder ne honnir ! » Tenrement plore dus Naynmes li marchis; Moillent les geules dou pelison hermin.

Quant le voit Karles, à poi n’enraige vis.

Quant Karles voit duc Naynmon qui plora, Qui li donast tôt l’avoir de Damas ,

Ne se tenist li rois qu’il ne plorast. *

Dou pavillon se traist à une part ,

Ogier apelie et le conte Richart ,

Gui de Biaufort et l’orgoilloz Erart :

« Baron, dist il, traiez voz en enz sà.

« Très puis celle hore que montai en cheval ,

« Et soi entendre et le bien et le mal ,

« N’oi je mais duel qui à cestui tornast,

« Fors de la perte que j’oi en Ronsceval,

« Tout por duc Naynmes que je voi plorer là ,

« Mon conseillier, mon nobile vassal.

« Ainz maus consaus ne me vint de sa part ;

« S’or ne cuidoie cieuls et terre en croslast ,

6 Et touz li mons à mervelle an parlast ,

« Et mi baron nel tenissent à mal ,

« Geste bataille, certez, demorast ja,

« Et s’acordaisse le duc envers Thiebaut. » Ogiers respont : « Dehait quel loera !

« Puis revenist , demain l’en rapellast « .1. traïtors ou hom de male part,

« Por sa fierté à lui s’acordera.

« Laissiez combatre le duc envers Thiebaut ;

« Li dus a droit, se Deu plaist , si vaintra.

— Ogier, dist Karles , moult par iestez loial ;

« De vo conseil ne me vint onques mal :

« Ceste bataille jamais ne remanra « Tresqu’à celle hore que vaincue sera.

« Mais de Naynmon aj grant duel que voi là ,

« Et de Gaydon, quant si ainsiz ouvra. »

Une grant bierre fist li rois aporter,

A .11. serjans sor les chevax livrer ;

Devant les contes la fist en champ porter. - Ce senefie et orgoil et fierté Et la justice fort et grant et cruel ;

Là vôldra faire le recréant entrer,

Et puis à coes de chevax traîner.

Karles apelle le Danois alosé.

« Ogiers , dit il , à moi en entendez :

« Prennez 0 voz .nra. ferarmez ,

« Et autretant de legiers bachelers ;

« A trestouz ceuls faites le champ garder,

« Qu’il n’i entre hom qui de mere soit nés. » • Et dist Ogiers : « Si com^oz commandez! » L’euvre fu faite tout à sa volenté ;

Li dui baron furent el champ entré.

Enmi le champ est Thiebaus arrestez.

Et li dus a sor destre regardé,

La bierre vit, qui fu enmi le pfé,

De ses .11. iex commensa à plorer :

« Hé! Karles, sire, corn iez de grant fierté!

« Poi me vault ores mes riches parentez ,

« Et duc et conte et demainne et chasé ! »

Ogiers l’entent , à poi n’est forsenez;

Le cheval broche , vers le duc est alez :

« Riches dus, sire , por coi voz effraez ?

« Par celui Deu qui maint en trinité , ■ - ‘

« Se voz voi hui de traïson reté ,

« Je me ferrai d’un coutel acéré ,

« En la poitrine , ou en lonc ou en lé. »

Dist li dus : « Sire, trop tost voz desmentez. » [6Met hante en fautre, s’a le hiaume encliné.]

Et Thiebaus iert de l’autre part enz prés ;

A grant merveille i avoit bel armé .

A haute vois a le duc escrié :

«Je vos deffi; de moi or voz gardez! »

Et li dus Gaydes ne l’a asséuré.

Atant brochierent les destriers abrievez ;

De bien ferir ot chascuns volenté.

Les lances brisent, quant sont entrencontré, Grans cops se donnent sor les escus listez, Desor les boucles les ont frains et troez.

Mais li hauberc furent si fort sarré Nés pueent rompre, malmaitre ne fausser ;

Et li baron furent si aduré

Que l’uns ne chiet , ne l’autre n’est versez ,

Et lor espié sont tuit entier remez.

Outre s’en passent, irfé comme saingler,

A grant merveille sont andui esgardé ,

Lor tor ont fait, puis se sont retomé.

Retorné sont andui li bon vassal,

Retorné sont, si se livrent estai.

Atant reviennent , irié comme lieupart ,

Si s’entreviennent li nobile vassal.

Grans cops se fièrent enz escus à esmal ,

Que il les partent par desoz le bouclai.

Fors haubers ont , quant nus n’en desmailla ; Et li espié furent fort et poingnal.

Il s’entrefierent par grant ire coral ,

De cors , de piz , se hurtent par yngal ;

Nés pot tenir ne ceingle ne poitral,

Ainz s’entrabatent ambedui an terrai :

A poi ne froissent des elmes li esmal.

En piés resaillent li nobile vassal.

Li aus saut sus , qui le cuer ot loial , Isnellement revint à son cheval,

C’est Clinevens , qui delez lui esta.

En nulle terre ai bon destrier nen a ;

Il l’atendi, et li dus i monta.

1 5 1 8 — ijp GAYDON.

Quant Thiebaus voit li dus est à cheval ,

Et il au sien n’a point de recouvrai ,

Ainz s’en fuioit parmi les champs aval ,

Il se porpanse ja le duc ne faudra;

Ne fui mie , envers le duc s’en va.

Gaydes lefiert, qui point ne l’espargna,

Que son escu soz la boucle copa ,

Le blanc hauberc dessarti et faussa ,

Lez le costel son espié li guia ,

Que plainne paume de la char en osta.

Li dus passe outre , et la hanste brisa.

Thiebaus a dit : « Diables te forja ;

« Honnis soit cil qui tel fust te donna !

« Si m’ait Dex , failli home en voz a ,

« Qui contre moi combatez à cheval ;

« Mais descendez, si vos traiez enz sà,

« Si essaions qui mieus dou brant ferra. » Gaydes respont que ja ne l’en faudra.

Lors descendi li dus de l’autre part ;

Les resnes giete sor le col dou cheval.

« Hé ! Dex, dist Karles, com Gaydes est vassal!» Dist l’uns à l’autre : « Moult est Gaydes loial. — Certez , dist Naynmes , à pié se combatra. » Li cuens Thiebaus fu moult de male part,

Il tint l’espée, qui grant clarté gieta,

Qui fu Grifon, celui qui l’engendra.

.III. pas s’avance et s’arresta au quart,

Et fiert le duc sor son elme à esmal Que fl ors et pierres en abat contreval.

Li brans d’acier tout contreval rasa,

Parmi la boucle son escu li copa ,

Le blanc hauberc desrompi et faussa ,

Plus de .c. mailles à la terre envoia.

De tant parfont li a prins de la char

Li os en pert ausi blans com cristal ;

Li vermaus sans contreval en raia ,

Li herbe vers trestoute en vermoilla.

Trestoute l’ost en frémi d’unne part ;

Dist l’uns à l’autre : « Quel dammaige ci a ! » Et dist Thiébaus : « Senti voz ai de sà ;

<f Par celui Deu qui le mont estora ,

« Je sui icil qui voz chastoiera.

« Quant m’estordrez, par Deu qui tout créa ,

« Vostre proesce assez petit vaudra.

« Ran moi t’espée, envers Karlon t’en va « Criier merci : il le te pardonra.

« Toz mes lingnaiges por toi en priera ,

« Et je méismez , tant que ta pais auras. » Gaydes respont : « Dehais ait quel pensa !

« C’est mauvais sans qui de mon cors s’en va ; « Mestier en ai, ne fui saingniez piesa.

« Or voz gardez , car je voz ferrai ja. »

Par grant air vers Thiebaut s’en ala ;

Trait Hauteclere qu’Oliviers li donna En Ronscevauls, ansois qu’il deviast.

Li dus la hauce, par fierté l’esgarda ,

Thiebaut feri sor son elme à esmal Qu’il en abat les pierres en contreval ;

Le cercle cope que point n’i arresta.

Li brans d’acier moult durement trancha ,

Que l’un quartier dou hiaume li copa.

Touz fust fendus, mais l’espée avala,

L’escu ataint, trestout Pesquartela,

Et le hauberc desrompi et faussa ;

Plus de .viic. mailles en dessevra.

Enz an costel li brans d’acier entra '

Si en parfont que de la char osta.

Li foies pert, li pormons sozleva.

1586—1618 C.AYDON.

Or sont à pié ambedui li vassal ;

Li uns a plaie, li autres assez mal.

De lor espées font le chaple mortal Qu’il orent traites, dont d’or sontli seingnal.

Gaydes parole en haut , si s’escria :

« Par Deu , traîtres , jehir voz convenra « Qui les puisons à Charlon envoia ;

« Vez ci la bierre où vos cors mis sera ;

« Car loiautez tout adez vaintera « J a traïsons contre pooir n’aura. »

Thiebaus respont : « Ja riens ne voz vaudra. »

Vers lui se trait, durement s’aïra.

Gaydes li dus moult forment le hasta.

Fransois le voient, chascun en sozpira;

Grant paor out qui son ami i a :

N’iert pas merveille se chascuns le douta.

Thiebaus li glous out le cuer moult félon ;

L’espée tint dont à or fu li pons ,

Qui fu son pere, le riche duc Grifon ,

Cel d’Autefoille o le flori grenon. ,

Parmi son elme en va ferir Gaydon ,

Mais ne l’empire vaillissant .1. bouton,

Car une fée l’en ot donné le don Qu’il ne doute arme vaillissant .1. bouton.

Li cops descent par delez le menton ,

L’escu li tranche , ainz n’ot defféncion ,

Le pan li cope dou hauberc fremillon ,

La chauce trenche qu’est clere corn glason ,

Et de la jambe li osta un braon ,

J ouste le pié li copa l’esporon.

L’espée fiert demi pié en sablon ;

Thiebaus l’en saiche qui ot cuer de lyon :

Dammaiges fu qu’il ne fu loiaus hon.

i6i$ — liji

« Avois ! s’escrie, ne fui je fiz Grifon ,

« De Hautefoille le nobile baron ? »

Aprez a dit : « Comment voz est, Gaydon ?

« Ne fust la verge dou doré esperon,

« Trenchié éussez le pié et le talon. »

Et dit li dus : « Malement alast dont;

« Je t’en cuit rendre moult bien le guerredon , « Tel c’on doit rendre à traïtor félon. » Thiebaus a dist : « Par Deu et par son non,

« Je voz donrai tele confession « Que jamais prestres ne voz aura fuison. » Gaydes respont : « Par le cors saint Simon,

« Je voz ferai jehir la traïson « Corn li presens fu envoiez Charlon.

« Voz me haez, je sai bien Pochoison ,

« Por vostre frere, le conte Ganelon ,

« Por Pynabel qui le cuer ot félon « Mis m’avez sore que je fiz la puison « Dont furent mort ambedui li garson ;

« Mais, foi que doi au cors saint Syméon,

« Ansoiz le vespre, voz lirai tel leson « Dont voz aurez en col le chaaingnon. » Thiebaus l’entent , s’en ot au cuer frison,

Sore li cort par grant aïrison.

Li dus Patent comme bons champions.

Au brant d’acier font si grant chaplison Que de lor cors ist li sans à bandon.

Li baron furent enmi le pré flori,

Requièrent soi corn mortel anemi.

Gaydes li dus ot moult le cuer marri ,

Quant voit Thiebaut, le traïtor failli,

Qu’il Pot navré, dont forment s’engrami.

Tmt Hauteciere dont li brans fu forbis,

1 6 j a — 1 684 GaYDON.

Vers Thiebaut vait, qui en pré l’atendi. Moult par fu fiers, onques ne li guenchi ;

De son escu cointement se couvri.

Gaydes le fiert, qui moult bien l’a choisi, Cuer et talent et pooir y a mis.

Duel ot li dus, si grant cop li feri Que son escu li trencha et fendi ;

L/iaume copa et la coiffe autressi.

L’espée torne , ce l’a de mort gari ;

Et nonporquant la teste consievi ,

Que de la char plainne paume en rompi.

Enz en l’espaule l’espée descendi Jusques as os, que li sans en chaï.

Enz en Pespaule l’espée descendi ;

Toute l’espaule éust copée parmi ;

Thiebaus le fuit, quant le cop a senti.

Il chancela à poi qu’il ne cha'i.

Gaydes li dist : « De sà voz ai senti.

« Ainz que soit vespres , aurez Karlon jehi « Qui le présent et les parmains basti. » Thiebaus respont : « Mar m’i avez laidi ;

« Tu m’as paié , je repaierai ti. »

Li baron sont enmi le pré , à pié ;

Moult ont féru et moult ont chaploié.

Requiert Puns l’autre , corn lyon enraigié. Dou sanc des cors est li prés vermoilliez ;

N’i a celui qui n’ait le cors plaié.

Thiebaus tenoit le brant d’argent seingnié ; ' Son escu a amont son bras haucié,

Le branc estraint , puis l’a amont drescié, Fiert ent Gaydon, ne l’a mie espargnié, Parmi son elme qui fu à or yergiez ;

Pierres et flors en a jus envoié.

Li cops descent sor l’escu vermoillié Que il li a en .il. moitiés trenchié ,

Et le hauberc de son dos desmaillié ;

En flanc senestre li est li brans glaciez.

Li fel a si Gaydon dou cop paié Qu’à un jenoîl le fist agenoiilier.

« Hé las ! dit Naynmes, sor coi l’ai je plegié ? « Par le Seignor qui pardonne pechiés ,

« S’il est vaincus, mais n’aurai mon cuer lié,

« Ainz m’enfuirai quant il iert anuitié. » Fransois le voient , si en sont esmaié ;

Tuit li plusor en plorent de pitié ,

Por le franc duc qui fu ajenoilliez.

Gaydes saut sus, de honte est vergoingniez. Et Thiebaus l’a par contraire arraisnié :

« Par mon chief, Gaydes, mal avez esploitié , « Quant le présent osastez envoier;

« Voz en aurez la hart en col ploié.

— C’est tout en Deu , Gaydes li respondié.

« Ainz que voiez le soleil abaissié ,

« Voz aurai si par armes chastoié « En col aurez le chaaingnon lacié. »

Dont li cort sus , le brant nu empoingnié ,

Et Thiebaus lui ; mais tant orent saingnié

Que il sont si dou sanc affoibloié

.1. poi reposent , tant qu’il sont refroidié ;

Puis s’entrevienent, n’i ont plus delaié,

Li uns en l’autre trouve poi d’ammistié.

Ainz qu’il départent , ge voz di sans cuidier Que l’uns aura le coraige changié :

Qui aura droit , bien sera esclairié.

Gaydes li dus fu forment irascus De ce qu’il fu à genoillons chéus ;

t7i8 — 175 b Gaydon. 55

L’espée tint, dont li brans fu molus ,

Envers Thiebaut en vint, les saus menus ,

Le branc estraint à force et à vertu ,

Et fiert Thiebaut parmi son elme agu ,

Que flors et pierres en fait avaler jus.

Li brans descent contreval par vertu ,

Qu’an .11. moitiés li copa son escu ;

La manche ataint dou hauberc qu’ot vestu ,

Le bras li tranche , onques n’i arrestut :

A terre chiet li bras à tout Pescu.

Voit le dus Naynmes, grant joie en a éu.

Se il osast , il parlast ja au duc ;

Mais trop redoute Pemperéor chenu ;

Por ce le lait qu’il ne l’a mentéu.

Mais de Thiebaut ne sot pas la vertu ,

Qui el poing destre tenoit le brant molu.

Quant Thiebaus voit que de son bras n’a mie, Qu’njut à terre sor l’erbe qui verdie,

Li cuers li ment , ne puet avoir baillie.

Lors sê porpanse d’une grant baronnie ; .

Poi est des homes qui le pensaissent mie :

Ainz que dou cors h départe la vie,

Fera au duc ancor une envaïe.

Il trait l’espée el poing, qui reflambie,

S’en fiert Gaydon sor l’elme qui verdie,

Que flors et pierres tout contreval en guie. Luîmes est bons , n*empira une aillie ,

Et li cops grans, que nel pot porter mie;

Envers l’abat enmi la praerie.

Fransois cüidierent la teste éust tranchie.

Li dus saut sus, ne s’asséura mie:

« Avois! escrié1; Sainte Marie, aïe! »

Tint Hauteclere , une espée saintisme :

J4 ' G AYDOlf. 17{ i — 17&2

En pomel d’or avoit bonnes reliques Dou bras saint J orge et dou corps saint Denise; Fiert en Thiebaut sor Piaume qui verdie, - Que flors et pierres tôt contreval en guie ,

Le cercle tranche à l’espée forbie,

Devers senestre li a rese Poriile ,

Et dou test prent une moult grant partie.

Li cops fu grans, si nel pot porter mie ; Chancelant vait enmi la praerie.

Li dus le hurte , si que Thiebaus souvine ; Envers Pabat sor Perbe qui verdie. > - Gaydes le voit , Dammeldeu en mercie.

Quant li dus voit que Thiebaus fu versez , N’ot mais tel joie dès Pore qu’il fu nés ;

Trait Hauteclere , sor lui s’est arrestez ,

A haute vois commensa à crier :

« Par Deu , traîtres , fait il, voz j eh irez « La traïson qu’aviiez porparlé ,

« Dont voz m’aviez à grant tort encorpé « Vers Kallemaine, qui tant m’avoit amé. » Thiebaus l’entent, si n’a nul mot sonné.

Quant Thiebaus oit parier le duc Gaydon , D’unne grant piece ne dist ne o;ne non.

Lors se porpanse Thiebaus, au.cuer félon ,

Se il iehist la mortel traïson, j ^ ;jUK ; -, Penaus sera Amaugins et Sansons,^

Et li ostaige qui sont en la prison. n?iT; ;; , Lors dist aprez li encriemméjs felop$; ; L v/i ,« Cil se garissent, se il puepnt ou pon, ,f.> : .

« Car je sai bien nen aurai garisoi). »;; ; , t • • Où voit le duc, si lîa^Srà^aisoii,:!^-» :^ïOVa • « Certez , dus Gaydes, je fis la traïson , ■ (

,78j i8.f GAYDON.

« Et à mes mains destrempai la puison,

« Et le présent envoiai à Charlon.

« Rois cuidai iestre de France et de Loon ;

« Mais Dex ne weult, par son saintisme non. « Nel di por ce, n’en quier avoir pardon ,

« Ne vers nul prestre nulle confession ;

« Car en anfer aurai harbergison « Avec mon frere le conte Ganelon. »

De ce se rient Fransois et Borgoingnon , Toutes les gardes entor et environ.

A Karlemaine en est alez li tons ,

Là où estoit dedens son pavillon ,

Que Thiebaus a jehi la traïson ;

LT rois l’entent, noircist comme charbon.

En piés se dresce li rois de Monloon ,

Dresa sa main , si a saingnié son front :

Grant merveille a de Thiebaut d’Aspremont.

« Dex, dist li rois, qui formas tôt le mont,

« Tant mal m’ont fait li parent Ganelon ! » Ogiers a dit : « Que faitez voz , Gaydon ?

« Prennez la teste de l’encriemmé felorf. » Gaydes a dit : « Volentiers le ferons. »

Lors li deslace le hiaume Clarion,

La teste en prent quel virent .M. baron ,

Mis l’a en hiaume sans nulle arrestison.

[*Gaydes] li dus fu chevaliers courtois; S’espée dresce contremont demanois,

De toutes pars vit les coutiaus adrois :

« Hé! bonne espée , quel coutel ai en toi!

« Bien soit de l’arme cui tu fus devant moi , « C’est d’Olivier, le chevalier cortois ! >r Prent la Thiebaut , si la met devant soi , Desor son piz li a couchié en crois :

« Hé ! Dex, dist Karles, com cist dus est cortois ! » Riolz dou Mans i est venus ansoiz,

Puis li a dit : « Riches dus , tant voz voi « [6Descoloré] ne sai se gariroiz. »

Li dus respont : « Mar voz esmaieroiz ;

«Ne fust li sans qui tant ist desoz moi,

« Dusqu’à ne guaires portaisse tés eonroiz.» Entor lui garde nostre empereres drois ,

Et voit ses mires , les meillors qu’il avoit :

« Maistre Garin, alez au duc véoir « Se ja aide nul mestier li aurait ;

« Uns autres mires l’estanche à celle fois. » Garins s’en torne et vait au duc véoir.

Li dus l’esgarde maintenant devant soi :

« Maistre Garin, tornez de devant moi;

« Une autre fois me revenez véoir ,

« Se Dex m’aït, que je n’ai nul voloir « De véoir home qui de par Karlon soit. » Garins s’en tome, et vint arriéré au roi :

« Sire , fait il , por Deu, or ne voz poist ;

« Si m’ait Dex , li dus n’a nul voloir « De véoir home qui de vostre part soit.

— Se Dex m’aït, dist Karles, il a droit;

« Mais en ma vie jor amer ne me doit. »

Gaydes li dus a Thiebaut resgardé,

Qui devant lui gisoit toz enversez :

Grant ot le cors , parcréu et membré,

Graindres de lui .1. grant pié mesuré,

Tout sans le chief, que il avoit copé.

Tint Hauteclere qui giete grant clarté ;

Desor Thiebaut la mist par grant fierté ,

Puis s’agenoille li dus lez lui en pré.

Vers Oriant avoit son vis tomé ;

4849— i»8a GAYDON. $7

Ses .11. mains jointes, a le chief epcliné ,

A Deu rent grâces, le roi de majesté,

De ce qu’il a tel aversier maté Qui vers Karlon i’avoit si encorpé.

« Hé! Dex, dist Gaydes, par ta sainte bonté,

« Com j’ai le cors et plaié et navré !

« A com grant tort m’avoit cis gloz reté !

« Mais Dex m’en a la victoire presté.

« Moult m’avoit or Karles coilli en hé,

« Et s’avoit tort , or est bien esprouvé.

« Dex doinst qu’il s’en repente ainz que l’an soit outrez ! « Si fera il , se je vif en sancté.

Atant se dresce , si a son brant levé ;

Amont l’adresce , par grant nobilité :

Bien resamble home qui el cors ait fierté.

Naynmes l’esgarde s’a Ogier apellé,

Et dant Richart et Riol le barbé , 1-3

Environ lui son riche parenté :

Bien furent .c., que conte, que chasé.

Li uns prent l’autre, vers Gaydon sont alé,

Toutentor lui se sont avironné ;

Chascuns tenoit en poing le brant letré.

Riols li vieuls a Karlon apellé,

Et [fcpar] rampone li a Thiebaut monstré :

« Sire , dist il , vez là vostre avoé ;

« Estraingniez lui les flans et les costez 1 « Forment l’aviez en poi d’ore enamé.

« Vostre oriflambe portera en esté , c Quant voz irez vengier la mort Forré.

« Si m’ait Dex , li rois de majesté ,

« Li tràitor voz ont embriconné;.. •

« Par lor avoir voz ont tout aveuglé.

« Mais , se Deu plaist qui tout a estoré ,

« U voz feront encores moult iré. a

Karles l’entent , si a le chief croslé ;

A soi a dit : « Thiebausa meserré;

« Adez i pert qui fait desloiauté. »

Gaydes se sist , qui tant avoit sainné Qu’il en ot tout le vis descouloré ;

Et ses lyngnaiges l’a tout entor gardé.

As mains se tiennent li baron alosé Tout autressi corn aient carolé ;

Por le duc sont durement effraé ,

Qu’il voient si taint et descouloré.

Gaydes li dus s’assist en son estant ;

Tant ot sainné et derrière et devant L’erbe qui ert vers en ala vermoillant.

Atant se drescent li baron maintenant ; Dedens son tref l’emmenerent errant,

Ogiers et Naynmes et Richars li Normans, Guis de Biaufort, li preuz Riolz dou Mans. Lors désarmèrent le chevalier vaillant ,

Puis le couchierent en .1. lit d’olyfant.

Ses plaies bendent, dont moult se va dolant; De grant angoisse se va souvent pasmant. Environ lui vont tenrement plorant ,

Et sa proesce doucement regretant.

Li dus les vit , ses va réconfortant.

« Baron ^ dit il , ne soyez pas doutant ;

« Bien garirai , se Deu plaist , le puissant.

« Faitez savoir, gel voz di et commant ,

« Que la justice on face dou tyrant; •

« Et de ses pleges, por Deu le roi amant,

« Se il en prent ne petit ne noiant,

« Or ne argent, .1. denier vaillissant « Li empereres cui France estapendant,

« Qu’il ne les pende ou maite en feu ardant,

« Je li ferai encor le cüer doiant. »

Dist Naynmes : « Sire , por le cors saint Amant,

« Celez vo cuer, ne ditez mie tant,

« C’on ne voz teingne por nice et por anfant. »

Gaydes li dus fu en son tref demainne,

Où ses barnaiges por lui grant duel demainne.

Or voz dirai dou fort roi Karlemaine. !

Il fu montez sor .1. destrier d’Espaingne;

Vint à Thiebaut, qui gist mors en la plaingne,

La bierre mande , et on lors li amainne.

Lors jure Deu, qui fist la quarentainne,

Que Thiebaus iert pendus, ainz queli plais remâingne. Couchier le fist en la biere demainne ^ « . n*

Et puis porter sor une pierre autainner c Là le fist pendre : c’est justice souvrairine. j Hardrez le voit , à poi qu’il ne forsainne; .<3 .

Tel .xxx. conte se pasment en l’arainne.

Qui tuit estoient de la geste prochienne ; '

N’i a celui qui n’ait cité demaingne.

Chascuns s’affiche ainz qu’an son régné veingne, Donront Karlon , s’il pueent, tel estraingne Dont il morra de la mort soubitainne;- Gardon metront en si male semainne Qu’il iert ocis à dolor et à painne.

Ferraus , ses niés; qui san*hramois enmainne , . Sera ocis , n’aura pas mort lontainne ;

Car Auloris , qui a proesce plainne,j Vengera bien dant Thiebaut de.sa painne^ . -j Et Amaufroit metront en tel chaainne; :

Dont ja n’istra, bien en poist Karlemaine. ;

r/ji jc.j ira ■

Or est Thiebaus as forches encroei i ’i a.l Par les espaules , car li chiés fu copez^uv

Hardrez le voit , A poi qu’il n’est desvez ; D’Amboyn fu dolans et effraez,

Et de Sanson , qui fu emprisonnez :

Karlon redoute qui fu plains de fiertez ,

Qu’il ne les pende, quant Thiebaus est tuez.

A son lyngnaige a dit : « Seignor, prennez « .11. fors murlés de vostre avoir troursez,

« Et à Karlon tantost les trametez ;

« Convoitoz est , nos neveus raverez. »

Et cil respondent : « Certez, bien dit avez. » L’avoir ont prins , car tost fu aprestez ;

Mener le font , avec ala Hardrez.

Vint à Karlon , si a dit : « Sire , oez :

« Servi voz ai touz jors en loiautez,

« De vilonnie ne fui onques retez ;

« Se uns fel fist envers voz faussetez ,

« N’est pas droiture por ce que me haez;

« Car touz jors sui vos drus et vos privez ,

« Et servirai en bonnes volentez. »

L’avoir fist panre , puis dist : « Sire , tenez. »

Et dist li rois : « .Ve. mercis et grez.

« Por vostre amor iert Sanses délivrez,

« Et Amboyns, vos niés, cui tant amez. »

Lor li a Karles touz cuites délivrez.

.1. mes s’en est tout maintenant tornez ;

Vint à Gaydon , si dist : « Voz ne savez ? '

« Amboyns est et Sanses délivrez.

« Karles les a de sa prison gietez ,

« Por le tressor que li donna Hardrez. »

Gaydes l’entent , à poi n’est forsenez. Kl

Il jure Deu , le roi de majestez , i

Que ja par tans iert Karles deffiez.

Et dist Riolz : « S’il voz plaist , tant souffrez « Que voz soiez garis et respassez.»

1983 — 201 5 GAYDON. 6i

Gaydes a dit : « Si con*voz commandez. » . i. D’euls le lairai , et ci après orrez Dou preu Ferraut qui s’est acheminnez ,

Et d’Amaufroi , et aes .viic. armez Cui li harnois Gaydon fu commandez.

Vers Angiers vont tout le chemin ferré ;

En val de Glaye ez les voz touz entrez. • / .

Se Dex n’en panse, li rois de majestez ,

Ainz que soit vespres ne solaus esconsez ,

Sera chascuns malement destorbez.

Paor aura trestouz li plus osez ■' .

Dou chief à perdre, se Dex n’en a pitez ;

Car Auloris, li traîtres prouvez ,

Fu embuschiez, o ,iim. d’armez,

En val de Glaye , soz les aubres rammez. Ferraus li preus est sor destre gardez ;

Vit .i. vilain qui fu touzeffraez :

Mal fu vestus, si fu estrumelez ,

Et comme fox fu par lieus bertaudez.

Ferraus li preus en est à lui alez :

« Amis, dit il, por qu’iez si atornez P — Sire , fait il , ne sai quel vif maufé « Sont en cel bois , soz les aubres rammez ;

« Plus en i a de .nm. d’arrfiez « A cleres armes, à destriers sejornez,

« Si m’ont batu et si m’ont défoulé.

« Souventes fois i fu Ferraus nommez, ^

<c Et Amaufrois souvent renouvelez.

« Moult les menacent, sachiez, c’est veritez,

« Se il les truevent , tuit seront desmembré. » Quant Ferraus l’oit, li sans li est muez ;

Tout maintenant s’est l’anfes porpansez C’est Auloris qui là s’est arrestez ,

Por euls ocirre les i a touz mandez.

6l GAYDON. 2016— ao-,

Vint à sa gent , si lor dist : « Descendez,

« Prennez vos armes et si voz adoubez ,

« Car jusqu’à poi pezant estor aurez.

« Soyez preudomme et ne voz desperez.

« Gaydes, biaus oncles, Dex soit vostre avoez ! <1 En grant péril, biaus sire, iestezremez;

« De voz me poise plus que de moi assez. » Atant descendent, si se sont conraé ;

Lor chevax ont restrains et receinglez,

Puis remontarent : ez les acheminnez.

Ferraus li anfes les a devant guiez,

Et Amaufrois, qui prez li fu au lez.

Or les conduie Jhesus de majestez,

Car, s’il n’en panse, tuit sunt à mort livré !

Ferraus s’en vait et li preus Amaufrois,

Et li .viic. armé de lor cônrois;

As escuiers font mener le harnois ,

Le val de Glaie chevauchent à esplois.

Serré s’en vont, parmi le sapinois ,

Tuit à bataille; n’i ot cri ne esfrois.

Forment redoutent le traïtor renois,

Ne mais Ferraus, qui fu preus et courtois.

Lor dist : « Seignor, mar voz esmaierois.

« Au bien ferir sera touz li esplois,

« Car moult noz héent li traïtor sans foi :

« Il jurent Deu, qui por noz fu destrois,

« Ja por paor ne fuiront une fois.

« S’il noz assaillent, noz i metronz defois,

« Et, se Deu plaist, lor en est li sordois. » Ferraus resgarde tout parmi les aubrois;

Desoz .1. aubre qui fu et haus et drois ,

Vit .11. barons touz armez à lor chois :

Ceuls agaitoient qui viennent demanois.

Ferraus apelle Amaufroit et Symon « Entendez sà, si orrez ma raison : ■

« J’en voi là .11. desor les arragons,

« Bien sont armé ambedui li glouton ;

« G’irai véoir qu’il welent ne qu’il sont.

« Se bien nous welent, bel les apellerons,

« Et se il welent bataille ne tanson ,

« Il l’auront preste, par saint Pol d’Avalon. » Atant brocha le destrier arragon ,

Et vint as .11., desozl’aubre réont.

Li uns des .11. Ciarembaus avoit non;

Li autres, Forques : moult otle cuer félon. Ferraus Ior crie clerement, à haut ton :

« Quex gens estez ? que n’i ait celison. » Forques respont . « Ne voz en mentirons :

<( Home Aulori , ne querons se voz non.

« Ancui aurez en col le chaaingnon ;

« N’aurez garant de vostre oncle Gaydqn. » Ferraus respont : « Ne voz pris .1 . bouton. » Le cheval broche, qui li cort de randon. Forques li vient à force et à bandon.

Grans cops se donnent ens escus as lyons; Desoz les boucles sont percié li blazon ;

Mais bien se tinrent li hauberc fremillon. Forques brisa sa lanse an .11 tronsons. Ferraus l’enpoinst par tel devision Que vers le ciel en volent li tronson.

Si durement je hurte à .1. tyson Que par .1. pou ne brisa son chaon.

Ferraus passe outre , le trait à .1. bouzon.

Et Ciarembaus a point par contenson ,

Vers Ferraut vint , par grant a'irison ,

Sa lance brise, qu’en volent li tronson. Ferraus li vient plus tost qu’alerions :

Sor les escus se fièrent à bandon,

64 GaYDON. 5084 — au7

Que il les percent ausiz com auquetons ;

Mais li hauberc lor font deffencion :

Les hantes brisent où sont li confanon.

Ferraus le voit , si tainst comme charbons ;

Traite a l’espée qui li pent au giron ,

Clarembaut nert sor son elme réont ,

Que flors et pierres en abat an sablon.

Li cops descent par delez le menton,

L’escu li tranche , ne li vault .1. bouton,

Le bon cheval atainst devant l’arson ,

Le col li tranche com ce fust .1. moutons.

Li chevax chiet à terre , à ventrillons ; Clarembaus chiet de mort en sozpeson ;

Mais il saut sus , n’i fist arrestison.

A haute vois hucha son compaingnon :

« Secorrez moi , por Deu et por son non ! »

Quant Clarembaus vit son cheval ocis ,

De mautalent fu toz tains et noircis :

[^Forques, escrie^j : « Secor moi, biax amis! » Quant Forques l’oit, si est en piés saillis ;

Tout maintenant a son cheval requis ,

Si est montez, à la voie s’est mis,

En fuiez tome contreval le larris,

En haut s’escrie , à moult doliroz cris :

« Aulori , sire , vez ci vos annemis ! »

Auloris l’oit, moult en fu esjoïs;

El cheval monte, de l’agait est saillis.

Ensamble 0 lui Mile et ses frere Guis ,

Et avec euls .nm. fervestiz,

Dou bois issirent, si ont les champs porprins.

« Avois! escrient, Ferraut, par saint Denis,

« Mar fu Thiebaus de Gaydon assaillis !

« Ainz que soit vespres ne solaus obscurcis ,

« Serez voz tuit detranchië et ocis.

3, J7 — 2, JO Gaydon.

« Ja nus de voz n’en eschapera vis. »

Quant Ferraus l’oit , se li mua li vis ;

La force voit des gloutons maléis, Clarembaut laisse , qui fu à pié marris ,

Vers Aulori est maintenant guenchis.

Une fort lance li donna estormis Uns chevaliers qui fu nés à Senlis;

Ferraus la prent , moult s’est bien ademis. L’escu a joint devant enmi son pis , Ataignant broche des espérons massis.

Et Auloris li vint touz ademis.

A l’aprochier ont les espiés brandis ,

Grans cops se donnent devant ens escus bis , Que il emportent le taint et le vernis ;

Mais li hauberc les ont de mort garis.

Li espié brisent et volent- par esclis.

De cors , de pis , se sont aconsievi ;

N’i a celui ne soit touz estordis.

Li oil lor tourblent , tant fort sont esbloî. Isnellement ont trais les brans forbis.

Entre ces .11. ot moult grant chapléis; Devant se fièrent à estoc enz el vis.

A Aulori tournast, je cuit, li pis;

Li preuz Ferrauz l’avoit si fort aquis Qu’à bien petit li fust li cuer partiz,

Quant poignant vint Haguenons et Guerris, Et Guis et Miles, Hugues et Hernays, D’autre part vint Amaufrois li marchis, Seguins li preus , Symons et cuens Hanris, Et li .viic. de chevaliers de pris.

A l’assambler ot moult grant feréis,

Et desespées fu grans li froisséis;

Une grant lieue en tentist li pais.

Amaufrois broche , ne fu mie esbahis ,

II Jt— 2l8j

Et fiert Acart dou roit espié forbi ;

Ainz arméure ne li vault .1. samis.

Parmi le cors li a son espié mis ,

Mort le trébuché; les arsons a guerpis.

Et Symons fiert Alyaume de Vergis ,

.1. traïtor, qui maint mal ot basti :

Fer et enseingne parmi le cors li mist,

Mort le trébuche très enmi le larris.

Ferraus a mort Gobert et Hernays ;

Des traitors ont mors tex .xxxvi.

Dont Auloris fu moult mautalentis.

Et Amaufrois avoit Clarembaut prins ;

Ocis l’éust , s’il ne criast mercis.

Voit le Auloris , de duel est toz noircis ; S’enseingne escrie por les suens resbaudir.

A celle empointe les ont moult malbaillis.

Il les éussent maintenant desconfiz,

Quant Amaufrois lor est devant saillis ,

Li preus Ferraus, avec lui Anséys,

Hanris li anfes et Simons et Seguins.

Là commensa moult grans li chapléis ;

Là pert Ferraus granment de ses amis, te Dex , dist Ferraus , sire de paradis ,

« Corn noz ont ores cil traïtor sozprins !

« Mais, par celui qui pardon fist Longis ,

« Ansoiz que soit li jors del tout fenis,

« Lor vendrai cher le mal qu’il ont emprins.»

Li preus Ferraus sa maisnie ralie ,

Et Amaufrois à la chiere hardie.

« Seignor, fait il, por Deu, le fil Marie,

« Deffendez voz, si ferez courtoisie,

« Vers celle gent cui li cors Deu maudie ;

« Carde Gaydon n’atendons nulle aïe :

2i84— 2218 GAYDON. 67

« Apellé l’a Thiebaus de felonnie.

« Ne savons pas comment l’euvre s’est prinse ;

« Mais se nostre oncles en puet porter la vie,

« Li traïtor comparront l’ahatie :

« Encor lor iert la traïsons merie.

« Et s’il i muert, n’ai cure de nos vies.

« Mais , por cel Deu qui tout a en baillie ,

« Venjonz noz bien vers celle gent haïe ,

« Qui touz jors font traïson et boisdie ! »

A ces paroles Auloris se rescrie ,

Et Guis et Miles qui nés amoient mie.

Li traïtor viennent à une hie.

Auloris broche, une lance a saisie,

Et fiert Guillaume qui fu nés en Valie ;

L’escu li tranche et la broingne treslie ,

Parmi le cors le roit espié li gnie,

Mort le trébuché enmi la praerie.

Et Guis ra mort .1. chevalier, Elye,

Miles, ses freres, Huon de Verberie.

La gent Ferraut ont forment malbaillie Parmi .1. guez les mainnent tôt à hie,

Le harnois ont saisi en lor partie Voit le Ferraus, à pou qu’il ne marvie;

Et Amaufrois moult doucement li prie.

« Couzins, dit il, por Deu, le fil Marie, v As traïtors faisons une envaïe. »

Et dist Ferraus : « Tex sera l’envaïe « Quel comparront ainz que sonne complie. » Lors laissent corre les destriers de Sulie.

Ferraus feri , sor la targe florie ,

.1. traïtor qui forment iescuivrie.

Escus ne broingne ne li vault une aillie;

Parmi le cors son roit espié li guie ,

Mort l’abati enmi la praerie.

Puis fiert Pontacle qui tenoit Pontrelie;

Arme qu’il ait ne li vault .1. ailiie.

Puis trait l’espée qui luist et reflambie ,

Fiert Aulori sor l’iaume de Pavie,

Que flors et pierres tôt contreval en guie ; Iviaume li tranche et la coiffe est faillie.

J ouste la face est l’espée glacie ;

Toute l’espaule li éust detranchie ,

Quant l’espée est dedens l’escu vertie.

Voit le Auloris , toz li sans li fremie,

Chéoir se laist enmi la praerie.

Et Amaufrois de noient ne s’oublie;

Au brant d’acier durement le maistrie.

Miles et Guis , cui li cors Deu maudie,

Tôt maintenant ont no gent racoillie ;

El destrier l’ont remonté de Sulie,

Qui moult avoit la chiere espaourie.

La gent Ferraut ne se roublient mie;

Parmi .1. guez les mainnent sans navie.

Quant voit Ferraus que sa gent affoiblie ,

Tel duel en a à poi qu’il ne marvie ;

A destre garde, voit une tor antie,

Sor une roche , en la selve foillie.

« Dex, dit Ferraus , ne noz oubliez mie.

« S’à celle tor venoie à garantie ,

« Ainz que fust prinse, i auroit grant haschie. »

Quant Ferraus ot celle tor avisée ,

Qui sor la roche estoit très bien fermée ,

A Amaufroit a la raison contée.

« Couzin, dit il , la force paist la prée.

« Grant pooir ont celle gent parjurée ;

« Envers lor force n’averienz noz durée ;

« Mais je voi là une grant tor quarrée :

« Se nostre gens i estoit enfermée ,

« Ainz que fust prinse , seroit cher comparée. »

a»jj— «86 GAYDON.

Dist Amaufrois : « C’est veritez prouvée. » A ces paroles ont lor gent rassamblée ;

As traïtors vont faire la meslée,

Ferraus devant , en destre poing l’espée ,

Et Amaufrois , à la chiere membrée.

Toute lor gens les sieut de randonnée.

Dont fu Valye hautement escriée,

Et Hautefoille n’i fu pas oubliée.

Droit vers la tor ont lor voie hastée.

Mais Auloris connut bien lor pansée ;

Car moult savoit de guerre et de meslée.

.C. chevaliers a prins en recelée.

« Or tost , fait il , alez sans demorée « Vers celle tor, si saisissiez l’antrée. »

Et cil respondent : « Ainsiz corn voz agrée. Tantost s’en tornent le fons d’unne valée ,

A la tor viennent, si ont saisi l’antrée,

Le pont depiecent , s’ont la barre copée , Enz an fossé ont les planches gietées.

Se Dex n’en panse et la vertus nommée , Ferraus iert prins, sa mors est aprestée,

Et Amaufrois et lor gent decopée.

Li traïtor lor font une huiée ;

Trosqu’à la tor n’i ot resne tyrée.

Mais Ferraus trueve la tor mal aprestée.

Sa gent avoit devant lui arrestée,

Et Amaufroi, qui moult bien l’a gardée ; Mais quant il virent la porte fu fermée ,

N’i a celui n’ait la coulor muée.

« Dex, dist Ferraus , corn dure destinnée!

« Hé ! bonne gens , por la virge honorée ,

« Gardez hui soit vo proesce monstrée ;

« As brans d’acier lor donnez grans colées , « Car vers noz cuident avoir borse trouvée.

Entre Aulori et son frere Guion Et Haguenon et le cuivert Milon Voient Ferraut qui fu en souzpeson Et Amaufroi armé desor Vairon ,

Qui lor gens rengent de desor .i. roion. DistAuloris: « Oresgardez, baron :

« Cist ne sont mie esbaubi ne garson ;

« Vez corn chascuns s’abaisse enz ou blazon.

« Ainz que prins soient , voz di par saint Simon , « Noz auront il fait dammaige à fuison.

<( Mais or oiez, seignor, que noz ferons : v Corrons lor sus entor et environ ;

« Vers noz n’auront durée ne foison. »

Atant lor viennent à moult grant huïson ; lluec ot mis mainte lance en tronson ,

Dont mains preudon chaï jus des arsons ,

Qui i morut tout sans confession.

Dist Amaufrois : « Ferraut , quel la ferons ? » Ferraus respont : « Ici noz deffendrons.

<f As brans d’acier faisons murs et donjons.

« Au bien ferir gist nostre garisons ;

« Car noz n’auronz nul secors de Gaydon.

« Thiebaus le raite à court de traïson ;

« De la bataille ne savons o ne non. »

A ces paroles esperonne Vairon ,

Et Ferraus broche Ataingnant l’arragon;

Enz traïtors se fièrent à bandon ;

Aprez les sievent li chevalier baron.

Amaufrois fiert Sohier de Besenson ,

Dou brant d’acier, sor son elme réont;

Ne li valut vaillissant un bouton :

Tout le porfant enfresci qu’en menton.

Et Ferraus a ocis Estevenon Et Manesier, Berart et Nevelon.

Bien i ferirent trestuit li compaingnon.

Et Amaufrois ra abatu Milon,

Et Aulori , et son frere Guion ;

Mais tant i ot dou lyngnaige félon Qu’il les remontent sans point d’arestison, Puis lor reviennent par grant aïrison.

Li traïtor lor font grant huïson ;

Ocis lor ont Gautier de Mont Loon ,

Poinsart de Nantes et de Toart Huon,

]Et de Nivelle Manesier et Simon.

Tuit furent prins , escuier et garson ,

Et lor harnois dont il [*i]ot fuison.

Ferraus le voit, si tainst comme charbons.

« Dex, dist il , sire , par ta benéison ,

« Qui à Marie féistez le pardon ,

« Yonas sauvastez ou ventre dou poisson ,

« Et Daniel en la fosse au lyon ,

« Si corn c’est voirs , peres , que noz disons , « Deffendez noz de mort et de prison ! » Lors se resgarde et vit une maison ,

Qui close fu de haie et de buisson.

Quant il la vit , ainz tel joie n’ot hon;

Sa gent ralie entor et environ ,

Puis lor a dit , par moult bele raison :

« Seignor, dist il, vers cellieu noz traionz. « S’i poienz iestre , iluec noz deffendrons ;

« D’aucune part venra aucuns secors. »

Et cil ont dit : « Alez , noz voz sieurrons ;

« Ja por paor de mort nou laisserons. »

Li preus Ferraus Amaufroi apella.

« Couzin , dit il , traiez voz en enz sà. - « Alons dererre , no gens devant ira ;

« Vers cel manoir alons que je voi là :

7* GaYDON. 2jH-aj87

" Aucuns secors , se Dé plaist, nos venra. »

Dist Amaufrois : « Ne vos esmaiez ja ;

« Tant com vivrons, l’uns l’autre ne faudra. » Atant Ferraus sa gent acheminna ;

Devant les mist, dererre chevaucha.

Souventes fois guenchi et trestorna ,

Et Amaufrois souventes fois jousta.

Et Auloris de prez les enchausa ;

Trop ot grant force, durement les greva.

A celle empointe tex .xl. en outra Dont à Ferraut moult durement peza.

Et Auloris, qui moult de mal pansa,

Lor toit la voie, le pas lor estoupa.

Dedens le mes des traïtors entra Jusqu’à .xl., dont chascuns se vanta Que ja Ferraus le pié n’i metera.

Vaches et bues en la cort assez a ,

C’uns vavassors i ot norri piesa.

.VII. fiuls avoit que durement ama.

Li dus Joiffrois dou pais le chasa,

Por .1. borjois que à Angiers tua.

• VII. ans toz plains en bois conversé a.

L»entiz hom fu; sa famé i amena.

Gel mes ot fait et en cel bois ouvra.

N avoit de terre fors que ce que sarta ;

Souventes fois ses anrans en aisa.

Quant vit la gent qu’an sa maison entra *

Moult fu dolans, forment s’en aïra:

Ses fiuls escrie ; « Seignor, or i parra

K Sn^Lb®staî1Je durement deffendra; u Mal dehaiz ait mener les en laira.

h Ce sont arron maufé, tant en i a. »

A ces paroles , li vavasors s’arma D un gambison viez , enfummé, qu’il a*

aj88— 2410 GAYDON.

.1. viés chapel sor sa teste ferma ;

Mais tant fu durs que arme ne douta.

Prent sa masue , sor .1. jument monta.

Chascuns des fiz une hache prinse a Grant et pezant , qui durement trancha.

Li vavassors les gloutons escria :

« Fil à putain , mes bestes lairez sà ;

« Car je sui cil qui les chalongera. »

Prent sa masue, à .11. mains la leva;

Fiert le premier que il encontré a De la masue , qui durement peza ,

Desor son elme , moult bien avisé Ta.

Le hiaume fraint et le test li quassa , Jusques en piz touz les os li froa.

Et le cheval si fort dou cop charja Que en .1. m'ont trestout acraventa.

« Avois! escrie, biau fil, ferez de là!

« Par le cuer beu! nus n’en eschapera. ».

Li vavasors si tenoit sa masue ;

A .11. mains l’a contremont estendue,

Cel qu’il atairit à terre mort le rue,

A haute vois souvent escrie et hue :

« Par le cuer beu ! vostre fins est venue.

« Ferez, biau fil , por Deu qui fist la nue ! » Atant i vinrent si fil sans atendue.

Chascuns tint hache qui bien fu esmolue, Et chevauchoit une jument quernue,

Que il avoient destelé de charrue.

Les traitors chacent en une rue ;

.XII. en ont mors à icelle venue.

Li vavassors de ferir s’esvertue ;

Tint sa masue qui iert grans et corsue,

Les traitors si malement estrue

Li plus hardis touz de paor tressue.

Li vavassors et si fil s’esvertuent;

Des abatus ont la place vestue.

« Dex ! dist Ferraus, d’ont noz vient celle aiue? » Voit le Auloris, de maintenant tressue.

« Avois! escrie, est nostre gens vaincue.

« Por .viii. vilains la voi si esperdue;

« Por coi n’avez corné la recréue ? »

Li vavassors à haute vois les hue.

« Par Deu, fait il , qui fait corre la nue,

« Mar i avez ma maison abatue.

« Ma proie prinse cher voz sera vandue ;

« Ja n’en menrez vaillant une chéue. »

Li vavassors fu moult de grant air ;

Tint sa masue, si vait sor euls ferir.

Cui il ataint, arme nel puet garir Que ne le face de male mort morir.

Si fil i fièrent , n’ont repos ne loisir ;

A lor grans haches en i font maint morir.

Voit les Ferraus, moult li vint à plaisir.

Et Amaufrois desore Vairon sist.

« Couzins, dist il, alons les envaïr;

« Ne sai quex gens voi dou manoir issir,

« Qui noz aiuent, et Dex lor puist merir. »

Dist Amaufrois : « Pensez de l’envaïr ;

« N’aurons garant se n’est au bien ferir. »

Lor gent assamblent, lor espiés font brandir,

Et qui n’ot lance au brant va esquermir.

Là véissiez tante lance croissir,

Et tante espée sor ces elmes tentir,

L’un mort sor l’autre trébucher et chéir.

Et Auloris fait sa gent esbaudir ;

Par grant vertu vait Ferraut envaïr.

Au vavassor commence à meschéir,

Car .1111. fizli ont mors au venir.

Voit les li peres, n’i ot que esmarrir ;

Tant fu dolans nel sauroie jehir.

Mais por paor ne lor deingna fuir ;

A sa masue les corrut envaïr,

Son mautalent lor cuide bien merir.

Li vavasors fu dolans et irez ;

Tant fu dolans à pou n’est forsenez ,

Quant ses anfans vit à terre gietez.

De .vii. n’en sont queli .111. vifremez;

Voit les li peres , moult en fu abosmez ,

Prentsa masue. « Avois! s’est escriez;

« Or, mi anfant , por Deu, or me sievez,

« Et de vos freres la venjance prennez ! »

Atant point l’ieve sor quoi il fu montez ,

Prent sa masue, mains cops en a donnez. Froisse ces testes, ces pis et ces costez,

Plus de .xiiii. en a jus enversez.

Si fil i fièrent , qui maint en ont tuez.

Voit le Auloris , à poi qu’il n’est desvez.

« Avois! s’escrie, vilains, t’iez forsenez !

« Por ses anfans c’on li a mors gietez ,

« Est il sor noz engrez et aïrez ,

« Qu’il ne noz doute .11. deniers monnaez;

« Or tost à lui , seignor, si le hastez ! »

Et il si font , lors est li cris levez ;

Lancent à lui les faussars acerez.

Il et si fil furent lors aterré.

Li vavassors saut sus, d’ire alumez,

Si s’apareille com por grans cops donner,

Prent sa masue, dou bien faire aprestez , Environ lui en a mains cops donnez ,

Et froisse hiaumes et espiés noelez ,

Bras, et espaules et visaiges, et nés : • Plus de .xiiu. en a escervelez.

Et si .111 . fil sont lez lui aus costez ,

Qui à lor haches en ont maint aterrez.

Mais moult les ont li glouton apressez, Quant Ferraus vint, de ferir entesez ;

Et Amaufrois ne s’est pas oubliez.

Lor gent les sièvent, de ferir apresté. Fiers fu l’estors et fors et adurez.

Ferraus tenoit le brant qui fu letrez;

Fiert Asselin, qui de Troies fu nés.

Ne li vault arme .1. denier monnaé ; Jusques enz dens li est li brans coulez. Mort le trébuché, des arsons est versez, Prinst le cheval par le frainc qu’est dorez , Le bon destrier a arriéré mené Au vavassor, se li a dit : « Tenez. »

Cil i monta , qu’à estriers n’en sot grez. Amaufrois s’est en l’estor bien prouvez.

Li preus Simons et Hanris l’alosez .III. chevax ont maintenant conquestez; As .ni. vassaus les ont tantost livrez,

Et cil i montent de bonnes volentez.

Et Auloris les a si prez hastez Que il les a par force reculez ;

Le vavassor et ses fiuls a outrez.

Se plus demore, bien voit qu’iert afolez ; Ses .111. fiuls a aprez lui arroutez,

Prent sa masue, devant s’en est alez.

Tant le redoutent, ne l’osent adeser.

Par droite force se fiert en bois rammé , Et si fil sont d’autre part eschapé.

Orne les doutent .11. deniers monnaez.

Et Ferraus est dedenz l’estor entrez , EtAmaufrois etli autres barnez.

Li traïtor les ont moult sormontez.

Voit les Ferraus , forment s’est desmentez.

« Gaydes, fait il, jamais ne noz verrez ;

« De moi ne chaut, se voz là demorez.

« Se par Thiebaus iez vaincus ne matez,

« Miex ainz môrir que vis soie remez.

« Mais ainz que muire, par Deu de majestez ,

« Vendrai ma mort as traïtors prouvez. »

Lor prent sa gent , si leâ a adossez Jouste une haie, par delez uns fossez;

Là se deffent à guise de sangler.

Ez voz Guion par la presse poingnant : "

La lance baisse, vait ferir Elinant,

Couzin Gaydon et son apartenant,

L’escu li perce et l’auberc jazerant ,

Parmi le cors li met l’espié tranchant ,

Mort le trébuché enz el pré verdoiant.

Et Auloris fiert Seguin le vaillant ,

Enz el costé le navra durement ;

Mais dou cheval ne Pabati noiant :

La lance brise, et li sans en espant.

Ferraus le voit , s’en ot le cuer dolant ;

Elinant voit à terre mort gisant ,

De la pitié vait souvent larmoiant,

Escortrement l’en aloit regretant :

« Gaydes, bi3x oncles, Jhesus voz soit aidans ! « Ne voz verrai jamais en mon -vivant. »

Seguin apelle moult tenrement plorant :

« Gentiz hon , sire , por Deu le raiemant ,

« Car alez ores vers i’ost Karlon poingnant.

« Cheval avez, je ne sai plus corrant;

« Sachiez de Gayde com lui est convenant,

« S’il a vaincu Thiebaut le souduiant.

« Ditez por Deu qu’il noz soit secorrans ;

« Et s’il est mors , nen quier aler avant ,

« Mais ci moult cher me vendrai à mon brant. » Seguin s respont : « Tout à vostre commant. » Atant s’en tome , à espérons brochant,

Etli chevax l’emporte randonnant. .

Tant a brochié le bon cheval corrant Qu’il vint en l’ost, Gaydon vait demandant.

Li viex Riolz sailli en piés errant ,

Car il vit bien que ii besoins iert grans ;

Au tref Gaydon l’en a mené errant.

Et cil descent de son cheval corrant,

En tref en entre , le duc treuve gisant.

Gaydes le voit, forment le vait hastant :

« Ditez , Seguin , qu’alez vos or querant ? » Seguins respont : « Ja orrez mon talant :

« Ferraus voz mande cui vos par amez tant ,

« Et Amaufrois, qui n’a pas cuer d’anfant,

« Ques secorrez sans nul atarjemant.

« En val de Glaye , lez une eve corrant,

« Les ont encloz li cuivert souduiant,

« C’est Auloris, ce voz di vraiemant,

« Et Guis et Miles , li cors Deu les cravent!

« Bien sont .11. mil, par le mien encient.

« De vos gens ont ja ocis ne sai quans ,

« Voz trouverez moult petit remanant.

« A moi méismez est il bien apparant :

« Par le hauberc me vait li sans corrant.»

Quant li dus l’oit, si sailli en estant ;

Amz de ses plaies ne li souvint noiant.

Li dus sault sus , quant oï la nouvelle ;

Errant s’arma, que il n’i quist favelle.

Guis de Biaufort le viel Riol apelle ,

Rispeu de Nantes et Joffroi de Nivelle.

Li cuens de Chartres cui proesce gouverne ,

Et Amauris qui Toartois gouverne,

Car tuit ont bien oie la nouvelle,

Chascuns s’arma , toz li cuers li sautelle ,

Puis sont monté es destriers de Castelle.

Bien sont .vc. : mains penons i ventelle.

« Dex , ce dist Gaydes , qui nasquis de pucelle , « Cui crestien à lor besoing apellent,

« Consentez moi que je sor euls martelle « De Hauteclere, dont tranche la lemelle,

« Ç)ui mes neveus cuident maitre à cordelle ! » Clinevent broche, qui souvent li sautelle,

Qui plus tost cort aue ne vole alondrelle. L’enseingne porte li sires deTudelle.

Seguins les guie delez une combelle ;

Li sans de lui à grans ruissiaus ruisselle.

Gaydes li dus s’en vait grantaléure ;

Sa gens le sieult plus tost que l’ambléure. Seguins les guie, qui de sejor n’ot.cure.

Tant ont esré le chemin à droiture Qu’en val de Glaye , lez la forest obscure , Encontre Gaydes , parmi une couture.

Le vavassor, qui ot moult laide hure ,

Cui Auloris avoit fait tel laidure Que il l’avoit chacié de sa pasture ,

Ses .1111. fiuls ocis à terre dure.

Quant voit le duc , mie ne s’asséure ,

Fuir s’en volt; mais li dus Gaydes jure Qu’il n’avra mal, die lui s’aventure.

aéiç — 2&i2

8o Gaydon.

Gaydes li dus a le vavassor prins;

Moult belement li a dit : « Biaus amis ,

« D’ont iestez voz ? or en soit li voirs dis. » Et cil respont : « Je sui uns las chaitis.

«Je fui chaciez fors de Angiers jadis,

« Por .1. borjois, qui sore m’avoitmis « Que je avoie desor le sien porprins.- « Non ot Alyaumes; mais siens en fu li pis.

« Li dus Joitfrois me chasa dou pais ;

« Je m’en estoie sà defors afuis,

« .1. mes avoie fait en cest plaiséis,

« .VII. fiuls avoie, moult biax et eschevis,

« De ma moillier, que j’avoie noris.

« Assez avoie et vaches et brebis.

« Hui main matin , fui si fort assaillis « D’une grant gent armez et fervestis ,

« De mes .vu. fizi ont les .1111. ocis.

« Ne sai quex gens avoient enva'is ,

« Et les avoient forment au desoz mis ;

« Je cuit que poi en i a remez vis.

« Deschevauchiez i fui et moult laidis;

« Mais remontez i fui par un marchis ,

« Ferraut l’apellent , si corn moi est avis.

« En grief point iert contre ses annemis ;

« Poi avoit gent contre ses annemis. »

Quant li dus l’oit, touz fu espaouris.

« Hé ! Dex, dist Gaydes, sires de paradis,

« Se je viens là ainz qu’il soient fini ,

« Dou brant d’acier, qui est clers etforbis,

« I ferrai tant sor les cuivers faillis,

« Se Dex m’ait qui en la crois fu mis ,

« Li plus hardis voldroit iestre à Paris. »

Li vavassors s’estoit d’euls esjo'is;

Dist à Gaydon : « Se c’est voirs que tu dis,

Si

« Je te menrai desci au feréis.

— Hé ! Dex, dist Gaydes, sire de paradis,

« Com serai liés , se les puis trouver vis !

— Ne sai, dist il , si m’ait Jesu Cris ;

« Quant m’en parti, si estoient aquis.

« Mais hastez vos , qu’il n’i soient laidi ;

« Car tuit seroient perdu , gel voz affi. »

Gaydes chevauche, qui n’ot soing d’atargier. Li vavassors se painne clou coitier ;

Car moult voldroit ses .1111. fiz vengier,

Qu’ocis avoient li glouton pautonniers.

Li dus brocha Clinevent le legier,

Sa gent passa le trait à .i. archier.

Li vavassors le sieult prez de l’estrier.

Parmi .1. val prennent à adrescier,

Une aigue passent parmi .1. bois plenier,

Voient Ferraut par delez un rochier,

Et Amaufroi sor Vairon le legier.

N’estoient pas .111e. au mien cuidier,

Car Auloris les fist as poins loier.

Ferraut avoient navré fi losengier Et Amaufroi , qui moult ot Gaydon chier.

Poi en i ot, ce vos [*puis] tesmoignier,

Qui n’aient fait le sanc dou cors raier.

Gaydes les voit, Deu prent à merdier,

Quant il les voit encores chaploier.

Li vavasors prinst Gaydon à huchier :

« Sire vassal, or poez acointier « Cex cui voz ai o'i si menacier. »

Li dus brocha Clinevent son destrier,

Qui plus tost cort ne fait cerspar rammier,

Baisse la lance , quant vint à l’aprochier,

Et fiert Rogon sor l’escu de quartier,

Quesozla boucle li fist fraindre et percier,

Et le hauberc desrompre et desmaillier ;

Mais en la char ne le pot pas touchier.

Puis abati Guispenart et Rogier,

Et Forqueré, Guion et Manesier.

Lors passa outre sa lance redrescier.

« Valie! escrie, ferez i, chevalier !

« Ferraus, biax niés, n’aiez soing d’atargier ;

« Je sui vostre oncle qui voz veing ostaigier,

« Et Amaufroi au bon brant raplegier.

« Comperront le li cuivert pautonnier-,

<( Mar voz ont fait en ce bois espier. »

Amaufrois l’oit, n’i ot qu’eslaiecier.

Grans fu l’estors , et fors et adurez.

Gaydes li dus fu forment aïrez ;

Le cheval broche des espérons dorez ,

Et il li saut .xv. piés mesurez.

Fiert .1. traître, grant cop li a donné Sor son escu, qui fu d’or pointurez ,

Desor la boucle li a freint et troé.

Fors fu l’aubers, n’en a mie faussé :

Sa lance brise ; n’i a plus conquesté.

Li vavasors fu forment aïrez,

Quant voit Gaydon qu’il ne l’a mort gieté ; Sachiez de voir le cuer en ot iré.

En vavassor nen ot que aïrier;

Les abatus a véu redrescier ,

Au duc Gaydon commensa à huchier :

« Sont ce li cop que voz savez paier ?

« Si m’ait Dex qui tout a à jugier,

« Voz voz vantastez orains à l’acointier « Que vos feriez vos annemis plaisier ;

« Quant ne volez les abatus touchier,

« Voz les cuidiez ocirre au trebuchier !

« Mais vostre cop font poi à resoingnier.

« Mal dehaiz ait qui voz fist chevalier;

« Car moult me poise , nel vos quier à noier,

« Quant hui me fis à voz acompaingnier.

« Se Dex m’ait, ne voz pris .1. denier.

« Mais ja verrez comment me sai aidier,

« Et se je sai mes cops bien emploier. »

Prent sa masue , si la prent à haucier.

Bien resamble home où n’ait que aïrier;

Fiert Godeffoi parmi le hannepier.

Arme qu’il ait ne li vault .i. denier ;

Ausiz le froisse cun rainscel d’olivier.

Sa blanche coiffe ne li pot preu aidier.

Tout li debrise et test et hannepier ;

Trosques enz dens ne remez que brisier.

Le cheval fist à terre ajenoillier,

Puis fiert .i. autre, tout le fit esmier.

Assez en a tolu le baaillier.

Dist à Gaydon : « Je les sai chastoier,

« Mais voz ne faitez fors la gent esmouschier. » Li dus s’en rist et prent Deu à proier Tel compaignon li gart de mehaingnier.

Lors que Ferraus ot son oncle avisé,

Et Amaufrois , tuit sont resvigoré.

« Dex , dist Ferraus , qui me féistez né ,

« Peres de gloire , tu soiez aourez ,

« Quant mon oncle as garanti et tensé (f Contre Thiebaut, le traitor prouvé.

« N’i durreront li glouton deffaé. »

Lors a brochié Ataignant l’alosé.

En sa main tint le branc d’acier letré,

S4 Gaydon. 1751—2784

Et fiert Haton sor son elme gemmé.

Pierres et flors en a jus craventé ,

Le maistre cercle li a par mi copé ,

La coiffe tranche dou bon hauberc saffré ;

Mais petit l’a en la char adesé,

Car li diable, si seignor, l’ont tensé :

Quant qu’il ataint a à terre porté.

CÏI ot paor, lait soi chéoir en pré.

Guis l’a véu , prez n’a le sens desvé.

Cil cuide bien qu’il l’ait à mort navré ;

N’ot mais tel duel dès l’ore qu’il fu nés :

S’il ne le venge, ne vault .11. aus pelez.

Lors point Bausant , s’a le brant entesé ;

Parmi son elme a si Ferraut frapé Que flors et pierres en a jus avalé :

Bien demi pié a le hiaume embarré.

Dex li aida que il ne l’a navré.

Et la fors coiffe dou bon hauberc saffré.

Quant Ferraus sent son fort elme quassé ,

Moult fu dolans , sachiez de vérité ;

Grant honte en ot , s’en fu d’ire embrasez : Guion feri, et Guis le ra frapé;

Li uns ne prise l’autre .11. deniers monnaez. Ferraus entoise le bon brant acéré,

Et fiert Guion en son elme gemmé ;

Pierres et flors en a jus craventé.

L’espée torne , ce l’a de mort tensé ;

Et nonporquant l’a durement navré :

Grant plainne paume a de la char osté.

Li cops descent parmi l’escu listé,

L’une moitié en a eschantelé.

Li cops avale , l’espée fiert en pré ;

Se bien l’éust à plain cop aSsené ,

Jamais Guions ne véisthome né.

a78f — 2818 GAYDON.

Quant s’a véu , forment l’en a pezé ;

Deu en jura, le roi de majesté,

S’il ne s’en venge, mieus weult iestre afinez. Hauce s’espée, dont li poins fu dorez , Ferraut feri , ne l’a pas redouté , -

Parmi son elme, qu’il ot d’or pointuré; Mais ne l’empire .11. deniers monnaez.

Voit le Guions, forment l’en a pezé.

Ferraus le fiert, et Guis le ra frapé ; Entreuls .11. ont le chaple tant mené Que il n’ont elme qui ne soit effondrez.

Li quex que soit éust petit duré ,

Quant Auloris i vint touz abrievez ,

Olui sa gent qu’il avoit rassamblé.

Et li dus Gardes a Clinevent hurté,

Sa gens le sieult, qui moult se sont hasté ; Es traïtors se sont tantost meslé.

La véissiez tante lance froer,

L’un mort sor l’autre trébucher et verser, Tant pié, tant poing i véissiez coper.

Ferraus et Guis furent lors dessevré.

Et li dus Gaydes , qui moult ot de bonté ,

Le vavassor a tantost apellé ,

Moult doucement li a ammonesté ,

Et tant proié et tant li a rouvé Que il li a son gambison osté.

De bonnes armes l’a moult bien conraé ,

Et se li a .1. elme an chief fermé.

Mis en la main .1. roit espié quarré.

Mais sa masue n’a il pas puer gieté,

Ains l’a pendue à son senestre lez ;

S’en a besoing , tost i iert recouvrez.

Quant il se voit si d’armes conraé ,

Dedens son cuer en mainne grant ferté,

Plus devint fiers que nus lyons cretez.

Le cheval broche des espérons dorez,

Et li chevax li cort tout à son gré ;

Mais n’i a home véu ne avisé Que il connoi3se , si l’en a moult pezé. Ferraus avoit un espié recouvré ; Ataingnant broche, que il ot en cherté.

Le vavassor a tantost encontré.

Li uns n’a l’autre de noient avisé ;

Sor les escus se sont entrassené,

Desoz les boucles les ont frains et troez. Mais li hauberc furent fort et serré ,

Les hanstes roides , de gros sapin plenné , Et li vassal sont de tel poesté C’andui se sont à la terre porté ,

Si fort qu’ à poi ne sont acraventé.

Ferraus saut sus, en haut s’est escriez :

« Quel vif diable l’ont ici amené ? »

Li vavassors ot moult le cuer enflé.

«'Avois ! s’escrie, or i soient maufé!

« Je me tramis de trop grant foleté,

« Quant je ai hui à nul home jousté;

« Se je l’éusse de ma mace atasté ,

« Je li éusse trestouz les os froez. »

Ferraus ot honte quant il se vit chéu L’espée a traite, si embrace l’escu.

Li vavassors ot le cuer irascu ;

Parmi les prés s’en vait , les saus menus , Prinst sa masue qu’à l’arson ot pendu,

A Ferraut vint, les bras touz estendus.

Ja H éust le chaple maintenu ,

Quant li dus Gaydes, à lafiere vertu , Celle part vint, n’i a plus atendu.

« Ferraus, biaus niés, dist li dus, que fais tu ? « C’est l’om el mont qui plus m’a hui valu. »

Li vavassors a le duc entendu.

« Sire, fait il, par Deu, le roiJhesu,

« [fcNel] conui mie , ne sai des quex il fu. » Ferraus l’entent, grant joie en a éu.

Andui remontent par moult fiere vertu.

Li traïtor ont le duc percéu ;

Lors sevent bien que Thiebaus est vaincus.

Par moult grant ire lor sont sore corru, Amaufroi ont et prins et retenu ,

Et dou cheval à la terre abatu.

Li dus le voit, le cuer ot irascu.

Ferraus li preus brandist l’espié molu.

Li vavassors tint son baston cornu.

Entr’euls se fièrent, si ont levé le hu.

Riolz li viex i a moult bien féru.

Gaydes laist corre Clinevent le menbru , Brandist la hanste, qui ot le fer agu,

Et vait ferir Gilebert de Monru. ,

Escus nebroingne ne li vault .1. festu;

Parmi le cors li mait le fer agu ,

Mort l’abati enmi le pré herbu.

Et Ferraus a le chaple maintenu.

/ Li vavassors a maint escu fendu ,

Et maint hauberc desmaillié et rompu.

Li cuens de Chartres, Gautier de Montagu,

Guis de Biaufort et Riolz li membrus ,

Cil ont l’estor enforcié et créu Tant que il ont Amaufroi secorru.

Ferraus li rant Vairon qu’il ot perdu ;

Li bers i monte par l’estrier d’or batu.

Li vavasors , qui le chief ot locu ,

Escrie en haut : « Qu’iestez vos devenu,

88 CiAYDON. iSSé — 2918

« Mi bel anfant ? Dammeldex vos aiut î « Vez ci vo pere que aviiez perdu. »

Li anfant l’oient , qui sont el bois ramu ; Isnellement sont celle part venu ,

As traïtors rendent cruel salu,

A lor grans haches tranchent maint chief de bu.

Gaydes li dus ot au cuer grant frison ;

Des traïtors a choisi la fuison ,

Clinevent broche, son bon destrier gascon.

Li vavasors le sieult à esporons ,

Riolz li viex, et de Biaufort Guions,

De Toartois Aspremars et Simons.

D’autre part vint Amaufrois de randon ,

Ferraus li anfes , et tuit si compaingnon.

Auloriés lor revint de randon ,

Et Guis, et Miles, Alerans et Rogons.

Tel .xvc. viennent à esporons.

Qui tuit desirrent la mort au duc Gaydon. Gaydes s’escrie : « N’i gariroiz, glouton,

«Je voz vendrai moult cher vo traïson !

« Thiebaus vos mande qu’il trempa la puison ,

« Mais il en a éu son guerredon. »

A ces paroles feri conte Huon,

Qui tint grant terre dou conte Ganelon ;

L’escu li perce et l’auberc fremeillon ,

En cors h met fer et fust et penon.

Li dus refiert Gautier de Besenson ,

Tout le porfant enfresci qu’au menton.

Voit le Auloris, ne li fu mie bon.

« Avois ! escrie, or me sievez, baron ,

« Tout maintenant , sans nulle arrestison. »

Lors a brandie la hanste au confanon ,

Et fiert le duc sor l’escu au lyon,

1919—29(3 Gaydon. 8p

Que il li perce le taint et le blazon ;

Mais li aubers li fist deffencion.

Et Auloris l’empoint de tel randon ,

Et à l’effort dou bon cheval gascon ,

El grant estor des tra'itors félons Abat le duc , par delez un perron ,

Car il avoit aillors s’entencion :

Envers Guion tenoit la chaplison.

Li dus saut sus, iriez comme lyons;

Ire ot et honte, si tainst comme charbons.

Son escu lieve à loi de champion,

Fiert .1. traître sor son escu réont,

Trenche le cercle qui fu fais à Dijon.

Sa blanche coiffe ne li vault .1. bouton ;

Tout le porfant enfresci qu’au menton ,

Puis a ocis et Gombaut et Bouzon.

Auloris dist : « Se nouz ne l’ocions,

« N’auronz mais joie an jor que noz vivons. » Lors l’assaillirent li encriemmé félon.

Le .duc ont mis à force à genoillons;

Mais il escrie : « Valye! », à moult haut ton.

Li vavassors en a oï le son ,

Celle part vint corrant de grant randon.

Tint sa masue , qui ot gros le tronson ,

Fiert s’en la presse, par grant aïrison.

Devant lui fait moult grant ocision :

Il froisse tout, os et ners et braons.

Si fil le sievent plus tost qu’esmerillon ,

Qui à lor haches font grant ocision.

Prins fust li dus et menez en prison ,

Et desconfit li gentil compaingnon ;

Mais Dex ne volt par sa benéison.

Ez voz atant apoingnant .1. garson,

« Avois! escrie, Aulori et Forcon ,

« Fuiez ! vez ci l’emperéor Charlon « Et les grans os qui viennent à bandon.

« Tuit iestez mort, n’i avez raenson. »

Auloris a la parole escoutée Que li garsons li ot dite et contée ;

Il sonne .1. cor, sa gent a apellée.

« Seignor, dit il , la chose est mal alée ;

« Li os de France est arrier retornée ,

« Li rois nos sieult de France la loée.

« S’il noz ataint, c’est veritez prouvée,

« Chascuns aura la hart en col fermée.

« Fuionz noz ent parmi celle valée. »

Que qu’il estoient en si faite pansée ,

Gaydes remonte en la selle dorée.

« Valye! » escrie à moult grantalenée.

Entor lui est sa gens atropelée.

Li dus lait corre, lance avoit recouvrée.

Li vavassors i vint de randonnée ;

A .11. mains a sa masue antesée.

Li cuens de Chartres, Garins de Pierelée, Riolz li viex , à la barbe meslée ,

Guis de Biaufort n’i a fait arrestée*'

Rispeus de Nantes, cui li ferirs agrée , Ferraus li anfes, qui vient de randonnée,

Et Amaufrois, sor Vairon d’Aquillée.

« Avois ! s’escrient, fausse gent parjurée ,

« Mar i avez traïson porparlée ! »

Entr’euls se fièrent, lor force ont recouvrée. Chascuns i fiert ou de lance ou d’espée ;

Des abatus est la terre encombrée.

Mais s’Aulori ne fust l’euvre contée ,

Qui dou roi ot la nouvele escoutée,

Trop éust Gaydes à souffrir fort meslée ,

Car il i ot poi de gent amenée.

Li traïtor ont une eve passée ,

Fuiant s’en vont par la selve rammée ,

A Gaydon ont la place délivrée.

Puis n’i perdirent vaillant une denrée :

Lor maisnie ont tote desprisonnée ,

Lor mors ont quis tôt contreval la prée ,

Mainte bierre ont à lor brans nus copée ,

Lor mors i couchent , s’ont lor voie hastée.

Li vavassors , qui la teste avoit lée ,

Le duc Gaydon a grant amor monstrée.

Moult hautement li iert guerredonnée La grans aide que en lui a trovée :

O lui l’enmainne , s’a sa famé mandée ;

De ses .111. fiuls n’i fist pas oubliée.

Tant vont qu’il treuvent une eglise honorée ; Lor mors enterrent, mainte larme ont plorée. Logié se sont en icelle vesprée,

Et l’endemain, quant vint à l’ajomée.

Monta li dus , sa voie a commandée,

Et lor hamois ont prins sans demorée.

Droit vers Angiers s’est l’ost acheminnée.

Ne ferai pas trop longue demorée •

De la lor voie : tant vont par lor jornée C’un diemenge , quant messe fu chantée.

Vint à Angiers li dus sans demorée.

Droit au monstier a sa voie tornée ,

Par devant l’uis descend! à l’entrée,

.1. serjant a s’espée commandée.

Gaydes li dus est entrez en monstier.

Et proie Deu, le pere droiturier,

Que il li doinst le sien cuer esclairier De Karlemaine , qui tant a le vis fier, .

joi9— joja

Qui le volt faire ocirre et detranchier Par le consseil Thiebaut le losengier ;

Mais il en a éu mauvais loier.

Li dus en jure le cors de saint Legier Que moult par tans , se il puet esploitier, Fera à Karle dammaige et encombrier.

Dou monstier ist, et il et si princier,

Puis sont monté enz an palais plennier. Riol dou Mans apella sans targier.

Onques nul jor n’ot talent de boisier;

Toz jors servi loiaument sans trichier.

Faus jugement ne volt ainz otroier,

Ne gentil home ne volt ainz empirier.

Les orphelins volt de lor drois aidier ;

Ainz n’en volt nul laissier deseritier :

Moult ot en lui vigourouz chevalier.

Vers les preudommes i ot trop bel parlier , Et , quant venoit à ses armes baillier,

N'i convenoitnul meillor chevalier.

Gaydes le voit, sel prent à arraisnier :

« Gentiz hom, sire, savez moi conseillier? « L’emperéor Karlon voil guerroier.

« Ou il fera fors de France chacier « Les traïtors , cui Dex doinst encombrier, « Ou il les face à ma cort envoier,

« Si les ferai ardoir ou escorchier,

« Ou traîner à coes de somier ;

« Car traïtor doit on à mort traiter:

« En riche cort ne les doit on laissier.

« S’il ne le fait, par le cors saint Richier, « Je li cuit si ses marches acorcier « Dont il perdra maint bon chastel entier. « Vilainnement m’a rendu le loier « De Pynabel, Porgoilloz et le fier,

3° J 3—3084 Gaydon. 9Î

« Que je ocis au brant forbi d’acier,

« Qui Ganelon volt de mort respitier. »

Rioïz l’entent, s’en a le chief hocié;

A soi méismez a dit sans delaier :

« Cis dus voldra tel chose encommencier « N’iert pas, ce croi, legier à apaisier.

« Dex li otroit à s’onnor commencier,

« C’on ne li puist à honte reprochier;

« Car, par celui qui tout a à jugier,

« Je li voldrai à mon pooir aidier.

« Soit drois , soit tors , s’ai oï tesmoingnier :

« Doit li hons liges son droit seignor aidier. »

Quant Riolz ot oï le duc Gaydon ,

Qui tant haoit les parens Ganelon ,

Que il voloit guerroier roi Karlon,

Por ce que Karles les tient en sa maison :

« Sire, fait il, or oiez ma raison :

« Sachiez de voir que cil fait mesprison « Qui son seignor muet noise ne tenson ,

« Se il n’i set moult loial achoison ,

« Car on n’en dist se vilonnie non.

« Mandez au roi 0 le flori grenon « Que bannir face le lyngnaige félon ,

« Qui bastir firent la mortel traïson « Dont Thiebaus a éu son guerredon.

« S’il les bannist et chace dou roion ,

« Querez au roi pais et acordison.

« Il est tes sires, et vos iestez ses hom :

« Ne devez faire envers lui mesprison. »

Dist Riolz : « Sire , entendez mon coraige :

« Mandez à Karles , qui fier a le visaige ,

« Que il vos rande le desloial lyngnaige ;

94 Caydon.

« Bannir les face et widier heritaige.

<( Et s’il les tient envers voz à estaige ,

« Sel deffiez et li randez s’ommaige ;

« Car voz feriez et orgoil et outraige ,

« Se [^guerroiez] vostre droit seignoraige.

« Si soit requis li drois dou grant hontaige « Dont vers Thiebaut fist porter vostre gaige. « Mais je ne sai qui face cest messaige :

« Ferraus, mes niés, qui tant a vassellaige,

« Le fera bien, car moult le teing à saige. » Quant Ferraus l’oit, s’en dresce le visaige; Deu en jura, par cui il fait oraige ,

Qu’ainz qu’il retort fera Karlon dammaige.

Ferraus s’arma sus en palais plennier:

Les chauces lace sus espérons d’ormier; Auqueton ot d’un drap de soie chier ;

Deseure vest .1. bon hauberc doublier,

Fort, et tenant, et merveilles legier.

Cil qui le fist mist .vu. ans au forgier ;

Qui l’a en dos n’a garde d’empirier,

Car la grans force le garde de blecier.

Au flanc senestre a ceint le brant d’acier, Puis lace l’iaume qui fu roi Desiier.

Quant fu armez, n’ot cure de targier;

Dou palais ist, son vis prinst à saingnier,

Au perron vint desoz un olivier.

On li amainne Ataingnant son destrier,

Que li dus Gaydes ot fait appareillier.

Ferraus i monte , onques n’i quist estrier. Quant montez fu sor le corrant destrier,

A grant merveille i ot bel chevalier,

Grant, et forni, et merveilles legier,

Et entesté por moult tost commencier

31 18— 3 1 $o GAYDON.

.1. grant estor, por son droit desrainier.

A grant merveilles i avoit bel parlier,

Et saige en plait, et forment droiturier. Ainz nel vit on partir d’estor premier.

A son col pant son escu de quartier,

La hanste prent où ot bon fer d’acier, Congié a prins , lors prent à chevauchier. Dex le garisse qui tout a à baillier !

Car, ainz qu’il puist arriéré repairier,

Aura paor de la teste à trenchier.

Va s’ent Ferraus , li chevaliers hardis , Sor Ataingn'ant, son bon destrier de pris. Il jure Deu , le roi de paradis ,

Ansoiz qu’il soit mais el repaire mis,

Fera dolant le roi de Saint Denis.

Atant chevauche, d’esrer fu ententis.

Au matinnet , ainz que fust miedis ,

En .i. vaucel, delez un plaiséys,

Voit avaler le pandant d’un larris .1. chevalier, sor ,i. destrier de pris ,

Qui moult fu biaus et gens et eschavis : Renaus ot non, d’Aubespin li marchis.

Ferraus le voit, ne fu mie esbahis;

Et cil vers lui celle part est guenchis. Ferraus li a demandé et enquis D’ont est , d’ont vient et de con fait pais , Où weult aler si faitement garnis ,

Si cointement armez et fervestis.

Renaus respont : « Il voz sera bien dit :

« A Angiers vois , Karles m’i a tramis « Au duc Gaydon , qui tant est poestis.

« Karles li mande , par foi le vouz plevis , « Qu’il veingne à lui à Rains ou à Paris , •

« La hart en col , et si crie mercis ,

« Et li ament ce que il a mesprins ;

« Car de sa cort est folement partis ,

« Sans son congié, s’a ses homes ocis « En val de Glaye, ce li dist Auloris.

« Se ne l’amence , Karles s’est aatis ,

« S’il le puet panre , qu’il en sera honnis , « Et traînez à coes de roncins. »

Quant Ferraus l’oit, à poi n’enraige vis.

« Par Deu, dist il, Karles est assotis ;

« Il ainme miex les traitors faillis « Que il ne fait les chevaliers gentiz ,

« Qui loiaument l’ont servi à touz dis.

« Encor en iert li viellars escharnis :

« Merveilles iert se par euls n’est murtris. « Mais , par celui qui pardon fist Longis ,

« Se Dex garist Gaydon et ses amis ,

« Karles sera d’un tel présent servis « Dont il morront .m. chevalier de pris.

« Ardoir fera sa terre et son pais ;

« Mar i recete ses mortex annemis ,

« Ceuls dou lyngnaige Gane le maléis. » Quant Renaus l’oit, li sans li est fuis.

Quant Renaus oit Ferraut ainsiz parler, Isnellement li print à demander A cui il est, et où il weult aler.

Ferraus a dit : « Ne le voz quier celer,

« Hom sui au duc qui tant fait à loer.

« A Karlon vois son messaige conter :

« Que il li face les traitors livrer,

« Si les fera honnir et vergonder,

« Ou escorcher, ou au vent encroer;

« Car traïtor ne doit nus receter.

?i84-jîi6 GaYDON.

« Mais li félon , par lor avoir donner,

« Ont fait Karlon del tout si aweugler « Que loiaus hon ne puet riens conquester.

« Li traïtor l’en ont fait fors bouter ;

« Sore li mistrent qu’il le volt enherber ,

« Mais li frans dus s’en osta comme ber.

« Or mande [fcau roi] qui France a à garder « Les traïtors face de cort sevrer;

« Et s’il les weult vers mon seignor tenser,

« La guerre aura , cui qu’an doie pezer.

« Honnis soit Gaydes, s’as poins le puet corn* « S’il ne le fait en sa prison gieter! » [brer, Quant Renaus oit dou riche roi parler,

Si cuide bien de fin duel forsener.

« Vassal, dist il , laissiez le sermonner.

« Foies paroles font maint home afoler;

'< Contre aiguillon fait mal eschacirrer.

« S’uimais vos oi Karlon de riens blasmer,

« Je voz irai sor cel escu donner :

« Moult sera fors, se nel faz estroer.

— Sire, dist il , tout ce laissiez ester;

« Mais je voz proi que me laissiez aler « Au roi de France mon messaige conter. »

Pot quoi le cuide Ferraus or abeter ?

Se il se weult envers lui esprover,

Bataille aura onques mais n’ot sa per.

Quant Renaus oit que Ferraus l’aatist , fsneÏÏement de mautalent rogist ;

Il li a dit : « Vassal, je voz deffi.

« Menaciez moi ; or vos gardez de mi. »

Respont Ferraus : « Et voz de moi ausi. »

Lors s’entresloingnent .1. arpent et demi,

Les chevaus brochent de corre entalentif,

Caydon 7

Tex cops se donnent li chevalier hardi Que lor escu sont froé et malmis ;

Mais li hauberc les ont de mort garis.

Li espié sont tronsonné tout parmi.

Si fort se hurtent li vassal engrami De cors , de pis , que tuit sont effréi ,

Si qu’à la terre li uns l’autre abati.

En piés resaillent, mais moult sont effréi;

Car moult petit li uns l’autre choisi.

Renaus le fiert dou brant d’acier forbi,

Que son escu li copa et fendi.

L’espée tome , s’a Ferraut garanti ;

Desci qu’an terre l’espée descendi,

.11. piés i entre largement et demi.

Ferraus chancelle , à poi qu’il ne chaï.

Renaus li crie : « De sà voz ai senti.

« Voz avez hui Karlemaine laidi ;

« Ancui saurez , par Deu qui ne menti ,

« Comment je serf Karlon au poil flori.»

Quant Ferraus l’oit, à poi n’enraige vis.

Quant Ferraus oit que cil le ramposna,

Ce sachiez bien que moult s’en aïra ;

Mais, se il puet, moult bien s’en vengera.

Il tint s’espée, contremont la hausa,

Forment l’estraint, vers Renaut s’aprocha. Renaus le voit, l’escu en haut leva ,

Son chief couvri , durement se musa.

Ferraus le fiert , qui point ne l’espargna ,

Tout son escu li fendi et copa.

Devers senestre li bons brans avala ;

Quant qu’il atainst li fendi et copa ,

Tout l’un des pans à l’espée rasa,

La chauce cope, dou hauberc li osta,

3i$o— îa8a Ga-YDON.

Et l’esperon selone le pié copa.

Jusqu'au la terre li brans d’acier coula; .111. piés i entre, quant il l’an resacha.

Li chevaliers por le cop chancela,

Par .1. petit à paumes ne vola ;

De l’un genoil à terre agenoilla ;

Mais il saut sus , car forment se hasta. Ferraus le voit , erramment i’apella :

<f Sire vassal , senti voz ai de sà.

« Karles vos sires , quant il voz reverra ,

« Porra bien dire preudom voz encontra. » Quant Renaus l’oit, de mautalent sua;

De soi vengier moult bien s’appareilla.

L’anfes Ferraus tantost se rapresta.

L’estors commence qu’à piece ne faudra ; Se Dex nel fait , qui tout le mont forma ,

Li queuls que soit ja n’en eschapera.

Grans fu l’estors, longuement a duré.

Li baron ont et féru et chaplé ;

N’ont elme an chief ne soient embarré.

Li hauberc sont et rompu et faussé ,

Et li baron en plusors lieus navré.

Tant furent las et tant sont sormené C’ambedui sont à la terre pasmé :

Longuement jurent qu’il ne sont remué.

Refroidié sont, et pujs se sont levé,

Si s 'entre viennent com dui lyon cresté.

Tant affoibloient et tant se sont pené Arrier se traient , si se sont reposé ;

Mais en petit d’eure sont rassemblé :

L’uns cuide l’autre moult tost avoir maté. Jaconvenist l’un d’euls avoir finé,

Ne sai lequel , quant Dex a amené ç. ,

.1. chevalier de moult très grantbiauté. Avec lui mainne grant part de son barné ; Dou non de lui ne sai la vérité.

A Karlon vait requerre s’erité ,

Car famé weult avoir à son costé.

De Gascoingne iert, s’en tient la roiauté. .1. mont monta, s’a un val avalé,

Les barons voit qui combatent en pré ,

Qui plaié sont et durement navré ;

• Merveille en ot , si l’en prinst grant pité. Celle part point, que n’i a demoré, Entreuls se mist, si les a dessevrez.

Sainglans les vit, si l’en prinst grans pitez ; Adont lor a enquis et demandé ,

Foi que il doivent le Roi de majesté ,

Que il li soit maintenant aconté ,

Et qu’il li dient la fine vérité ,

Por quoi se sont combatu et navré.

Dist Ferraus : « Sire , or oiez mon pansé : « Messaigiers sui à un duc alosé ,

« Gaydon d’Angiers, s’en tient la duchéé.

« J’aloie à Karle, .1. viel roi assoté,

« Qui o lui a traïtors à plenté ,

« Qui mon seignor Gaydon i ont meslé. » La vérité li a Ferraus conté ,

La traïson, ainz n’i ot mot celé :

« Je m’en aloie tout mon chemin ferré,

« Tant que Karlon éusse deffié ; - « Mais cis vassaus m’en a moult destorbé ,

« Qui à Gaydon aloit, par sa fierté.

« Por tant que j’oi Karlemaine blasmé ,

« Me corrut sus par vive poesté;

« Abatu fumez ambedui en cest pré.

SlS

il m’éust mort gieté ;

ÎM7“ÎÎA9 GaYDON.

« Car chevaliers est il de grant bonté. » Quant Renaus l’oit , en haut s’est escriez :

« Biaus très douz sire, par ma crestienté,

« Il éust fait de moi sa volenté,

« Quant i venistez , qui m’en avez sauvé. » Li chevaliers en pleure de pité ,

De ce que l’uns a l’autre si loé,

Et dist li sires : « Or oiez mon pansé :

« Chascuns s’en voist, n’i ait plus demoré,

« En son messaige c’on li a conmandé.

« Se l’uns de voz avoit l’autre tué ,

« J a li dammaiges n’en seroit restorez;

« Encor poez ami iestre privé.

— Sire, font il, noz ferons vostre gré. » Ambedui montent es destriers sejomez :

Sor Ataingnant ez vos Ferraut monté,

Et Renaus monte sor son destrier armez. Ferraus li preus a congié demandé Au chevalier, au gent cors honoré.

« Dex , dist Ferraus , qui me féistez né ,

« Car éust ores me sire o son bamé « Cest chevalier, qui tant fait à loer !

<« Sï corn je cuit, en la crestienté «. N’auroit si biaus, si com j’ai en pansé,

« Par compaingnie loiaument afié :

« Mes sire est preus et de moult grant biauté « Et en cestui ra merveilles bonté. »

Quant li sire ot les chevaliers sevrez,

Et cKascuns fu sor son cheval montez,

A Deu les a ambes .11. conmandez.

Renaus s’en tome , Ferraus s’est arroutez. Bien s’est li uns envers l’autre esprouvez. Ferraus chevauche , qui forment ÿest hastez

Jifo— JJ8J

En sa voie a marchéans encontrez.

Ferraus les a maintenant saluez.

« Seignor, fait il , ditez se voz savez « Où l’empereres porra iestre trouvez ,

« S’il est encore d’Espaingne retornez. »

Li uns respont , qui bien fu empariez :

« Sire, fait il, se trouver le volez,

« Droit à Orliens vostre chemin tornez ;

« Là est li rois, iluec le trouverez. »

Quant Ferraus l’oit, si est outre passez.

Tant a esré tout le chemin ferré . >

Qu’à Orliens vint, en la ville est entrez.

Parmi les rues avoit des gens assez ,

Et enz planchers et enz chambres delez ,

Por véoir ceuls des estranges regnez ,

Que Karlemaine ot à sa court mandez.

Voient venir Ferraut qu’iert bien armez :

Gens fu et drois sor le cheval montez,

L’escu au col, d’or fu esporonnez.

Très bien li sist li blans haubers saffrez ,

Et l’elme an chief, qui giete grans clartez.

En cheval sist corn s’il i fust plantez;

Et li chevax par fu si abrievez Hanissant vait, ne sambloit pas grevez. .

Dist l’uns à l’autre : « Voiez et esgardez ' 1 « Cel chevalier qui là vient adoubez :

« Dex ! corn est biax et très bien figurez !

« Et li destriers , sor quoi il est montez ,

«Ne samble pas que il soit trop grevez :

« Veez corn hannist, et com est abrievez!

« Ses escus est perciez et estroez , . .

« Ses elmes frains et touz esquartelez :

« Il samble bien que d’estor soit sevrez. » .. Ferraus l’oit bien, outre s’en est passez;

Droit au palais s'est il acheminnez ,

Vint à la porte dont li huis fu fermez.

Devant la porte dou plus maistre donjon S’en vint Ferraus , sor le destrier gascon ;

Le portier huche clerement, à haut ton.

Li portiers l’oit , ne dist ne o ne non :

Tant par estoit de male afaitison N’ot plus félon jusqu’an Carphanaon.

Le guichet oevre , si choisi le baron ,

Qui fu armez sor le destrier gascon ;

Il li a dit : « Trai toi arrier, gloutons !

« Tu n’i métras le pié, par saint Simon ,

« S’aura mengié Karles tout à son bon. » Ferraus li dist : « Biax frere , j’ai besoing ;

« De longues terres sui tramis à Karlon :

« Messaigiers sui , ja ne t’en mentironz.

« Preu i auraz quant noz i enterronz :

« Je te donrai mon hermin pelison. »

Li portiers l’oit , si fronche le grenon ,

Puis li a dit : « N’ai cure de sarmon ;

« Quant que as dit, ne pris pas .1. bouton.

« N’i enterras , n’ai cure de ton don. »

Ferraus a dit : « Biaus douz amis portiers, « Oevre la porte , por Deu le droiturier.

« Messaigiers sui, n’ai cure d’atargier;

« Au roi irai mon messaige noncier.

« Se Dex m’ait , qui tout a à baillier,

« Li rois vps sires voz en aura plus chier.

« Vilonnie est de tant faire hucnier,

« A porte à roi, .1. vaillant chevalier. »

Li portiers .Voÿ y prinst soi à gramoier.

« Vassaus , dist il , laissiez vostre plaidier ;

« N’i enterrez, par le cors saint Richier,

« Car Karles doit asséoir au mengier. »

Ferraus a dit : « Se m’i volez laissier,

« Je voz donrai mon mantel de loier,

« Le duc Naynmon t’en ferai merciier. »

Dist li portiers : « Moult seiz bien praechier ;

« Il m’est avis que tu iez sermonniers.

« N’i enterras huimais, par saint Richier;

« Mais or t’en va en cel bore harbergier,

« Et reposer et toi et ton destrier,

« Et puis demain , se gel voil otroier,

« I enterras , encor à grant dongier.

« Sire musars , car voz traiez arrier,

« Et si laissiez ester votre plaidier,

« Ou , se ce non , voz le comperrez chier. » [''Quant] Ferraus l’oit, vis cuida enraigier, Quant il s’oï si vilment menacier.

S’entrer i puet , il s’en voldra vengier,

Quoi que il soit aprez dou repairier.

Quant Ferraus ot le portier entroï,

Qui de parole l’a si forment laidi ,

Onques .1. mot vilain ne respondi ;

Mais , s’il entre enz , chier h sera meri.

A ces paroles, vint l’abes de Cluigni.

Au roi avoit .1. sien besoing furni ;

Vint au portier qui à la porte sist ,

D’esterlins blans la borse li empli ,

Et li portiers la porte li ouvri.

Ferraus le voit, moult s’en est esjoïz;

Enz enterra , de ce s’est ahatis.

Isnellement vers la porte guenchi;

Ferraus i entre , quant l’abes s’en parti . . - . .

Quant li portiers par dedenz le choisi,

Î-U9— H**» CàYDON.

Deu en jura et le cors saint Martin :

« Mar i entrastez sans le congié de mi. » Prent .1. baston grant et gros et furni, Amont el chief le baron en feri Desor i’escu que Ferraus li tendi.

Et li bastons contreval descendi ,

Que le cheval en chief aconsievi Si durement qu’à jenols l’abati.

Et li chevax saut sus, qui effréi.

Voit le Ferraus , à poi n’enraige vis ; lsnellement a trait le brant forbi.

Quant cil le vit, vers le palais fui.

Ferraus li preus fierement le feri

Dou brant d’acier, onques n’en ot merci ;

Sor les espaules la teste li toilli ,

Que elle vole bien .vu. piés et demi.

Desor le froc au bon abé chaï,

Que de son sanc touz li fros vermoilli. Ivabes le voit , touz s’en espaouri :

« Nomini Damme, mauvais estre fait ci!

« S’estoie en cloistre , par foi le voz plevis « An piece mais n’en seroie partis. »

En fuiez tome , et si moinne autressi : Grant paor ont que d’euls ne face ansi. Ferraus li anfes vint en palais antif ,

Desoz l’olive, dou destrier descendi,

Puis atacha le destrîbr arrabi.

Dex penst de lui, qui onques ne menti !

En péril est, se il n’en a merci.

Quant Ferraus ot atachié l’arragon , Prez de lui mait son escu au lyon ,

Et a restraint son hauberc fremillon ;

Son elme osta , qui fu fais à Msscon ,

idô GAYDON. J483-JÎ

Desor la selle l’atacha à l’arson ;

Son chief saingna de Deu et de son non ;

Pas avant autre s’en vint vers le donjon.

Au mengier sist Karles et si baron ,

Par delez lui, le riche duc Naynmon,

Et , d’autre part , Thierri et Salemon ,

Le preu Ogier et Gautier de Dijon,

Oedon de Laingres et Girars de Laon,

Et moult i ot des parens Ganelon.

Ferraus s’en va , cui qu’en poist ne cui non , Devant le roi monta sor un perron ,

Moult hautement commensa sa raison :

« Cil Dex de gloire qui, par annuncion ,

« Prinst en la Virge sainte incarnacion ,

« Et por son peuple volt souffrir passion ,

« Quel traveillierent li Gieu trop félon ,

« Il saut et gart le riche duc Gaydon,

« Le plus loial qu’ainz chausast esporon,

« C’onques në fist nesune traïson ,

« Et le duc Naynmeet le preu Huidelon ,

« Le duc Garnier et son cher fil Milon,

« Et de Valence le riche duc Sanson !

« Tuit lor ami aient benéison !

« Et Dex confonde Aulori et Forcon !

« Touz lor lyngnaiges aient maléison !

« Ci et aillors aient tel guerredon « Com on doit randre à traïtor félon !

« Rois , or ënten , oiez que noz dirons : ,

« Gaydes voz mande, qui a cuer de baron ,

« Lui envoiez Guimart, le mal glouton,

« Et Aulori, Milon et Haguenon,

« Et Forque et Gui, Amboyn et Haton,

« Et le lyngnaige qu’ainz ne fist se mîal non ,

« Si les pendra chascun à chaaingndn.

3Jié-}f48 GàŸDON. 107

« Vengier se weult de la grant traïson « Que porchacierent par Thiebaut d’Aspremont: « Ou tu li randes ou ardes en charbon , v Ou tu en preingnes moult aspre vengilson.

« Se tu nel fais, juré a saint Simon « Qu’il ne sera vostre amis ne vostre hom;

« Ta terre ardra en feu et en charbon: »

Quant Karles l’oit , si dresce le menton ;

Il ne dist mot, tant ot grant sozpesort.

« Sire, dist Naynmes, orn’aiez marrison;

« Laissiez lui dire son talent et son bon.

« S’il dist folie , et noz s’an respondrons. - « Bien le connois : il a Ferfaus à non ,

« Parens est Gayde, si est de grant renon ;

« Tel chevalier n’a jusqu’à Chaalon « [*Ne qui mains prist orguel ne traïson]

« S’il vos plaisoit, envers lui parlerons.

— Naynmes, dist Parles, à Deu benéison. *>

Par le congié l’emperere au vis fier,

Se dresa Naynmes et leva dou mengier,

Et cort Ferraut durement embracier ; ‘

Puis le commence moult bel à chastoier : *

« Sire couzin , à celer nel voz quier,

« Karles, mes sires, qui tant fait à prisier,

« A à Gaÿdon'tramis un messaigier,

« Qu’il veingne à lui sans point de l’atargier :

« Il li fera touz ses tors adresciér,

« Si hautement com osera jugier, “ v Et assez plus, s’il le déingne tiaillier. »

Ferraus a . dit : « N’ba méstier plâidier ;

« Se ne li weult les gloutons enVoier,

« Puis les fera ardoir et escàrbhier^i-W - « Ou il les face ardoir et gràSUkf/ *91-- r '

« A tout le mains de son régné chacier :

« Voir autrement ne s’en puet aaisier. » Quant Karles l’oit, le chief prinst à hocier. Es traïtors nen ot que corroucier,

Quant il oïrent si Ferraut desraisnier,

C’on les féist honnir et escillier.

Aloriés lor prinst à conseillier.

« Seignor, fait il , moult noz doit anoier (f Que noz oonz si vilment menacier ;

« Moult seroit bon c’on s’en poïst vengier.

« Car prennons ores et Forcon et Fouchier, « Et Amboyn, Haguenon et Rahier;

« Entr’euls s’en voisent à l’ostel haubergier , « En grant vingnoble se voisent embuchier, « Enz an la voie par on vait à Angiers :

(( Si com Ferraus cuidera repairier,

« Là le porrez ocirre et detranchier. »

Et cil respondent : « Bien fait à otroier.

« Noz ne poonz Gaydon mieus dammaigier.

« Se noz Ferraut poïonz mehaingnier,

« Ou Amaufroit, qui tant fait à prisier,

« Voir, jamais Gaydes ne se porroit aidier.» Atant se lievent coiement dou mengier,

Dou palais issent tout parmi .1. vergier,

A l’ostel viennent por euls appareillier. Chascuns vesti le blanc hauberc doublier. Quant monté furent, n’i voldrent atargier; [*De la cité issent par .1. santier].

A grant merveille furent bon chevalier ;

En une haie se sont tuit .v. mucié.

Cil Dex de glore, qui tout a à baillier,

Penst de Ferraut; car, ânsoiz l’annuitier,

S’il ne se puet et deffendre et aidier,

Perdra la teste à tout le hannepier !

ÎS«î-î6i6 GaYDON. 109

Enbuschié sont li glouton de put lin Enz ou vingnoble, tôt enmi le chemin.

Et Ferraus fu enz an palais maubrin ,

Où il parole et mainne grant hustin ;

Souvent menace Karlon , le fil Pépin ,

De par Gaydon , qui tant ot le cuer fin :

« Par mon chief, Karles, trop éuz cuer frarin,

« Quant tu chasas onques mauvais enging « Au meillor home qui ainz béust de vin ;

« Mais , par celui qui fist croistre resin ,

« Ansoiz que past la saisons de juing,

« Aurez voz prez .1. si cruel voisin « Dont plorreront jovencel et meschin.

« Jamais, ce dist, ne vestira de lin,

« Si t’avera fait apeller frarin.

« Ou tu li rans Forcon et Amboyn ,

<« Hardré, Guion, Berangeret Seguin,

« Ou touz les faces traîner à roncin.

« Et se nel fais , juré a saint Martin « C’aussi dolant voz fera, maint matin ,

« Qu’avez lui fait , par le mauvais train « Que porchasa Thiebaus et si couzin ,

« Dont voz serez encor honnis en fin.

« Gaydes voz mande , et je le voz destin ,

« N’est pas vostre hom, n’en tient .1. angevin.» Lors s’abaissa , prinst .1. rainscel d’un pin,

Au roi le giete , puis dist en son latin : , u Je voz deffi; mais, ansoiz l’enseri ,

« Voz ferai je dolant par saint Sevrin. »

Li rainsciax chiet dedens le mazerin ;

Le vin espant où estoit li vélins ,

Que tout moilla Karlon et son hermin.

U rois le voit , si tint le chief enclin ;

Ne déist mot por l’avoir Coustentin.

IIO GaYDON.*' îé(7—}65«

Nostre empereres ot le cuer moult iré,

Quant Ferraus l’ot si vilment deffié,

Et le rains ot par tel air gieté Que il l’a tout moillié et arrousé.

En sa main tint .1. coutel acéré ;

Il l’a estraint, puis a le chief croslé :

Par grant air l’éust Ferraut gieté ,

Quant li dus Naynmes et Ogiers l’ont chosé :

« Hé! sire rois, que avez empansé?

« Messaigiers est, ne doit iestre adesez;

« Se mal li faitez, voz en serez blasmez.»

Par itant s’est Karles amesurez.

Mais Ferraus jure la sainte Trinité Que il nel doute :i. denier monnaé :

« Se il m’avoit féru ne adesé,

« Ja li seroit moult tost guerredonné. »

Karles l’oï , si l’en a resgardé.

« Par Deu , dist il , or ai bien esprouvé « Que Gaydes a moult haut conseil trouvé,

« Quant m’envoia cest vassal alosé.

« Dex, consentez , par la vostre bonté,

« Que j’aie encor de Gaydon l’anmisté ! »

Devant la table ot .1. glouton, Hardré;

Cil estoit niés Aulori et Guirré.

Devant le roi ot servi dou claré ,

Car Auloris li avoit commandé.

Tant qu’il éust Karlon empuisonné;

Mais ce l’en ot garandi et tensé Que Ferraus ot jus le hannap versé.

Bien fist au roi , et si ne l’en sot gré :

Mors fust esrant, s’il en éust gousté.

Li glouz s’arreste , si a le chier levé ;

Dist à Ferraut : « Moult avez hui jainglé,

« Karlon le roi de parole avillé ,

36,-1-3684 Gaydon.- III

« Et mon lyngnaige honni et vergondé ; ,

« Mais , se li rois m’avoit congié donné,

« J a voz auroie là aval traîné,

« Etgieteroie contreval les degrez.

« Li vif diable voz ont si emparlé;

« Fuiez de ci, si alez as maufez :

« Trop voz a on souffert et escouté.

« Li portiers ait parmi le col dehé ,

« Quant il voz a la porte deffermé. »

Quant Ferraus l’oit, prez n’a le san desvé ; Isnellement mist main au brant lettré , ■

Pié et demi l’a dou fuerre gieté.

J a l’en éust parmi le chief donné;

Mais li dus Naynmes l’en avoit destorné, - Qui Ferraut a doucement acolé.

Ferraus li dist : « Mauvais sers rachatez,

« Ainz vos lyngnaiges ne tîst jor loiauté ,

« Fors tràison et murdre et fausseté.

« Mauvais traîtres, com fustez si osez, ;

« Qui de noient m’avez hui destorbé ?

« Par le Seignor, qui tout a estoré,

« N’iert por Ogier et Naynmon le barbé,

« Je voz fendisse jusqu’au nou dou baudré?

« Ja por Karlon ne seroit demoré. »

Quant Hardrez l’oit , s’a de paortramblé ; Devant le roi est moult tost reculez.

Et Ferraus a de rechief rescrié :

« En non Deu , rois , ja ne voz iert celé,

« Je sui Ferraus, niés Gaydon l’alosé ! »

Atant s’en vait par le palais pavé ,

Ogier et Naynme a moult bel saluez,

Tout son lyngnaige a à Deu commandé,

Si ra le roi de rechief deffié.

Dou palais ist , s’a son cheval trouvé ,

Puis est montez par son estrier doré.

Encor ne sevent qu’ait le portier tué ;

De la cort part, en la ville est entrez.

Or le conduise Jhesus à sauveté !

Ferraus s’en vait, ne s’atarja noient, Car son messaige ot fomi fierement.

Dex penst de lui par son commandement ! De lui lairai ores le parlement ;

De Karlemaine dironz au fier talent,

Qui por Gaydon avoit le cuer dolent ,

Qui ti avoit mandé deffiement ;

Car il seit bien qu’il est de si grant gent ,

Et tant est fiers et tant a hardement Qu’il li metra sa terre en grant torment : Mal li fera, certez, puis qu’il l’emprent.j A ces paroles vint uns gars erramment ,

Qui haut huchoit à sa vois clerement ,

Que li portiers iert ocis laidement ;

Mais Naynmes vint à lui , se li deffent.

Cil s’est téuz , quant le bon duc entent.

Por ce le fait li dus nomméement Que Ferraus fust retrais à sauvement.

Dist l’empereres : « A poi que je ne fent ,

« Quant cil messaiges s’en va si faitement , « Qui a parlé si très vilainnement. »

Dist Auloris : « Sire, par saint Vincent ,

« Se il voz plaist , noz le sieurrons atant.

« Amenez iert assez prochiennement ,

« Puis soit pendus et encroez au vent. » Naynmes respont : « Par vostre loement ,

« Feroit li rois son grant avillement.

« Ce qu’il a dit, dist par commandement ; « Il n’i a blasme, sachiez le vraiement. »

37 *8 — 37t° GaYDON. HJ

Ainsiz destorne Naynmes moult longuement. Atant ez voz .1. tràitor puslent,

Niés Aulori et Guimart ausiment.

Le portier a ocis trouvé sainglent ;

Dolans en fu, car il fu son parent.

Cil s’escria à sa vois hautement :

« En non Deu , rois , or voz vait malement ;

« Qui bien voz sert, mauvais loier atent.

« Li messaigiers, cui li cors Deu cravent,

« A le portier ocis vilainnement.

« Onques por voz n’en ot nul tensement :

« Honis soit li services c’on rent si faitement.» Karles l’oï , de mautalent enzprent.

« As armes ! crie, armez voz vistement !

« Or aprez lui ! n’i ait delaiement.

« Amenez soit , s’en ferai vengement :

« Pendus sera, ja n’en aura garant. »

Quant cil l’oïrent, si s’arment vistement,

Par la cité s’arment communément.

Es chevax montent, qui ne vont mie lent,

Aprez Ferraut poingnent tant durement La terre en crosle environ .1. arpent.

Or li ait li Sires qui ne ment ,

Car derrière a félon enchaucement ,

Et par devant cruel embuschement !

Vait s’en Ferraus qui de cort est partis ; ;

Or li ait li rois de paradis !

Moult fierement est chaciéz et siévis ;

S’il est atains , mors est et malbaillis.

Et il entent la noise et le hustin ,

Dont aprez lui estoit levez li cris ; »

Et il l’avoit entendu et o'i ,

Mais nés doutoit vaillant .1. parisis,

Se Dex garist son bon cheval de pris.

N’est pas alez granment , ce m’est avis ; Mais jusqu’à poi sera il esmarris,

Car li agais li est devant saillis ,

Et li escrient : « Ferraut , voz iestez prins ! . « Mais ne verrez Gaydon ne ses amisa « Hui iert vengiez Thiebaus qui fu ocis. » Quant Ferraus l’oit, moult fu espaoris,

Car ceuls connoist à chevaliers eslis,

Bien voit mors est , s’il est prins ne saisiz. Affichiez est sor les arsons massiz,

L’escu a joint devant , enmi son pis ,

De lui deffendre s’est moult bien aatis.

Et jure Deu et le ber saint Denis Que ja seront li chevalier requis.

Le cheval broche des espérons massis.

Et Haguenons s’est vers lui ademis ,

Qui moult estoit grans et gros et fornis ;

Si mal tràitre n’avoit en .1. pais.

Andui se fièrent sor les escus voltis.

Haguenons fiert Ferraut par tel devis L’escu li fent, l’auberc h dessarti ;

Dex le gari qu’an char nel consieviî La hanste froisse dou roit espié forbi.

Ferraus se tint, ainzestriers n’i perdi ; Haguenon fiert , d’ire mautalentis,

L’escu li fent , l’auberc li dessarti ,

En cors li met le roit espié forbi.

11 l’a empoint , et icil jus chaït;

Mort l’abatit ; diable en ont l’arme pris,

Qu’il a toz jors honorez et servis.

Ferraus li dist : « Voz fustez trop hastis ,

« Qui de moi panre estiiez aatis ;

* Mais ne serai hui ja par voz maumis.

,7g| — î»t7 Gaydon. 115

« Orvoz ai je .1. de mes geus aprins. »

Rahiers l’entent , de mautalent rougi.

Quant Rahiers vit Haguenon mort chéu ,

Lors fu dolans, onques mais si ne fu ;

Le cheval point par moult ruiste vertu.

Ferraus le voit venir tout irascu ,

Sa lance tint , s’a tomé son escu.

Andui se fièrent par force et par vertu.

Rahiers le fiert , qui bien l’a conséu ,

L’escu ü tranche , l’auberc a desrompu,

En son costel li met le fer agu ,

Desoz les costes li a le fer cousu ;

Mais dou cheval n’a le vassal méu :

Sa lance brise corn .1. rains de séu.

Et Ferraus l’a tant durement féru Que son escu li a fraint et fendu ,

Le blanc hauberc desmaillié et rompu.

Parmi le cors li passe le fer nu ;

Il l’a empoint , si l’a jus abatu.

Sa lance brise, et li .111. sont venu»

Qui fierement li sont sore corru.

Chascuns le fiert de son espié molu.

Moult l’ont navré el cors et el wit bu ;

Mais il n’ont pas le vassal abatu.

Il trait le brant que lonc tans ot éu ,

Et cil les lor, sore li sont corru.

Et li ber a contre euls estai rendu.

U li escrient : « Ne voz vault .1. festu,

« Ancui serez traînez et pendus. »

Ferraus se taist , à el a entendu :

Forcon ataint entre bras et escu,

Le bras seneâtre a en pré abatu.

Cil sent le cop, quant le bras ot perdu,

II 6 GAYDON. }8i8 — 3850 >

En fuies tome, grant dolor a éu.

Li autre dui furent si esperdu En fuies tornent à plain fraint estendu.

Ferraus rent grâces Dammeldeu et salu ,

Qui de mort l’a tensé et deffendu ,

Atant s’en vait sor le cheval quemu ;

Sa plaie estraint soz l’auberc qu’ot vestu. •

Va s’en Ferraus, n’ot cure de targier,

Car moult se doute de l’anchaus par derrier.

Qu’il voit forment prez de lui approchier ;

Mais se Dex sauve Ataingnant son destrier.

Nés doute huimais vaillissant .1. denier.

Icil d’Orliens viennent sor les destriers,

Encontré ont Amboyn et Fouchier,

Le fel Foucart qui lor prent à huchier :

« Afolé m’a Ferraus, nel puis noier,

« Et si a mort Haguenon et Rahier. »

Auloris l’oit , le sen cuida changier ,

En haut s’escrie : « Pansez de l’anchaucier ;

« N’i garira à pui ne à rochier. »

Lors cort chascuns por Ferraut dammaigier ,

Les .11. mors treuvent gisans desor l’erbier ;

Touz li lyngnaiges en fait .1. duel plenier.

Et Ferraus panse touz jors de l’esloingnier.

Tant a alé li ber et chevauchié Que, en .1. val, pardelez .1. rochier,

A encontré .1. moult bel chevalier,

Et voit venir 0 lui .1. escuier,. . •

Qui sor son poing portoit .1. sor gruier.

.ÎT cheval mainne qui moult fist à prisier;

Ainz nus ne vit ne plus bel ne plus chier,

Ne plus isnel, miex féist à prisier.

Des piés devant commence à ombroier ;

)S{I— |88j GaYDON.

En haut hannist , si a prins à fronchier. Plusbele beste n’estutà souzhaisdier; D’argent ferrez iert devant et derrier.

Ferraus le vit , sel prinst à convoitier,

Vers le vassal se prinst à adrescier ,

Pas nel salue , n’iert pas en son dongier ; Isnellement l’a prins à arraisnier.

« Vassal , dist il , je voz proi et requier « Que voz me ditez où menez cel destrier,

« Qu’ainz mais ne vi plus bel ne plus legier, « Ne que volsisse miex avoir gaaingnié. » Dist li vassaus : « Bien voz sera noncié :

« Gel mainne au roi qui France a à baillier ; « Cil de Toulouse li ont fait envoier.

« D’un bon cheval li sont par an rentier :

« Cestui \i mainç , bien en sera paiez,

« Et cest ostor li port por rivoier ;

« Au roi l’en port, de moi font messaigier,

« Tex est mes fiés, .c. mars ai de loier. » Quant Ferraus l’oit , Deu prent à mercier ; Dist au vaslet : « Il voz convient laissier « Cel bon cheval et cel ostor gp-uier,

« C’un mien couzin en voldrai aaisier.

« Foi que doi Deu et le cors saint Richier,

« la Karlemaines,, qui tant m’a fait irier,

« N’i fera maitre ne selle ne estrier.

« Mais or alez en vo pais arrier « Panre vos rantes , pansez de l’aaisier ;

« Car le cheval voz voil je chalongier,

« Que je l’aurai por moi esbanoier. »

Quant cil l’oï , prent soi à gramoier :

« Par foi , fait il , au brant forbi d’acier « Le voz convient tout avant desrainier. >»

Quant li vassaus oi Ferraut parler,

Que sans estor n’en porra eschaper, l/espée a traite, bien s’en sot acesmer,

Vint au destrier qui tant fait à loer ,

Le bras senestre vait el resne bouter,

Puis dist : « Vassal , or poez cheminner,

« Car le cheval voil Karlon présenter.

« Maugré vo nés m’en voldrai acuiter ;

« Moult pris or poi vostre* orgoilloz parler. » Quant Ferraus l’oit, sel prent à deffier.

Atant se vont ferir et encontrer ,

Des brans d’acier commencent à chapler,

Li uns à l’autre esquermir et gieter.

.1. entredeus prinst Ferraus à ruer,

Dou bras senestre li fist le poing voler.

Quant li vassax se senti afolé ,

Le cheval lait, puis ne le pot tenser.

Ferraus le voit, s’en fu en desirrer;

Vers le vassal s’en vint corrant li ber.

Quant cil le vit, n’i ot qu’espoenter ;

Mais point ne volt l’escuier adeser Ainz prent l’ostor, et cil le lait aler.

Quant Ferraus l’ot, si prinst à galoper.

Et li vassaus se prent à dolouser,

Et à Karlon, ce dist, s’ira clammer,

La vérité del tout en tout conter :

Cist fera Karle son mautalent doubler.

Vait s’en Ferraus , si emporte l’oisel ,

Et si enmainne en destre le poutrel.

En nulle terre n’ot cheval plus isnel ; Amaufrois fist puis sor lui maint cembel. Tant va Ferraus delez un termissel Qu’il trueve ,i. bois grant et créu et bel.

Droit à l’entrée, par delez .i. vaucel,

Treuve .1. manoir : n’i ot tor ne chastel; Desor la mote n’avoit c’un seul quarrel. Fossez i ot qui sont fait de nouvel ,

Où se norrissent tenches et poissoncel.

Une pucelle séoit souz un aubel,

Devant la porte, droit au pié d’un poncel.

Fu la pucelle venue en un prael ,

En .i. bliaut, n’otcote ne mantel.

Blont sont si crin , d’or avoit .1. cercel;

Les iex ot vers et le vis cler et bel ;

Gent ot le cors, et droit com .1. rosel :

Plus bele dame n’ot jusqu’à Mirabel.

Quant Ferraut voit venir lez le boischel ,

En piés se dresce encontre le donzel.

Cil la salue de Deu qui fist Abel ,

Puis s’arresta lez li soz l'aubrissel.

De desoz l’aubre , enmi la praerie,

S’est arrestez Ferraus par cortoisie,

Si la salue de Deu, le fil Marie.

Celle respont, qui bien fu enseingnie :

« Cil Dex de glore, qui vint de mort à vie ,

« Deffende, sire, vo cors de vilonnie! »

Dist Ferraus : « Damme, or ne me celez mie « Cui est cist mes , ditez le moi, amie.

— Sire , dist elle , ne voz mentirai mie ,

« Il est mon pere qui fu nés en Valye.

« Car descendez , prennez harbergerie ;

« Prez est dou vespre , ja sera nuis sérié ,

« Et li miens peres revenra ainz complie.

« En riviere est , là où il s’esbannie ;

« D’un espervier là se joe et festie,

« Qui prent moult bien et la quaille et la pie ,

120 GaYDON. }9f 0—3981

« Dont il repaist et lui et sa maisnie.

« Tel déduit mainne et souvent s’i detrie.

« N’ose avoir chiens corrans ne chacerie,

« Et si nen a fors d’autre chose envie ;

« Mais l’empereres li deffent et devie,

« Por lyngnaige cui Jhesus maléie,

<' Par lui est meute mainte diablerie :

« C’est Auloris, cui li cors Deu maudie,

<( Guimars li fel , celle pute lyngnie ,

« Qui touz jors chasent traïson et-boisdie,

« Qui mon seignor ont tolu chacerie ,

« Et tolu terre par lor losengerie. »

A ces paroles la pucelle larmie ,

Et en plorant moult doucement li prie Que il laienz preingne harbergerie.

Assez aura oisiaus et char rostie,

Claré et vin qui sera sor la lie ;

Faine et avaînne as chevaus li otrie.

Quant Ferraus l’oit , bonnement l’en mercie.

Quant Ferraus oit que cele li proia Queî’ostel preingne , bien le harbergera ,

Et li siens peres honor li portera ,

Quant Ferraus l’oit , forment l’an mercia.

Vit le soleil qui à prez esconsa ,

L’ostel préist ; mais la sieute douta ,

Et la maisons trop foible li sambla.

Lors se porpanse que outre s’en ira ,

Car, se Deu plaist, bon ostel trouvera.

De cortoisie li ber se porpansa ;

Il tint l’ostor, la bele le donna :

« Tenez , pucelle , quant vos peres venra ,

« Se li direz cil qui le voz donna, v Se longues vit, sa terre li randra.

398 1 — 4<> > S GaYDON.

« Et Aulori à dolor destruira ,

« Les traïtors quant qu’à la cort en a. » Celle le prant, parfont l’en enclina.

Dex ! com son pere en reconfortera !

Ferraus s’en part quant le congié prins a ; A Deu de glore la bele commanda.

« Cil Dex, fait elle, qui le mont estora,

« Voz maint à joie tout là où voz plaira ! » Ferraus s’en tome, qui d’aler se hasta ; Par la forest durement chevaucha.

Et li chevax , que en destre mena ,

Hannist et fronche , durement s’ombroia.

Tant va Ferraus c’unne maison trouva D’un bosquillon, qui moult bel l’ostela,

Et les chevax bonnement establa ,

Faine et avainne à plenté lor donna.

Quant soupé orent, Ferraus couchier ala ; Icelle nuit moult petit reposa.

Quant voit le jor, si se rappareilla ;

Et li bons ostes les chevax ratira.

Ferraus li anfes tout maintenant monta ; Moult durement de l’oste se loa.

De l’ostel ist, de sa main se saïngna .

Et prinst congié, de l’esrer se hasta.

Tant a esré , forment esperonna ,

De la forest issi , si encontra • I. escuier, qui moult tost chevaucha.

Ferraus le voit, encontre lui ala.

De ses nouvelles aparmain enquerra ,

Et je cuit bien que teles les orra Dont en son cuer liés et joians sera ,

Et Karlemaines moult s’en corroucera.

Quant Ferraus ot l’escuier encontre,

Enquis li a esrant et demandé D’ont vient, où va, ne li soit pas celé.

Cil ot paor, quant il le vit armé.

« Sire , fait cil , ne voz iert pas celé, v Escuiers sui au vaillant Yzoré ,

« Qui de Maience tient toute l’erité.

« Mes sire envoie à Karlon l’alosé « .1111. sommiers de bon argent troursez , « Car aidier doit Aulori et Hardré.

« Mes sires est prezde lor parenté,

« Si mande à Karle qu’à cest premier esté « Panront Gaydon à Angiers sa cité :

« Pendus sera à un aubre rammé,

« Ferraus iert ars , Amaufrois traînez , •

« Riolz dou Mans iert au vent encroez ;

« Ainsiz l’a Karles mon seignor créanté.

« Mes sires l’a par ses dons aweuglé,

« Auloriés l’a ainsiz porparlé.

« Parmi cel val s’en viennent à celé *

« IIII. baron, richement acesmé,

« Qui l’avoir ont et conduit et mené. » Quant Ferraus l’oit, s’en a Deu mercié, De celle part a le cheval hurté.

L’autres le sieult adez prez dou costé. Tant vait Ferraus qu’à une prioré S’en est venus, à la porte a hurté.

Li portiers lieve , quant il l’a avisé.

Ferraus li a le cheval commandé,

Que il avoit par force conquesté ,

Aprez s’en vait. Tant a esperonné Que ceuls encontre à l’issue d’un guez.

Ferraus lor a hautement escrié :

« N’irez avant , losengierdeffaé!

« L’avoir aurai, ne voz en saurai gré ,

4ojo— 4<>8j GAYDON. 12$

« Si le donrai à Gaydon l’alosé. »

Quant cil le virent, si en sont aïré;

Tout seul le voient , si en ont grant vilté.

Et Ferraus broche Ataingnant l’alosé ,

Et tint l’espié, par force l’a branslé,

Et fiert Flohart sor l’escu pointuré ,

Et Flohars lui, ne l'a pas redouté,

Qu’il li persa son escu d’or bandé ;

Mais le hauberc n’a il mie entammé :

La lance froisse , li tronz en sont volé.

Ferraus li a son escu estroé ,

Et le hauberc rompu et depané ,

Foie et pormon li a tout descirré ,

Dou cheval l’a à terre craventé.

Segars le voit, si apella Fourré,

Et son neveu, l’orgoilloz Forqueré :

« Or dou vengier, franc baron alosé !

« S’il noz eschape , noz seronz vergondé. » Atant li viennent, de ferir entezé ;

Moult l’ont blecié et durement navré ,

L’uns en la cuisse et l’autres en costel ,

Li tiers en flanc , cil l’a plus fort grevé ;

Mais il n’ont mie le vassal aterré.

Ferraus a trait le brant d’acier lettré ,

Et fiert Segart sor son elme gemmé ;

Tout li trancha et la coiffe a faussé,

Jus à la terre l’abat tout enversé.

Fourré refiert , le bras li a copé,

A tout le brant l’abat enmi le pré,

L’avoir et tout commande as vis maufez.

Et li garson sont en friiez tomé,

Et Ferraus a les sommiers arroutez Vers l’abéie , où il estoit alez ,

Où il laissa le destrier sejomé.

Celui reprinst, .1. lor en a donné,

Et si envoie , par .1. moinne rieuglé ,

.II. des chevax, Ferrant et Pomelé ,

A la pucelle qui l’ostor ot donné.

[&Auj boisquillon , qui l’avoit ostelé ,

Envoia l’autre, tout ainsiz l’a rouvé. >

Et puis s’en part , les sommiers a hastez ,

Son destrier mainne en son bras arresné ,

Vers Angiers va tout le chemin ferré.

Vait s’en Ferraus à coite d’esporon ,

L'es sommiers mainne et le destrier gascon.

De lui lairai, de Renaut voz dirons ,

Que Karles ot envoié à Gaydon.

Il esra tant, à force et à bandon ,

Qu’à Angiers vint, si descent au perron.

En palais monte , ainz ne li véa on,

Gaydon salue de par le roi Karlon ,

Aprez conta belement sa raison ;

Onques ne dist .!. mot de souzpeson :

« Gaydes, enten , oiez que noz dironz :

« Karles te mande, vien à lui à Loon ;

« II te fera si plainne amendison « Corn jugeront li chevalier baron.

— Amis , dist Gaydes , voz parlez en pardon.

« Ja n’aie je nul jor remission ,

« Se je à Karle ai jor acordison ,

« Jusque li aie fait tel mesproison « Com il fist moi par mauvaise achoison ;

« Ou il me rende Aulori et Forcon ,

« Le fel Guimart et son frere Milon !

« Ja autrement n’i aura fors tanson.

« Et, par l’apostre c’on quiert en pré Noiron, «Ne fust por tant que iestez loiaus hom ,

« Je voz tolsisse le chief soz le menton.

« Fuiez de ci, wisdiez tost ma maison ;

« Se jamais est trouvez en mon roion « Nus hom qu’aint Karles, mis sera en charbon.

« En sorquetout, pas ne voz mentirons,

« J’ai envoié en France un donzillon ;

« Bien dira Karle ce que noz li mandons.

« Fuiez de ci , n’ai soing de vo sermon ,

« Ou voz aurez .1. moult mal guerredon . » Renaus s’en part , ne dist ne o ne non.

Quant montez fu , n’i fist arrestison.

Moult a trouvé le duc Gayde félon;

Mais ne dist mie la très grant mesproison Qu’il et Ferraus murent par contenson.

Se le séust li riches dus Gaydons ,

Je croi Renaus en éust guerredon.

Renaus s’en part, n’ot cure d’atargier.

Moult a trouvé Gaydon félon et fier;

Forment se doute ne le face enchaucier :

C’est por noient, n’a garde d’jempirier ;

S’autres que Gaydes ne li fait encombrier, Séurement s’en puet il repairier.

Dès or voz voil de Renaut ci laissier,

Si voz dirai de Ferraut le proisié ,

Qui en anmainne l’avoir et les deniers Dont Gaydon cuide forment eslaiecier.

Li ber chevauche , n’ot cure d’atargier ;

Forment desirre à Gaydon renoncier Comment il a Karlon fait corroucier.

Séurs s’en vait à guise de guerrier ;

Mais ses chevaus commence à abuscier:

Par trois foies l’estut dgenoillier.

Ferraus le voit , prent soi à esmaier :

« Hé ! Dex , dist il , qui tout as à jugier,

« Deffendez moi , Sire, de destorbier !

« Ne sai por quoi voi mon cheval laschier ;

« Ainz mais d’esrer ne le trouvai lanier. »

Atant laissa li vassaus le plaidier.

Tant a esré qu’encontre un anuitier:

•I. poi devant que solaus dut couchier,

Vit .1. chastel par delez .1. rochier.

Jouste le mur avoit .1. grant vivier.

Cil cui il iert l’ot bien fait batillier,

Et grans fossez ot fait entor taillier.

Le chastel prinst Ferraus à aprochier ,

Desor le pont choisi un chevalier,

Qui maintenant iert venus de chacier ;

Mais n’i fu onques fors por mal espier :

Ainz de mal faire ne se pot rassaisier.

Niés fu Hardré, Ganelon et Rahier,

Couzins Macaire, Amboyn, Manesier;

N’ot en cest mont plus félon pautounier,

Hertaus ot non , Dex li doinst encombrier !

Ainz loial home ne volt jor tenir chier.

Famé ot li fel, fille au duc Berangier,

Couzine Gayde et Naynmon et Ogier.

.1. fil avoit li fel de sa moillier,

Qui moult faisoit durement à prisier,

Car ainz ses peres ne li pot acointier Que il volsit malice ancommencier ;

Touz jors voloit preudommes acointier.

Li fel traîtres het moult son heritier ,

Si qu’à grant painne li consent son mengier. Quant li traîtres vit Ferraut aprochier,

De celle part a prins à sorcillier ;

L’avoir qu’il mainne et le corrant destrier Moult durement a prins à couvoitier.

Vers Ferraut vint , o lui .tu. pautonnier.

Li fel le prent moult bel à arraisnier.

« Sire , dist il , par amors voz requier « Que voz me ditez où devez chevauchier ;

« Moult m’esmerveil, par Deu le droiturier,

« Que voz alez ainsiz sans escuier. »

Et dist Ferraus : « A celer nel voz quier,

« Gaydes li dus , qui est sires d’Angiers ,

« M’envoia Karle de France deffier ;

« Et quant je dui arriéré repairier,

« Si me gaita Haguenons et Rahiers ,

« Et Amboyns et Forques et Fouchiers ,

« Si me cuidierent ocirre et detranchier ;

« Mais g’en ocis les .h. au brant d’acier,

« Et le tierc fis de son poing esmoingnier :

« Ne portera mais escu de quartier. »

Oit le li fel , le san cuida changier ;

Trop volentiers le féist detranchier,

Mais Ferraut doute, ne l’ose corroucier;

Par traïson s’en cuide bien vengier.

« Sire, dist il, vez le soleil couchier;

« Il est bien tans huimais de harbergier,

« Et voz aurez bon ostel sans dongier :

« Por le duc Gayde, qui jadis m’ot moult chier, « Voz voldrai je richement harbergier. »

Puis dist en bas : « Dex ne me puist aidier ,

« Se anquenuit , quant venra au couchier ,

.« Ne voz faz touz les membres detranchier ! » Et puis a dit : « Or puis bien tesmoingnier « Piesa n’oi oste que j’éusse tant chier. »

Ce dist por ce que le puist engingnier.

Se cil n’en panse qui le mont doit jugier ,

Mais ne verra Gaydes son messaigier.

Ferraus descent , bien fu qui tint l’estrier.

Harbergié furent et cheval et sommier.

Hertaus a fait le tressor estuier.

Ferraus li anfes ne s’i sot preu gaitier :

Ses armes oste, miex li venist laissier;

Mais j’ai oï tout adez tesmoingnier De tra'ison ne se puetnus gaitier.

Or est Ferraus en tel lieu ostelez,

Se Dex n’en panse qui en crois fu penez ,

N’en partira, si sera desmenbrez.

Hertaus li fel, qui dou mal sot assez,

A prins Ferraut au bliaut gironné ;

La porte passent, puis ont le pont levé.

Sus en palais montent par les degrez.

Voit le la damme, moult fut bel saluez.

Hertaus li dist : « Biaus sire, or voz séez. »

Sa famé dist li traîtres prouvez :

« Celéement cel chevalier prennez ,

« Detriiez le , fabloiez et contez ,

« Tant que je soie fervestis et armez :

« Ce est Ferraus, mes ennemis mortex.

« Niés est Gaydon, le cuivert deffaé '« Par cui Thiebaus, mes oncles , est tuez.

« Mais , par celui qui en crois fu penez ,

« Ne mangerai, si sera desmembrez. »

La damme l’oit, li vis li est muez.

« Sire , fait elle , ce iert desloiautez « Se mal li faitez, quant harbergié l’avez ;

« Touz jors seriez mais traîtres clammez.

« Mais faitez bien, sonharnois li randez,

« Metez le à voie, et puis le deffiez :

« N’en aurez blasme , s’adonques l’ociez. » Quant Hertaus P oit, à poi que n’est desvez;

Par mautalent a dit : « Voz me gabez ;

« S’estoit armez et en cheval montez ,

« Jamais par moi ne seroit atrapez.

« Mais je sai bien que voz me ramponez ;

« Mar le pansastez, par mes grenons meslez. » Hauce le poing, qu’il ot gros et quarré,

Si l’a ferue par entravers le nés Que li clers sans l’an est aval coulez,

Puis li a dit : « Par Deu , or jehirez !

— Sire, fait elle, vostre plaisir ferez. »

.X. chevaliers en a 0 lui menez

En une chambre , si dist : « Voz ne savez ?

« Prennez vos armes, et si voz adoubez,

« Car Ferraus est en cest palais listé.

« Gardez qu’il soit ocis et desmembrez ;

« Par son lyngnaige est li miens avillez. »

Et cil respondent : « Si corn voz commandez. » Les armes prennent, ez les voz adoubez.

Or est Ferraus en tel lieu ostelez ,

S’il n’a secors , ja estera tuez.

La bonne dame , qui tant ot de bontez ,

Vint à Ferraut, quant dou banc fu levez ,

Lez lui s’assist, s’a .11. souzpirs gietez, • Aprez plora , si l’en prinst grans pitez.

Ferraus la vit, si l’en prinst grans pitez.

« Dame , dist il , ditez que voz avez ?

— Sire , dist elle , ja orrez veritez ;

« Mes sairremens n’en sera ja faussez.

« Mes parens iestez, sire, si ne savez « Comment voz iestez trais -et malmenez.

« Mes sire est niés Ganelon et Hardré;

« Bien iestez sire trais et barretez.

« En une chambre est maintenant entrez ,

« .X. traïtors en a 0 lui menez ;

« Por voz ocirre ont les adourz combrez. >v

(JO Gaydon.

Quant Ferrausd’oit , moult en fu aïrez.

Dist Ferraus : « Damme, par Deu, moult sui « Mais , se g’estoie de mes armes garnis, [souzprins; « De moi deffendre seroie amanevis.

« Mais je ne sai où mes harnois fu mis. »

Et dist la damme : « Ja en serez saisiz. »

Son fil apelle, qui ot non Savaris.

« Fiuls, dist la damme, or ne soiez faillis.

« Cist vassaus est par ton pere trais :

« Harbergié l’a li cuivers maléiz;

« Il sera ja vilainnement ocis,

« Qu’armer se vont Herchembaus et Baudris ,

« Huitiers li fel, et Butors et Hanris ,

« Gombaus de Broil et ses fiuls Salaris ,

« Rogiers dou Gaut et ses frere autressiz ,

« Hertaus, mes sire, qui de Deu soit honnis. » Li vaslés l’oit, nefu mie alentis,

Por les adours corrut où furent mis.

Il les aporte , Ferraus les a saisiz :

Or doute mains ses mortex annemis.

Soz ,i. arc vol se trait et est assiz ;

Sor ses genouls a son brant d’acier mis.

Ez voz Hertaut, de Deu soit maléiz I Fors de la chambre en est moult tost saillis. Quant voit Ferraut, qui d’armes est garnis,

Par .i. petit que iln’enraige vis;

Sa famé escrie : « Orde pute miautris,

« Mar fu par voz icis consaus bastis ! »

Dist Savaris : « Peres , por Deu mercis,- « Ne faire chose dont tu soiez reprins.

« Harbergié as cest chevalier de pris ;

« Se malli faitez, très bien en soiez fis,

« Jamais nen ierez en haute cort ois.

4} 19— 43 îî GAYDON. I

« Ja est ses sires Gaydes, li dus gentiz,

« Cist est ses niés , par foi le voz plevis ;

« Se mal li faitez , sor voz tonrra li pis :

« Traîtres est en la parfin honnis. »

Hertaus Tentent, de mautalent rougi.

« Tais toi , dist il , Dex te puisse honnir !

« Si m’ait Dex, ainz ne m’apartenis. »

Dist Savaris : « Par Deu de paradis,

« Ce poise moi c’onques m’engenuis,

« Et que voz onques fustez li siens maris.

« Dex oui sa mort pardonna à Longis,

« Il le aeffende que il n’i soit ocis,

« Et il voz doinst que soiez desconfis! »

Et dist Ferraus : « Frans dammoisiaus gentiz « Se Dex ce donne que g’en puisse partir,

« Encor t’en iert li guerredons meris. »

Dist li vaslés : « Si m’ait Jhesus Cris ,

« Ja n’i serez, tant corn je puisse, ocis. »

A ices mos se sont as escus prins.

Li tra'itor ont les espiés brandis ;

Moult fu Ferraus fierement assaillis.

Lancent à lui faussars, espiés burnis,

L’escu li partent jusqu’an Tauberc treslis ; Mais li haubers fu serrez et sarcis :

Ce le sauva, par tant fu garantis.

Ferraus tint nu le brant qui fu forbis ,

Et fiert Gombaut: moult bien fu consievis ;

Ne li valut arme ne c’uns samis.

Tout le porfent enfresci que en pis,

Que la cervelle li espant , ce m’est vis.

Cïï est chéuz delez un perron bis.

Hertaus le voit, d’ire fu toz sozprins.

« Par Deu, dist il, fel cuivers malaprins,

« Pendus serez demain ainz miedi ! »

Et dist Ferraus : « Traîtres, Deu mentis,

« Li vostre osteuls soit de Deu maléis !

« De tex morsiaus i savez or servir !

« Ostez cel mort , tant qu’il soit sevelis ,

« Et querez prestre, tant qu’il soit enfoïs. »

Hertaus li lerres, quant la parole entent, Par .1. petit n’i muert ae mautalent.

Lors l’assaillirent et menu et sovent;

Son escu percent, qui fu à or luisant, L’auberc li faussent , navré l’ont durement. Li sans vermaus des plaies li descent.

Et quant Ferraus ainsiz navré se sent,

Et vit son sanc, lors reprent hardement, L’escu embrâce , le brant amont estent ,

Et fiert Baudri qui le coitoît sovent ;

L’escu li perce, qui fu poins à argent.

Elmes ne coiffe ne li fist tensement; Trosqu’enz espaules à cel cop le porfent.

Cil chaï mors , à la terre s’estent.

Et dist Ferraus : « Mauvais hostelement « Me voliez faire, le loier voz en rens :

« Dehaiz ait ores si fais hostelemens. » Hertaus l’oï , si rescrie sa gent.

Lors le requièrent et menu et sovent ;

Se Dex n’en panse , livrez est à torment. Hertaus l’angoisse , li traîtres puslens.

Et Ferraus saut de l’arc vol maintenant ,

J ouste .1. pilier s’en vint, estai lorrant, Comme sainglers qui des chiens se deffent. Mais ja fust prins, quant Savaris descent, Cui sa mere ot armé moult richement.

Tint une hache qui tranche durement.

« Avois ! s’escrie, par le cors saint Vincent , « N’espargnerai ne couzin ne parent. »

La hache entoise moult aîréement,

Gontart feri tant acesméeraent La teste o l’iaume sor les espaules prent. Ferraus le voit, si s’en rist doucement ;

Lors lor cort sus moult orgoillousement,

Butor ocist êt Huon de Clarvent ,

Et Savari , celui de Rochearpent.

Desconfit sont li traïtor puslent ;

Fors dou palais les chacent erramment.

Hertaus s’escrie à sa vois clerement :

« Or tost ! as armes, mi home, isnellement ! » Par le bore ont oï le sien commant ;

As armes corrent plus de .m. et .vc.

Se Dexn’en pense par son commandement, Prins iert Ferraus et encroez au vent ,

Et Savaris, et la damme ausiment.

Par le bore sont armé li borjois tuit ;

Vers le chastel viennent tuit à .1. bruit.

Et Hertaus jure ne mengera de fruit,

S’aura son fil et sa famé destruit :

« De mes mains m’ont tolu mon annemi ;

« Vengiez m’en fuisse orendroit , si corn quit.

« En mon palais font ores lor déduit,

« Morte ont ma gent , drois est qu’il m’en anuit. « Or, à l’assaut! car ges aurai anuit. »

Li borjois l’oient , s’en demainnent grant bruit. Il ont juré , se Ferraus ne s’en fuit En larrencin , et que le pais wit ,

Il iert pendus à .1. aubre, ce quit.

Vers le palais, dont li mur sont enduit ,

Vont assaillir, et Hertaus les conduist.

Grans fu l’assaus commenciez au palais.

Hertaus s’escrie, li traîtres punsnais : u N’i garirez, fel traîtres mauvais ! - . .

« Voz et mes fiuls serez demain deffais,

« Ma famé iert arse , par le cors saint Gervais. » Et dist Ferraus : « Dehaiz ait cist souzhais ! » Lors s’estoit il prez de l’entrée trais ,

Le brant en poing plus verdoiant de glays.

Li tra'itor viennent à grant eslais.

Et li borjois, armé de lor gambais ;

Lances ont tortes et espiés moult mauvais. Ferraut assaillent, moult demainnent grans brais; Li uns por l’autre est de ferir entais.

Sor le pont montent des traïtors grant fais ; Ferraus les voit, moult en fu aïrais.

Cui il ataint , moult empire ses plais:

Ambaut ataint , ne li quist mie pais,

Le poing li cope; ne s’en aidera mais.

Gontier a mort et Rogier de Cymais ,

Prent la chaainne dou grant pont, qui fu d’ais , Lors saiche et tire le pont à moult grant fais :

Tel .xxx. en chiéent enz an I’eve à .1. fais,

Qui n’en istront, mon enciant, jamais,

S on nés en pesche en avril ou en may.

Ferraus lor crie : « Or ne soiez irais ;

« Mais baingniez voz belement, à Ions trais. » Savaris crie : « Peres, car les en traiz ;

« C’iert vilonnie , se noier les i lais. »

Quant Ferraus ot amont levé le pont ,

La porte close , puis si monta amont Lez Savari, qui moult ot le chief blont.

Hertaus s’escrie que il le comparront,

Et le matin as forches penderont.

Sa gent escrie, vers le chastel s’en vont,

Por l’assaillir entor et environ Aportent cloies, dont le passaige font,

Targes et piz , dont il orent fuison ,

44 j J — 4487 Gaydon. ^ ) 5

Et les eschielles qu’ont drescié au donjon.

Tel .xxx. montent qui ja i enterront,

Se cil n’en panse qui estora le mont.

Sus as querniaus maintenant venu sont.

La dame plore et ses chevex desrompt.

« Lasse ! fait elle, bien voi que prins serons.

« De moi ne chaut; mais mon fil ocirront,

« Et cel vassal, ja pitié n’en auront. »

Ferraus l’entent , à poi d’ire ne font.

Savaris crie , qui pas ne se repont.

.1. tref ont prins entraversé de lonc,

Jus l’ont bouté; quant qu’il ataint, confont. Cex des eschielles gietent jus en .1. mont,

Par dedens l’iaue, enz ou fossé parfont.

Jesir i puéent, carhuimais n’en istront.

Ferraus s’escrie, qui ot cuer de baron :

« S’il pueent boivre , ja riens n’en paieront. » Dist Savaris ; « Peres , n’en gousteront.

« Cil qui sont là trives donné noz ont;

« Tout ainsiz fuissent cil qui grevé noz ont. » Hertaus l’oî , n’en puet muer n’en gront;

La mort beu jure ja n’en eschaperont :

« C’est Antecris, s’il noz eschape dont !

« Nuis est obscure , très bien les gaiterons,

« Et le matin l’assaut parmaintenrons. »

Li fel Hertaus fist gaitier le chastel Et le palais, dont blanc sont li quemel.

.XX. chevaliers ot devant le poncel ,

Et .c. serjans, chascuns avoit chapel.

Hertaus en jure le cors saint Daniel Que de Ferrautfera .1. laitmaisel,

ET de sa famé, de son fil le touzel.

Andui seront pendu à .1. hardel ,

136 GaYDON. 4488 — 4 j 20

Et sa famé arse en .1. moult grant fomel.

Ci voz lairai dou traïtor mezel;

De ceuls lassus est drois je voz apel.

Chascuns estoit là sus à .1. quemel;

Lor elmes ostent, dont d’or sont li cercel,

Et lor ventailles, dont d’or sont li clavel,

Puis sont assiz par delez un postel.

A mengier orent de quant que lor fu bel ;

Quant ont mengié, Ferraus dist au donzel :

« Dammoisiaus , sire , par le cors saint Marcel , « Noz sommez mis en dolirouz merel,

« Car ja n’aurons secors par nul apel.

« Se savoit Gaydes cest dolirouz maisel,

<c Ainz demain vespre verriez maint penoncel.

— Sire, dist l’anfes, là val a .1. batel,

« Delez cel mur atachié au rivel ;

« pJ’anterrai anz], el non saint Gabriel,

« Por secors querre irai, lez cel boischel ,

« Droit à Angiers, se je pas le ruiscel. »

Adont s’en tornent andui li jovencel,

S’ont deffermé a. petit posticel ,

Le batel treuvent qui tint à .1. saucel.

L’anfes i entre , prinst un avironcel ;

Tant a nagié li anfes son travel Qu’arrivez est desoz un aubrissei.

Savaris monte par desor Ataingnant ;

Quant montez fu , si broche I’auferrant ,

Parmi le bois s’en vait esperonnant.

Cil qui gaitoient le vont apercevant :

« Avois ! s’escrient, n’en irez , souduiant. »

Dist Savaris : « Je ne voz douz .1. gant. »

Il tint la hache dont li fers fu tranchans ;

•IL traïtors a mors en trespassant,

452t— 4H4 GaYDON.

C’est Hardoyn et son pere, Morant.

Si cousin furent et si apertenant.

De la ville ist , et puis s’en vait atant.

« Fiuls, dist Hertaus, as maufez te commant 1 « Eschapez iez , moult par en sui dolans. » Dist Savaris : « Par Deu le raiemant ,

« Vo traïsons voz revenra devant. »

Lors a brochié le bon cheval corrant ,

Toute nuit oirre à la lune luisant.

Tant a brochié qu’à l’aube apparissant Vint à Angers, Gaydon vait demandant ;

On li ensemgne. En son palais plus grant Li dus se jut : vis li fu en dormant Que Ferraus iert en mer, en .i. chalant ,

Tout sans aide, n’i avoit estormant.

Plus de .m. ondes l’en aloient hurtant,

La nés ardoit et aloit esprennant ,

Poisson divers l’aloient assaillant.

Li dus s’esveille et vait esperissant ,

Sa main leva , de Deu se vait saingnant.

Atant ez voz son chapelain Hermant,

Qui Savari li amainne devant.

L’anfes s’escrie hautement en oiant :

« Hé ! gentiz dus , ne te va atarjant ,

« Ferraus voz mande , cui voz paramez tant ;

« Se nel secors dedens nonne sonnant ,

« Ne le verras jamais en ton vivant. »

Lors li ala tout le voir açontant.

Quant li dus l’oit, si saut sus maintenant ;

Sa gent escrie : « Alez voz tost armant. »

Et il si font, quant oient son commant,

Et Savaris les vait forment hastant.

Là véist on vestir maint jazerant ,

Et li dus Gaydes se vait appareillant,

Quant armé furent, ne si vont delaiant,

Es chevax montent , si se vont moult hastant ; Bien sont .11. mil parle mien enciant.

Savaris l’anfes les vait devant guiant.

Vait s’en li dus à grant esperonnée ,

Et a sa gent moult durement hastée.

Et Savaris , qui sot bien la contrée ,

Les a conduis le fons d’unne valée.

Forment les haste ; mais , ainz nonne sonnée ,

Se Dex n’en pense et la vertus nommée ,

Aura Ferraus l’arme dou cors sevrée.

Hertaus li fel, quant il vit l’ajornée,

De sa gent a fait moult grant aünée.

« Or, à l’assaut, distil , sans demorée ! »

Et il si font, que n’i ot arrestée,

L’assaut commencent , si lieve la huiée ;

Prins ont lor targes, eschielles ont levées,

Et Ferraus a mainte pierre gietée.

Voit le li fel , s’a la coulor muée ;

En haut s’escrie, à moult grant alenée :

« Or sà, le feu! la sale iert alumée. »

.1. niés Hertaut, fiuls sa seror l’ainsnée,

Une eschielle ot atraite et amenée;

Contre le mur l’avoit moult tost levée,

L’espée el poing l’a contremont rampée.

Tel .xx. l’en sievent por joincher celle entrée , N’i a celui n’éust hache ou plommée.

Et Ferraus a une perche trouvée ;

Li ber la prent, contremont l’a levée.

Le premerain oui l’eschielle a montée En a Ferraus donné si grant colée Toute li a la cervelle effondrée;

Jus de l’eschielle le trébuché à volée.

Puis prent l’eschielle, si l’a jus reversée :

Enz an fossé, dont l’ieve iert rasée,

En abat .xx., quant l’eschelle ot tornée.

Ferraus s’escrie : « L’iave n’est pas salée ,

« Buvez assez, ja ne voz iert contée. »

Hertaus l’entent, s’a la mort beu jurée Huimais n’en iert la foie déportée.

Lors ont la tor de l’unne part minée ,

A .111. cops ont la maisiere effondrée, Laienzs’en entrent tantost, sansdemorée,

La dame prennent , aval l’ont traïnnée.

Elle s’escrie : « Lasse ! maleourée !

« Or voi je bien que ma vie est finée ! »

Ferraus l’antent , s’a la perche levée ;

Cex acoilli qui la dame [iont menée],

.VI. en ocist, mais la perche est froée.

Et li vassaus mist la main à l’espée ;

Très bien éust la damme délivrée ,

Mais trop grans fu la noise et la fumée.

Fors s’en issi parmi une béée.

Vers le pont vint , la porte a adossée :

Là se deffent comme tygre aïrée.

Hervi porfent jusques en la Corée ;

Mais, ainz qu’il ait s’espée recouvrée.

Ont plus de .xx. une cloie aportée,

Si l’ont sor lui et empointe et boutée ;

Abatu l’ont en une place lée,

Prins l’ont à force, ta teste ont desarmée ,

Une grant corde li ont an col noée.

Prins ont Ferraut li traitor félon.

Hertaus en jure le cors saint Syméon Qu’il iert pendus à guise de larron,

Sa famé iert arse en feu ou en charbon.

4621— 4ÔJ4

Defors la ville, par delez un buisson,

Fist unes forches drecier en contremont ,

.1. feu fist faire sans nulle arrestison,

Sa famé fist Hier à un baston.

Dist Berangiers : « Sire , cestui pendons ,

« Et puis aprez vostre famé arderons. »

Et dist Hertaus : « Gel voil et si m’est bon. » Les iex li font bender à .1. garson;

Ferraut ont mis en col le chaaingnon.

« Dex , dist Ferraus , qui souffris passion ,

« Faitez à m’arme, sire, verai pardon !

« Hé! Gaydes, sire, à grant duel départons. » Et dist Hertaus : « Ainz aurez livrison. »

Parmi la teste l’a féru d’un baston.

N’avoit vestu se sa chemise non ;

Le cuir li rompt et maumet le braon,

Si que li sans li cort jusqu’au talon.

Là fust pendus sans nulle arrestison ;

Il avoit mis le pied sor l’eschaillon,

Hertaus li fel avoit prins le cordon,

A ces paroles ez voz venu Gaydon.

Des siens se part, destort le confanon,

Le destrier broche des dorez espérons ,

Devant les autres le trait à .1. bouzon;

Puis escria clerement à fier ton :

« Mar le pensastez , fil à putain , glouton ! » Lance baissie ala ferir Bozon.

Arme qu’il ait ne li vault .1. bouton;

En cors li met fer, et fust, et penon,

Mort l’abati, ainz n’ot confession.

Gaydes escrie : « Or dou ferir, baron ! »

Les traïtors ont mis en tel randon Qu’en fuies tornent por avoir garison.

Amaufrois broche, qui ot cuer de lyon,

Ferraüt desbende et desloie à bandon.

« Couzin, distil, avez éu frison. »

Et dist Ferraus : « Par mon chief, ce ai mon ; « Ainz de morir n’oi mais tel souzpeson ;

« Mais, se je puis, g’en aurai vengison. »

Lez lui choisi son hauberc fremillon ;

Li bers s'arma , puis saisi le gascon ,

Qui fu Bozon , le frere Haguenon ; iJespée prent, puis saisi le blazon.

Quant.fu montez , et il ot ses ators ,

Lors fu plus fiers que tygres ne lyons ,

Les traltors aquieult par contenson.

Et Amaufrois le sieult à esporons ,

Des traltors font grant ocision.

Ferraus ataint Hertaut lez le donjon;

Là se cuida traire à sauvacion.

Ferraus le prent par le hiaume réont ,

Gaydon le mainne sans nulle arrestison ;

Le traiter pendent par le chaon.

Dist Savans : « Peres , par saint Simon ,

« Ainsiz va d’omme qui mainne tralson.

« Moult m’en pesast se fussiez Ioiaus hom ,

« Mais n’en donroie vaillissant .!. bouton. » Vint à sa mere, qui clere ot la fason ,

Les liiens cope entor et environ ,

Vestir li fait .1. vermeil syglaton.

Gaydes li dus la prinst par le giron.

« Damme, dist il , or n’aiez marrison « De vo mari : bien voz marierons.

« De vostre fil, chevalier en ferons;

« Quant qu’aurai iert à sa devision. »

Et l’anfes dist : « Moult bien voz servirons. » Si fist il puis, si corn dist la chansons.

[^GaydesJ li dus n’i a point arresté ,

Vint au palais que il vit alumé,

Le feu estaingnent, par dedens sont entré.

Le bon cheval i avoient trouvé ,

Que Ferraus ot par force conquesté ,

Et les sommiers ; n’i avoit riens osté.

Ferraus lor a dite la vérité ,

De chief en chief, si corn avoit ouvré Et corn ot Karle en sa cort deffié.

Dex ! corn il ont le cheval esgardé !

Dist Amaufrbis : « Par ma crestienté ,

« Se je avoie cel cheval abrievé,

« Encor feroie le roi Karlon iré ,

« Et Alori , et Forcon , et Hardré ,

« Et les traîtres dou félon parenté,

« Cui Dex de glore doinst trestouz mal dehé. » Et dist Ferraus : « Or, voz iestez vantez ;

« Or i parra com sera esprouvez.

« Et voz l’aurez, par couvent devisé « Que, se noz sommez en estor abrievé,

« Et en bataille fervesti et armé ,

« As traïtors qui aient mal dehé ,

« Que li chevax Aulori m’iert donnez. »

Dist Amaufrois : « Par Deu de majesté,

« Si le pren je volentiers et de gré. »

Li baron l’oient, ris en ont et gabé ;

Mais puis fu il richement comparez ,

Que, por .m. mars de fin argent pezé,

Ne volsist il que il l’éust voé.

Mais n’en iert pas ci aluec plus parlé.

Les sommiers prennent, si les ont retrorsez. Ferraus a prins Ataingnant l’alozé ,

Savari donne le destrier sejomé Qui fu Bozon, qu’Amaufrois ot tué.

Le chastel ont destruit et craventé,

Le bore defors ensprins et aluirié.

Dont s’en part Gaydes, la damme en ont mené. Tant ont le jor chevauchié et esré Qu’il sont venu à Angiers la cité.

Isnellement et tost sont desarmé.

Celle nuit ont festoié et joé,

Les tables mettent , par loisir ont soupé ;

Bien sont servi tout à lor volenté.

Or voz lairons de Gaydon l’alozé ;

De Karlon iert et dit et raconté.

A Orliens fu , si ot le cuer iré De son portier que on li ot tué ;

Mais jusqu’à pou sera il plus irez,

Car Amboyns et Forques ont porté Devant le roi Haguenon embierré ,

Rahier o lui , d’un paile acouveté ,

Forques méismez, qui le bras ot copé.

Devant le roi de Ferraut sont clanmé ;

Dist Amboyns : « Sires rois , entendez :

« Ferraut avienz et prins et atrapé ;

« Mais .x. glouton, qui estoient armé,

« Bien de lor armes garni et conraé ,

« Que Ferraus ot repos et embusché,

« Noz assaillirent, et noz ont malmené.

« Ices .11. ci ont il mors craventez ,

« Et noz ont il et bras et poins copez :

« En vo service sommez si conraé. »

Quant Karles l’oit, saint Denis a juré Que jamais n’iert joians en son aé S’aura Gaydon mort et emprisonné Et son neveu as forches encroé.

Naymes respont , coiement, à celé :

« Dex l’en deffende , li rois de majesté ,

« Et si li doinst avoir vostre amisté ! »

Nostre empereres ot le cuer triste et noir, Voit le dammaige devant lui aparoir;

Mais plus dolans sera ansoiz le soir,

Car li vassaus, qui aportoit l’ostoir Que Ferraus ot conquis par son pooir,

Vint à Karlon , se li conta le voir D’un bon cheval , qui tant pooit valoir, Monstra son bras , dont tant se puet doloir, De quoi Ferraus li fist le poing chéoir,

Dou brant d’acier plus tranchant que rasoir. Quant Karles l’oit , prinst soi à esmouvoir. Atant ez ceuls qu’amenoient l’avoir;

Son grant dammaige li ont fait à savoir.

Quant Karles l’oit , nou mist en non chaloir ; Deu en jura, qui par tout a pooir,

Que il ira duc Gaydon asséoir.

Se il est prins , mis iert en tel destroit Son grant orgoil li fera remanoir,

Et de Ferraut ne fera ja son oir.

S’as mains les tient , il les fera doloir.

Ez voz le mes qui d’Angiers revenoit ,

Et ce li dist que li dus h mandoit Que ja por lui ne fera ce ne quoi ,

S’il ne le venge des traïtors sans foi.

Quant Karles l’oit, à pou qu’il n’enraijoit.

Duel ot li rois, durement se gramie ;

Saint Denis jure et sa barbe florie Que sor Gaydon ira à ost bannie.

Ses barons mande que nus ne s’i detrie ; Gayfer manda et Otnon de Pavie ,

Hoedon de Lengres, où moult ot estoutie ,

4788 — 48ïi GAYDON. I45

Et en Valence, Huon, le fil Helye,

Thierri d’Ardenne, qui moult ot seingnorie.

Et si manda Richart de Normendie,

Et le roi Loth, à la chiere hardie,

Qui d’Aingleterre avoit la seingnorie,

Et Gillemer d’Escoce la garnie.

Le duc Buevon sans barbe n’i oublie ;

Frere est Naynmon, si com Pestoire crie.

Karles, li rois de France la garnie ,

Commande à Naynmes que sa gent soit coillie ,

Et à Ogier à la chiere hardie.

As tra'itors li empereres prie

Qu’il mandent ceuls où assez plus se fient.

Et il si firent , Dammeldex les maudie !

Tant en assamblent, chascuns en sa partie,

Que la citez d’Orliens en est emplie :

Amz si grans os ne fu avant bannie.

Enz prés d’Orliens se fu li os logie;

La véist on tante tente drescie ,

Et tant escu où li ors reflambie,

Et tante enseingne de paile d’Aumarie,

Et tans destriers et tant mûris de Surie ,

Tant chevalier qui sa terre ot laissie ,

Et tant vassal qu’a sa terre engaigie ,

Et tant ribaut qu’a la pance rostie ,

Grant et hisdouz , qui point ne se cointie ,

Tant jougléor, tante putain sartie ,

Qui tost auroient grant borse desemplie.

Tex gens n’ont onques de faire pais envie,

Ainz ont touz jors la harevale oie.

Mieus aiment guerre que nonne ne complie ;

Où que le preingnent, tost sera acoillie,

Charrue prinse , arse harbergerie.

Mieus ameroient une ville bruie,

I46 G.. l'DON.

Que .11. citez randues sans saillie.

Tex gens ont tost une ville brisie.

Dex gart Gaydon, li fiz sainte Marie!

Se Dex n’en panse, moult a fait grant folie Qui vers le roi de guerroier estrive.

Droit à Angiers li vint dire une espie Qu’ainz si grans os ne fu vue n’oïe Qu’a assamblé Karles de Saint Denise.

Quant li dus Gaydes entent le messaigier, Que li rois Karles vient sor lui ostoier,

Riol manda qu’il a de lui mestier ;

Et il i vint maintenant, sanstarg er.

En sa compaigne sont vc. chevalier Hardi et preu por estor commencier.

Guion manda, d’Anjou le bon guerrier,

Sire iert de Nantes; il i vint volentiers. Gautier manda, n’i volt plus atargier,

Hugon d’Auvergne et Morant de Riviers;

Et il i vindrent, ne s’en font pas proier.

.1. pou de Gaydes voz voidrai ci laissier.

Et de Karlon (bien saurai repairier),

Et dou fil Naynme voz voidrai acointier. Bertrans li menres en apella Richier.

« Frere, dist il, moult noz doit anoier « Que Karles va duc Gaydon escillier;

« Car mandons ores Berart de Mondisdier,

« Estoult de Laingres et Vivien le fier,

« Ceuls de Tremoingne , et Milon et Renier,

« Et de Nevers Girardel le guerrier « A tant de gent corn porront justicier,

« S’alons Gaydon à son besoing aidier.

« Nos couzins est, tenir le devons chier;

« Noz ne tenons de Karlon .1. denier. »

48ff— 4887 GAYDON.

Dist Richiers : « Frere, bien fait à otroier. Lors ont les mes tramis el messaigier,

Et cil i vont qui ne l’osent laissier.

Tant va chascuns son chemin droiturier Qu’il ont porté là où doivent les briés ;

Et cil i vindrent, qui ne l’osent noier. Chascuns amainne maint vaillant chevalier; Cil qui le mains en fist acompaingnier En ot .nm., chascuns ot bon destrier,

Et beles armes et escu de quartier.

A Tours assamblent li gentil chevalier;

Là véissiez maint escu de quartier,

Et maint penon et maint hauberc doublier. Tant ont esré li gentil chevalier Qu’il sont venu en la cité d’Angiers;

Par .1. messaige le font au duc noncier,

Que il les face là dedens harbergier.

Gaydes l’entent, n’i ot qu’eslaiecier ;

Ses couzins va durement embracier,

L’un aprez l’autre acoler et baisier.

Huimais commence chansons à enforcier,

Si com li fil alerent tornoier Contre lor peres, au fer et à l’acier.

Quant li anfant sont à Angiers venu , Gaydes fu liés, onques mais si ne fu,

Nés à celle hore qu’il otThiebaut vaincu. Par ces osteuls pendoient cil escu;

Graqs fu la joie au palais a[l] lambu.

Aprez mengier, quant il orent béu ,

Se sont vanté jovencel et chenu ,

Se Karles vient, qu’il sera retenus,

Ses grans orgoils li sera cher vendus.

Karles chevauche à force et à vertu ;

Jusqu'à Angiers, ne s’est arrestéuz :

Gaydon manace qu’il iert ars ou pendus.

Par les contrées ont les chemins batus ,

Les chastiax ars et les bors mis en fu.

Tant ont alé qu'à Angiers sont venu.

Li empereres Karles de Saint Denis Choisi Angiers et trestout le pais ,

Et voit les sales et le palais voltis ,

Les hautes tors et les murs bien assiz ,

Et, sor la roche , le grant palais voltis.

Sa gent ordonne et si les a partis :

En l’avant garde fu li cuens Auloris;

L’enseingne porte le roi de Saint Denis.

Avec lui fu Sanses et Amaugis,

Li fel Guimars, Hardrez, Forques et Guis.

Bien sont .xxm. des cuivers maléis.

Quant Aulori fu li voirs rejehis ,

QulAmaufrois est vantez et aatis Que il donra son bon cheval de pris Ferraut le preu , et se li a promis ,

Auloriésle monstre à ses amis.

« Seignor, fait il, folplait a entreprins;

« S’en voz s’embat, gardez qu’il soit ocis. »

Et cil respondent : « Tout à vostre devis. »

Atant chevauchent , les frains à bandon mis,

Tuit à bataille, n’i ot noise ne cris ,

Car forment sont corresouz et marri Dou portier Karle, que Ferraus traist à fin/ Gaydes les a et véuz et choisiz.

« Seignor, dist il , vez ci nos anemis ,

« Et les grans os l’emperéor gentil!

« Quel le ferons ? quex consaus en iert prins P » Dist Amaufrois : « lestez voz esbahis?

« Oncles, voz iestez trop tost espaoris :

« Encor n’i a escus frains ne croissiz ,

« Lances brisies, ne haubers dessartis.

« Prennons les armes, n’i ait plus de respis « Issons noz ent sor les chevax de pris.

« Li vanters est trop tost en oubli mis « C’arsoir fu fais, or voz voi alentif;

« Mais, par celui qui de l’iaue fist vin ,

« Je vois jouster amz que soiez assiz. » Gaydes Tentent, d’aîr fu touz enzprins.

« As armes, crie, por Deu de paradis!

« Ancui saurez, ainz que jors soit fenis,

« Qui mieus ferra dou brant d’acier forbis. « Mar i fui hui ramposnez ne laidis. »

Les armes prennent li prince et li marchis , Es chevax montent bruns et baucens et gris D’Angiers s’en issent ; n’i ot noise ne cris. Là véist on maint penon de samis ,

Et maint escu à or et à vernis.

Dex les consaut, li rois de paradis,

Car ainz le vespre iert fiers li chapléis ,

Et mainte dame i perdra son mari.

Gautiers s’arma, li vavassors gentiz;

Vest .1. hauberc qui fu fors et treslis ,

Desor vesti .i. gambison faitis :

N’a si fort home en trestout le pais ,

Se il le porte .i. arpent et demi,

Qu’il ne fust auques foibloiez , gel voz di. Aprez Gaydon se rest mis en Tesîrif.

Defors Angiers fu la chevalerie,

Et li dus Gaydes a son ost establie.

Amaufrois a sa bataille rangie;

Une mange ot, à menus plois ploie,

ÎJO G AYDON.

Que l’autre jor li envoia s’amie.

De la promesse ne s’oubliera mie Que fist Ferraut à la chiere hardie :

A Gaydon vient et doucement li prie Le premier cop, et li dus li otrie,

Et Amaufrois bonnement l’en mercie.

A sa gent vient , doucement les chastie.

« Seignor, dist il , quant l’euvre est commencie, « Gardez , por Deu , que n’i ait couardie ;

« Car qui fuiroit, si seroit vilonnie,

« Par droit doit perdre solas de druerie. »

Atant chevauchent par une praerie.

Auloris vient , l’oriflambe drescie ,

Il et Fouchiers, cui li cors Deu maudie.

Bien sont .mm. en une compaingnie;

Aprez le sievent la grans chevalerie.

Auloris dist en haut , à clere oie ,

A son lyngnaige, où moult ot seingnorie.

« Seignor, dist il, por Deu le fil Marie,

« Amaufrois a faite foie aatie « De mon cheval , mais cher li iert merie. >» Atant aprochent , touz li sans li fremie. Amaufrois broche le destrier d’Orquanie,

Et fiert Anthyaume sor la targe florie :

Niés fu Hardré, l’enseingne ot en baillie,

Freres Macaire, qui trop fu plains d’envie.

L’escu li perce et la broingne treslie ,

Fer et penon parmi le cors li guie,

Mort l’abatit enmi la praerie.

A haute vois a escrié : « Valye ! »

Voit le Auloris, à poi qu’il ne marvie,

Le cheval point, des esporons l’aigrie,

Et fiert Guillaume, qui tenoit val d’Elye,

Parent Gaydon , prez iert de sa lingnie.

4988 — joli . GAYDON. 1 5 1

Arme qu’il ait ne li fist garantie.

D’arme et de cors a fait la départie,

Mort l’abatit , puis « Hautefoille » escrie :

« Ferez , baron ! gardez que soit vengie « La mors Thiebaut, qui si fortnoz marrie. » Voit le Amaufrois, de mautalent rougie :

« Par Deu , cuivers , li miens cors te deffie ! » Dist Auloris : « Ne voz pris une aillie!

« Promis avez mon cheval d’Orquannie;

« Se Dex m’ait, voz avez fait folie,

« Car, ainz le vespre, en percerez la vie,

« Et s’aurez jaune jouste fornie. »

Dist Amaufrois : « Dehais ait qui la vie ! »

Les chevax brochent li chevalier hardi;

De son escu chascuns bien se couvri.

Tant fort lor corrent li destrier arrabi ,

Les chaillouz froissent que li feus en sailli.

Bon chevalier ot moult en Aulori;

S’il fust loiaus, par verté le voz di,

Meillor n’éust en France n’en Berri,

Mais faussetez durement li nuisi ;

Et nonporquant maint fais d’armes soufïri.

Fiert Amaufroi sor son escu voltiz ,

Desor la boucle li a fraint et malmis ,

Le blanc hauberc desrompt et dessarti ,

Enz an costel li fel li embati ,

Desor les costes la char li porfendi.

Li ber trestorne, ce l’a de mort gari.

Et nonporquant ainz estriers n’i perdi.

Li espiés froisse et pesoia par mi.

Et Amaufrois si grant cop le feri Parmi l’escu , dou roit espié burni ,

L’escu li perce ; mais le haubers treslis N’empira il vaillissant un espi,

{012— JOJJ

I 5 2 Gaydon.

Car la cuirie qu’il ot le garanti.

Et nonporquant à terre l’abati Tant durement que le bras li rompi.

II tent la main , le cheval a saisi ,

Si le bailla le seneschal Davi ,

Puis li a dit : « Menez l’en tost de ci, u Ferraut le mainne, et li di de par mi « Que j’ai mon veu acuité etforni. »

Et cil s’en tome, qu’il n’i ot contredit; Vint à Ferraut , le destrier li rendit.

Ferrausle prent, qui moult s’en esjo'it ;

Il le delivre«au vaslet Savari,

Le fil Hertaut , qui bien l’ot deservi.

Auloriés s’escria à haut cri :

« Par Deu , seignor, Amaufrois s’en va ci <c Et si enmainne mon destrier arrabi;

« Bien puis or dire qu’il noz a eschami. » Li traïtor ne s\)nt mis en oubli ; Amaufroi ont durement envaï.

Atant ez voz Haton et Amauri ,

Forcon, Grifon, Haguenon et Hanri,

Et bien .xm. des traïtors faillis :

Amaufroi ont durement envaï.

Se Dex n’en pense, par la soie merci , Nel verront mais ne parent ne ami.

' Auloriés ot au cuer grant dolor Dou bras senestre, qu’il ot brisié le jor. Et ot perdu son destrier missodour.

Si chevalier l’ont trait en .1. destour, Redrescié ont contremont l’oriflor, Amaufroi ont assailli tout entor.

Et li vassaus lor rent cruel estor,

Et tint l’espée qui giete grant luor.

Mais ne li vault la monte d’un tabor.

joj6 — 5088 Gaydon. 155

Abatu l’ont dou destrier missoudor ,

Thierri ont prins et Richart le menor,

Qui furent frere et fil de sa seror,

Hemaus li preus, qui tant ot de valor.

Amaufrois fust lors prins sans nul sejor,

Mais il escrie à clere vois hautor :

« Venez m’aider, nobile poingnéor!

« Ferraus, biax niés, trop faitez lonc sejor ;

<c Gaydes, biausniés, alez sui àfolor. »

Ferraus oit bien la noise et la clanmor,

Celle part vint à .imm. des lor;

Vit Amaufroi qui fu en tel estor Onques mais n’ot de morir tel paor.

Mais li vassaus se deffent par vigor ;

Deu en jura le verai criator,

Que mais n’aura doutance ne paor.

Atant ez voz Forcon le poingnéor ;

Galerant fiert en l’escu point à flor ,

Mort l’abatit , que le virent pluisor :

« Valye! escrie, or i ferez, seignor!

« Si m’ait Dex, li verais criators,

« En mal an sont entré li traïtor;

« N’auront garant de lor emperéor. »

Amaufrois l’oit , joie en ot et baudor ;

Ja lor voldra destremper tel savor,

Dou brant d’acier, dont lor fera dolor.

Quant Amaufrois choisi Ferraut venir.

Moult ot grant joie, par verté le voz di.

Il tint le brant dont l’aciers est bumis i Cui il ataint arme nel puet gairir.

Ferraus li preus ala Hervi férir ;

Haubers n’escus ne le pot garantir:

Fer et penon li fist el cors sentir ,

1 54 Gaydon. Î089 — j « 11

Jus des arsons le fist aval chéir.

N’est mie mors, bien en porra garir.

Cil chevalier i fièrent par air ,

La presse font sevrer et départir.

Ferraus a trait le brant qui est forbis,

Dou brant a fait la presse départir ;

Cui il ataint arme nel puet garir.

Amaufroi voit durement esquermir,

Dou brant deffendre et de l’escu couvrir,

Et les grans cops endurer et souffrir.

Ferraus le voit , moult li vint à plaisir,

« Valye » escrie, les siens fait esbaudir.

Cil chevalier i fièrent par aïr ;

Des traïtors ont fait les rens frémir.

Ferraus li preus va le cheval saisir Dont Amaufroi orent fait jus chair.

Ferraus li anfes li rant; il le saisist,

Il monta sus, qu’à estrier ne s’i prinst.

Quant fu montez , si cria à haut cri :

« Sire couzins, foi que doi Jhesu Cris,

« Fol fait promaitre ce c’on ne puet tenir:

« Prez que ne fui à tart au repentir.

« Mais or voldrai as traïtors merir « La grant paor que il m’ont fait souffrir. »

Lors les corrurent fierement envaïr.

Là véist on mainte lance croissir,

Et les espées sor les elmes tentir,

Les uns chéoir et les autres fuir,

Et maint vassal à la terre jesir.

Ja convenist les traïtors fuir,

Quant ont véu tantost Rigaut venir,

Mile et Macaire, cui Dex puist maléir,

Et le lyngnaige, qui tant fait à haïr.

Touz jors se sont pené dou roi traïr ,