SS
j 1 23 — { 1 5 f Gaydon. I J
Maint gentil home ont fait à tort fenir, Deshenter, et lor terres toillir.
Macaire et Miles sont venu celle part;
L’uns sist ou rouz , li autres ou lyart.
.IIIIm. sont, fier sont comme lyeupart;
A trop hardi tieng je le plus couart.
N’i a celui qui n’ait lance ou faussart ;
Serré s’en vont pardelez un essart.
Miles a dit., se Jhesu Cris le gart ,
Gaydes sera pendus à une hart.
Amaufrois l’oit, de duel fremist et art;
Tint .1. espié, si a brochié Blanchart,
Le bon destrier que Ferraus li donna.
Et Miles point, qui fu de male part.
Or n’i a plus mais que chascuns se gart,
Que l’un vers l’autre ont moult le cuer ronfîart Grans cops se fièrent , chascuns endroit sa part Miles le fiert , que l’escu li départ ,
Mais li haubers n’ot à cel cop regart;
La lance froisse, ne li fait autre mal.
Et Amaufrois, qui le cuer ot gaillart,
Li a donné tel cop de l’autre part Jambes levées l’abat enmi l’essart;
Puis trait l’espée, si referi Guichart.
Mais folement s’en va vers l’estandart,
Car enclos l’ont la maisnie Poinsart :
Se Dex n’en pense, secorrus iert à tart.
Macaires fu dolans et engramis,
Quant voit Milon, qui navrez fu el vis;
Dist à ses gens : « Mes couzins est ocis.
« S’il n’est vengiez , abatus est nos pris. »
Cil est pasmez, li vis li est noircis.
Sor lui fu grans des traïtors li cris.
156 Gaydon. jï j6 — 5 189
Cuident mors soit , mais il est estordis :
Bien garira ansois les .xv. dis.
Li traïtor, li cuivert de put lin Sor .1. escu l’ont et couchié et mis;
Dedens son tref , qui fu de paile bis,
Là fu portez et ses frere Auloris.
Couchiez les ont sor .11. lis cordéis.
En l’estor fu Macaires et ses lyns,
Hardrés li fel et ses freres Hanris,
Et Griffonnés, Hâtes et Amaurris,
Et Berangiers et Poinsars li hardis.
Grans fu la force des gloutons maléis :
Amaufrois fu durement assaillis,
Li preus Ferraus fu fierement requis.
Li traïtor les ont moult malbaillis ;
Par droite force les ont à terre mis.
Là fu navrez Ferraus enmi le vis ,
Et Amaufrois de .11. espiés forbis.
Li preus Ferraus fu fierement requis;
En son costel fu durement malmis.
Iluec fu mors Bernars et Hernays.
Tex .xxx. en ont abatus et laidis Dont Gaydes fu corresouz et marris.
Ja fiist Ferraus et Amaufrois saisiz,
Quant au secors vint Riolz li hardis ,
Estouls de Lengres et ses niés Thyorins,
Et de Riviers Morans li orphelins ,
Ensamble 0 euls .xm. fervestis.
Là commensa moult grans li chapléis Dont maint vassaus i fu mors et fenis ,
Et mainte damme en remest sans mari ,
Et maint anfant en furent orphenin.
Riols chevauche le pendant d’un vaucel, Thyorins sist sor un destrier isnel ,
$ 1 90 — s aaa GaYDON.
Estouls de Lengres fu armez sor Morel,
Et Morans sist sor un destrier fauvel.
En lor compaingne avoit maint penoncel ;
Serré chevauchent , les escus en chantel.
Et dist Riolz : « Baron , por saint Marcel ,
« Moult ont grant gent cil traïtor mezel :
« Tenons noz tuit ensamble en .i. moncel. » Atant brocha chascuns d’euls le poutrel.
A l’assambler n’ot amor ne revel :
lluec morurent maint viel et jovencel,
Dont demorarent maint orphelin touzel ,
Et mainte dame, espouséed’anel,
En remest vesve de seignor riche et bel.
Grans fu li cris et li bruis de la gent ;
D’ambes .11. pars i ferirent forment.
Riolz li viex , oui moult ot hardement,
Point le cheval qui ne cort mie lent ,
Brandist la hanste où li confanons pent ,
L’un des traîtres a féru durement;
L’escu li perce, le hauberc li desment ,
Et si l’empoint issi très roidement Jambes levées dou cheval le descent.
« Valye ! escrie à sa vois hautement ,
« Ferez , baron , n’i ait delaiement !
« Hui saura Karles, par Deu omnipotent,
« Qu’il a mesprins vers Gaydon malement,
« Quant le lyngnaige, que Jhesu Cris cravent ,
« Tense vers lui, et vers lui guerre enprent .
« De son neveu li membre malement ,
« Et d’Olivier qui tant ot hardement,
« Des .xii. pers, qui tant vilainnement « Traï fel Ganes : ores sont si parent « Seignor de cort ; mais, se mon cuer n’en ment ,
« Qu’il li feront encores marriment.
« Mais couvoitise l’emperéor sozprent ,
« Car, par les dons que il donnent souvent,
« Sont oublié, car trop volentiers prent « La mors as pers et au conte Rollant ,
« Quant en sa cort les traitors consent ;
« Mais c’iert merveille, se il ne s’en repent. » Lors trait le brant , qui fu seingniez d’argent , Les traitors requiert iréement.
Et Thyorins aprez lui se destent,
Morans et Hues et lor gent ausiment. * Voient Forcon qui moult bien se deffent,
Et Amaufroi qui moult grans cops i rent.
Mais nonporquant prins fuissent voirement, Quant au secors sont bien venu .v. cent.
A la rescousse Ferraut et Amaufroi Vint lor lyngnaiges, poingnant à grant desroi. Morans s’adresce an plus espoiz tomoi,
L’escu saisi par la guiche d’orfroi,
Brandist la hanste à un penoncel bloi ,
Sor son escu va ferir Audefroi ,
Un tra'itor félon de pute loi ;
L’escu li fent , de l’auberc rompt les plois , Parmi le cors li a fait tel convoi Que touz li pert li fers derrière soi ,
Mort l’abati par delez un chaumoi :
« Ferez , baron , por le cors saint Eloy !
« Valye! escrie, n’i maint pas en requoi.
« Cil traïtor voz ont mis en effroi ;
« Mais, se je puis, par la foi que Deu doi,
« Lor tra'isons lor venra jusqu’à poi :
A tart seront secorru de lor roi. »
f2jj— 5 388 GaYDON. IJ9
H ugues d’Auvergne, quant jouster vit Morant, Par les enarmes trait son escu avant ,
Brandist la hanste au confanon pendant,
Sor son escu va ferir Guinemant,
.1. traïtor de moult mal enciant.
Niés fu Rigaut, et fiz conte Climant,
Qui tint Verdun et Chaalons la grant.
Quant il fu jones, moult i ot put anfant,
Car il aprinst empoisonnement tant ,
Dont il fist puis maint mal en son vivant :
Son pere ocist par puison en buvant ,
.II. de ses freres estraingla en dormant,
De sa puison va sa mere abevrant C’andui li oil li saillirent errant,
Et chaï morte dedens .1. feu ardant.
Quant ot ce fait , si s’en torna riant ,
A son lyngnaige en vint en France errant.
Il le retinrent ; moult en furent joiant,
Et puis en furent maint haut home dolant ,
Et enherberent maint chevalier vaillant.
Qui dou bevraige se va entremetant ,
Ne puet faillir qu’en anfer le puant,
Là en aura son loier erramment
Li fel traîtres : ne cuit ja qu’il s’en vant.
Hugues le fiert sor l’escu d’or luisant.
Les ais li fent , le hauberc li desment ,
Parmi le cors li mist le fer tranchant,
Mort l’abatit dou destrier aufferrant.
L’arme s’en part , maufé viennent corrant ,
Si l’ont saisie et dou cors vont coulant ;
Li uns à l’autre le va souvent gietant ;
.1. grant arpant la vont ainsiz roillant.
Des .ii. parties le vont moult esgardant; Durement sont effréé li auquant.
{389— ijai
Li traïtor client en souzpirant :
« Seignor baron , soiez lié et joiant ,
« Ce sont li angre qui l’emportent chantant ;
« A .c. diables il la vont craventant. »
Ce dist Hardrez : « Moult m’en vois merveillant; « Se angre fussent , il alaissent volant. »
A ces paroles vinrent les os poingnant ;
Des .11. parties se vont entraprochant.
Les os chevauchent l’emperéor Karlon ;
Vint à bataille contre les os Gaydon.
Dex ! quel dolor que tant gentil baron Maitent lor vies et lor cors à bandon Por cel lyngnaige qu’ainz ne fist se mal non !
N’i déust perdre, se li traïtor non;
Mais tant bien sevent mener lor traïson Que l’empereres lor soztient le menton ,
Por lor avoir dont il [*li] font grant don :
Hom convoitouz fait mainte mesprison Là où ne seit droiture ne raison.
Li empereres 0 le flori grenon En a juré le cors saint Syméon ,
Que mar tint onques Gaydes à lui tanson.
Karles desrenge contrevalle sablon;
Aprez lui poingnent et Ogiers et Naynmons , Bueves sans barbe et de Lengres Hoedons , Thierris d’Ardenne et li dus Huidelons ,
Li dus Richars et Bueves d’Aygremont ,
Et le barnaige dont il i ot fuison.
Monjoie escrient clerement, à haut ton.
Gaydes revint, 0 lui maint compaingnon Qui les viellars ne doutent .1. bouton.
Les lances baissent où sont li confanon;
A Passambler i ot grant huison.
nf4 Gaydon. i 6 1
Iluec ont mis mainte lance en tronson,
Maint escu fraint et maint doré blazon ,
Et desrompu maint hauberc fremeilion ,
Maint chevalier abatu de l’arson.
Par les champs fuient ii destrier arragon.
En .xxx. lieus ont fait grant chaplison,
C’une grant lieue olr les poist on.
Atant ez voz Ferraut à espérons;
Point Ataingnant , qui li cort de randon , Brandist la hanste dou vermeil syglaton ,
Sor son escu ala ferir Othon ;
L’escu ii perce, le hauberc fremillon ,
En flanc senestre mist le fer à bandon.
Li dus l’empoint par grant aïrison ,
Si roidement l’abat jouste .1. buisson Que vers le ciel en volent li talon.
N^est mie mors; bien aura garison.
S’il a bon mire qui li face puison.
Lombart le voient, si en sont en frison.
Gaydes s’escrie : « Par saint Pol d’Avalon ,
« Hui me rent Karles moult mauvais guerredon « De la prouvance que je fiz Ganelon,
« Qui son neveu vendi Marsiltion ,
« Et Olivier à la clere faison ,
« Et touz les pers, cui Dex face pardon.
« Mais, par cel Deu qui souffri passion ,
« Je n’aurai mais vers lui acordison • « S’iere esclairiez dou lyngnaige félon ,
« Qui Franse ont mis en tel trourblacion. >»
Quant Karles l’oit , si baissa le menton ,
D’une lieuée ne dist ne 0 ne non ;
Desoz son elme fu plus noirs d’un charbon.
Quant l’empereres ot les mos escoutez
Gaydon. i 1
ÎHJ— ÎJ87
1 (j2 GAYDON.
Que Gaydes dist , moult en fu aïrez.
Voit roi Othon qui forment fu navrez ,
Cuide mors soit , s’en est touz forsenez ; Saint Denis jure, qui est ses avoez ,
S’il tient Gaydon, au vent iert encroez. Naynmon apelle où moult ot loiautez,
Le preu Ogier et Girart de Nivier,
Le duc Richart qui de Ruem fu nés,
Thierri d’Ardenne où moult ot de bontez , Hoedon de Lengres qui moult est redoutez. Bues d’Aygremont n’i fu pas oubliez,
Ne de Dijon Garniers li alosez.
« Baron , dist Karles, envers moi entendez : « Vez ci Gaydon qui à moi s’est meslez;
« Vos parens est , prez li apartenez ,
« Or gardez bien por ce ne me faussez ,
« Car, par cel Deu qui en crois fu penez,
« Se je persoif que voz le déportez ,
« Mais en ma vie riens de moi ne tenrez :
« Au bien ferir verrai se m’enmerez.
— Sire, dist Naynmes, ja mar en douterez,
« Car tout paraige passe la loiautez ,
« Ne nos lyngnaiges ne fist jor fausetez.
« Se Gaydes fu de traïson retez ,
« Et par Thiebaut en vo cort apellez ,
« Si s’en osta, que voz bien le savez,
« Tout par droiture; se por ce le haez,
« N’est pas raisons, si m’ait Dammeldez,
« Et bien voldroie, s’il est vo volentez,
« Que li dus fust envers voz acordez.
« Mais tant connois le duc et ses fiertez,
« Qu’il voldroit mieus iestre déshéritez « Que Auloris ne Sanses ne Hardrez
5 j88 — $42 1 GAYDON. l6j
« Fussent nul jor vers le duc si privé. »
A ces paroles s’est Gaydes escriez :
« Drois empereres, par Deu de majestez,
« Folie faitez, qui tex gens soztenez « Par cui France est chéue en tel viltez.
« La mort Rollant vostre neveu vendez ,
« Quant les avoirs des traïtors prennez.
« Dehaiz avoirs qui si est goulousez !
« Mais encor iert .1. jors que voz direz « Mar vistez onques les gloutons deffaez. »
Lors point li dus, le frainc abandonné.
Vit Amaufroi, qui forment fu penez,
Ferraut lez lui , qui moult fu apressez;
Voit les dus Gaydes , moult en fu aïrez,
La lance baisse, dont li fers fu quarrez ,
Et fiert Poinsart sor son escu bandé.
Desoz la boucle li a fraint et troé ,
Et le hauberc desrompt et depané ;
Parmi le cors li a le fer passé.
Li dus l’empoint , et cil est jus versez;
L’arme de lui commanz as vis maufez.
Li traïtor ont grant duel demené.
Et Gaydes a ses neveus délivrez,
Andeus lez a prez de lui amenez.
« Valye! escne, franc chevalier, ferez!
« Que Karlemaines, li vieuls rois assotez,
« Ne die mie anquenuit à son tref « Que il noz ait comme garsons trouvez. » Quant Karles l’oit, à poi qu’il n’est desvez;
Le cheval broche des espérons dorez ,
Brandist la hanste, dont li fers fu quarrez. Gaydes le vit, ne s’est pas eschievez.
Grans cops se fièrent ens escus pointurez ;
Desoz les boucles les ont frains et troez.
164 Caydon.
Les haubers ont desmailliez et faussez;
Mais l’uns ne Pautres n’est en char adesez ,
Ne des arsons n’est nus d’euls remuez.
Trosqu’an poins ont les espiés tronsonnez, Outre s’en passent, s’ont trait les brans letrez; Au chaple est chascuns d’euls retomez.
Mais Karles ot si grant route d’armez Que Gaydes fu encor anvironnez ;
Des traïtors fu durement grevez.
Lancent à lui lor faussars acerez ;
De Clinevent fu à terre portez.
Li dus saut sus, qui moult fu effraez;
U tint l’espée, en l’escu s’est moslez,
De lui deffendre fu moult bien porpansez;
Cui il ataint à sa fin est alez ,
Car ses brans tranche corn rasors afilez.
Mais ja fust prins et en prison menez,
Quant par .111. fois s’est «Valye » escriez :
« Franche maisnie, et car me secorrez,
« Ou autrement jamais ne me verrez! »
Gaydes li dus a escrié s’enseingne.
Ez voz Bertrant et sa riche compaingne,
Richier son frere, sor un cheval d’Espaingne;
Li anfant viennent contreval la Champaingne. Estouls de Lengres sist ou vair de Castaingne, Et Bernars sist sor le vair d’Alemaingne ,
Et Viviens en morel d’Aquitaingne.
Li anfant vinrent serré par la Champaingne ;
As fers des lances commencent tel ouvraingne , Dontmaint[fchaut prince et maint duc chevetaine] Furent ocis, bien est drois c’on les plaingne.
Grans fu li cris as lances abaissier.
14(4 — 54^7 GaYDOM. l6j
Bertrans li anfes ala ferir Ogier ;
Naynmon son pere ne volt il pas touchier :
Bien le connut as enseingnes Daissier.
Ogiers le fiert sor Pescu de quartier,
Que parmi outre passe le fer d'acier,
Le hauberc fist fausser et desmaillier.
Dex le gari qu’an char nel pot touchier;
Lez le costel li fait le fer glacier.
Bertrans Pempoinst, jus le fist trebuchier , Jambes levées l’abatit ou gravier.
Ogiers saut sus, ja se voldra vengier ;
Trait a Cortain qui moult fait à prisier,
Par devant lui ataint un chevalier,
Tout le fendi desci en hanepier.
Et fiert .1. autre parmi le chandelier,
La teste o Piaume li abat en Perbier.
Voit le Bertrans, le sens cuida changier,
Puis trait Pespée que jadis fist forgier Li fel Herodes, quant fist martirier Les innocens, touz les fist depecier.
Bertrans Pen va merveilloz cop paier.
Car vers lui weult sa proesce essaier ;
L'escu li tranche qui fu poins à ormier :
Elmes ne coiffe ne li vault .1. denier.
Fendu Péust trosqu’au nou dou braier,
Mais Ogiers est I. petit trais arrier;
Ce li a fait sa vie respitier.
Atant ez voz duc Naynmon le Baivier ,
Thierri d’Ardenne , Huidelon et Gayfier,
Le duc Richart et Sanson et Garnier,
Buef d’Aygremont et Hoedon et Gautier,
En lor compaingne maint nobile princier,
Qui tuit se painnent dou bon Danois aidier.
Mais ja auront .i. encontre moult fier;
1 66 GàYDON. 5488 — jjai
Bien pueent dire qu’il auront encombrier.
D’autre part vint Berars de Mondisdier,
Et uns fiuls Naynme c’on appelle Richier, Estouls de Lengres, et Miles, et Reniers ,
Et Viviens d’Aygremont li guerriers,
Et Savaris, et Guiars li legiers,
Cel de Nouis qui n’a pas cuer lasnier.
Ensamble 0 euls furent bien .xx. millier,
Tuit jovencel, sans couple d’escuier.
Lifil as peres se vont entracointier As fers aes lances , et estor commencier ;
Mais nus des peres , ce vous os tesmoingnier, N’i reconnut adont son heritier,
Car ils avoient lor armes fait changier,
N’il nés voloient adont autres baillier.
De Bertrant orent fait lor confanonnier ,
[fcA] l’estandart , se il en est mestiers.
Li fil as peres adrescent sans targier :
Or, saichiez bien de verté , sans cuidier,
Tex joustes font moult bien à resoingnier.
Li fil ne voldrent les peres espargnier,
Ansoiz les cuident durement empirier;
Mais il avint, si corn à souzhaisdier,
Qu’à l’assambler font les lances brisier.
Mais il se hurtent si fort à l’aprochier Que il i font lor peres trebuchier.
Mal de celui qui remaingne an destrier; Chascuns des peres pert son cheval corsier. Naynmes se aresce, n’ot en lui qu’aïrier;
A clere vois commensa à huchier :
« De quex diables viennent tel soudoier?»
Li anfant l’oient , n’i ot qu’eslaiecier,
A lor seignors vont les chevax baillier ,
Riant s’en partent, nés voldrent plus touchier.
JJ11-IJJ4 Gaydon. 167
En la grant presse s’en va chascuns fichier,
As brans forbis font les rens fremier ,
Gaydon rendirent Clinevent son destrier,
Li dus i monte qui en avoit mestier,
Tout maintenant sonne .1. cor menuier,
Lez .1. larris fist sa gent raliier.
« Seignor, dist Gaydes, vez le soleil couchier;
« Alons noz ent , n’avons que atargier.
« Cil empereres fait moult à resoingnier;
« Véez sa gent venir et esploitier ,
« Et il est prez huimais de l’annuitier :
« A la bataille aurons bon recouvrier. »
Et cil ont dit : « Bien fait à otroier. »
Atant retornent , mis sont au repairier ,
S’ont le Danois amené prisonnier.
Il et Bertrans tinrent le chaploier Tant longuement qu’il n’orent elme entier,
Ne tant d’escu qu’il puisse[nt] mannoier.
Mais en eschange lor i convint laissier Ferraut le preu : or li puist Dex aidier !
Car au roi l’ont rendu li losengier.
Gaydes s’en tome en la cité d’Angiers ,
Et Karlemaines a fait son tref d rescier,
Aval les prés a fait son ost logier.
Gaydes descent an palais principel ,
Et li anfant, cui Dex puisse sauver,
En une chambre ont fait Ogier entrer,
Qu’il ne les puist connoistre n’aviser ;
Mais moult le font servir et honorer.
Et li baron font lor armes oster.
Qui les oïst por Ferraut dolouser,
Et sa proesce et son sen regreter !
Riolz se dresce , si commence à parler :
îffî-n sa
« Baron , dist il , laissez le dementer.
« Sovent avez oi dire et conter « Hom qui guerroie et qui weult rihoter,
« Aucunne fois li convient comparer.
v Vers son seignor fait moult mal estriver ;
« Qu’il le voz fist dès l’autre jor mander « Qu’il voz feroit volentiers amender»
« Quant que par droit saveriez demander.
« Par grant orgoil le voz vi refuser,
« Ne ne deingnastez son m essai ge escouter : « Hom orgoilloz ne puet longues durer.
« Qui voz desloe au roi à accorder,
« Il voz weult bien toute amor devéer;
« Ne je n’oï onques home nommer « Qui son seignor volsist à tort grever,
« Qui en la fin i poïst conquester.
« Nel di por ce, par le cors saint Orner ,
« Que couardie ne voiez ja panser ;
« Car, se ce vient an estor endurer,
« Au premerain voldrai je puis jouster.
« Mais vostre honor voz voldroie loer ;
« Ainz me lairoie trestouz vis desmembrer v Que vos osaisse à tort n’à droit fausser.
« Et si voz proi, s’il ne voz doit pezer,
« Que voz penez de rire et de joer ;
« Car je voi ci tant legier bacheler « Qui ne demandent fors joie et caroler :
« Se il voz voient correcier ne trourbler,
« Voz les feroiz auques desconforter.
« Mais penez voz de rire et de joer,
« Si lor ferez lor anui oublier.
« Li empereres qui France a à garder ,
« A prins Ferraut et fait emprisonner,
« Et voz avez le Dannois d’outre mer ;
j589— j*ai GaYDON. 169
« Por vo neveu le faitez délivrer ;
« Legierement l’en porrez rachater. »
Gaydes l’oit , sou corrut acoler :
« Gentiz hom sire , Dex voz puist honorer !
« De moi aidier ne voz vi ainz lasser;
« Vostre conseil ne quier je refuser. »
Atant ont fait l’iaue an palais corner ;
Les tables maitent, s’assiéent au disner,(
Au mengier est li dus Gaydes assiz ,
Li baron tuit, li prince et li marchis.
Bien sont servi aou tout à lor devis.
Et Ogiers fu en une chambre assiz ,
De .11. vaslés est noblement servis ;
Mais de ce est dolans et esbahis Qu’il n’est remez el grant palais voltiz :
Véoir volsist celui qui l’avoit prins.
Or voz dirai dou roi de Saint Denis Qui fu en l’ost corresouz et marris Por ceuls qui sont et navré et ocis.
Por Ogier est moult très forment pansiz ,
Qui en prison est 0 ses annemis ;
Mais de Ferraut est forment esjoïs :
De ce qu’il l’a est ses diaus plus petis.
Li fel Hardrez, et Canor, et Thierris,
Rigaus, et Miles, et lor niés Auloris,
Et li lyngnaiges des tra'itors faillis (Li très le roi en est trestouz emplis)
Voient Ferraut séoir sor .1. tapis.
Par delez lui fu Naynmes et Thierris,
Hugues de Lengres et Joiffrois de Senlis.
Voit le Hardrez, à poi n’enraige vis.
Il a parlé , bien fu de touz ois.
« En nom Deu, rois, dist Hardrez, ce m’est vis
I70 GAYDON. jéaa— j6j 4
« Qui mal voz fait il est de voz chieris.
« Vez là Ferraut par cui fustez laidis « Et vos portiers vilainnement murtris ,
« Et Haguenons et Rahiers et Hanris ,
« Forques, mes niés, de son poing malbailli ;
« Par son agait furent mort et traï.
« Mais, par celui qui pardon fist Longis,
« Se voz créez et mes fais et mes dis ,
« Pendus sera ainz demain miedi. »
Oit le Ferraus , en estant est saillis ;
Il a parlé, ne fu mie esbahiz.
En haut s’escrie : « Fel traîtres faillis ,
« Voz i mentez par Deu de paradis !
« Ainz traïson ne chasai ne ne quis ;
« Quant que j’ai fait, moi deffendant le fis,
« Par mon cors seul, ainz agait n’i oi mis. »
Il passe avant, parles grenons l’a prins,
.C. poils l’en saiche, que noirs et que floris, Puis le feri dou poing enmi le pis ;
Enmi le pré chaï touz estordis.
Hardrez s’escrie : « Moult sui vils et honnis,
« Quant batus sui , voiant toz mes amis. »
Voit le Rigaus, si s’escrie à haut cris :
« Ferez baron, gardez qu’il soit ocis. »
Dont fu Ferraus fierement assaillis.
De .xxx. pars fu li vassaus laidis ;
Mais Ferraus prinst .1. baston de jaurris ,
D’un tronz d’espié, qui fu gros et fomis,
Amont le hauce corn hom mautalentis,
Parmi le cors en a féru tex .vi.
Li plus haitiés n’iert à piece garis.
Mais nonporquant ja fust mors et péris ;
Mais Karles saut qui les a départis.
Li empereres fu forment corrouciez ; 1 Saint Denis jure, cui a voé son chief,
Que mar i fu li estors commenciez :
Se nus s’en muet, ja en sera iriez.
« Sire, dist Naynmes, qui tant fut enseingniez , « Hom qui prins est ne doit iestre touchiez ;
« C’iert vilonnie, [Vil i est laidangiez].
« S’on li fait mal , de verté le saichiez,
« Ogiers sera malement harbergiez ,
« Qui laienz est en prison envoiez.
— Naynmes, dist Karles, et car me conseilliez; « Sachiez de voir moult en seroie liés.
— Sire, dist Naynmes, se croire me voliez,
« Desci qu’à poi sera fais li marchiés
« Que Ferraus soit touz cuitez envoiez ,
« Par si qu’Ogiers soit par lui raplegiez.
— Naynmes, dist Karles, se faire le poiez ,
« Sachiez de voir moult en seroie liés. »
Hardrez l’entent , à poi n’est enraigiez ;
Desor l’espaule Guiot s’est apoiez ,
Cel d’Autefoille, et li a dit : « Biaus niés ,
« De mon lyngnaige devez iestre li chiés;
« Par voz doit iestre chascuns de noz haitiez.
« Bacheliers iestez et d’armes moult legiers ,
« Grans et fomis et fors et bien tailliez.
« Vez là Ferraut, mes grenons m’a sachiez,
« Mais à nul jor n’estera mes cuers liés « Devant ice aue g’en serai vengiez.
« Va, si l’apelle ainz qu’il soit ostaigiez;
« Car, s’il estoit ocis ou mehaingniez ,
« Ogiers serait ocis et detranchiez,
« Aprez seroies assez tost apaiez ,
« Et Karlemaines serait à mort jugiez ,
« Et li dus Naynmes. et Thierris l’enforciez. .
\J2 GAYDON. j 689 — J7*i
« Dont me seroie de mon duel esclairiez « De Ganelon dont tant sui aïriez ,
« Et de Thiebaut qui tant fu resoingniez. » Guios Toi , lors s’estent sor ses piés.
« Oncles, dist il , puisque voz m’en proiez ,
« Ja iert mes gaiges contre Ferraut ploiez. » Lors passe avant , de Karle est aprochiez.
« Drois empereres, dist Guios, or oiez :
« Por Deu voz pri que à droit noz teingniez. »
Guios parole au riche roi Charlon :
« Drois empereres, entendez ma raison :
« Vez là Ferraut , qui est en vo prison ,
« Qui vo portier murtri en traison ,
« Rahier, mon oncle, et le preu Huidelon ,
« En felonnie copa Forcon le poing,
« Quant le messaige porta de par Gaydon.
« Ensamble 0 lui furent .x. compaingnon ,
« Que li fel fist embuschier à larron ,
« Par quoi il fist iceste mesproison ,
« Et si le vi, très bien le prouverons.
« Vez ci mon gaige, bons rois, je le voz doinz. » Ferraus Tentent , si leva le menton ,
Si saut en piés par grant aïrison :
« Gui d’Autefoille, parle cors saint Simon,
« Voz i mentez très parmi le menton ! »
Son gaige porte, voiant maint bon baron.
Li rois a prins chascun par le giron ,
Pleges demande de celle ahatison.
Tel .1111. conte raplegierent Guion N’i a celui qui ne fust moult viex hom ,
Tuit dou lyngnaige Hardré et Ganelon.
Raplegié l’ont par tel devision Qu’il le rendront le roi au pavillon.
Charles li rois tint durement Ferraut En destre poing, par le pan dou bliaut;
Pleges demande de fomir cel assaut.
Dist Ferraus : « Sire, par le cors saint Thiebaut , « Je voz otroi que me pendez en haut,
« Se je ne faz cel traître recraut.
« Mieuls voldroie iestre en la terre Escorfaut ,
« Sans revenir armez , se Dex me saut ! »
Dist l’empereres : « Par Deu , ne voz i vault;
« Pleges aurai, comment que li plais aut. »
A ces paroles ez voz venir Renaut ,
Cel d'Aubespin , qui moult seit et mieus vault ;
Il dist à Karle : « Sire, se Dex me saut,
« Je Rencontrai tout seul enmi .1. gaut;
« Gel plegerai, par cel Deu qui ne faut. »
Renaus parole où il n’ot qu’enseingnier :
« Drois empereres, par le cors saint Richier,
« Je voz puis bien par verté tesmoingnier « Que quant j’alai vo messaige nuncier « Au duc Gaydon , qui sires est d’Angiers ,
« Que g’encontrai icestui chevalier « Sans compaingnie, qu’il n’avoit escuier.
« Quant il m’oï son seignor laidengier,
« Et par parole forment contraliier,
« Sus me corru au brant forbi d’acier.
« Là commensamez .1. estorsi plennier «Je cuit que mort m’éust sans recou vrier,
« Quant Dex i fist venir et avoier « .1. chevalier, cui Dex puist conseillier,
« Qui de noz .11. deffist le chaploier.
« Et cil vassax, cui Dex puist conseillier,
« Me commensa tant forment à proisier « N’iert jamais hore ne l’en aie plus chier.
Î7ÎÎ-S787
« Or l’en voldrai ci rendre le loier,
« Car envers voz le voldrai raplegier :
« Sor quant que j’ai le voz proi et requier.
— Et je avec, dist Naynmes de Baiviers. »
Dist l’empereres : « Se Dex me puist aidier,
« Et je sor tant le voz voil otroier
« De ramener au jor sans atargier. »
Et dist Ferraus : « Par Deu le droiturier,
« Se Dex me sauve de mort et d’encombrier,
« Bien voz voldrai de cest plait acuitier;
« Car, par cel Deu qui tout a à jugier,
« Je ne voldroie, por .c. livres d’ormier,
« C’on me féist à Gaydon envoier « Devant que j’aie, au brant forbi d’acier,
« Ocis Guion , le glouton losengier.
— Hé ! glouz, dist Guis, corn je voz cuit paier! « Quant m’estordrez , n’aurez autrui mestier.
« Je voz cuit si par armes justicier « Que celle teste voz ferai réoingnier.
— Gloz, dist Ferraus, poi pris ton menacier;
« Le matinnet le porras essaier,
« Se l’empereres le noz weult otroier.
— Oïl , dist Karles, par le cors saint Richier. »
Li gaige sont recéu et donné ,
Et au matin ont le terme nommé Qu’il revenront andui el champ armé.
Naynmes en a Ferraut o soi mené.
Guis d’Autefoille s’en revint en son tref, Ensamble o lui Amboyn et Hardré ,
Et .c. des autres, des traïtors prouvez.
An tref s’en entrent , si se sont porpansé Que le matin, quant il iert ajomé,
Panront .m. homes d’armes bien atoml,
5788 — j8ao GaYDON. I7J
Si les feront embuschier à celé En .1. broillet , par delez la cité.
Quant Guios iert à Ferraut assamblez ,
Se il le voient de noient agrevé.
Que Ferraus l’ait en l’estor encombré,
Sel secorront, et Ferraus iert tuez :
Assez tost ierent à Karlon acordé.
Lor traïson ont ainsiz porparlé ,
Et li baron ont parmi l’ost soupé.
Li mareschaus a l’agait estoré ;
La nuit gaita Rigaus de Montfossé ,
Et dans Ganor, Hanris et Forquerez,
A .um. homes sor les chevax montez.
Ansoiz qu’il voient dou jor nulle clarté ,
Sont embuschié en un broillet ramé .M. traïtor d’armes bien conraé.
Dex gart Ferraut par la soie bonté !
Qu’ansoiz qu’il voie l’endemain ajomé,
Se Dex n’en pense, li rois de majesté,
Aura Ferraus le chief dou bus sevré.
Li traïtor ont fait l’embuschement De .m. homes armés, Dex les cravent!
Descendu sont et mucié coiement.
Au matinnet , quant li solaus resplent ,
Gaydes se lieve, qui le cuer ot dolent Por son neveu, que il doute forment Que l’empereres, par son fier mautalent , Emprisonner ne l’ait fait laidement.
Ez voz Bertrant et Richier ausiment ,
De Mondisdier Berart o le cors gent,
Estouls de Lengres, qui ot grant hardement. Ensamble o euls en sont venu tel .c.
Qui tuit estoient au duc Gaydon parent.
j8ai— j8jî
Tuit sont monté el maistre mandement.
Gaydes les vit , l’un aprez l’autre prent ,
Puis les baisa par amors doucement.
Oïr va messe ou mostier Saint Vincent ,
Dou monstier ist aprez le sacrement ;
En une place là tint son parlement.
« Baron, dist Gaydes, faisons le noblement, « Issonz noz ent commencier le content.
« G’iere devant armez sor Clinevent;
« Se Karlon truis ou grant tornoiement ,
« Enz en l’escu se je ne li desment « De mon espié qui est fors et tranchans,
« J a n’aie je mais joie en mon vivant!
« Se mon neveu sain et sauf ne me rent ,
« Ogier ferai morir à grant torment. »
Et dist Estouls : « Dehaiz qui le deffent. »
Et tuit li autre l’otroient bonement.
Riolz li viex s’escria hautement :
« En nom Deu , dus, voz parlez malement ; « Il voz convient esrer plus saigement.
« Mandez au roi cui douce France apent,
« Par .1. messaige qui ait bon encient,
« Que vo neveu voz envoit sauvement ,
« Et voz rendrez Ogier tout cuitement.
« Se voz créez le mien conseillement ,
« Voz manderez au roi acordement :
« Qui rassiz est adez tout simplement « Vers son seignor requiert acordement. *
Riolz parole, qui moult ot de valor :
« Gentiz hom sire, por Deu le criator,
« Mandez à Karle, le riche emperéor,
« Que il voz rande Ferraut le poingnéor,
« Et voz randrez Ogier le feréor ;
}S{4 — $ 886 CAYDON.
« Car drois le dist sel tesmoingne l’autor,
« Que mauvais fait guerroier son seignor ;
« Car touz jors l’ont jugié nostre ancessor « Que en la fin en vient on à mal tour.
« Sachiez de voir cil quiert vo deshonor « Qui voz desloe à venir à s’ammor ;
« Car, se voz iestez acordez, ainz tiers jor « Seront chacié de cort li tràitor. »
Celui conseil loerent li pluisor.
Par le conseil Riol , le viel flori ,
A apellé dus Gaydes Savari ,
Le fil Hertaut, qui fist Ferraut garir Quant li siens peres en la tor l’assailli.
Li dus l’apelle com chevalier hardi :
« Savari sire, par la vostre merci ,
« Alez à Karle, ditez lui de par mi . « Ferraut me rande por Ogier le hardi ,
« Et tant diroiz Karlon , je voz en pri ,
« Qu’ansoiz qu’il voie passé an et demi « Aura Hardrez et Berangiers basti,
« Auloriés, Baudoinnés et Guis « Tel plait à Karle dont il sera honnis;
« Car ne lor chaut mais qu’il l’aient murtri. Dist Savaris : « Par Deu qui ne menti ,
« Moult sui joians quant m’i avez choisi ;
« Car, par cel Deu qui tout a establi ,
« Endroit de moi n’i aura riens menti. » Enmi la place, soz .1. aubre foilli ,
Sor .1. tapis ont armé Savari.
Les chauces chauce, onques meillors ne vi. Espérons ot qui sont à or burni,
.1. auqueton ot de Roie vesti,
Puis vest l’auberc, qui fu fais à Chambii.
Caydon. j 2
Cuirie ot bonne qui fu de cuir boilti ,
Cote à armer d’un dyaspre gaydi.
Le hraume lace, qui très bien li séi „
Ceinte a l’espée qui fu roi Cloevi ;
El cheval monte, cel qui fu Aulori ,
Dont Amaufrois à jouste l’abati.
A son col pent l’escu à or verni,
La lance prent au tranchant fer bumû Quant fu montez , le cheval porsailli ;
Fort le trouva et de courre ahati.
Atant s’en va, que plus n’i atendi,
Vint à la porte ; li portiers li ouvri.
A l’issir hors mie ne s’esbahi ,
Dresce sa main , de Deu se benéi.
Ainz qu’il retort , par verté le voz di ,
Fera dolant Hanri et Amauri,
Et Karlemaine corroucié et marri.
Mais ainz qu’il voie passé le miedi ,
N’i voldroit iestre por l’onorde Ponti.
Atant chevauche parmi le bois foilli.
Savaris l’anfes par le pré chevaucha Sor le destrier que Ferraus li donna ;
De desoz lui hannist et sautela.
Fransois le virent, l’uns l’autre le monstra : « Vez en ci un ne sai que il dira. »
A ces paroles es loges s’en entra ,
Le tref le roi erramment demanda.
Garins de Chartres tantost li enseingna ,
Et Savaris parmi l’ost s’avoia ;
Devant son tref l’emperéor trouva Desoz .1. aubre, là où il s’ombroia.
Là tint son plait comment esploitera De la bataille que Guios emprins a
5 ç lo — GâYDON.
Contre Ferraut, que de murtre apella.
Saint Denis jure que à droit la tenra :
Qui vaincus iert as forches pendera.
A ces paroles, l’empereres visa Savariet, oui vers lui s’aprocha.
Des chevaliers la presse dessevra ,
Dont descendi , par la resne prins a Son bon cheval , prez de lui l’acosta ,
Pas avant autre devant le roi s’en va ,
Moult fierement devant lui s’arresta , Cortoisement sa raison contée a :
« Cil Dex de gloire qui le mont estora « Gart le duc Gayde qui m’a envoié sà ,
« Et il confonde qui vers voz le mesla !
« Ce fu Hardrez que je voi séoir là,
« Et Berangiers qui ja bien ne fera ,
« Et Auloris qui les puissons trempa;
« Ainz lor lyngnaiges nul jor bien ne pensa» . « Gaydes voz mande ne voz i fiiez ja ,
« Car, se il pueent, chascuns vo mort querra, « Et si voz mande ja vostre hom ne sera « Tant corn .i. seul en la corten saura ;
« Car, bien sachiez , qui lor conseil croira « Ja à preudomme nul jor bien ne fera. » Quant Karles l’oit , à terre s’embroncha.
Voit le Hardrez, à poi qu’il n’enraija;
A Amboyn son neveu consilla :
« Biaus niés , dist il , tanfost armer t’en va.
« Li preus Rigaus avec toi s’armera ,
« Hanris et Miles, qui volentiers ira,
« Et Griffonnés qui bien voz conduira.
« Droit au chemin , quant il repairera ,
« Si soit ocis, ja Karlon n’en chaurfa, v Et s’il l’en poise, bien acordez sera :
« Por la pais faire .vc. mars en aura ;
« Je sai de voir volentiers les panra. » Amboyns l’oit , erramment s’atoma ,
Les traïtors coiement enmena.
A lor très vinrent , chascuns s’appareilla ; Quant armé furent, chascuns errant monta.
En . 1 . vergier c’uns païsans planta Sont embuschié , chascuns si s’arresta.
Très bien s’affichent que la teste perdra Li messaigers, quant arrier revenra ;
Moult chèrement, dient, le comparra.
Mais autrement , se Deu plaist , en ira ,
Car chieremenf chascuns le comparra.
Li traïtor, cui Dex puist mal donner,
Cuident Ferraut ocirre et decoper;
Mais autrement est li giex atornez ,
Se Dex garist Savari l’alosé.
Moult chierement lor iert guerredonné ,
Ainz que soit vespres ne solaus esconsez ,
Se Dex garist Savari le membré,
Qui vint à Karle le messaige conter.
Ambuschié sont li glouton ou vergier,
Por Savari ocirre et detranchier ;
Mais , se Deu plaist qui tout a à jugier,
Il en auront moult dqlirouz loier.
Savaris l’anfes , qui moult fist à prisier,
Parole au roi , sou prent à arraisnier :
« Sire empereres, Gaydes lidus d’Angiers '< Vos a mandé , à celer nel voz quier,
« Por Ferraut raurez voz le bon Danois Ogier, « Que voz li faitez sauvement renvoier.
— Certez , dit Karles , bien le doi otroier.
idbyl
agle
« J’en renvoiaisse Ferraut ainz l’annuitier;
« Mais devant moi prinst une bataille ier.
« Guis d’Autefoille l’a apellé murtrier ,
« Et dist qu’en murtre a ocis mon portier,
« Et ses couzins, Haguenon et Rahier;
« Vers lui s’en doit deffendre au brant d’acier.
« Mais , se je puis , ges ferai amaisnier « Por le Danois que tenez prisonnier ;
« Car ne voldroie , por l’or de Monpellier,
« C’on lui féist de son cors destorbier.
« Car je sai tant Gaydon félon et fier « Que, se Ferraus i avoit encombrier,
« Li dus feroit le Danois escillier,
« Ja couzinnaiges ne li auroit mestier,
« Por ce ferai la bataille cessier. »
Hardrez l’entent , le sens cuide changier ;
Tout coiement a dit à Berangier :
« Car faitez tost por Guiot envoier ;
« S’il puet Ferraut par armes justicier,
« Gaydes feroit le Danois escillier
<« Et pendre as forches et tout vif escorchier,
« Et se Guios noz en pooit vengier,
« Cil de l’agait li venroient aidier ;
« Uuec porront Ferraut tout detranchier.
« Tant donrons Karle et argent et ormier « Que noz feronz nos amis apaier. »
Çerangiers l’oit ? n’i ot qu’eslaiecier.
<« Par foi , dist il , or puis bien tesmoingnier « Qu’en no lyngnaige n’a meillor chevalier « Por traïson porquerre et porchacier. »
Il i envoie tantost un escuier Qui bien li sot la parole nuncier. •
Guios l’entent, lors saut sor .1. destrier,
Puis s’escria : « Montez , mi chevalier. »
éoïo — 6o J*
Avec lui montent tel .lx. princier Qui tuit desirrent Ferraut à mehaingnier. Devant le roi vint Guios sans targier; Descendus est de l’aufferrant coursier.
Moult fu dolans quant vi le messaigier;
A haute vois commensa à huchier :
« Drois empereres, ma bataille requier « Envers Ferraut, le cuivert losengier. »
Dist l’empereres : « Por Deu le droiturier,
« Ceste bataille mettez en respitier «< Tant que je aie Ogier cui tant ai chier. »
Et dist Guios : « Bien devroie anraigier ;
« Voz me volez honnir et vergoingnier. »
A ces paroles vint Naynmes de Baiviers ,
O lui Renaus d’Aubespin, li guerriers ;
Ferraut amainnent au roi soz .1. lorier.
Bien fu vestus d’un bliaut de quartier.
* Fransois l’esgardent et devant et derrier;
Dist l’uns à l’autre : « Dex , corn biau chevalier ! « Jhesus de glore le gart de mehaingnier! » Savaris l’anfes le corrut embracier;
S’armez ne fust, ja le volsist baisier.
Naynmes li dus s’estut devant le roi,
Et d’Aubespin Renaus 0 le chief bloi ;
Et chascuns d’euls tint Ferraut par le doi.
« Drois empereres, dist Naynmes, entent moi : « Vez ci Ferraut que ramener voz doi ,
« Cui appella Guios, que je ci voi ,
« En felonnie , plus l’oïrent de troi :
« Il est touz près com por deffendre soi. »
Dist Ferraus : « Sire , il dist voir par ma foi ,
« Mais que je aie et armes et conroi.
- — Naynmes, dist Karles, par la foi que vos doi.
éojî— 6oiA GAYDON. 18)
« J’ai moult proié Guiot, et encor proi « Que laist l’apel que il fist devant moi.
— Sire, dist Guis, 'voz parlez en beffoi ;
« Je nel lairoie ne por ce ne por quoi.
« Se ainz le vespre par armes nel recroi ,
« Dont ne me pris la monte d’un baloi. »
Savaris l’oit, si jure saint Eloi
Que, « se Ferraus m’en weult donner l’otroi,
« De la bataille dont menez tel boffoi ,
« Se ainz le vespre ne voz faz mat et quoi ,
« Pandez moi, Karles, à un fust de sapoi,
« Et puis Ferraut le vassal avec moi.
« Foi que je doi Gaydon et Amaufroi ,
« Qui me donroit tout l’avoir de Resbloi,
« N’i raeteroie autrui home que moi.
« Mais, sachent tuit , et le dit di por moi ,
« Nus plus hardi de voz n’entre en tornoi. »
Savaris voit Ferraus a prins bataille,
Qui demorer ne puet mie sans faille.
Ferraus li prie, por Deu, que il s’en aille,
Die son oncle que de riens ne li chaille ;
Mais gart Ogier et quant qu’il weult li baille :
« Car rendus fuisse, ne fust la traïtaille.
« Guios m’apelle, mais je cuit poi li vaille;
« Par icel Deu qui fist et grain et paille ,
« Trop me demeure que n’avons la bataille.
« S’ansoiz le vespre ses membres ne retaille « Au branc d’acier qui reluist et bien taille,
« Trop estera couvers de fort escaille :
« Ja ses haubers ne sera de tel taille. #
Savaris fu devant l’emperéor;
En haut parole , que l’oïrent plusor :
184 GaYDON. 6oSi-6ii7
« Drois empereres, por Deu le criator,
« Ne créez mie le dit as traïtors.
« Guios est fel , et tuit si ancessor « Ont mainte fois France mise à dolor.
« C’iert vilonnie , par Deu le criator,
« S’uns prisons a en vo cort deshonor ;
« Car on seit bien , ce dient li autor,
<1 Qu’il a assez et pezance et dolor « Qui en prison est la nuit et le jor.
« Se Ferraus iert sormenez , c’iert folors ;
« Ogiers sera servis de tel savor « Dont vos aurez à vostre cuer dolor.
« Ce voldront bien li félon traïtor,
« Car en malfaire maitent tuit lor labor ;
« Mais lor loier en auront sans demor,
« Se Dex garist Gaydon , le mien seignor,
« Le meillor home aesà siecle major.
« Il n’a que faire de félon traïtor,
« Drois empereres , ne ja n’aurez s’ammor « Tant qu’en ta cort soient li traïtor.
« Or renvoiez Ferraut sans nul demor,
« Et voz raurez Ogier le poingnéor. »
Guis l’a 0», moult en fu plains d’iror.
« Vassaus, dist il, por d’or plainne unetor,
« Ne remanroit que Ferraus n’ait l’estor;
« Car, ainz le vespre, à mon branc de coulor,
« Perdra la teste , se je en ai laissor.
— Gloz, dist Ferraus, trop faitez lonc sejor;
« Je ne vos douz ta monte d’un tabor.
« Se Dex me sauve ma force et ma vigor,
« Mais ne verrez ajomer autre jor. »
Li baron ont le ramposner laissîé >
Car l’empereres lor avoit deviié ;
6i 18—61 50 Gaydon. 185
Saint Denis jure qu’il n’iert plus respitié De la bataille dont ont gaiges laissié :
« Cil ait l’onor cui Dex l’a otroié.
« Qui vaincus iert, fait aura fol marchié;
« Pendus sera, mi baron l’ont jugié. »
Savaris l’oit , si a en haut huchié :
« En nom Deu , rois, mal avez esploitié.
« Se Ferraus est de noient empiriez « Par traïson c’on li ait porchacié,
« Ogiers sera malement harbergiez. »
Lors est montez , plus n'i est atargiez ;
Dou roi s’en part, onques n’i quist congié,
Mais ansoiz a Ferraut .11. fois baisié.
Son hiaume avoit osté et abaissié ;
Plorant s’en torne, s’a son hiaume lacié. Naynmes le voit, moult en ot grant pitié ; Renaus en plore qui Ferraut ot plegié.
Savaris a parmi l’ost chevauchié ;
Tant a alé que il vint au vergier Où li glouton estoient tuit mucié.
Savari voient , lors se sont desbuchié ;
Par devant lui sont ou chemin rengié ,
Puis li ont dit et par mal reprochié :
« Par Deu , vassaus, vo mort avez chacié ,
« Car maintes hontes noz avez porchacié.
« Hertaus , vos peres, noz éust bien vengié ,
« Car il éust Ferraut tout detranchié « En spn chastel où l’avoit harbergié :
« De no grant duel fussiens bien esclairié. » Dist Savaris : « Trop en fuisse aïriez ,
« Se je éusse souffert si lait pechié. »
Dist Savaris : « Seignor, por Deu, merci !
« Vos parens sui , bien le savez de h.
1 86 GAYDON. éi s i — 6.8j'
« Se li dus Gaydes le mien pere pendi ,
« Si m’ait Dex, très bien le deservi.
« Car fussent or Ii traïtor ainsiz :
« Voz n’auriez mie au chaaingnon failli. «
Quant cil l’entendent, si en sont esmarri ;
Deu ont juré et le cors saint Remi Qu’il iert pendus ainz le vespre seri.
Dist Savaris : « Glouton, je voz deffi,
« Car Dex et drois se tenra devers mi. »
A ces paroles a son espié brandi ,
De son escu cointement se couvri ,
Le cheval broche, qui grans saus li sailli.
Rigaus le voit , encontre lui guenchi ;
Par lor enarmes sont lor escu saisi.
Sa lance brise Rigaus li maléis,
Mais en la char pas ne l’aconsievi.
Et Savaris si grant cop le feri Que son escu li copa et fandi Et le hauberc desmailla et rompi ;
Ou flanc senestre le fer li embati.
Ja l’éust mort, mais li gloz resorti;
Et nonporquant à terre l’abati.
Voit le Amboyns , à poi qu’il ne marri ;
Cuide mors soit , quant en piés resailli « Avois ! escrie, se il s’en va ainsiz,
« Dont serons noz à touz jors mais honni. »
Dist Amboyns : « Se Dex l’avoit plevi ,
« L’ocisirai je, ainz que il part de ci. »
Dist Savaris : « Cuivers ! Deu annemis !
« Dex m’aura tost sauvé et garanti. »
Dist Amboyns : « Se Dex l’avoit juré,
« Ne verrez mais autre jor ajomé. »
Dist Savaris : « Losengiers deffaez, .
« Tant gentil homme avez à mort grevé,
« Dex m’aidera cui avez adossé;
« Ainz que je muire l’aurez cher comparé. «
A ces paroles a le cheval hurté ,
Devant lui a l’escu entraversé,
Brandist l’espié qu’il avoit recouvré.
Et Amboyns, qui tant ot de fierté,
Le cheval broche de corre entalentez ;
Savari fiert , moult l’a bien assené ,
L’escu li perce , l’auberc li a faussé ,
Le fer li met .ni. doies ou costé.
Mien anciant qu’il l’éust mort gieté;
Mais l’anste froisse, ce l’a de mort tensé.
Et Savaris li a tel cop donné L’escu li a et le hauberc troé ;
L’espié li mist par delez le costé.
Li vif diable si l’ont de mort tensé.
Le fer li a jouste le flanc rasé ,
Que par derrière fiert en l’arson doré ;
Tant durement l’a empoint et bouté Que par .1. pou qu’il n’a le cuer crevé.
.111. fois se pasme ainz qu’il ait mot sonné ; Quant parler pot , en haut s’est escriez :
« S’il voz eschape , nos sommez avillé. »
Dist Savaris : « Félon larron prouvé ,
« Cuidiez me voz si avoir atrapé ?
« Nenil, par Deu , ainz voz aura cousté,
« Se Dex me sauve mon branc d’acier trempé.» Atant li viennent li troi tuit entesé ;
Crans cops li donnent fcor son escu bouclé , Tout li ont fraint et l’auberc entammé,
Et enz an cors l’ont durement navré.
Dou cheval l’ont à la terre porté ;
Mais il saut sus, s’a trait le brant letré,
6at8 — t
Car au }ouster ot son espié froé ;
Son escu a devant son vis tomé ,
Bien se deffent à loi d’omme séné ,
Fiert Griffonnet sor son elme gemmé.
Icil estoit bien de lor parenté ;
Maus traître est , si estoit niés Hardré.
Le maistre cercle li a par mi copé ;
Mais li traîtres a le chief trestorné ,
Car autrement l’éust deffiguré.
Li cops descent sor son escu boucler, Devant l’arson à fin or noelé,
Au bon cheval a le chief tronsonné.
Li cheval chiet aval en .1. fossé.
Hanris et Miles, qui ce ont esgardé , Cuidierent bien Griffonnet ait tué ;
A lui en viennent , si l’ont plaint et ploré. Et Amboyns et Richars sont levé ;
Vers Savari s’en viennent tuit iré ,
Les brans es poins de ferir entezé.
Mais Savaris a son cheval couvré , Erramment monte par Pestrier d’or ouvré , Puis lor a dit que cil fait grant bonté Qui de .v. homes, qui ont sa mort juré,
Se puet deffendre et traire à sauveté :
« Par foie entente sont maint home afolé ; « Je m’en irai, assez i ai jousté. »
Atant s’en tome , le frainc abandonné.
Li traîtor sont moult tost remonté ;
Aprez lui poingnent li cuivert deffaé.
Quant ne Pataingnent, aprez lui ont rué; Mais il ne l’ont touchié ne adezé:
As vis diables ont son cors commandé.
Et Savaris a point et galopé ;
. Tant chevaucha qu’il vint à la cité.
éîji — 6i8) GAYDON. 189
Vint à la porte , on li a deffermé ; il entra enz , puis a son elme osté.
Dex gart Ferraut, cil est à sauveté!
Savaris est à Angiers revenus ;
Parmi les rues en va pensiz et mus ;
De plusors fu esgardez et véuz.
Dist l’uns à l’autre : « Nos niés s’est combatus; « Il i pert bien, perciez est ses escus,
« Ses naubers est desmailliez et rompus. » Ainsiz devisent , Savaris s’est téuz ;
Vint au perron, iluec est descenduz.
Por ombroier se fu assiz li dus ;
Ensamble o lui ot le mieus de ses drus Qui s’aatissent, se Ferraus est tenus,
En grant destroit sera Ogiers chéuz. •
A icest mot est Savaris venus.
Voit le Amauffoi , erramment sailli sus ,
Encontre lui corrut les bras tendus ,
Puis li demande se Ferraus est tenus.
Dist Savaris : « Par Deu qui fait vertus ,
« Mes sires est en trop mal point chéuz,
« J a voz en iert li voirs amentéuz. »
Savaris vint devant le duc Gaydon ;
Il a parlé, que bien l’entendit on.
« Sire, dist il, je vieng dou roi Karlon ;
« Vostre messaige li dis jusques en som.
« Ferraut éust cuité de sa prison ,
« Mais qu’il réust Ogier, le sien baron,
« Quant avant vinrent li traïtor félon « Qui Ferraut ont reté de traïson ;
« Dient qu’en murtre a ocis Haguenon.
« Hui estli champs, car jugié les a on.
« Ferraus voz mande, por Deu et por son non,
« Qu’à Ogier faitez tout ce que lui est bon.
« Se Dex le sauve en Pestor vers Guion ,
« Randus sera por Ogier le baron ;
« Se n’en soyez en nulle souzpeson ,
« Qu’il ne le doute vaillissant .1. bouton. » Gaydes l’entent , si lieuve le menton,
Voit Savari qui sainne à grant randon;
Li sans li file desci que au talon.
Voit le li dus, si l’a mis à raison :
« D’ont vient cil sans que je voi tel fuison ?
— Sire, dist il , pas ne voz mentirons :
« Quant je parti dou roial pavillon,
« Si m’agaitierent .v. traïtor félon.
« Il m’ont navré ; mais, par saint Siméon,
« Il n’i conquistrent vaillant .1. esperon:
« Maugré euls touz sui trais à garison. »
Quant li dus l’oit, si s’escrie à haut ton :
« Or tost, as armes ! n’i ait arrestison,
« Si noz ferons en celle ost à bandon ;
Car, par Papostre c’on quiert en pré Noiron ,
« Mais n’iere liés, se Ferraut ne ravons. »
Et dist Riolz : « Or oi parler bricon ;
« Touz dis serez de foie aatison.
« Ce doient dire mentéor et garson;
« Hom qui cuer a doit ouvrer par raison,
« Quant au dessus est de sa mesproison. » Gaydes l’entent, si baisse le menton ,
Puis li dist : « Sire, vostre commant ferons ;
« De vo conseil ne me vient se biens non. » Riolz apelle Bertrant, le fil Naynmon,
Estoult de Lengres, et Renier, et Milon,
Et Vivien, et Girart, et Hoedon :
« Or tost, as armes! sans faire aatison,
6)i8 — 6350 ' GAYDOH.
« Ensamble 0 voz .nm. compaingnon.
« Issiez voz ent chascuns sor l’arragon ;
« Delez ces vingnes, en cel broillet irons « Tuitembuschié, coiement , à larron.
« Quant de Ferraut sera la chaplisons,
« S’autres que Guis li faisoit mesproison ,
« Sel secorrez , n’i ait arrestison. '
« Et noz tandis noz rappareillerons ;
« S’avez mestier, bien voz i aiderons. »
Li anfant dient : « A Deu benéison.»
Lors sont armé, chascuns monte où gascon. N’i a celui n’ait au col le blazon ,
La lance au poing, à tout le confanon ;
.IIm. sont tuit par élection.
Trosçiu’au broillet les mena .1. witons Si coiement qu’ainz nés aperciut on.
Embuschié sont li bacheler de pris;
Li tra'îtor se sont d’autre part mis.
Li un les autres n’ont séuz ne oïs.
En la cité s’est li dus fervestis,
Riolz li viex et li preus Thyorins.
Rispeus i fu , de Biaufort li cuens Guis , Hugues d’Auvergne, et Morans li gentiz,
Et Amaufrois qui tant par est hardis.
Li vavassors Gautiers, 0 ses .111. fiz,
Bien fu armez, sor .1. cheval de pris, D’auberc et d’iaume et de bon escu bis.
.1. roit espié li bailla Savaris;
Legiers li samble, si en fu engramis,
Giete la jus, si qu’en .11. est croissiz,
Puis li a dit : « De Deu soit il maudis « Qui fist tele arme ! ne vault pas .11. espis. Prent sa massue au materon faitiz ;
Devant fu grosse com teste de brebis,
Li manges fu fors et durs et burnis.
Il jure Deu, le roi de paradis,
S’il ataint Karle, le roi de Saint Denis ,
Tel li donra sor son hiaume burniz Ne li vaudra vaillant .11. parisis Que ne li froisse le chief desci qu’an pis.
Li baron l’oient, durement en ont ris.
En la cité sont armé coiement.
Li empereres cui douce France apent Dist à Guion : « Je voi bien et entent « Que de la pais n’i aura il noient. »
Dist Ferraus : « Sire, laissiez cest parlement.
« Par cel Sçignor cui touz li mons apent ,
« Ainz que Guios voie l’avesprement ,
« Li cuit tant faire au brant saingnié d’argent « Que il n’aura de combatre talent.
— Gloz, dist Guios, par Deu omnipotent,
«. Mais n’iere liés s’à mes mains ne voz pent. » Dist l’empereres : « Baron , je voz deffent « Que ja n’i ait tanson ne parlement ,
« Mais voist s’armer chascuns deiivrement.
« Savoir voldrai qui dist voir ou qui ment.
« Foi que je doi au baron saint Climent , v Qui vaincus iert pendus sera au vent. »
A uloris dist et Hardrez coiement :
« Mal dehaiz ait qui fait tel sairement ! »
Ferraut enmainne Naynmes isnellement,
Et d’Aubespin Renaus 0 le cor gent.
Messe li chante l’abes de saint Vincent.
Ferraus l’escoute, de cuer, moult doucement ,
Et prie Deu , de bon cuer, vraiement ,
Qu’il le deffende de honte et de torment
Si voirement corn Guis vers lui mesprent.
En crois se couche, quant vit le sacrement , Çue le cors Deu vit lever proprement ,
Si a parlé, oiant touz, hautement :
« Douz Jhesu Cris, tout si veraiement « Comme je sai et le croi fermement « Que c’est vos cors que on tient en présent , « Si me gardez mes membres de torment,
« Car Guis m’apelle de murtre faussement. » Naynmes souzpire quant la parole entent ; Renaus en plore, et baron plus de cent.
Aprez la messe n’i font delaiement;
Sor une coulte , ouvrée soutilment ,
L’arma dus Naynmes et Renaus ausiment.
Chaucesli chaucent blanches com .1, argent; Espérons d’or ot ouvrez richement ;
Sor l’auqueton vest l’auberc jazerant ,
Fort et legier, maillié menuement.
Cuirie ot bonne, ferrée largement,
Cote à armer d’un cendel de Mêlant :
Plus est vermeille que rose qui resplent ,
A .ni. lyons batusd’or, richement.
Et ceint l’espée, se li rosies n’en ment,
Qu’ot Alixandres , quant conquist Orient.
I/iaume li lacent qui fu au roi Florent ;
Son bon destrier h tinrent en présent,
C’est Ataingnans, plus est noirs d’arrement. D’un bon dyaspre ffazé menuement Estoit couvers moult acesméement;
Desoz paroit li noirs avennamment.
Ferraus i monte qu’as estriers ne si prent , L’escu a prins et la lance ausiment ;
•I. eslais fist isi très cointement Cex qui le voient plaisoit très durement.
Quant il Pot fait, repaire belement.
Ses piés esgarde , de fin air enzprent.
Naynmes li dus, qui moult ot encient,
Le prent au frainc bel et cortoisement ,
Et, d’autre part, Renaus qui plus n’atent; Au tref le roi l’enmainnent sans bobant. Présentez s’est bel et cortoisement ;
N’a si bel home desci en Bonivent, S’envers tel home venoit à chaplement, Qu’il nel déust redouter durement.
Guiot enmainnent d’autre part si parent ; Por oïr messe devant son tref descent;
Ne fust por honte il n*i alast noient.
Dedens son tref en est Guioz entrez ; Ensamble 0 lui fu ses grans parentés.
Messe li chante li evesques Guirrez ;
Ses parens fu, de Maience fu nés.
Ainz de Guiot. ne fu Dex appeliez.
Quant li services fut pardis et finez,
Li bons evesques si a les dras ostez ;
Distà Guiot : « Biau niés, or entendez:
« Se voz volez faire mes volentez « Et mon conamant, la bataille vaintrez.
« Et tout ayant à Dammeldeu voez « Que ja à home ne tenras loiautez;
« Vo seignor lige ja foi ne porterez ,
<( Les loiaus homes traïssiez et vendez ,
« Le mal hauciez et le bien abatez.
« Se voz à home compaingnie prennez ,
« En devant lui tout adez le loez ,
« Et en derrier à la gent le blasmez.
« Les povres gens laidengiez et gabez,
« Les orphenins à tort déshéritez ,
« Les vesves dammes lor doayres tolez ,
« Les murtrissors, les larrons souztenez.
« Et sainte eglise adez deshonorez ,
« Prestres et clers filiez et eschievez ,
« Rendus et moinnes, par tout les desrobez,
« Et cordeliers et jacobins bâtez.
« Petits anfans en la boe gietez ,
« Et coiement les prennez et mordez ;
« S’on ne voz voit, as mains les estrainglez.
« Les vielles gens empoingniez et boutez ,
« Ou an visaiges au mains les escopez.
« Les abéies escilliez et gastez ,
« Et les nonnains toutes abandonnez.
« En touz les lieus là où voz esterez « Hardiement mentez et parjurez ,
« Que ja vo foi nul jor ne mentirez « Devant ice que voz la main perdrez.
« Se voz ce faitez que voz oï avez ,
« Ja à nul jor desconfiz ne serez.
— Oïl, dist il, encore pis assez. »
Dist Auloris : « Cist est bien confessez ;
« S’il moroit ores , il esteroit sauvez. »
Et dist Hardrez : « Bien ait tex ordonnez ! » Guis s’ajenoille , à terre s’est çlinez ;
Et li evesques, qui de mal fu hordez,
Li pardonna toutes ses faussetez Qu’il onques fist ne où fu entrapez ,
Mais qu’il ne soit de ranchéoir lassez.
Guios se dresce, baus et asséurez,
Desor .t. paile qui fu moult bien ouvrez;
Là est assiz 0 son riche bamé.
Les chauces chauce blanches corn flors de pré ; Les espérons li a chauciez Hatdrez.
Lors saut en piés , si a ses bras levez
6485— 6ji8
Sor l’auqueton qui d’or fu pointurez ;
Vesti l’auberc qui forsfu et serrez.
Cuirie ot bonne , d’un cuir qui fu tennez ;
Cote ot moult bonne, plus bele ne verrez ,
D’un drap tout ynde oui fu à or frezez ,
A .1. lyon vermeil enclavinné.
Puis ceinst l’espée dont l’aciers fu trempez ;
D’or fu li poins, d’argent fu enhoudez,
Li brans en fu forbis et acerez ,
Grant demi pié et trois doie ot de lé.
L’iaume li ont à quatre las noé.
Ses chevaus fu devant lui amenez ,
Et fu couvers de .11. pailes roez ;
Selle ot moult riche, bien estoit affautrez.
Guis i monta qu’à estriers n’en sot grez ,
Puis prinst l’escu et son espié quarrez,
Le cheval broche , en l’escu s’est moslez ,
Fait .1. eslais tout contreval les prés ,
Et puis s’en est belement retornez.
Grans fu et joins sor le cheval armez.
Fransois l’esgardent des loges et des très ;
‘ Ferraus méismez dist as barons : « Véez « Comme Guios est cointement moslez !
« Pléust à Deu , le roi de majestez,
« Que je fuisse ores par samblant autretez ,
« Autressi biax, si grans et si formez !
«< Ne douteroie ne rois ne amirez. »
Et dist dusNaynmes : « Ferraut , voz le doutez. — En nom Deu , sire , voz ditez veritez.
« Moult seroit cil fox et desmesurez « Qui à tel home seroit en champ meslez , p «fil nel doutoit; fox esteroit prouvez.
« Mais nonporquant, ainz le vespre , verrez « Li quex sera d’armes plus alosez.
éjtç — S${i GAYDON.
« S’il éust droit , moult fuisse espoantez ;
« Mais il a tort , s’en sui asséurez,
« Et Dammeldex , qui est mes avoez.
— Certez, dist Naynmes, moult pariestez senez.»
A ces paroles vint Guios arroutez,
Et ses lyngnaiges, qui i estoit alez.
Devant Karlon s’est moult bel présentez. '
Et l’empereres a les sains demandez , -,
Et on h a erramment aportez.
Li empereres, qui tant a le vis fier, Li
A fait les sains aporter sans targier De saint Martin et dou cors saint Ligier.
Desor .1. paile, ouvré à eschaquier,
Les fait li rois tout erramment couchier,
Que les reliques voit on enz fremier. , . .
Qui s’i parjure, bien le puis tesmoingnier, |t
J a n’istera dou jor sans encombrier.
Li dui baron se vont ajenoiller ,
Lor elmes ostent et font desatachier ,
Et les ventailles font un poi alaschier.
Dist l’empereres : « Dus Naynmes de Baiviers ,
« Des sairemens deviser voz requier :
« Devisez lor, car je n’i voil boisier. » . >, 4’
Dist à Guiot : « Tendez vos mains premiers. »
Sa main li fait vers les sains abaissier : *
« Ditez aprez , car je doi commencier : 1
« Ce oiez, Dex, que Ferraus li princiers •
« Que il murtri à Orliens le portier,
« Quant il ala le messaige nuncier « De par Gaydon, qui l’i fist envoier; •
« Et, quant ce vint arriéré au repairier,
« Qu’en felonnie fist Foucart mehaingnier ,
« Et vos couzins, Haguenon et Rayer,
« Fist par agait ocire et detranchier.
« Si voirement voz puist hui Dex aidier,
« Et tuit li saint c’on doit glorefiier,
« Et tuit li autre c’on doit por Dieu proier !
— Voire, dist Guis, et dou tout consillier,
« Si me laist Dex dou champ tomer arrier. »
Il s’abaissa, si volt les sains baisier;
Mais ainz li glouz ne les pot aprochier.
« Fel , dist Ferraus , par Deu le droiturier,
« Comme parjure voz en doi redrescier ! »
Ferraus jura, Naynmes li eschevi;
Desor les sains sa destre main tendi :
« Ce oiez, Dex et Guios autressi ,
« Que li portiers tout avant me feri ,
« Et mon cheval à genouls abati,
« Et por itant la teste li toilli.
« Aprez , quant j’oi mon messaige fomi ,
« Seuls m’en aloie, quant l’agais me sailli <c De .v. gloutons oui m’orent envaï.
v La merci Deu , si bien m’en deffendi « Les .11. tuai et le tierz malbailli ;
« Li autre dui eschaperent de mi.
« Si m’ait Dex et li saint qui sont ci v Et tuit li autre qui por Deu sont sainti ,
« Que je n’i ai d’un tout seul mot menti,
« N’onques par moi n’i ot agait basti.
— Gloz, dist Guios, vos i avez menti !
— Certez, mais voz. » Ferraus li respondi. Ferraus s’abaisse, vers les sains s’estendi ,
Baisiez les a, en estant resailli ,
Dresce sa main, de Deu se benéi ,
El cheval monte, et Guios autressi.
Chascuns relace son vert elme bumi
Et la ventaille dou blanc hauberc tresli.
[ e Dehors les tentes], enmi le pré flori,
.C. chevalier armé et fervesti ,
De la maisnie à PArdenois Thierri ,
Gardent le champ; li solaus est partiz.
Li empereres a fait criier son cri Qu’il n’i ait force ne un seul mot tenti Devant ice que li uns iert fenis.
El champ estoient li dui vassal hardi.
Et dist Guios : « Ferraut, je voz deffi !
« Mar m’i avez mes .11. couzins murtris;
« Ansoiz le vespre voz estera meri. »
Et dist Ferraus : « Dex qui en crois pendi « En soit au droit qu’à tort m’as envaï. »
Lors s’entresloingnent .1. arpent et demi ,
Puis se requièrent corn mortel annemi.
Les chevax brochent , de grant ire aati ;
Si fort les corrent , quant les ont envaïs ,
Que des chaillouz feus et flamme en sailli.
De son' escu chascuns bien se couvri,
A l’aprochier chascuns l’espié brandist.
Grans cops se donnent , car ne sont pas ami ,
Sor les escus où li fins ors rougi ; ^
Desor les boucles les ont frains et malmis ,
Et les haubers desromps et dessartis. \
Mais poi se sont en la char consievi , * t
Et nonporquant li sans en espandi,
Et ambedui sont li escu croissi.
A l’aprochier s’entrehurtarent si Que li escu sont ensamble flati :
Ausiz les froissent corn un gastel rosti.
Li cuirs des jointes et des génois rompi ,
Et li cheval sont ensamble quati.
Et li baron se sont si enval
éé*9— 66 f i
200 GaYDOM.
Cuident qu’il ait tonné et esparti .
On alast bien .ni. arpans et demi Ainz que nus d’euls saiche ses piés à lui.
Les gardes virent que tuit sont esmarri ;
[ e Poux ] ne alainne de nul d’euls nen issi ; Cuident qu’il soient andui mort et parti.
Li baron jurent andui el champ armé ;
Les gardes cuident mort soient et finé.
Dist T’uns à l’autre : « Chascuns a tant alé « Que chascuns a ores maistre trouvé. »
Li plusor ont de la pitié ploré.
Uns chevaliers, c’om tient à moult séné ,
De l’iaue froide a moult tost demandé.
On l’en aporte volentiers et de grez ;
Tout maintenant les en a arousez.
Et Ferraus a .1. petit souzpiré;
Mais il ne s’est tant ne quant remuez ,
Par .1. petit qu’il n’a le cuer crevé.
Guis d’Autefoille est moult mal atornez ;
Au chief de piece a .1. grant plaint gieté.
Andui cuidierent que il éust tonné ,
Les chiés drecierent, s’a l’uns l’autre esgardé; Dont s’apercieurent que il orent jousté.
En piés se drescent, quant il sont respassé.
Li uns a l’autre par ire resgardé ,
Les brans ont trais as acerins trempez ,
Pas contre pas s’en viennent apansé.
Des escus ont lor enarmes doublé ;
Mais au jouster estoient tuit froé.
Guis d’Autefoille a le brant entezé ,
Ferraut feri .1. cop desmesuré,
Et, bien sachiez, durement l’a grevé:
Plus de .11. doies de la char a osté,
66ii-66iA GàYDON. ;
Que lonc le test li a li brans razé ;
Le pan atainst do bon hauberc saffré ,
Plus de .c. mailles en a aval porté.
Por le grant cop a Ferraus chancelé , .
De l’ungenoil s’agenoilla el pré ;
Mais il saut sus, durement s’est hastez,
Si a parlé ainsiz com voz orrez :
« Sainte Marie , roïne de biautez ,
« Deffendez moi par vos saintes bontez « Que je ne soie honis ne vergondez ! «
Et aist Guios : « Desà voz ai tasté.
<f Ainz que voiez le soleil esconssé ,
« Voz aurai si malement confessé « Que voz aurai le chief dou bus sevré.
— Gloz, dist Ferraus , ainz voz aura cousté. « Se .1. petit m’avez ores navré,
« Desci qu’à poi voz iert guerredonné. »
Ferraus ot ire, quant la parole entent ;
De fin air tramble moult durement ,
Bras et espée en contremont estent,
Envers Guion vint àiréement ,
Dou branc le fiert si vigoureusement L’escu li tranche, com .1. rains de sarment, Et aprez l’iaume et la coiffe ausiment :
Plus de .ni. doies la teste li porfent.
Li gloz ganchi ; li brans aval descent ,
Desor la hanche, dedens la char li prent, Grant plainne paume , par le mien ancient ,
Li a copé , si que la piece i pent.
Guis giete .1. brait, car grant angoisse sent; A .11. genouls chai moult durement.
« Gloz , dist Ferraus, de vo fol sairement « Voz "tendrai je loier prochiennement.
202 GAYDON. 668j — 6717
« Honnis doit iestre qui traïson emprent. »
Et dist Guios : « Deu et son sacrement « Renoi je tout, se n’en preing vengement.' » Lors s’entreviennent fort aïréement ,
Commencié ont .1. si fier chaplement Lor escus tranchent qui sont point à argent ; Elme et hauberc sont d’euls trestuit sainglent. L’uns requiert l’autre et menu et souvent, Souvent se fièrent à estoc durement.
Tant ont chaplé entr’euls .11. fierement Que il estoient si las et si suslent Que Ii plus fors affoibloie forment ;
Arrier se traient por .1. poi coillir vent.
Les gardes sont en merveilloz torment ,
Qu’il ne savoient par nés .1. encient D’euls .11. eslire le meillor voirement.
Li traïtor, de lor embuschement,
Les voient bien combatre apertement.
Li baron sont à pié anz en prael ;
N’i a celui n’ait sainglente la pel.
Estoffé sont andui li jovencel,
Puis se meslerent avennament et bel.
Les brans empoingnent, dont d’or sont licoutel, Les escus mettent sor lor chiés moult isnel ,
Puis recommencent le chaple li donzel.
L’uns requiert l’autre , à estoc , an muzel ; •
Des elmes tranchent les fons et maint cercel Des blanches coiffes, dont blanc sont li noel. Ainz de .11. homes, puis le tans Daniel,
Ne vit on mais nul si gringnouz cembel. Chascuns avoit paor dou haterel.
Et dist Ferraus : « Guiot , par saint Marcel ,
« Voz comparroiz ancui vo faus apel.
— Oiez, dist Guis, de cel garson bedel !
« Ancui auraz mis en col le hardel. »
Li baron sont enmi la praerie ;
Souvent requiert l’uns l’autre à Pesauermie, Trenchent ces elmes où li ors reflamoie.
Il n’i a coiffe, tant soit à or sartie,
Qui de lor cops ne soit rompte et tranchie. Des chiés lor cort li sans delez l’oïe,
Touz li plus fors durement affoiblie,
Sans et suors durement les cuivrie.
Arrier se traient sor l’erbe qui verdie Tant que chascuns ait s’alamne coillie.
Guios apelle Ferraut, sel contralie :
« Par Deu , garsons , ta vertus est faillie,
« Vostre face est durement empaillie,
« Trambler te voi de fine coardie ;
« La hars est faite qu’an col auraz lacie.
« Connois le murtre et la laide folie ,
« Ou ja t’aurai la teste réoingnie.
— Gloz , dist Ferraus , la vostre jainglerie « Ne pris je pas la monte d’unne aillie.
« Ansoiz que voies passée la complie ,
« T’averai je Parme dou corps saichie ;
« Car Dex et drois se tient à ma partie,
« Et voz avez tralson et boisdie.
« Vostres lyngnaiges a la mort desservie;
« Par euls est France des barons agastie , v Dou duc Rollant et de sa compaingnie , c Que Ganelons vendi par sa boisdie.
« Li empereres a fait grant desverie ,
« Quant il point croit voz ne vostre lyngnie. « Or, voz gardez ! li miens cuers voz deffie : « De l’un de noz iert ja l’euvre fenie. »
Chascuns a trait le brant d’argent seingnié , Et son escu desus son chef drescié.
Pas contre pas s’en viennent tuit irié ,
Par grant aïr se sont entraprochié.
Guis fiert Ferraut , ne l’a pas espargnié,
Que son escu li a par mi trenchié ,
Et .1. quartier de son elme vergié ,
Et la coiffe a dou hauberc desmaillié ;
J ouste la face est li cops adresciez.
Ferraus guenchi , si abusce dou pié Que par .1. poi qu’il n’est jus trébuchiez. Naynmes le voit, le cuer en ot irié.
« Hé! Dex, dist il, mort l’a ou mehaingnié. » Tuit li pluisor en ont moult grant pitié.
« Garsons , dist Guis , or voz ai essaié ;
« Ainz qu’il soit nuis ne li solaus couchiez ,
« Aurez en col le chaaingnon lacié. »
Ferraus l’entent , tout a le sens changié ;
Seure li cort à loi d’omme enraigié.
Dou branc forbi l’a durement plaié ,
Parmi le chief li a tel cop paié
N’i vault li elmes la monte d’un denier,
La coiffe blanche , un cendel deliié.
Diable l’ont à icel cop aidié ,
Car autrement l’éust à mort traitié.
Et nonporquant durement l’a plaié ;
Au bras senestre l’a si prez mehaingnié Que jusqu’à l’os li est h brans glaciez ,
Et par .1. poi qu’il ne l’a esmomgnié.
Guios chancelle , si s’est agenoilhez.
Ferraus l’ahiert , quant le vit trebuchier ;
De soi l’empoingt , puis l’a à lui saichié ,
Jus à la terre l’a adens envoié ,
Dou chief li a son bon elme ensraigié ;
é7«j— é8i8 GAYDON. 205
Le brant li a an visaige estochié ,
Que par mi outre les ïex li a fichié.
Bien an éust son mautalent vengié,
Le chief dou busli éust réoingnié,
Quant de l’açait se sont tuit desbuschié Li traïtor qui ensamble ont brochié.
Li fel Guimars tint l’escu embracié,
Devant les autres tint l’espié aloingnié ,
A haute vois a à Ferraut nuchié : ;
« Par Deu, Ferraut, vo mort avez chacié;
« Noz n’avons mie si Guiot oubliié. 1
« Je le raplege au fer de mon espié •
« Voz saurez ja comment l’ai aiguisié. »
Ferraus l’oï, si a le chief drescié,
Et vit venir Guimart tout eslaissié.
« Ha ! fel , dist il , toz jors avez trichié, 4
« Maint home avez honni et engingnié; J
<• Mais, se Deu plaist par cui tout est jugié,
« Vos guerredons en estera paiez. »
Ferraus as gardes a doucement proié :
« Seignor, por Deu , or n’i ait mauvaistié !
« De moi aidier ne soiez deshaitié. .
« Se m’i failliez , voz i auriez pechié ;
« Vilainnement voz sera reprochié. ». \
Lors vint Guimars, qui a le fer haucié.
Ferraut l’éust parmi le cors lancié ; 1
Mais il guenchi , si qu’il ne l’a touchié : 1
Encontre terre a son espié froissié.
Les gardes poingnent, que plus n’ont atargié ;
Entor Ferraut se sont tuit arrengié.
Li .c. as mil ont l’estor conmencié.
« A vois! s’escrient, traître renoié,
« Le ban le roi avez fraint et brisié ;
« Voz en seroiz honni et escillié, «
20 6 GaYDON. 6819— 68f,
« Et li ostaige honni et mehaingnié. »
Li traïtor sont à esploit venu,
Les gardes ont en grant destroit tenu ,
Trente en ont mors, Karles dolans en fu.
Tuit sont li .c. à force desrompu;
Ferraut éussent le chief sevré dou bu ,
Quant Bertrans vint , qui iert en bois ramu , Richiers ses freres, sor le baucent quemu. Berars venoit à plain frainc estendu,
Estouls de Lengres n’i a plus arrestu,
Et Girardins n’i a plus atendu.
Etli .11. mil, qui avec sont corru,
Brochent ensamble si ont levé le hu.
Ja iert Ferraus, ce m’est vis, secorrus.
Li traïtor furent tuit esperdu ,
Quant virent ceuls qui dou bois sont issu.
« Voir, dist Guimars, noz sommez decéu,
« Que noz n’avons Ferraut prins et pendu ;
« Mais noz noz fumez trop tart apercéu. »
Ez voz Bertrant apoignant par vertu Sor le cheval qui randonne menu.
Brandist la hanste de l’espié esmolu Et fiert Guimart sor le doré escu ;
Desor la boucle li a fraint et fendu Et le hauberc desmaillié et rompu,
Le fer li passe tout par milieu dou bu ,
Jambes levées l’a à terre abatu.
N’est mie mors, maufé l’ont deffendu;
Bien garira , mais angoisse a éu.
Et Richiers fiert Guinemer le chenu.
Ne li vault arme la monte d’un festu ;
En cors li met le tranchant fer agu ,
Mortl’abati, li auquant l’ont véu.
Digilize
3t>d§îe
68 f a — 6884 GàYDON.
Berars a mort Huon de Tamaru,
Estols a mort Fromont dou gaut foillu ,
Et Viviens, Hatonnel le menbru ;
Niés fu Rigaut et fiz damme Gertru,
Par cui maint mal sont haucié et créu. Girars feri Joibert de Montagu;
Le fer li a si prez dou cuer couzu
Les vainnes rompent, mors est en .1. palu.
Chascuns i fiert qui i est avenuz.
Tant ont entr’euls le chaple maintenu Qu’il ont Ferraut son bon cheval rendu.
Li beri monte, l’estrier li ont tenu.
Guiot avoient remonté li sien dru.
Grans fu l’estors enmi le pré herbu.
Li traïtor ont le cri entendu ,
Plus de .xxm. s’en sont lors fervestu;
Es chevax montent , de mal faire irascu. Ainz que l’estors soit dou point remainsuz , I aura moult et jousté et féru.
Des tentes issent li traïtor félon.
Berangers broche, et Forques, et Sansons, Li fel Hardrez, Amboyns et Milons,
Et Auloris, qui ot béu puisons Qui de son bras li donna garison.
Alor enseingnes sont bien .xm. glouton ; En haut s’escrient : « N’i garirez, garson; « Tuit serez prins et mené en prison.
« Pendu serez por vo grant traïson ,
« Qui embuschié estiiez à larron.
« Ferraus aura an col le chaaingnon,
« Qui se devoit combatre à Guion ;
« Mais Guis l’éust ocis, bien le set on. » Respont Ferraus : « Voz ditez mesproison
« Mauvaisement fist vostre champions.
<c Jamais sa bouche ne menjast de poisson,
« Bien le poez demander à Haton,
« Et à Guimart , qui voz fist tel frison ,
« Qui a jousté à nostre compaingnon.
« Encor i pert : el cors a le penonj « Demandez lui s’il garira ou non! »
Sor une coûte le couchent d’auqueton ,
Car à malaise se gist li loiaus hon.
Il vaulsist mieus pendus par le chaon,
Delez son frere , le conte Ganelon,
Qui les .xxm. vendit Marsillion.
Auloris a la parole escoutée ;
De son escu a l’enarme doublée.
Ferraus li vint toute une randonnée;
Escu et lance ot li ber recouvrée.
Li uns vers l’autre s’en vint teste levée ;
Desoz les elmes orent chiere menbrée.
Grans cops se fièrent par ire deffaée.
Lances ont fors, de fraisne, bien planées .
Soz le menton est chascune enferrée.
Andui s’abatent envers enz an la prée ;
En piés resaillent, n’i ont fait arestée.
Ja i fust d’euls moult dure la meslée ,
Quant de .h. pars poingnent de randonnée ;
Des .11. vassaus ont fait la dessevrée.
Chascuns remonte en la selle dorée.
Bertrans feri Rainfroi de la Valée ;
Arme qu’il ait li ont poi de durée ;
Fer et penon parmi le cors li guée.
Richiers ocist Henri de Pierrelée,
Mort Pabati ; l’arme s’en est alée.
Berars a mort Galerant gorge enflée ,
69*8— 66ji GaYDON. 20Ç)
Et Viviens , Garin le fil Gondrée ,
Girars, Humbautà la teste meslée,
. I . traïtor qui ot male pansée ,
Qui sa mere ot par poisons enherbée,
Sa famé avoit murtrie et estrainglée,
Por ce qu’elle iert en Deu servir voée.
Grans fu l’estors, li cris et la huiée ,
Mais cil dedens ont la force doutée ;
Restraint se sont au pié d’unne valée.
Bertrans s’escrie à moult grant alenée :
« Or, dou ferir, franche gent honorée !
« Car qui fuira , c’est bien chose prouvée,
« Joie a’ammors li doit iestre véée. »
Et dist Estolz , cui li ferirs agrée :
« Tex sermonners ait bonne destinnée ! »
Atant brochierent, si lievent la huiée.
Mais Auloris a sa gent aünée ;
Sore lor corrent au travers d’unne prée.
Là a Bertrans moult grant painne endurée.
« Dex , dist Bertrans , sainte vertus nommée ,
« Çpm li dus Gaydes fait longue demorée !
« S’il auques targe , c’est la moie pensée « Jamais la perde n’estera restorée. »
Gaydes li dus a la noise escoutée ,
D’Angiers s’en ist, s’a sa gent ordonnée,
Sa baniere a au vent desvolepée.
Tel .xxx.m ont la porte passée,
Ainz qu’il retoment ne que soit l’avesprée.
I aura il mainte teste copée ,
Dont mainte damme seraVesve clanmée.
Mainte pucelle, de haut paraige née,
En remainst puis orpheninne clamée ,
Qui ne pot iestre onques puis mariée.
Par gent traître, de mal enlumminée,
Est mainte terre destruite et desertée.
Gaydes li dus a ses conrois partis ;
Forment se haste , ne s’est mie alentis.
Serré chevauchent les galopiaus petis,
Car Bertrant ont traïtor assailli,
Richier, son frere , et Girart de Nouis,
Estolt de Lengres et Berart le hardi ,
Et Vivien d’Aygremont le gentil.
Ferraus estoit abatus an larris.
Ja les éussent li traïtor ocis,
Quant Gaydes broche et l’anfes Savaris,
Et Amaufrois, Riolz et Thyorins,
Rispeus de Nantes, qu’est vaillans et hardis, Morans et Hugues, sor les chevax de pris.
Li vavassors Gautiers, 0 ses .111. filz,
En lor conrois se sont aprez euls mis ;
Les lances baissent as penons de samis ,
Les traïtors ont durement requis.
Et Gaydes broche, fiert Amaugis el vis ,
L’escu li fent, l’auberc li dessarti,
Fer et penon li mist parmi le piz ,
Mort l’abati, en poi d’eure est ocis.
Amaufrois a Rombaut si entreprins Que anz an cors li a son espié mis ;
Mort l’abati enmi le pré flori.
Savaris l’anfes a. mort Heudré d’Alis ;
Bien feri Hugues et Morans, ce m’est vis ;
Riolz li viex ne s'est asséouris ,
Ne Thyorins , ne Rispeus li floris.
Des lances fu moult grans li feréiz.
« Valye ! » escrie li dus , bien fu ois.
Bertrans l’entent , moult s’en est esjoïs:
Secorrus iert sans faire Ions detris.
Wi— 7017 Gàydon.
Li vavassors Gautiers s’est acoillis ;
Ses fiz escrie : « Or, ne soiez failli;
« Se bien nel faitez , par foi le voz plevis,
« Ancui serez au mengier mal assiz :
« Dou lait aurez qui ert sans [ b hues] boillis « Ja d’autre mes n’iert vos ventres farsiz. ’ « Se bien le faitez , par Deu de paradis,
« Assez aurez de moutons , de brebis ,
« Pois et fromaige, bien iert chascuns servis • « C’en proierai vostre mere Aelis. »
Quant li baron ont entendu ses dis ,
Durement rient soz les elmes burnis.
Li vavassors a ses fiuls escriez :
« Or sà, mi fil, de bien faire pensez ;
« Se bien le faitez, très bien servi serez ,
<c Ou se ce non , voz en jéunerez. »
Et cil ont dit : « Mar voz esmaierez :
« Noz voz sieurrons quel part que voz irezv Aiderons voz , se mestier en avez. »
Et dist li peres : « Je m’en vois, or movez. » Le cheval point, en l’estor est entrez,
Prent sa masue, mains cops en a donnez.
Cui il atamt moult est mal assenez;
Mar querra mire por iestre resanez.
Fiert Hardoyn, qui d’Autefoille est nés, Couzm Guiot , de grant terre est fievez; L'iaume li fant, qui d’or est noelez,
Trosques en pis h a les os froez.
Thiebaut ocist et Hermenfroi dou Mez,
Plus de .xini. en a escervelez.
Vit les anfans liiez et atrapez ;
Il vint à euls , les liiens a ostez ,
Des traïtors les a touz délivrez.
7oi 8 — 7°î°
Plus d’un arpant les a batant menez Les traïtors, moult les a malmenez.
Vint as anfans , quant les ot délivrez ;
Si fil lor ont les chevax amenez.
Bertrans remonte , et chascuns est montez.
Et dist Bertrans : « Biaus rois de majestez ,
« Hui en cest jor cest home noz gardez !
« De grant péril noz a or délivrez ;
« Dex le garisse par ses saintes bontez ! » Auloris a ses homes apellez.
« Seignor, dist il, cist vilains est desvez.
« Autre foie noz a il moult grevez ;
« En val de Glaye fui par lui atrapez.
« Les .il. neveusGaydon que là véez,
« Avoie je si au desouz tornez,
« Et bien .vnxx. de lor meillors privez « Touz les éusse mors et emprisonnez ,
« Quant cil vilains i vint touz forsenez ,
« A tout .vu. fiz laidement atomez.
« Là ot il tant de mes homes tuez ,
« Dont moult gransdiaus m’en est an cuer entrez ; « Mais de ses fiz i out .nu. tuez.
« Vez ent là .ni. qui le sievent au lez,
<c A ces grans haches , qui les fers ont si lez ;
« Corrons lor sus environ , de touz lez.
« Se il sont prins, tantost les ociez ;
« Se longues vivent , touz sui déshéritez. »
Li traïtor, cui Jhesus maléie,
Vinrent poingnant trestuit à une hie.
Bien sont .xxm. en une compaingnie,
Et touz jors vint lor force et lor aïe.
Voient Gautier qui la presse a partie ,
Et ses .ni. fiuls qui fièrent à grant hie ;
70 J i — 7°84 GaYDON. 2 1$
Contre lor cops n’a mestier esquermie.
Voit le Auloriz , touz li sans li fremie ;
Ja lor fera une fiere anvaie;
Sa gent assamble , à haute vois escrie :
« Or au vilain ! n’en portera la vie. »
Et dist Gautiers : « Par Deu , le fil Marie ,
« Cil est vilains qui fait la vilonnie.
«Je n’amai onques traïson ne boisdie,
«Ne sor autrui n’oi onques nulle anvie,
« Ainz ai vescu de ma gaaingnerie ;
« Mais on set bien qu’en voz est felonnie.
« Touz jors as fait et feras tricherie ,
« La hart avez grant pies’a desservie ;
« De par Gaydon li miens cors te deffie. »
Le cheval point , des espérons l’aigrie ,
A .il. mains a sa massue haucie ,
A euls se fiert à plain cop d’esquermie.
Fiert Bancelin grant cop delez l’oïe;
Ne li vaut arme une pome porrie;
Le test li fent et les os li esmie.
S’unne perriere l’éust aconsievie ,
N’éust il pas la teste plus croissie.
Puis a ocis Guiot de Rochepie ,
Et Galerant et Joibert de Norbrie.
Voit le Auloris, à poi qu’il ne marvie.
« Par foi , dist il , je voi grant desverie « De cel vilain cui li cors Deu maudie ,
« Qui ainsiz a ma gent estoutoïe. »
Le cheval broche, s’a la lance empoingnie,
Et fiert Gautier sor l’escu qui flambie,
Que il li perce ; mais la broingne treslie Est si serrée maille n’en est mal mise.
Sa lance froisse, toute l’a pesoïe.
Gautiers se tint , ne verse ne ne plie ;
De marnaient touz li cors li fremie ;
Sa mace encharge, aval l’a deschargie.
Voit le Auloris, paor a de sa vie;
Ne l’atendist por tout l’or de Pavie :
Atant s’en vait , moult sot de renardie.
L’arson derrière de la selle entaillie Atainst Gautiers par si grant arrammie Qu’il l’a froé si comme une ais porrie,
Et au cheval a la crope froisie ;
Mort l’abati enmi la praerie.
Mais or oiez con faite diablie,
Car sa masue est très par mi brisie.
« Las! dist Gautiers, bien voi que Dex m’oublie, « Quant au besoing ma massue est faillie. »
Li traïtor li font une envaïe ;
Desor lui ont la grant presse partie.
Si .ni. fil ont fait grant charpenterie ;
Jouste lor pere, lez une roche antie,
Se trait chascuns, s’a la hache empoingnie.
Cil les assaillent oui font grant huerie;
La noise lieve et l’os est estormie. :
Li empereres a la nouvelle oie.
« Baron , dist il , or monte la folie.
« Or tost, as armes! que, par saint Yzaye ,
« Se je Gaydon puis maître en ma baillie ,
« Mis estera en telle enfermerie ,
« Dont ja n’istra par hom qui soit en vie,
« Ainz i aura la teste si florie « Com est ma barbe qui au pis me ballie. »
A ces paroles a la bromgne vestie.
Li baron s’arment , que nus ne s’i detrie ,
Puis sont monté, si ont lor gent rangie ;
Serré chevauchent comme gent enseingnie.
Gaydes revint , l’enseigne desploïe.
7HJ— 7* J * GaYDON. 21S
Ensamble o lui vint sa bachelerie ,
Quituit desirrent pris de chevalerie.
De lor d’Arrabe la terre reflambie.
Ansoiz que soit passée la complie,
Iert mainte terre de seignor desgarnie.
Grans fil li cris quant vint à Passambler ;
Là oïst on enseingnes escrier
Et sor les elmes les brans nus resonner,
Si qu’il en font le feu estanceler.
Là véist on maint escu estroer,
Haubers desrompre, lances en trox voler,
Maint chevalier chéoir et adenter,
Que la mort fait iluecques afiner.
Dex ! quel dolor que tant bon bacheler
Convint cel jor mcrir et devier
Par [cle linaige que Dieux ne pot amer.]
Gaydes li dus lait le cheval aler,
Sor son escu ala ferir Guimer,
I. traïtor, fiz fu au duc Fromer Qui tint en fief le chastel de Biaucler.
Le jor devant l’ot on fait adouber ;
Armes ot bonnes , bien les sai deviser :
Escu d’azur, d’argent l’ot fait frazer,
A .1. lyon de goules souzlever;
Tout autressi fu sa cote à armer.
Gaydes li va sor son escu donner,
L’escu li fent, l’auberc li fait fausser,
Parmi le cors li fait le fer passer.
Li dus l’empoint , si le fait jus verser , S’enseingne escrie, ne s’i volt pas celer ;
Puis si a dit : « Bien devroie desver,
« Quant l’empereres me weult déshériter,
« Por le lyngnaige que Dex puist vergonder,
« Qui France ont fait en tel dolor entrer.
« De son neveu li déust bien membrer,
« Et d’Olivier qui tant fist à loer,
« Des .xii. pers que tant devoit amer,
« Qu’en Ronscevaus vi à dolor finer,
« Et les .xxm. qu’il dévoient garder,
« Que Ganelons vendi au roi Escler.
« Onques li rois n’ot chevalier ne per « Qui Ganelon en volsist apeller,
« Quant je alai mon gaige présenter « Vers Pynabel, qui le voloit tenser.
« Dex et li drois me fist le glouz mater ;
« Puis fist Ganon as forches encroer « Vilainnement, par le cors saint Orner. »
Quant Karles l’oit, si prinst à souzpirer; L’aigue dou cuer prinst as iex à monter ,
Aval la face li prinst à degouter.
« Hé ! Dex , dist Karles, qui tout as à sauver,
« Car me donnez en tel maniéré ouvrer v Que je me puisse à cel duc acorder,
« C’on ne m’en puist vilainnement blasmer;
« Car à grant tort ving sa terre gaster,
« Dont je faz moult voirement à blasmer. »
Grans fu l’estors devant nonne et aprez. Bertrans lait corre, qui estoit moult engrez , Richiers ses fferes, et Estoulz qu’est aprez,
De Montdisdier Berars, et Alygrés,
Cil de Venis, Girars s’est avant traiz ,
Et Viviens qui tint l’espié ahiers ,
Ferraus li preus, qui n’est mie mauvais,
Et Amaufrois à l’escu de cyprès.
Tuit cil se fièrent enz traïtors cuivers ,
Grans cops i fièrent d’estoc et de travers;
7 1 8 j — 7216 GaYDON.
Contre l’acier ne puet durer li fers.
Là véist on tant penons blois et pers ;
Des traïtors i chaï mains envers ;
Muerent et braient, permis lor est anfers.
Li vavassors a tant de cops souffers Qu’il ot les os dolirouz et les ners ;
Se Dex n’en pense, ce tesmoingne li vers , Ocis sera à torment moult disvers.
Li vavassors Gautiers forment se doute.
Car sa masue li est brisie toute ;
La piece en tient , forment empoint et boute. Et Auloris li saut 0 sa gent toute.
« Avois ! escrie, moult est vo vie courte ! »
Oit le Gautiers, li cuers li hauce et monte ;
A bien deffendre a mis sa force toute ,
Si que d’ahan touz li cors li degoute De grant suor, si qu’à painnes voit goûte.
De son tronson .i.traïtor affronte;
Touz mors chaï par delez une croûte.
Autressi fait corn s’il ne véist goûte ;
A la montrait, n’a pooir qu’il souzgloute.
« Voir, dist Gautiers, mauvaise gens estoute,
« Cil donne trives le blanc pain et la crouste,
« Car dou cervel li ai brisié la crouste.
« Fil à putain, je ne sai rien de [£jouste],
« Mais à .11. mains ferir en la grant route. »
Li vavassors tint le tronson estraint ;
Mal est venus cui il bien en ataint.
Si fil i fièrent, qui en ocient maint;
D’aidier lorpere n’est nus d’euls qui s’en faint. Gautiers les voit, boute, fiert et empoint.
Puis s’escria : « Par Deu , qui là suz maint ,
2 1 B GaYDON. 7*17—7:249
« Se je eschape, encor en morront maint « Des traïtors, se par pais ne remaint.
« Karles est sos, qui que saige le claimt ,
« Quant il a cuer de quoi traïtor aint.»
Auloris l’oit, de duel fremist et taint,
Sa gent escrie, si ont Gautier ataint.
Lancent et fièrent , son escu li ont fraint, Durement l’ont navré desoz le ceint,
Abatu l’ont ; moult durement se plaint.
Desor lui saillent , à poi ne l’ont estaint ,
Les mains li lient, durement l’ont estraint, Commandé ont que on au tref l’enmaint.
Quant li fil voient que lor pere ont estraint ,
Por lui secorre sont celle part empaingt ;
Mais il ne pueent, car force les sorvamt.
Or en penst Dex et sa mere et si saint !
Prins ont Gautier li traïtor puslent;
Les mains li ont loïes durement ,
Au tref l’enmainnent tost et delivrement. Emprisonner l’ont fait vilainnement.'
Si fil en mainnent moult grant dolousement :
« Hé! Gaydes, sire, or noz va malement ;
« Perdu avons à cest tomoiement « Nostre chier pere, qui noz amoit forment.
« Hui li avez aidié trop povrement. »
Gaydes fu loing, nés entendi noient,
Car vers Karlon tenoit le grant content.
Ja fuissent prins li frere à grant tonnent ,
Quant vint Bertrans entre lui et sa gent.
Richiers ses freres venoit premièrement,
L’espée ou poing, qui tranche durement.
Berars le sieult tost et delivrement Sor le vairon qui grans saus li porprent.
73JO — 7*8) Gaydon. 3IÇ)
Estouls de Lengres sor le morel destent,
Et de Nouis Girars, qui plus n’atent.
Et d’Aygremont Viviens au cors gent.
Et Amaufrois vint armez gentement ,
Et Savaris qui escrie souvent :
« Ferez , baron , por Deu omnipotent !
« Que cil glouton , cui licors Deu cravent,
« Ne puissent dire qu’en cestui chaplement * « Aient dou nostre sans achater noient.
« Par Deu ! en moi ont il félon parent.
« S’un en puis panre, par cel Deu qui ne ment, « Je le ferai morir vilainnement.
« Ha! traïtor, li cors Deu voz cravent 1 « Se voz estiés mené par jugement ,
« Voz seriez ja, certez, pendu au vent.
« Si m’ait Dex , l’empereres mesprent « Quant en sa cort tant ne quant voz consent.
« Bien puet savoir, se Dex ne l’en deffent ,
« Que par vos mains morra prochiennement,
« Ni déust pas avoir affiement « En nul de voz, se li cors Deu m’ament,
« Puis que Thiebaus envoia le présent « Dont il reta Gaydon vilainnement.
« Mais Dex et drois le sauva voirement :
« Thiebaus en fu pendus et encor pent.
« Autel loier voz doinst Dex temprement !
« Si fera il , se loiautez ne ment. »
Auloris l’oit , moult ot le cuer dolent ; S’enseingne escrie à sa vois hautement.
De .11. parties vinrent iriéement.
Estouls de Lengres fiert Joibert de Clervent,
Et Richiers fiert Robert de Saint Florent,
Et Viviens, Hue de Bonivent.
Berars feri Ragon de Montayglent.
Reniers et Miles i viennent vistement ;
L’uns fiert Roger, et li autres Cliraent ;
Cil ont receu dolirouz paiement.
Li nief Gaydon vont ferant malement ,
A celle empointe en trebuchierent .c.
N’i a celui qui n’ait le cors sainglent.
Les fiz Gautier ont trais à sauvement.
Voit le Auloris, à poi d’ire ne fent;
Hardré apelle, se li dist coiement :
« Cil soudoier noz mainnent malement ;
« Ne sai d’ont Gayde vient tex enforcement.
« Il noz convient faire tout autrement :
« Se traisons nel m’enseingne et aprent ,
« J a de Gaydon n’averons vengement. »
Et dist Hararez : « Bien le voil et consent ;
« Noz ne serons ja si legierement « Vengié de lui comme traïtrement. »
Ja lor tomaissent les dos vilainnement ,
Quant l’empereres i vint iriéement ,
Tfiierris et Naynmes, qui servent loiaument,
Li dus Richars, à cui Ruem apent,
Qui por Gaydon ploroit moult tenrement ;
Ses parens est, si s’en doutoit forment.
Les gens le roi viennent si durement Corn li grezils qui des nues descent.
Gaydes revient d’autre part fierement Sor son destrier, armez moult richement.
Riolz venoit moult acesméement ,
Morans et Hugues, qu’ont escus à argent,
A .11. lyons ouvrez diversement.
Guis de Biaufort revint avenamment ,
Rispeus de Nantes, qui moult fiert noblement. Là commencierent .!. tel assamblement Dont tant preudons i fist definement ,
73 18 — 73 jo G A Y DO N. 221
Dont mainte damme fu vesve longuement ,
Et si en orent moult grant dolousement.
Devant Angiers otmerveilloz estor; v ■
Percié i ot maint escu point à flor,
Et abatu maint vaillant poingnéor.
A lor enseingnes s’alient li pluisor.
Gaydes li dus broche le missoudor,
Brandist la lance, qui fu faite d’aubor,
Et fiert Guimart, le cuivert traïtor;
L’escu li perce, qui fu à or coulor,
L’auberc li fausse comme chape à pastor.
Li glouz guenchi , qui ot de mort paor,
Car autrement ne menjast jamais jor.
Et nonporquant le fiert par tel vigor . - - Jambes levées l’abat enmi les lor. <
Et de cel poindre fiert le fil sa seror ;
Ainz d’armes milles n’ot garant ne trestor;
Parmi le cors li passe l’oriflor ,
Mort l’abati , que le virent plusor.
Sa lance brise, et li dus fait son tor ;
En l’estor est repairiez à baudor.
Trait Hauteclere qui giete grant luor,
Que li donna Oliviers par amors 1
En Ronscevax, quant morut à dolor.
Escuiers fu Rollant à icel jor; \
Dont l’apelloient Thierri grant et menor;
Mais por .1. gay, ce dient li auctor,
Qui sor son elme s’assist sans nul trestor,
Quant on l’arma por aler en l’estor Vers Pynabel, le félon traïtor,
Très puis cel tans, n’en soiez en error,
L’apell’on Gayde, li duc et li contor. V
Li dus se fiert en l’estor par vigor,
7ïf * — 71»?
Fiert Goudoyn, cuivert traïtor,
Desci enz dens mait le brant de coulor , Mort l’abati el pré sor la verdor.
Puis a ocis Dayn , le robéor,
Bemart de Hui et Aurri de Lambor;
.1111. en a mort devant l’emperéor,
Puis s’escria à clere vois hautor :
« Forment me poise, par Deu le criator,
« Que pais ne puis avoir à mon seignor,
« Car volentiers revenisse à s’amor,
« Mais qu’enchacié fuissent li traïtor. » Quant Karles l’oit, s’en ot ire etardor;
Sa gent assamble delez un quarrefor.
Dès or puet Gaydes tomoier à folor,
Car Karlemaines avoit force greingnor.
Quant le voit Gaydes, n’ot mie grant fréor ; Mais il voit bien que s’il fait lonc sejor,
Que de Pestor n’aura pas le meillor.
Très bien s’en puet repairier à s’onnor;
Lors sonne .1. cor, si se mist au retor.
Dient si home : « Dex, con fait conduisor ! »
Gaydes li dus se mist au repairier, Ferraut lez lui , et Berart et Renier.
Estouls et Miles, Amaufrois et Richiers, Bertrans li preus, Savaris au vis fier,
Et Viviens, et Girars li guerriers,
S’en repairierent por lor gent convoier.
Et l’empereres se painne dou brochier.
Souvent trestornent li nouvel chevalier,
Qui se penoient de lor pris essaucier.
Cil se penoient forment de l’anchaucier.
Le cheval point Berars de Mondisdier ;
En son escu va ferir Manesier,
Qui Rochepure avoit à justicier ;
Niés fu Hardré, Aulori et Rahier.
Parmi le cors li mist le fer d’acier;
Il l’a empoint , mort l’a fait trebuchier.
Que onques n’ot loisir de baaillier.
Et dist Berars : « Trop voz poez coitier;
« Trop tost venez l’estor recommencier. »
Giete la main, si a prins le destrier,
Car à son oste le voldra envoier.
Mais Auloris li voldra chalongier,
Qui moult se painne de son neveu vengier.
Qui li véist sa lance paumoier,
Son fort escu devant son pis saichier !
S’il fust loiaus, moult féist à prisier,
Car de sa main est moult bons chevaliers.
Le cheval point des espérons d’ormier,
Sor son escu ala ferir Gautier ;
Couzins germains fu Morant de Rivier. ?'
Les ais en fait desrompre et depecier,
Parmi le cors li fist le fer glacier,
Mortl’abatit, puis commence à huchier :
« Par mon chief, Gaydes , s’as mains voz puis « Je voz ferai laidement escillier. [baillier,
« J a vos donjons, qui siet sor le rochier,
« Ne voz aura encontre moi mestier:
« Vos murs ferai abatre et depecier, * 1
« Devant vo porte voz ferai encroier,
« Pendus serez lez le vilain Gautier. »
Gaydes Tentent, n’ot en lui qu’aïrier;
Vers lui guenchi Clinevent le corsier,
Qui plus tost cort que ne vole esperviers ; \
Brandist la hanste , qui estoit de pommier ,
Fiert Aulori en l’escu de quartier Desor la boucle , li fait fendre et percier :
Faussé li a son bon hauberc doublier,
Mais en la char ne le pot empirier;
Selonc le flanc li fait le fer glacier.
Li fers feri en la char par derrier.
Si fort l’empoint li dus à l’approchier Que il l’abat devant lui an sentier;
Sor lui s’arreste et prent à abaissier,
Puis li a dit : « Se gel puis esploitier,
« Voz en venrez avec moi prisonniers « En la prison, o le danois Ogier.
« De vo service aurez vostre loier ;
« Je voz ferai as forches balloier.
« Home traître doit on ainsiz paier. »
Hardrez le voit , s’apella Berangier,
Et Grifonnet, Amboyn et Fouchier,
Sanson et Hugue et Guion et Gautier :
« Or, dou secorre , por le cors saint Ligier !
« Se noz cel duc poons deschevauchier,
« Noz li ferons la teste réoingnier.
« Se Karlemaines le tenoit prisonnier,
« Tost le feroient si ami amaisnier,
« Si noz feroient honnir et vergoingnier. »
Et cil respondent : « Pensez de l’anchaucier ! » Chascuns s’en va .1. graisle manoier ;
Lor gent on fait ensamble raliier.
Ensamble poingnent plus de .1111. milier,
Qui tuit desirrent le auc à detranchier. Environné l’ont devant et derrier ;
Auloriet li convint il laissier.
J a le préissent li cuivert losengier,
Quant si neveu li sont venu aidier,
L’anfes Bertrans et ses freres Richiers.
Karles li rois i vint et si princier,
Thierris d’Ardenne et Naynmes de Baiviers.
Là véist on mainte selle wisdier,
Et maint baron à la mort baaillier.
Gaydes fust prins , n’i éust recouvrier,
Et avec lui maint jone chevalier,
Quant de la porte sont issu li archier,
Et li garson et li aubalestrier.
Quarriaus, saietes prennent à descochier ;
Plus dru voloient que grezils en février.
Les gens Karlon font arrier esloingnier,
Mien ancient, le trait à un archier.
Le retrait sonne Gaydes sans atargier-,
Puis sont entré en la cité d’Angiers Il et si home, sans point de delaier;
Dou champ partirent , car prez est d’anuitier. De .11. parties se resont trait arrier;
Maint vassal laissent jesir mort estraier,
Car ainsiz va qui mainne tel mestier :
Souvent i pert qui cuide gaaingnier.
Dedens Angiers s’en est Gaydes entrez,
Et li barnaiges dont il i ot assez ;
En palais montent touz les amples degrez.
Mais por Gautier fut grans li diaus menez ;
Si fil en plorent , lor chevox ont tyrez ;
Cuident qu’il soit ocis et afolez.
Et dist Riolz ; « Or ne voz desmentez ;
« Ja por duel faire riens n’i gaaingnerez.
« Cil qui duel fait, c’est fine veritez,
« Fait esjoïr ses anemis mortex.
« Laissiez le duel , si voz reconfortez ,
« Car, se Deu plaist, moult partans le raurez. — Dex, dist Bertrans, biax rois de majestez,
« Rendez le noz, s’il voz plaist, en santez,
« Car hui noz a de grant péril gietez!
Gaydon 1 j
748j — 7Si«
— Voir, dist Estoulz, voz ditez veritez.
« Cui il feroit moult estoit affrontez ,
« Ainsiz corn fust d’un trebuchet tuez. »
Atant le laissent, si s’assist li bamez,
Car li soupers estoit touz aprestez.
Et Ferrausfu d’un mire resgardez;
Ses plaies tante, car moult estoit navrez,
Bien l’apareille, bien fu estroit bendez;
De ses amis fu souvent acolez.
« Biax niés, dist Gaydes , moult fui por voz irez « Quant prins i fustez, à poi ne fui desve2;
« Mais, quant voz ai, mes diaus est oubliez.
« Or iert Gautiers por Ogier rachatez, v Et s’il l’ocient , Ogiers iert encroez.
« J a por lingnaige n’estera restoré;
« Car, quant vers Karle fui à tort encorpez ,
« Ainz ne m’osa replegier, c’est vertez.
« Dehais ait hom qui ses amis charnez « Faut au besoing, bien doit iestre huiez! »
Et dist Ferraus : « Biax oncles , or soupez,
« Ces jovenciaus compaingnie portez ;
« Aprez souper voz dirai mon panser.
« — Niés, dist li dus , si corn voz commandez,
« Servi seront tout à lor volentez,
« Vin et viandes auront tout à lor grez. »
Dou luminaire fu grande la clartez.
Quant ont soupé, si est Ferraus levez ;
Dist à Gaydon : « Biax oncles, entendez.
« En la cort Karle fui de murtre apellez,
« Ostaigiez fui de .11. princes chasez :
« L’uns fu Renaus d’Aubespin li membrez ,
« Et l’autres fu dus Naynmes li barbez.
« Cil m’aplegierent desor lor heritez « Qu’au jor seroie devant Karlon menez,
75 »9 — 75 5* G AYDON.
« Por moi defïendre de ce dont fui retez.
« Très bien me fui envers Guion provez ,
« Car Dex et drois estoit mes avoez.
« Voz savez bien com ii plus est alez.
« Por Deu voz proi qu’Ogier au roi rendez ,
« Ou, se ce non , par Deu de majestez,
« Je m’en irai as loges et as très « Tant que j’aurai mes ostaiges cuitez ;
« Car miex voil iestre .n. ans enchaainnez « Que par moi fuissent li ostaige encombré.
— Biaus niés, dist Gaydes, anuit mais vozsouffrez,
« Et le matin le Danois i rendez ;
« Car ne voldroie , por l’or de .x. citez,
« Que voz fuissiez mais de moi dessevrez. » i
Dist Ferraus : « Sire, Dex voz en saiche grez;
« Car en la fin , ce dist l’autoritez ,
« Vient au desuz cil qui fait loiautez. » ;
D’euls voz lairai, de Karlemaine orrez, ?
Qui à ses tentes s’en estoit retornez , n '
Et à lor très li siens autres barnez.
Les armes ostent , ez les voz desarmez.
Karles li rois est des conrois enflez ,
Si que il samble iestre touz forsenez,
Tout por Ferraut qui li est eschapez.
Dont fut dus Naynmes et Renaus apellez.
« Seignor, dist Karles, Ferraut me ramenez,
« Ou le Danois qui est emprisonnez.
« Se l’un d’euls .n. aparmain ne rendez ,
« Par mes grenons dont li poils est meslez ,
« Terres ne fiés de moi plus ne tenrez,
« Et en prison ambedui esterez, ,
« Et, s’on le juge, chascuns iert desmembrez. »
Dist Renaus « Sire , en respit le metez ,
« Trosqu’à demain que le voir en saurez :
228 GaYDON. 75H—
« Dont porrez dire tout ce que voz voldrez. » Dist Karlemaines : « Ja si n’en gaberez ;
« Par saint Denis , quant voz m’eschaperez ,
« Au départir porfol ne me tenrez.
— Drois empereres, ce li a dit Hardrez ,
« Se droit noz faitez , voz les escillerez.
— Vassaus, dist Naynmes, or voz amesurez;
« Vo felonnie mie ne descouvrez.
« Je ne cuit mie qu’encor soit li hom nés « Qui noz volsist si avoir atornez.
« Qui voz croiroit , fel traîtres prouvez ,
« Tost aurait fait grandes desloiautez. »
Li dus s’escorce , si est avant alez ,
Hauce son poing qui est gros et quarrez.
Grant cop li donne dus Naynmes sor le nés ,
Si que li sans en est aval coulez.
As piés le roi chaï touz enversez ,
Et aprez crie ; « Baron , or i ferez !
« Quant batus sui moult par sui avillez. »
Auloris l’oit, si est avant alez,
Et Berangers, Macaires et Hardrez,
Et Amboyns , Sansons et Forquerez ,
Et Grifonnés , Miles et Yzorez,
Guis d’Autefoille, Hanris li bocerez,
Rigaus li fel, Bernars dou Sausoi nés.
Tuit cil s’escrient : « Naynmes, n’i durrerez! »> Ja fust li dus malement atyrez ,
Quant Hoedes saut et Thierris l’alozez Hue à la barbe, Guerris li adurez,
Hoedes de Lengres, Richiers et Guinemers ,
Et li dus Sanses, qui de Valence est nés.
J a i éust mains ruistes cops donnez,
Quant l’empereres s’est en haut escriez :
“ Par saint Denis , mar voz remouverez ;
22Çf
« Qui se mouvra , au vent iert encroez. »
Ainz puis cel mot ne s’est nus remuez,
« Naynmes, dist Karles, o moi demorrerez,
« Renaus 0 voz, en prison esterez. »
Dist Naynmes : « Sire , vostre plaisir ferez.
« Legierement certez noz garderez.
— Thierri d’Ardenne, dist Karles, sà venez :
« Ces .h. vassax anuit noz garderez,
« Et le matin les me renvoierez. »
Dist Thierris : « Sire, si com voz commandez.» O soi les mainne, moult les a honorez.
Et l'empereres est moult dolans remez.
Li traïtor s’en revont à lor très ;
De fin argent ont .11. murlés trorsez,
Karlon l’envoient : moult lor en sot bons grez , Moult par les tient por drus et por privez.
Li empereres fist panre le présent ;
Convoitouz est , moult volentiers le prent.
Dist au messaige : «< Amis, alezvoz ent,
« Voz seignors ditez, .vc. mercis lor rent.
« Guerredonné lor sera bonnement :
« S’il me requièrent , je les orrai briement. >»
Et cil s’en vont arriéré isnellement ;
As traïtors ont conté l’errement ,
Que l’empereres, qui a prins lor argent ,
Lor aidera se nus vers euls se ptent.
Dist Auloris : « Se je puis temprement ,
« Seront cil don vendu moult chierement.
« Or escoutez, je voz dirai comment :
« Le matinnet, devant l’ajornement,
« Panrons Gautier, qui tant m’a fait dolant,
« En cel broillet l’enmenrons coiement,
« A unes forches le pendrons erramment ,
2J0 GAYDON. 7620 — 7ép
« Ainz que le saicheii rois ne l’autre gent.
« Quant li dus Gaydes le verra pendre au vent , « Ogier fera morir vilainnement,
« Car Gautier ainme desmesuréement.
« Et s’Ogiers iert mis à escillement ,
« Li empereres , par nostre atissement ,
« Panra de Naynme autretel vengement,
« Et de Renaut d’Aubespin ausiment ;
« Car noz Ferraut requerrons vistement,
« Comme murtrier moult très crueulsement :
« Ainsiz porrons maitre France en torment. » Dist Amboyns ; « Dex , quel conseillement !
« Jhesus de gloire noz sauve tel parent ! »
Li traïtor ont lor conseil donné ,
Et li baron ont parmi l’ost soupé.
Li empereres ot moult le cuer iré ;
Naynme menace et Renaut le membré.
Et dist qu’il ierent en tel prison gieté Dont ja n’istront en trestout lor aé,
S’il n’a Ferraut tout à sa volenté ,
Ou le Danois fors de prison cuité ;
Et il en a saint Denise juré.
.1. gars mauvais, qui tout a escouté,
As traïtors a tout dit et conté.
Quant il l’entendent , grant joie en ont mené , Car bien cuidoient esploitier à lor gré.
Par l’ost se sont li baron reposé.
Car de l’estor estoient moult lassé.
Li traïtor ne se sont oublié ;
Si matinnet corn il fu ajorné ,
Ont prins Gautier, les poins li ont noé Derrier le dos, et puis les iex bandez ;
Sor .1. roncin l’ont esramment levé,.
1 '"i' (iïn£g
De l’ost s’en tornent , coiement, à celé ,
Et furent .xxx. moult richement armé.
Se Dex n’en pense, li rois de majesté,
Gautiers sera as forches encroez.
Li traïtor l’ont souvent ramposné :
« Sire vilains, ce li a dit Hardrez ,
« Par vostre effort avez tant conquesté « Que tel cheval voz avons apresté « Dont l’eschinne a .xxx. piés mesurez;
« Tant a il bien , si corn je l’ai visé. »
Et dist Gautiers : « Traîtres deffaez ,
« De male hart soiez voz estrainglé !
« De tel cheval ne voz sai je nul gré ;
« Miex aferroit voz et vo parenté.
« A cel martyre corn voz m’avez voé « Soiez voz tuit, ainz que muiriez, livré. » Quant Hardrez l’oit, d’un baston l’a frapé.
Et dist Gautiers : « De Deu de majesté « Soit il maudis qui cestui m’a donné.
« Félons traîtres , tuit morrez en vilté ,
« Car tuit serez, se Deu plaist, traîné. »
Dist Auloris : « Ainz l’aurez comparé. »
D’euls lairai ores, .1. poi vozescoutez Dou preu Ferraut comment il a ouvré.
Quant dou soleil vit luire la clarté ,
Vint à Gaydon , et puis li a rouvé Que le Danois li rende tout monté.
Et de ses armes ausi bien conraé Corn il estoit quant il fu amenez :
« Ou se ce non , ja m’en verrez tomer,
« Si me rendrai à Karlemaine , as trez ;
« Car ne voldroie, por l’or d’unne cité,
« Que por moi fuissent mi ostaige encombré. »
2 ? 2 CiAYDON. 7687 — 7720
Quant li dus Gaydes ot son neveu 01 , Cortoisement et bel li respondi.
« Biax niés, dist il , ce saichiez tout de fi,
« N’ai pas coraige que voz partez de mi ;
« Car ne voldroie, por le tressor Davi ,
« Que l’empereres voz éust malbailli.
« Por voz rendrai Ogier, mais tant voz di « Que vostre ostaige soient cuite por lui. »
Atant envoie por Ogier le hardi ;
Mais ansoiz sont dou palais départi Tuit li anfant , si que nul n’en choisi,
Dont li Danois durement s’esbahi.
Quant de la chambre, dont il fors s’en issi,
Tout le palais a trouvé desgarni,
Moult s’en merveille, mais mot n’en a jehi,
Où cil estoient que en l’estor choisi ,
Qui de bataille furent si aaspri.
Mais il estoient par les ostex tapi ;
El palais sont li viel home flori :
Riolzdou Mans, Rispeus et Tyoris,
Moranset Hugues, Simons et li cuens Guis,
Li preus Ferraus et Amaufrois ausiz,
Et li dus Gaydes, qui enmi euls se sist.
Dist li Danois : « Sire dus , je voz pri « Que voz prennez la raenson de mi. »
Et respont Gaydes : « Sire Ogier, je voz di « Que délivrez serez par tans de ci ;
« Ja n’i perdrez vaillant un parisiz. »
Tout maintenant l’a Ferraus revesti De dras de soie, à grans bendes d’or fin:
Tout son harnois, c’onques riens n’i perdi,
Li fait trou rser desor .1. fort ronsin ;
Puis li amainnent Broiefort l’arrabi.
« Biaus sire Ogiers, dist Ferraus, par saint Pri ,
« Or en irez touz cuites sans estri. »
Et dist Ogiers : « Karles en ait merci !
« Mais se au roi estiez bon ami ,
« Tost averoie cest service meri. »
Et dist Ferraus : « Dex , qui en crois pendi « Confonde ceuls qui cest plait ont basti ,
« Par quoi noz sommez vers le roi anemi !
« S’a fait Guimars, Hardrezet Auloris,
« Et Berangers, et Miles, et Hanris ;
« Mais, se Deu plaist , il en seront honnis, « Car il l’ont bien grant pies’a desservi.
« Mal fist li rois qui ainz puis les créi « Que Ganelons les .xn. pers vendi,- « Et les .xxra. qu’à Marsille traï. »
Li dus Ogiers isnellement monta Sor Broiefort, que merveilles ama.
Ferraus a dit qu’il le convoiera ,
Tant que en l’ost à sauveté venra.
Et Amaufrois a dit qu’avec ira ;
Lor armes huchent, et on lor aporta.
Ferraus li preus et Amaufrois monta;
Il font que saige : mestier lor estera.
Ainz qu’il reveingnent, li plus hardis dira Qu’ainz en sa vie plus fort jor n’acointa.
Es chevax montent que on lor amena;
Tuit .in. s’en vont, mais Ogiers chevaucha Touz desarmez , car pas ne se douta.
Parmi les rues li Danois resgarda ,
Car les vassax bien trouver i cuida Qu’en la bataille choisi et avisa.
Quant ne les vit, forment s’en merveilla. Par les ostex la grans noise levat Que dus Ogiers arriéré s’en rêva.'
Tant biaus destriers enz rues esgarda ,
Tant en i vit et de sà et de là Que à grans painnes les rens en trespassa.
Vit les haubers , c’on rosla et frota ,
Et tant escu couvert c’on enarma ;
Lors pense bien que grans gens laienz a. Quant ne les vit , durement l’en pesa ;
Maixtex se coise qui par tans s’aparra.
Par la cité s’en vont li troi baron ;
Les rues passent où avoit maint donjon.
La porte garde Hues li fiuls Hoedon , Ensamble 0 lui .c. vassal de renon.
Cil lor ouvri , cil issent à bandon ;
Ogier convoient desci en l’ost Karlon.
Ferraus li preus mist Ogier à raison :
« Sire , dist il , por Deu et por son non ,
« Ditez à Karle que noz voz renvoions « Et qu’il claint cuite et Renaut et Naynmon , « Qui m’ostaigierent au roial pavillon,
« Quant je me duz combatre envers Guion ,
« Qu’il me reta de laide tràison « S’il ne les cuite , je irai en prison ,
« Et voz venrez arriéré au duc Gaydon. »
Et dist Ogiers : « Certez, ce ferai mon.» Ferraus repaire et vait notant .1. son,
Et Amaufrois disoit .1. lay breton.
Gardent sor destre, et voient .1. garson Qui vint corrant moult plus que le troton. Quant l’ont véu andui li compaignon ,
Contre lui sont venu à espérons.
Ferraus demande : « Amis , as tu besoing ? » Dist li gars « : Sire, pas ne voz mentirons.
« Je venoie ores , lez cel broillet réont ,
« Iluec trouvai de chevaliers fuison ;
« Bien furent .xxx., tuit par élection,
« Moult bien armé , chascuns sor l’Arragon.
« Iluec avoient amené .1. larron;
« A unes forches pendre le devoit on ,
« Gautier l’oï nommer, par saint Simon.
« Moult regretoit et Ferraut et Gaydon ,
« Et Amaufroi, .1. autre donzillon.
« Mis li avoient an col .1. hardillon;
« A jenouls fu , si faisoit s’orison.
« Pendu l’ont ores, car moult le hastoit on. » Quant Ferraus l’oit , si tainst comme charbon. Dist Amaufrois : « Celle part chevauchons.
« S’à tans i veing, si ait m’arme pardon,
« Ou g’i morrai, ou noz arrier l’aurons. »
Li .11. couzin ont la novelle oïe Que li garsons lor a dite et nuncie ;
Quant que chevax puet corre d’escoillie,
De lui se partent , s’ont lor voie acoillie ,
Une viés voie, par une adevancie,
Parmi le bois dont haute est la foillie.
Droit à l’issue de la lande foillie ,
Voient les forches, dont la feste est drecie, Voient Gautier, qui l’eschielle ot puiie ,
Qui la corde ot entor le col lacie.
J a fust pendus, mais l’eschielle est brisie :
Il n’est si male qui à la fois n’aïe.
Gautiers chaï et hautement s’escrie ;
Souvent reclainme le fil Sainte Marie :
« Biax sire Dex , qui dedenz Bethanie « Suscitas Lazaron qui la char ot porrie,
« Le don donnastez, Sire, [/sainte Sophie],
« Que de l’eglise qu’avoit faite et bastie
2j6 GAYDON. 7820 — 7852
« Rois Constentins par sa grant seingnorie ,
« Fu en son nom sacrée et benéie ;
« Si com voz iestez, Jhesu Cris, plains de vie,
« Dont sainte Eglise est par voz resclarcie ,
« Deffendez m’arme qu’elle ne soit perie ,
« Car je voi bien que ma vie est fenie. »
Quant li glouton virent Gautier chéu ,
La corde prennent qui entor le col fu.
Et dist Gautiers : « Por Deu le roi Jhesu ,
« Laissiez moi dire pater nostre et salu! » DistAmboyns : « Ne voz vault .1. festu « Que ne voz pende, que trop avez vescu. »
Et dist Gautiers : « Traître malostru,
« A male hart soiez voz tuit pendu !
« Se je vequisce, tuit fuissiez confondu. »
Quant Amboyns a Gautier entendu ,
La corde giete , n’i a plus atendu ,
Outre la feste le bout a recéu.
Plus de .x. sont icelle part corru,
La corde prennent , si saichent par vertu.
Si ont Gautier de la terre esméu,
Les ners dou col li ont si estendu Que par .1. poi [frqu’il ne U ont] rompu,
Car moult pezoït , grans estoit et corsus.
A ces paroles ez vos Ferraut venu ,
Et Amaufroi sor .i. destrier quernu.
« Avois ! s’escrient, traïtor mescréu ,
« De par Gaydon voz aportons salu « Qui est escrips en nostre espié molu.»
Li tra'itor, quant il les ont véuz ,
Laschent la corde, car paor ont éu.
Gautiers rechiet desor le pré herbu ;
Bendez estoit si n’a goûte véu.
?8$ î — 7885 ' * Gaydon.
Et Ferraus broche, brandist l’espié molu, Fiert Amboyn sor son doré escu.
Desor la boucle li a fraint et fendu ,
Et le hauberc faussé et desrompu.
Le fer li a ou costel embatu,
Le sanc en a à la terre abatu,
Jus à la terre l’a souvin estendu.
N’est mie mors, maufé l’ont deffendu.
Amaufrois fiert Guimart le viel chenu ; Arme qu’il ait ne li vault .1. festu.
Si prez dou cuer li a le fer couzu Les vainnes rompent, mort l’abat estendu. Li traïtor furent tuit esperdu.
Et Ferraus a tant l’estor maintenu Qu’il a Gautier les liiens desrompus Et le bendel jus des iex abatu.
Voit le Gautiers , ainz si joians ne fu ; Dammeldeu jure et la soie vertu ,
Ainz qu’il mais muire, estera chier vendus.
Or fu Gautiers touz seuls enmi la prée; Amaufroi vit qui la teste ot armée.
Et Ferraus ot ja sa lance froée ;
Mais il tenoit el destre poing l’espée ,
Dont il faisoit envers euls la meslée.
Voit le Gautiers, durement li agrée; Devant lui a une perche trouvée ,
Que li glouton avoient recoupée ;
Mais il l’avoient trop courte mesurée.
As forches faire si estoit demorée.
Gautiers la prent, à .11. mains l’a levée; [*Derrier fu graile] et devant fu quarrée. Fiert Maudebert en la targe roée,
Toute li a et froissie et quassée ;
2 3 S Gaydon. 7886—7919
Le pis li froisse le cuer et l’eschinnée,
Mort l’abati devant lui en la prée.
Puis fiert Gombaut à la barbe meslée ;
Onques n’ot arme qui li éust durée.
L’iaume li fent et la coiffe a faussée,
Le cors li froisse desci en la corée,
Mort l’abati : l’arme s’en est alée ;
As vis diables soit elle commandée !
Gautiers s’abaisse , s’a sa large couvrée ;
A son col l’a par la guiche levée.
Une grant perche a Gautiers adossée ;
Devant son piz a sa targe tornée.
Là se deffent corn orse enchaainnée Cui si orsel ont morse et eschauffée.
Cui il consieult, il a fait sa jornée.
Voit le Ferraus , durement li agrée ;
En haut s’escrie , à moult grant alenée :
« Deffen toi , ber, par la Virge honorée ;
« Secorrus [freres] par la vertu nommée. » Hardrez le voit, sa gent a aünée,
Puis li a dit : « Ferraut, vostre posnée « Comparroiz cher, ainz que soit l’avesprée.
« La hars est torse qu’aurez en col noée ,
« Et Amaufrois aura autel soudée :
« Delez Gautier iert vo gorge tyrée. »
Oit le Ferraus , si a dit sa pansée :
« Par Deu , traîtres , tel chose avez brassée « Dont voz aurez ancui male soudée.
« Par celui Deu qui fist ciel et rousée,
« Se gel puis faire, jus iert vostre posnée. »>
A ces paroles brochent de randonnée,
An poing le brant à la pointe acerée.
Parmi son elme fiert Hanri de Guersée ;
L’iaume li tranche et la coiffe saffrée.
Trosqu’au menton est l’espée coulée;
Mort l’abati iluec enz an la prée.
Amaufrois fiert Guion de Roche Anglée ;
Ne li vault arme une pome parée.
Parmi le cors li a Panste passée,
Mort Pabati, et Panste est tronsonnée.
Il trait le brant, dont la lemelle est lée, Destre et senestre donne mainte colée.
Mais Amboyns, par male destinnée,
Fu remontez, s’a sa gent aünée ;
Sa gent escrie, si lieve la huiée :
« Ferez! baron, car lor force est outrée. » Atant lor viennent, chascuns lance levée. Se Dex n’en panse et la vertus nommée , Desci qu’à poi iert lor vie fmée.
Amboyns point, li cuivers deputaire,
Le bon cheval qui ot la crope vaire ,
Quifu Garnier, le seignor de Valcaire.
Quant qu’il en pot, à espérons fors traire,
Le point li fel , car bien le savoit faire. Brandist l’espié qui fu au roi Forcaire ,
Vers Gautier vint, si commensa à braire :
« N’i durrerez, fel vilains deputaires !
« Je voz ferai essorber et detraire.
« Ferraut pendrai , cui qu’en doie desplaire , « Et Amaufroi , ainz que la nuit repaire. »
Et dist Gautiers : « Fel traîtres murtraires,
« De tra'ison ne voz volez retraire ;
« Bien estez dignes c’on voz féist detraire.
« Vien là avant, encoste moi t’apaire,
« Si t’apenrai que mes leviers set faire. »
Li fel i vint com crueuls adversaires ;
Fiert le en l’escu là où li ors esclaire ,
Ausi li perce com féist une haire.
Fiert le en costel , le fer embroie et maire Bien plainne paume, que le sanc en fait traire. Gautiers chancelle, mesure li fait faire;
Mais il saut sus, si jure saint Ylaire:
« Mar mi avez fait anui ne contraire. »
Hauce son fust, n’i quist autre examplaire.
Ja li féist la marrelle maltraire ;
Mais li traîtres est lors mis au repaire:
Ne l’atendist portout l’or de Biaucaire.
Or fu Gautiers à pié enz an prael ;
Voit Amboyn , ne li fu mie bel ,
Qui esloingniez li fu sor le poutrel ,
Qui tel duel a à poi n’ist de sa pel.
Tint le perchant qui ot gros le tuiel ,
Et va ferir Girart de Montrevel Parmi son elme qui fu fais à noel ;
Ausiz li fentcom féist .1. gastel.
La coiffe blanche ne li vault .1. rosel;
Les os li froisse ausiz com .1. aignel ,
Que à ses piés l’abat enz an prael.
L’arme emportèrent maufé et Jupiter,
Qui tout roillant alerent le vaucel.
N’a si bon mire, desci à Mirabel,
Qui séust dire quel part sist li visel.
Et dist Gautiers : « Or tenez cest merel.
« S’Amboyn puis tenir, par saint Marcel ,
« Je li ferai hummer autel chaudel. »
Ferraus tenoit d’autre part le cembel.
Et Amaufrois tint l’espée au pomel ;
Fiert Giboyn .1. moult fier hatiplel ,
Sor les espaules li rest le haterel,
Puis a ocis Anscelin de Rivel.
Ferraus a mort Hermant de Monbendel ,
Huon de Troies et de Dijon Ansel ;
Bien s’i aident andui li jovencel.
Li preus Gautiers , qui tint le plansonnel ,
Cui il ataint, moult resoit mal merel ;
Ausiz l’affronte corn féist .1. porcel.
Li traïtor ne lor sont mie aingnel ;
Se Dex n’en pense , qui sauva Daniel Dedens la fosse avec le lyoncel,
Tuit .111. seront livré à lait maizel.
S’esploitier pueent li traïtor mezel ,
Il les pendront touz .111. à .1. hardel.
Li traïtor sont plain de desmesure ;
Les .111. barons ont requis sans droiture. Hardrez li fel Deu et sa mer'e jure,
- Et Amboyns, de la crois la figure,
Pendu seront, ja n’auront sépulture,
[*S’i dureront lonc tans] par aventure.
Et les requièrent moult très grant aléure , Lancent et ruent; moult fu grans la murmure. Lor fort escu , dont d’or est la pointure ,
Et lor haubers et lor autre arméure,
Sont moult malmis, ce est veritez pure.
Gautier ont mis par force à terre dure.
Amaufrois fu navrez soz la ceinture.
Le preu Ferraut ont fait moult de laidure ;
Jus dou cheval l’ont mis à desmesure.
Chascuns saut sus , touz drois, en s’estature ; Adossé sont lez une haie obscure,
De lor escus font devant couverture.
Là se deffendent, moult sont en grant ardure; Des cors lor cort li sans grant aléure.
Se Dex n’en pense , c’est la veritez pure ,
8oi9— 8ojq
J a seront mis en grant desconfiture;
Mais on dist bien , ce est chose séure :
N’est pas péri quant qu’est en aventure.
Li .m. baron furent en grant esmai;
Navré estoient, li sans lor cort à rai.
Ferraus reclainme Deu, de bon cuer verai,
Et Amaufrois , le ber saint Nicolai.
Et dist Gautiers : « Seignor anfant , bien sai « Que de la mort voz voi en grant esmai ;
« Soiez preudomme, et je voz aiderai.
« S’estoie armez , foi que doi saint Gervai ,
« Nesdouteroie la montance d’un glay.
— Voir, dist Ferraus, secorre voz cuiaai;
« Or dou deffendre , que ja ne voz faudrai l » Hardrez s’escrie ; « Jamais ne mengerai « Devant ice que pendus voz aurai. » *
Dist Amaufrois Traîtres, sà te trai. a Et dist Hardrez : « Vassal, je si ferai ;
« La mort Thiebaut cruelment voz vendrai.
— Voir, dist Ferraus , tant comme je vivrai,
« A mon pooir touz tans voz destruirai. »
Dist Amboyns : « Or, à euls, sans delai !
« S’il noz eschapent, jamais liez ne serai. »
Et dist Hardrez : «Jamais Deu ne croirai « Se il eschapent, quant ores ci les ai. »
Dist l’uns à l’autre : « C’or fier ou lance ou trai.» Lor les requièrent et demainnent grant brai ; Touz in. les ontabatus en .1. tai.
Des cors lor cort li sans à grant eslai.
En grant esmai furent li troi baron.
Moult les apressent li traïtor félon ;
Lorescus percent, qui sont point à lyon.
Hauberc ne elme ne !or vault .1. bouton. Gautier navrèrent el cors jusqu’au pormon , Et Amaufroi des cuisses el braon.
Ferraut navrèrent el vis et en menton.
Et el costel d’un dart 0 le penon;
Li sans li cort dou cors à grant randon. Gautiers tenoit en sa main .1. planson; Gombert feri , qui fu niés Haguenon.
Hiaumes ne coiffe ne li fist garison ;
Ainsiz l’affronte corn féist un mouton.
Ferraus a mort Robert de Valbeton,
Et Amaufrois, Hombaut de Saint Droon.
Bien se deffendent tuit troi li compaingnon , Mais lor deffense ne lor vault .1. bouton : Abatu sont tuit troi à jenoillons.
Se Dex n’en pense, par son saintisme non , Tuit troi seront mis à destruction.
Car prins avoient Gautier li mal glouton , Fermé li ont an col le chaaingnon.
Li .11. couzin furent en grant frison,
Car Amaufrois chaï à jenoillons.
Ferraus dou sanc i perdi tel fuison Qu’il est versez pardelez .1. buisson.
Là furent prins andui li donzillon.
Les iex lor ont bendez comme larrons,
El col ont mis chascun .1. hardeillon,
As forches vont sans plus d’arrestison ,
De l’eschielle ont rafaitié l’eschaillon.
En crois se couchent tuit troi à orison.
« Dex, dist Ferraus, qui souffris passion,
« Aiez de m’arme et merci et pardon !
« Dex, qui de mort suscitas Lazaron,
« Aidiez mon oncle , le riche duc Gaydon , « Car je sai bien jamais ne le verrons ! »
244 GaYDON. 8o8j — 8 1 17
Amboyns dist : « Voir, ce ne ferez mon.»
Lors a saisi li gloutons .1. tronson ,
Gautier en donne .j. dolirouz froion ,
A jenoillons l’abat sor .1. perron.
Gautiers saut sus sans nulle arrestison ,
Les bras estent par telle aïrison Les liiens rompt dontliié l’avoit on.
Son bendel oste et resgarde environ ,
Hauce le poing , qu’il ot quarré en som ,
Amboyn donne .1. si grant orillon Tout estordi l’abat lez .1. buisson :
« Tenez, traîtres! dist Gautiers d’Avalon. »
Par le frainc prent le bon destrier gascon , Isnellement est saillis en l’arson ,
Parmi le bois s’en va à esperon.
Tel .x. le sievent , qui crient à hau[t] ton :
« N’i garirez, vilains, par saint Simon;
« Ancui serez pendus par le chaon. »
Et dist Gautiers : « Voz i mentez, félons!
« Se armez fuisse , par saint Pol d’Avalon ,
« Ja trouvissiez .1. félon compaingnon.
« Encor aurez , se Deu plaist , guerredon « De vostre murtre et ae vo traïson. »
Tout resgardant s’en va li vaillans hon.
S’il fust armez et éust le blazon ,
J a n’en tornast por fuir le talon.
Vait s’en Gautiers à grant esperonnée.
Li .x. l’enchaucent très parmi la valée.
Se Dex n’en pense et sa vertus nommée ,
Li .11. couzin Morant, sans demorée,
Et duc Gaydon , morront celi jomée ;
Mais on dist bien , et c’est venez prouvée :
Cui [*Dex aide] ce est chose sauvée.
8u8 — 81 {i GAYDON.
Mais or oiez con faite destinnée A Dex Gautier otroïe et donnée.
Tant a corru qu’au pié d’unne valée A encontré Claresme la senée ,
Qui de Gascoingne fu joïne clanmée.
A Karlon vait [^recevoir sa contrée]
Et faire homaige, car elle estoit senée,
Et si avoit en cuer et en pensée Que , se la guerre Gaydon estoit fmée Des traitors qu’aient male durée ,
Que le panroit et seroit s’espousée Moult volentiers, par bonne destinnée,
Ou autrement jamais n’iert mariée ;
Car tant l’amoit , por sa grant renommée , ' Toute autre amor en avoit oubliée.
.XX. chevaliers, qui sont de grant posnée , Mainne avec li, por iestre miex gardée;
N’i a celui qui n’ait la teste armée.
Blonde , Eschavie i est et Esmerée.
La damme iert moult de haut paraige née , De biauté samble moult très bien iestre fée. Gautiers la voit, s’a la resne tyrée;
Vers li a point , merci li a criée.
La damme sist sor la mûrie affautrée ;
Elle le prent, n’est plus avant alée,
Si l’a couvert desoz sa gironnée.
Li traïtor vinrent de randonnée.
Li fel Bemars , qui tenoit Pierrelée , Brandist la lance à la pointe acerée ; Gautier cuida ferir en la Corée ,
Le mantel perce , la pelice a troée Que la damme ot sor le baron gietée.
Gautiers guenchi , qui la mort a doutée ,
Et nonporquant la char ot entammée.
Li sans en vole fors de la char navrée ,
Que la pelice en fu ensainglantée Que la dame ot vestue et endossée.
Voit le Claresme , moult en fu effraée ;
Elle s’escrie, comme famé aïrée :
« Se n’est vengiez , ja esterai desvée ,
« Dou mal glouton qui a fait tel posnée ,
« Qui si li a sa pelice atornée. »
Guis de Belin a la dame escoutée;
Le cheval broche , s’a la lance branlée,
Et fiert Bemart sor la targe roée.
Desor la boucle li a frainte et troée ;
L’aubers n’i vault une toile cirée.
Le fer li passe très parmi l’eschinée ,
En cors h mist l’enseingne à or frazée.
Gascoing i fièrent et de lance et d’espée.
Li tra'itor ont guerpi la meslée ;
Fuiant s’en tornent tuit dejouste une prée. Gautiers s’escrie : « Franche dame honorée , « Secorru m’as et ma vie sauvée;
« Mais, por la virge qui de Deu fist portée , « Secor Ferraut à la chiere membrée,
« Et Amaufroi à la chiere rosée ,
« Que Hardrez tient et sa gent deffaée « Delez cest bois dont la foille est si lée ; v Je cuit, par foi, que lor vie est fir.ée. »
Lors a Gautiers la vérité contée ,
Comment des forches est la feste levée :
« Pendu m’éussent li traître à celée ,
« Quant Ferraus vint , la ventaille fermée ,
« Et Amaufrois sor le blanc d’Aquilée.
« Cil furent .xxx., n’i éusmez durée;
« Mais ainz i ot donné mainte colée.
« Onques .11. home n’orentsi fortjomée;
D igitizedbyCoogle
8i8é — 8218 GAYDON. 247
«Je cuit qu’il ont recéu tel soudée « Com il m’avoient et jugie et donnée. »
La damme l’oit, la Touzsains a jurée j D’ire et de duel est toute tressuée.
Lors a sa gent , quant qu’elle puet , hastée.
La damme haste forment sa baronnie.
Et Gautiers a une broingne treslie ,
Que cil li ont moult tost appareillie,
Et roit espié et fort targe florie ;
Elme ot moult bon , qui fu fais en Pavie. Poingnant s’en vont par une adevancie.
Gautiers tenoit une hace empoingnie C’uns escuiers li ot enz mains baillie ,
Car son espié ne prisoit une aillie ;
Devant s’en va à plain cop d’escoillie.
Li traïtor, quant ont lor gent choisie Qui s’en retornent afuiant par tel hie ,
Moult s’en merveillent comment est estormie. Voient Gautier, qui hautement s’escrie :
« Fel traïtor, vostre mors est jugie. »
Oit le Hardrez, touz li sans li fremie.
Ferraut avoit la corde au col lacie,
Desor les forches , dont la feste est drecie , Avoit le bout de la corde lancie ;
Forment sachoit, Amboyns li aïe.
Quant Gautier voient , s’ont la corde laissie. .XX. en i ot encor remez en vie,
Et li .x. sont ocis à grant haschie.
Gautiers lor vient, tient la hache aiguisie ,
Point le destrier, qui li cort d’escoillie,
A ses .11. mains tient la hache empoingnie,
Et fiert Durant sor l’iaume de Pavie.
Ausiz li tranche comme toille porrie,
Tout le fendi enfresci qu’en l’oïe,
Mort l’abati enmi la praerie.
Guis de Belin fiert Ansel de Tubie ;
Niés fu Hardré, fiz sa seror Marie.
L’esculi fent, la broingne a dessartie,
El cors li met l’enseingne qui baulie ,
Mort l’abati enmi la praerie.
Gascoing i fièrent, qui ne sefaingnent mie. Li preus Gautiers noient ne s’i detrie,
Vient as anfans , erramment les deslie, Chascun livra bon destrier de Sulie. Amaufrois monte , s’a l’espée sachie,
Et Ferraus a une lance saisie ;
En euls se fièrent , si escrient « Valye ! »
La gens Hardré i fu moult desconfite ;
Fuiant s’en tornent, s’ont la place guerpie. Hardrez s’en fuit, qui pas ne s’i detrie,
Et Amboyns , cui li cors Deu maudie ;
Lor gent laissierent sà et là esbahie ,
Fuiant s’en vont par la forest antie.
L’anfes Ferraut Gautier doucement prie D’ont cil secors lor vient et que li die. Gautiers li a la vérité jehie ,
Com encontra Claresme et sa maisnie :
« Sachiez l’an gré, car, par le fil Marie ,
« S’elle ne fust, vo vie fust fenie. »
Ferraus l’entent, s’a la resne sachie,
Vient à Claresme, doucement l’en mercie.
Et Amaufrois envers li s’umelie.
La bonne damme les acole et festie.
Atant ez voz Blonde et Eschavie :
N’avoit si beles desci jusqu’an Pavie.
Voit Amaufrois, s’a la coulor changie ;
Piesa li a donné sa druerie ,
8aj}-8a8î GAYDON.
Et par amors out sa manche envoie.
Vers li se trait , tel parole a nuncie Dont mainte lance fu puis frainte et croissie. Et Esmerée por Ferraut se cointie;
Por la proesce qu’elle en avoit oïe ,
Se trait vers lui , sa pensée a gehie ,
S’amor li donne , et il l’a recoillie.
Claresme fu por euls moult esbahie;
Gautier apelle, se li dist en l’oïe :
« Amis , fait elle, par vostre cortoisie ,
« Ditez Gaydon qu’il a moult belle amie ;
« Bien la connois , qu’elle est de ma maisnie. « S’en lui ne faut , se Dex me benéie ,
« En chief aura coronne d’or lancie. »
Et dist Gautiers : « Voz parlez de folie.
« Famé qui prie si fait grant desverie ;
« Tel chose emprent souvent par legerie,
« Qu’elle en cuide iestre miex amée et prisie : « Par haste fait ce dont elle est honnie.
« Je ne sai riens de tel mareschaucie ;
« L’un de ces .11. en chargiez la maistrie,
« Car ja par moi n’en iert oevre jehie. »
Oit le Claresme , de honte an est rougie.
Seignor , oiez, por Deu le droiturier :
Voz avez bien oï en reprouvier Qui dou feu a et besoing et mestier.
Que à son doi le doit querre an fouier.
La bonne damme en apella Gautier ;
Tout bellement le prinst à arraisnier :
« Gentiz hon sire , par amors voz requier « Qu’envers Gaydon soiez mon messaigier ;
« Car je n’en voil ces .11. barons proier,
« Car je les voi de si prez dosnoier,
« A mes pucelles parler et acointier,
« Et Dex lor doinst telle amor commencier « Que il me puissent envers lor oncle aidier !
« liant me ditez au riche duc d’Angiers « Que , s’à mon tref ose anuit chevauchier,
« Bien me porra acoler et baisier.
« Se gel pooie à Karlon amaisnier,
« Moi et ma terre auroit à son dongier,
« Se me voloit espouser à mollier. »
Dist Gautiers : « Damme, se Dex me puist aidier, « Je ne me sai mesler de tel mestier,
« Fors tant, ma damme, par le cors saint Richier, « Com li -preudons doit faire à sa moillier ;
« Moult miex sauroie ma charrue chascier.
« Et cuer de famé resont mais si legier « C’on ne se puet en elles affier.
« L’unne ainme lors [fde ci à l’esragier]
« .VIII. jors ou ,xv., puis la voit on changier,
« pQu’ele] se weult à .i. autre acointier. »
Oit le Claresme , de duel cuide esraigier ;
Bien voit qu’autrui li convient envoier,
Se elle weult sa besoingne esploitier.
Dist à Gautier : « Par Deu le droiturier,
« Vilainnement me savez chastoier ;
« Mais, tu chaitis, ne vauls mie .1. denier.
« Par celui Deu qui tout a à jugier ,
« Cuers qui bien ainme est fors et enraigiez. » Et dist Gautiers : « Bien savez praechier;
« S’au duc Gaydon veniez au plaidoier,
« Ne voz convient avoir autre amparlier.
« Mais, quant de lui avez tel desirrier ,
« Ne voz lairai mie de duel sechier,
« Ainz voz randrai, se je puis, le loier v De ce qu’avez fait no mort respitier :
8j*o— 8j$a GAYDON.
« Par tans porrez le franc duc embracier.
« Mais defors l’ost faitez vo trefdrecier;
« Car moult redouz Sanson et Berangier ,
« Si se convient porvéoir et gaitier,
« Contre voisouz convient estudier. »
Ainsiz s’en vont parlant, lez .1. sentier. Commencié ont tel chose à plaidoier Dont il morront maint vaillant chevalier.
Et li dus Gaydes en ot moult d’encombrier, C’on voit maint home par amors foloier.
Oï avez plusor et li auquant Que à maint home vient li anuis devant Quant il plus a lié le cuer et joiant ;
Ausi fait il Gaydon , le duc vaillant,
Corn voz orrez , s’il est qui le voz chant.
Vers l’ost s’en va Claresme chevauchant. Envers Angiers va Ferraus à itant ,
Et Amaufrois au coraige vaillant ;
De lor amies s’en partent souzpirant.
Claresme va de fine amor tramblant ;
A Gautier proie, por amor Deu le grant,
Que à Gaydon die son convenant.
Dist Gautiers : « Damme, tout à vostrecommant. Congié ont prins li troi vassal errant , - Vers Angiers vont moult tost esperonnant , Droit à la porte en vinrent cheminnant.
On lor ouvri , enz entrent erramment.
Devant la sale , soz un pin verdoiant ,
Treuvent Gaydon, le preu et le vaillant ;
Por ses neveus s’aloit moult esmaiant.
Quant il les voit, moult s’en va esjoiant; Quant vit Gautier, sa joie va doublant.
Touz .in. les va doucement acolant.
Il voit le sanc, moult s’en va merveillant,
Qui lor aloit fors des plaies corrant.
Quant li dus Gaydes vit ses neveus navrez, Moult s’en merveille, si en est effraez.
Et vit Gautier qui moult estoit grevez ;
Lors fu moult tost maistres Guerris mandez.
Les barons ont erramment desarmez ;
Maistres Guerris les a bien remuez,
Lor plaies tante , puis si les a bendez ;
Puis les couchierent en trois blans lis parez.
« Biaus niés, dit Gaydes, por Deu, or m’escoutez : « Qui voz a si malement conraez ? »
Ferraus li conte toute la vérité De chief en chief , si corn oï avez ,
Commenf Gautiers fu as forches menez.
« Pendu l’éussent Amboyns et Hardrez^
« Par .i. garson noz fu li plais contez.
« Por lui rescorre fumez mal atirez :
« [fcToz .in. nos prirent ; mais par sa poesté]
« Lors fu Gautiers li vassaus eschapez.
« Puis encontra, quant de noz fu tournez,
« Une pucelle, cui Dex croisse bontez ,
« Qui noz resqueust à vint de ses privez.
« De Gascoingne est, soie est la roiautez. »>
Dist Gautiers : « Sire, s’il voz plaist , entendez : « Celle pucelle , qui tant a de biautez ,
« Par moi voz mande salus et amistez.
« De vostre amor est ses cuers alumez ;
« S’elle dist voir, moult iestez bien amez.
« S’envers Karlon estiiez acordez ,
« Encor seroiez par li rois coronnez ,
« Et de Gascoingne sires et avoez.
« Par moi voz mande qu’anuit voz aprestez,
« S’alez 0 li dosnoier en ces prés ,
« Sà defors l’ost, en l’oriere des prés;
« Là [frfera tandre], assez tost i venrez.
— Sire, dist Gaydes, por Deu , ne me gabez.
« De ceste guerre sui forment apressez,
« Et assiz sommez assez prez , ce savez,
« Et hom qui doute perdre ses heritez « Est moult souvent corrouciez et irez ;
« Si faitez mal quant voz me ramposnez.
« Par celui Deu qui en crois fu penez ,
« Je n’i cuit pas à ceste fois aler. »
Et dist Gautiers : « Se s’amor refusez,
« Je n’i sai plus mais moinnes devenez.
« Quant la plus bele qui soit en .x. citez « Voz a mandé que s’amor recevez ,
« Recréans iestez quant amer ne Posez ,
« Ou voz de famé touz les déduis haez.
« De male flamme soit vostres cors lardez,
« Se voz s’amor por paor refusez ,
« Qu’elle est plus belle que angres empennez !
« Qui de ses bras esterait acolez ,
« Sains paradis , où tant a de clartez ,
« En devrait iestre, ce m’est vis, oubliez.
— Sire , dist Gaydes , se c’estoit veritez ,
« Je ne lairoie, por .x. mars d’or pesez,
« Que ne féisse toutes ses volentez. »
Et dist Gautiers : « Sire , ne voz doutez ,
« Car plus voz ainme que je ne di assez. » Quant Gaydes l’oit, sifu enamorez,
De fine joie est ses cuers souzlevez ; Dammeldeu jure, le roi de majestez ,
Que [fcces] amors comparra chier Hardrez ,
Et Auloris et Miles et Guirrez :
« Car, ainz demain, ainz qu’il soitajomé,
« Irai à li , puisqu’il li vient en gré ,
« Maugrez en ait Karles et ses barnez. »
Et dist Ferraus : « Oncles, ne voz hastez ;
« Hom sans mesure est moult tost encombrez.
« Se il voz plaist , encores soufferrez :
« Se bien voz ainme, ja haïs n’en serez.
— Biaus niés , dist Gaydes , voire voz ne savez « Corn faitement l’afaires est alez,
« N’en quel destroit mes cuers en est entrez. » Dist Amaufrois : « Dex en soit aourez !
« Vostres coraiges est moult tost remuez.
« Por Deu voz proi , quant dosnoier irez ,
« Que Esmerée de par moi saluez;
« Car, se g’estoie de mes plaies sanez,
« 0 voz iroie et Ferraus Palosez.
« De .h. pucelles sommez asséuré,
<t II n’a si belles desci en Balesguez ,
« Fors que Claresme dont voz l’amor avez.
« Or verra on se amor desservez « En grant estor , quant venus i serez ;
« Por bele damme doit on coillir fiertez.
— Biaus niés , dist Gaydes , à itant voz tenez.
< < Hom, puis qu’il ainme, est auques aweuglez ; « Qui me donroit .m. mars d’argent pezez ,
« Ne le lairoie , puis que g’i sui mandez ,
« Que à li n’aille, mar m’i chastoierez. »
Si voz lairons ores dou duc Gaydon,
Si voz dirai dou riche roi Karlon ;
Dou duc Gaydon, quant lieus iert, voz dirons. [*Messe ot] oie dou bon abé Simon,
Assiz se fu devant son pavillon ,
Et ses barnaiges dont il i ot fuison.
Atant ez voz Aulori et Sanson ,
Et Griffonrtel et Renaut et Huon ,
Ensamble o euls tex .xxx. compaingnons ,
Tuit dou lingnaige Thjebaut et Ganelon.
Cil les maudie qui Longis fist pardon ,
Qu’il ne desirrent se à mal faire non !
Auloriés commensa sa raison :
« Drois empereres, por Deu et por son nom,
« Faitez noz droit de Ferraut le félon ,
« Cui Guis avoit reté de traïson.
« Guios l’éust ocis , bien le seit on ,
« Quant de l’agait saillirent li glouton ;
« Ferraut resçousent, or le voz demandons. » Quant Karles l’oit, si fait mander Naynmon , Renaut o lui por mener en prison.
Thierris d’Ardenne les prinst par les girons ; Karlon les mainne en sa possession.
« Naynmes, dist Karles, par le cors saint Simon, « Voz et Renaus me rendrez mon prison,
« Ou mis serez en autretel broion.
<— Sire , dist Naynmes , noz ferons vostre bon.
« Certez , je cuit , Ferraus est si preudom « Que dou plegier bien délivré serons. »
Karles respont , par grant aïrison :
« Mestier voz est, par mon flori grenon ;
« Car, ainz le vespre, se Ferraut ne ravons,
« Serez andui mis à destruction. »
Dist Renaus : « Sire, se Ferraut voz rendons,
« Serons noz cuite par tel devision ?
— Oïl , dist Karles , par saint Pol d’Avalon. »
A ces paroles estez vos un garson ,
Qui vient criant clerement, à haut ton :
« Vez ci Ogier, soiez haitié, baron! »
Atant ez voz Ogier sor i’Arragon.
Grant joie en mainnent Fransois et Borgoingnon,
Karles méismez en dressa le menton.
Li traïtor en ont duel et frison ,
Car bien volsissent que pendu l’éust on.
Mais .1. proverbe en dient li clerson,
Qu’en duel en ville n’a pas comparison ; Quant li uns pleure , l’autre rire voit on.
Grant joie mainnent as loges li Fransois, Quant de prison est issus li Danois.
Naynmes se dresce, et Renaus as crins blois; Et dist Renaus : « Sire empereres drois ,
« Délivré sommez ; Dex , qui est sire et rois , « En soit loez , et Ferraus li cortois !
« Cui noz plejamez bien acuité nos fois. »
Et dist Ogiers : « De Deu , qui fist les lois , • « Soit li vassaus Ferraus touz benéois ,
« Et li dus Gaydes , et li preus Amaufrois !
« Plus loiaus gens voz ne verrez des mois.
« Se por moi n’iestez cuite à ceste fois ,
« Il revenra , et je arriéré en vois. »
Et respont Karles : « Si m’aït sains Elois ,
« Je ne voldroie, por .1. mui de mansois,
« Qu’en la prison fuissiez contre mon pois. » Guis d’Autefoille s’escrie à haute vois :
« Sire empereres, moult me tome à anois,
« Quant en vo cort m’est défaillis li drois ,
« Quant voz cuitez le traïtor renois « Qui vo portier murtri par son boffois,
« Et Haguenon et Rahier le cortois.
« Bien li éusse abatu son boffois ,
« Ne fust la gens qui me sailli dou bois ;
« Là m’assaillirent .nra., voire trois:
« Se ce ne fust, Ferraut fust li sordois. »
Et dist Ogiers : « Nel tenez à gabois.
8jao — 8f $1 GaYDON. 2$7
« Ferraus voz mande ne soiez en sozpois ,
« Qu’à la bataille revenra demanois ,
« Mais c’on ait prins bons ostaiges ansoiz.
— Ogier, -dist Karles, tout ce ne vault .1. pois; « Mais or me ditez , foi que voz me devois ,"
v Quex gens véistez ou palais maginois ?
« Avec le duc sont Anglois ou Irois ?
.« Moult en i a, quant viennent as tornois,
« Bonne gent sont, moult a en euls deffois ? » Dist Ogiers : « Sire, ja par moi nel sauroiz.
« Par les ostex se tint cnascuns si cois « Nul n’en i vi, de verté le sachois,
« Fors damoisiax et danmes et borjois.
— Biax sire Ogier, dist Karles li nobiles,
« Si ne savez quele chevalerie « Il a laienz , ne quel bachelerie ?
— Non, dist Ogiers, se Dex me benéie,
« Qainz n’en vi .1. en rue n’en chaucie ;
« Mais de chevax la trouvai si garnie
« N’en sai le nombre, par Deu le fil Marie.
« Ne sai se fu par art ou par boisdie,
« Ceuls qui me prinrent, par Deu, ne vi je mie ; « En une chambre fui mis sans compaingnie ,
« Mais servis fui par moult grant seingnorie.
— Par Deu, dist Karles, qui tout a en baillie,
« Se Dex me sauve , ainz demain la complie ,
« Verrai laienz la grant chevalerie
« Qui sà defors noz font tele envaïe. «
Dist Ogiers : « Sire , se Dex me benéie,
« Se voz persoit li dus ne sa maisnie ,
« N’en partiriez sans grande vilonnie.
— Ogier, dist Karles, ne m’en chastiiez mie. » Atant ez voz Claresme l’eschavie ,
Gaydort. 17
8j JJ — 8 j 86
Qui de Gascoingne avoit la seingnorie.
Devant le roi descent, plus n’i detrie, S’ommaige offri , lors s’est ajenoillie ,
Puis joint ses mains, moult s’est humeliie.
Et li rois l’a en contremont drescie,
Puis prent l’ommaige , si l’a en foi baisie.
Guis d’Autefoille a la damme choisie ,
Qui tant estoit et bele et eschevie ;
Le roi apelle, moult doucement li prie,
Tout coiement li a dit en l’oie Que il li doinst Claresme l’eschevie.
Il li donra .1. mûri de Lombardie Chargié d’or fin , dou meillor de Roussie,
« Et si aurez .c. pailes de Pavie. »
Quant Karles l’oit , bonnement li otrie ;
De la pramesse durement l’en mercie.
La dammoiselle a par la main saisie,
Guiot apelle où tant ot de boisdie.
« Gui , dist li rois, ceste aurez en baillie ;
« Gascoingne aurez , quant l’aurez nosoïe.
« De voz sera maintenant fiancie. »
Claresme l’oit , à poi n’est enraigie ;
Lors respondi corn famé corroucie :
« Par ma foi , Gui , voz pensez grant folie ,
« Que ja n’aurez de moi la seingnorie. »
Lors tent sa main devers une abéie :
« Par le seignor c’on laienz sacrefie ,
« Que miex voldroie c’on m’éust enfoïe « Que ja à famé m’aiez jor de ma vie ;
« Mieus ainz ma terre soit et arse et bruïe. » Dist l’empereres : « Voz ditez grant folie ,
« Qu’il voz convient faire ma commandie. » Quant elle voit que Karles si l’an prie ,
Lors volsist bien qu’elle fust anfoïe.
Mais uns proverbes noz aprent et chastie : Engiens de famé maint saige home cunchie.
ÇKjant la pucelle ot le roi escouté ,
Si li respont qu’ele fera son gré ,
Car grant piece a qu’elle l’a enamé ,
Por sa valor et por sa grant bonté ;
« Mais n’en voloie descouvrir mon pansé,
« Devant ice que l’éusse esprouvé.
« Mais quant je voi qu’il en a volenté Que il me preingne , car moult l'ai enamé,
« A lui m’otroi, voiant tout le barné,
« Qu’en lui aurai moult vaillant avoé.
« De lui m’a on et dit et raconté « Que il éust Ferraut mort et maté ,
« S’on ne l’éusî secorru et osté.»
Et dist Guiz : « Bele , voz ditez vérité. »
Avant passa , si a le roi rouvé Qu’esramment soient li sairement juré De l’espouser, sans lonc terme passé.
Et dist Claresme : « Or avez bien parlé ; v Mais ainz voldrai savoir vostre bonté,
« Vostre cors voir sor le cheval armé,
« Tant que aiez par devant moi jousté.
— Bele , dist Guis , tout à vo volenté ;
« Ainz demain vespre , m’en verrez atomé.
« Se nus en ose issir de la cité,
« Se nel voz ranz et vaincu et maté ,
« Je ne me pris vaillant .1. oef pelé. »
Et dist Claresme : « Or ai je tant esré « Que Jhesus m’a à cest home assené. »
La pucelle a Karlemaine apellé.
« Sire, dist elle, j’ai moult le cors lassé;
« Aler m’en voil , ci ai trop demoré. »
86 jo— 86 j 2
Son mareschal a moult tost apellé.
« Alez, dist elle, faitez tendre mon tref « Par defors l’ost , là val , enmi cel pré ,
«c A la fontainne, desoz le pin rammé. »
Cil s’en tornerent , moult l’ont tost atomé ,
Et Claresme a congié au roi rouvé.
Li rois li donne , puis li a commandé Que le matin ait son cors conraé ,
De riches dras vestu et atomé ;
Et Guis aura son afaire apresté ,
Si la penra , ja n’en iert trestorné ,
Le matinnet, car trop ont demoré.
Elle respont : « Tout à vo volenté. »
Puis dist en bas , coiement et souef :
« Par cel Seignor qui tout a estoré , h Moult miex voldroie avoir le chief copé « Que cil traîtres jéust à mon costé.
« Trop a le cuer fel et desmesuré ,
« Quant famé weult avoir outre son gré ,
« Quant cil qui l’a prinse par amisté « Et bien la sert et porte loiauté;
« Souvent a on véu etesgardé,
« Ansoiz qu’il aient granment ensemble esté, « Le fait sa famé sou ventes fois iré. »
Atant s’en part, plus n’i a demoré.
La pucelle est partie atant 4ou roi ,
Vint à son tref, qu’iert tendus en l’erboi , Lez la fontainne, soz le pint, el chaumoi, Par defors l’ost, à quatre arpans, ce croi. Descendue .est et si home entor soi,
Assise s’est desor un paile bloi,
Deffunblé a son mante! à orfroi ,
Souffle et souzpire belement, en recoi.
86n-868î GAYDON. 2Ôi
L’anmors Gaydon l’a mis en grant effroi.
Lors se regarde , s’a véu Godefroi ,
.1. escuier, fil Milon de Nobloi.
« Frere, dist elle, or me soiez de foi;
« Preu i aurez, par la foi que voz doi.
— Danme , dist il, por quant qu’à mes iex voi , «Ne voz feroie traïson ne besloi.
— Frere , dist elle, sor tant le voz recroi.
« Tu t’en iras à Gaydon , fil Joiffroi ,
« Et se li di, ne le teingne à anoi,
« Que anquenuit , quant fra seri et coi ,
« Veingne à mon tref belement, sanz deloi,
« Et avec lui chevalier quatre ou troi.
« Tant li cuit dire, ainz que parte de moi ,
« Dont plus hardis estera en tomoi ,
« Et se li porte cest annel de mon doi. »
Et cil respont : « Ma danme, je l’otroi. »
Lors prent l’annel, atant s’en part de soi, Isnellement monte an un palefroi,
Tout belement s’en va lez un [fraunoi] ,
Tout oisillant, si corn par esbanoi.
Tout belement s’en va li damoisiaus Selonc le bois, assez prinst des oisiaus.
Une aigue passe, où il ot .11. ponciaus,
Vers la cité s’en vint li jovenciaus,
Tout coiement, par entre .n. monciaus.
Ainz nel perciut Fransois ne Prouvenciaus.
Vint à la porte par entre .11. fossiaus ;
Desor le mur choisi tant penonciaus ,
Et tant escu portrait à lyonciaus , *
Plus furent dru que en vivier rosiaus.
Li messaigers fu de parler isniaus ;
Huon choisi sor le mur as querniaus ,
Le fil Doon , qui fu nés à Bordiaus ;
.1. aubalestre tenoit et .11. quarriaus.
Li mes l’apelle , qui ne fu pas muiaus.
Li messaigers en apella Huon ;
Moult belement li a dit sa raison :
« Ouvrez la porte , gentiz fiuls à baron,
« Parler voldroie au riche duc Gaydon,
« Se m’i envoie , pas ne voz mentirons ,
« Qui ne li weult nulle riens se bien non. »
Et respont Hues : « Noz le voz ouverrons. » Il descendi dou mur et dou donjon ,
Vint au guichet erramment, à bandon,
La clef embat dedens le torillon ,
Le guichet oevre; cil entre enz à bandon. Hues le fist mener jusqu’au donjon ;
Le duc trouva , sà defors , au perron ,
Bertran le preu et Richier et Milon.
Ensamble 0 euls sont tel .c. donzillon.
Qui ne desirrent se la bataille non.
CHascuns faisoit pormener l’Arragon , .
Et esclaircir son hauberc fremeillon.
Gaydes faisoit violer un Breton.
Li mes descent , que n’i quist ochoison ,
Son palefroi fist panre à .1. garson ,
Et l’esprevier li a mis sor le poing.
Gaydon salue, belement, à haut ton ,
Et le barnaige entor et environ.
Li messaigers parla moult belement.
Le duc salu^Jbel et cortoisement ,
Et le barnaige environ ausiment ,
Puis li dist : « sire, s’il voz vient à talent,
« Parler voldroie à voz privéement. »
8718—875» Gaydon. 26 J
Li dus se dresce , quant la parole entent ;
J ouste .1. arc vol s’en vont isnellement.
Li messaigers li conta esramment Comment Claresme le mande à parlement :
« Venez à li anquenuit coiement,
« Si n’en soiez ja en nul doutement,
« Mais venez i dou tout hardiement.
« Ainz soufferroit son cors maitre à torment « Que elle ouvrast vers voz tra'itrement ,
« Si voz envoie cest anel en présent.
« Moult doit liez iestre qui à s’amor s’atent ;
« U n’a si bele desci en Orient,
« Et tant voz ainme, par le mien ancient,
« Que de dormir a perdu le talent. »
Gaydes soupire quant la parole entent;
Il prinst l’annel que li vallés li tent ,
Dedans son doi le mist avenamment ,
Souvent l’esgr-rde, de fine amor ensprent.
Riol apelle et Rispeu ausiment ;
De chief en chief lor conte l’aisrement Si corn li mes li dist privéement :
« Aler i voil par vostre loement.
« Se g’i aloie sans vostre loement « Et il m’estoit meschéu de noient,
« Blasmez seroie assez de voz souvent. »
Et dist Riolz : « Or sai certainement « Que voz irez auques doutousement ;
« Mais se amez auques entièrement,
« Ja n’i aurez doute n’esmaiement.
« Mais cuers voz faut , par Deu omnipotent !
« S’avez paor, menez tant de vo gent « Que voz puissiez revenir sauvement. *
Dus Gaydes l’oit, de fin aïr ensprent ;
Le Seignor jure à cui li mons apent
Que il ira droit à l’anuitement.
J a n’i menra ne ami ne parent ,
Fors .1. tout seul, armé moult richement,
« Et je méismez, armez moult noblement. » Atant départent de lor conseiliement.
Dou conseil part li dus sans delaier ;
Par la main destre a prins le messaigier ,
A ses barons est revenus arrier ,
Puis sont monté sus en palais plenier.
Li dus commande à haster son mengier;
« Il est tout prest », dient li cuisinier.
Les tables maitent serjant et escuier,
L’aigue ont cornée à un cor menuier.
Quant lavé orent li baron chevalier.
Aval les tables s’alerent assegier.
Et li dus Gaydes , où il n’ot qu’enseingnier. Fait le messaige devant lui assegier.
J a de lor mes ne convient à plaidier :
Bien sont servi, que il n’i ot dongier.
Quant ont soupé, prez fu de l’annuitier ;
La cors départ , quant tans fu de couchier. As osteux vont et baron et princier.
Gaydes li dus ne se volt oublier ;
En une chambre s’en va appareillier,
Puis a mandé le vavassor Gautier.
Et il i vint , ne s’en fist pas proier ,
Car il estoit sains et saus et haitiez.
Et Amaufrois se pooit bien aidier ;
Ferraus li preus se pooit ja drescier.
Gaydes apelle Gautier, cui tant ot chier :
« Gautier , biaus frere, alez voz haubergier ; « O moi venrez , car je voz en requier.
« Claresme m’a mandé, nel quier noier.
« Que à li voise parler et acointier ;
« Vez ci le mes qu’elle m’a envoié.
« Autrui que voz n’i voil acompaingnier . » Gautiers Tentent, vis cuida enraigier;
Ce li est vis, ainsiz Ta en cuidier ,
Li dus le voille por aler dosnoier.
Et dist Gautiers : « Weuls me tu engingnier .
« Ja sez tu bien que je ai ma moillier ,
« Et tu me weuls faire à autrui pechier !
« Par icel Deu qui tout a à bailher ,
« Ainz me lairoie trestout vif escorchier « Que je volsisse vers ma famé boisier. »
Li dus Tentent, n’i ot qu’eslaiescier ;
Il Ten voldra .1. pou contraliier.
« Gautier , biaus frere , n’i ait point d’esmaier ; « Nouvelle amor voz convient commencier.
« Une pucelle , qui voz vit ayant ier ,
« Voz ainme tant ne s’en seit conseiller,
« Si voz voldra acoler et baisier .
« Bien voz porrez déduire et solascier ,
« Et en vos bras la pucelle embracier.
« S’elle voz puet tenir , par saint Richier ,
« De voz voldra son cors rassaisiier. »
Et dist Gautiers : « Bien me saurai aidier.
« Li .c. diable la puissent atouchier !
« Se elle weult envers moi aprochier « Par le cuer beu , s’as mains la puis bailher, « Je la ferai en eve refroidier .
« Tant que n’aura talent d’omme acointier. » Li dus en rist quant Toi gramoier ,
Puis li a dist i « Bien saurez engingnier ,
« Se eschaper poez de si legier. >>
Et dist Gautiers : « Je m’en revois arrier.
« Or i poez tout sans moi chevaucher ,
266 GaYDON. 8819— 88s i
« Puis que avez de tel besoing mestier ; '
« Encor .1. jor en serez corrouciez.
« Je ne voil mie autrui famé à plaidier ,
« Fors que la moie, que g’espousai premiers.
« Se g’i aloie, bien porroie empirier,
« Car famé seit très bien home agaitier;
« Elle sot bien Salemon engingmer.
« Autrui que moi poez voz corroucier. »
• Quant li dus Gaydes oï Gautier jurer,
Et qu’il s’en weult par corrouz retorner.
Tout en riant le prinst à apeller :
« Gautier , biaus sire , quant ne volez amer « La danmoiselle, si la lairez ester ;
« Autrui que voz voldra s’amor donner ,
« Quant de la vostre la convient consirrer.
« Mais or voz voil par amors commander « Que vos voz faitez fervestir et armer.
— Voir, dist Gautiers, je ne le voil véer ;
« Mais ja penj tref ne me verrez entrer.
— Non, ce dist Gaydes, se nel volez gréer. »
A ces paroles vait Gautiers endosser
.1. blanc hauberc c’on lifist aporter;
Ceinte a l’espée, puis lace l’iaume cler,
Prent une hache qui pent à .1. piler.
Et quant se vit ainsinques atorner ,
Environ lui a prins à resgarder ,
Et à .11. mains sa hache à entezer;
Dammeldeu jure, qui tout a à sauver,
Que , se il puet Aulori encontrer ,
Sa traïson li fera comparer.
Et li dus s’arme, que n’i volt arrester,
Que tart li fu , n’i volt plus demorer.
Clinevent fist en la place amener,
88} 3 — £884 GAYDûN.
Gautier a fait .1. cheval enseller;
Devant la salle vinrent andui ester.
Li messaigiers ne s’i volt arrester ;
Errant monta por le franc duc guier.
Li dus a fait son escu «porter ,
[*Au col le met, moult bien s’i sot moler;] Il ne doute arme .i. denier monnaé.
Errant commencent tuit .in. à cheminner Parmi les rues , sans noise et sans crier ; Jusqu’à la porte ne voldrent arrester.
Huon a fait et plevir et jurer Que à nul home nés ira encuser.
Atant s’en issent , n’i voldrent arrester.
Se Dex n’en pense , qui se laissa pener , L’anmor Claresme , ainzque soit l’ajorner, Lor convenra chierement achater.
Vait s’en li dus cui forment atalente,
O lui Gautiers qui pas ne s’espoente.
Et li messages les conduist une sente , Lez .1. vergier où il avoit mainte ente.
Au chevauchier ont mise lor entente;
Tant ont alé qu’il vinrent à la tente A la pucelle qui îert et bele et gente ,
Qui por Gaydon estoit en grant entente. Quant le perciut, ne fu mie dolente ; ETvoit le duc qui tant li atalente.
Li dus descent , qui pas ne se desmente ; L’iaume deslace qui fu fais à Otrente, Isnellement à Gautier le présente.
Li dus descent , si a son elme osté,
Et la ventaille a aval avalé.
Voit le Claresme , si l’a bel salué :
« Cil Dex de gloire, qui tout a estoré.
« Il gart le duc et doinst joie et santé !
— Danme, cil Dex dont m’avez salué
« Voz doinst la riens que voz plus desirrez ! »
A icest mot l’a Claresme acolé ,
Et li dus li belement et souef.
Atant s’en sont ou pavillon entré ;
Desor .1. drap à bendes d’or ouvré Se sont assiz , assez i ont parlé.
La danmoiselle li a dit et conté Comment Guis a le don de li rouvé :
« Li empereres l’en a le don donné « Que il m’aura et ma grant hérité ;
« Mais miex voldroie avoir le chief copé « Que li traîtres m’éust à son costé,
« Car tant voz ainz en droite loiauté « Tout i ai mis mon cuer et mon pensé.
— Et je voz, danme, par bonne loiauté,
« Que jamais d’autre n’averai l’anmisté. »
Li dus la baise, ainz ne l’en sot mau gré Et elle l’a doucement enduré :
Si baisier sont durement savoré.
En baisant sont si forment enamé ,
Que andui ont de fine amor tramblé.
Et dist la danme : « Or ne me soit celé « Se voz m’avez point de fin cuer amé. »
Gaydes l’entent , s’a un souzpir gieté ;
Lors l’acola par moult grant amisté ,
Et li a dit belement et souef :
« Certez, ma danme, m’amor voz ai donné. » Lors sont andui assiz enmi le tref ;
Iluecques ont lor amors devisé.
Et quant il ont ainsiz assez parlé ,
Puis li a dit : « Avez voz apresté « Comment [^serons] dedens Angiers porté ?
Sjiç— 8951 Gaydon’
— Danme, dist il, tout à vo volertté « Ferai je tout , ja n’en iert destomé.
« Je voldroie ores que il fust apresté « Que noz fuissonz dedenz la fermeté.
— Sire , dist elle , cel chevalier armé ,
« Que je voi là, est il de jone aé? »
Dist Gaydes : « Danme, .l. ans a passé.
« C’est cil qui m’ot le messaige aporté « Que de voz iere moult durement amez.
« N’a plus preudome en une roiauté,
« Ne si hardi por ses armes porter.
« Ainz que il fust 0 moi acheminnez ,
« Li jurai je, par sainte loiauté,
« Qu’il n’enterroit en tente ne en tref.
— Dex , dist la danme , il n’a talent d’amer. » [fcUne pucele en prist à apeler] :
« Alez , fait elle , au chevalier armé « Qui là fors est, soz cel aubre ramé, ‘ ' * •
« Et se li ditez que l’avez enamé ,
« Et qu’il voz a le vostre cuer emblé. »
Elle s’en tome , n’i a plus demoré.
A Gautier est venue la pucelle ,
Quant el [Me] voit, cortoisement l’apelle ;
Tout en nant , car moult iert gente et bele.
« Sire , dist elle , li fiuls à la Pucelle ,
« C’est Jhesu Cris , qui pechéors apelle ,
« Voz gart de mal et de painne nouvelle !
« Car venez sà au tref ma damoiselle ;
« Par aventure qu’il i a tel donzelle « Qui mieus voz ainme que masles torterelle.» Gautiers l’antent , touz li cuers li sautelle ;
Dist tel parole qui ne fu mie bele :
<( Dame , dist il, par saint Pol de Tudelle ,
270 GAYDON. 8^a— *984
« A moult petit m’est de vostre favelle.
« Alez voz ent aval celle praelle ,
« En.ni cel pré, à une fontainnelle t « Desoz cel aubre dont la foille ventelle ;
« Clere en est l’eve , et clere la gravelle.
« S’avez trop chaut , si i alez, pucelle.
« De vostre amor ne m’est une escuielle ,
« Car moillier ai et plus cointe et plus bele ;
« Quantilm’en membre, toz li cuers me sautelle.»
Par grief parole se deffendi Gautiers ;
Grant paor a c’on nel voille engingnier,
Que ne volt mie fausser à sa moillier.
Et la pucelle se prinst à embronchier ;
Tel honte en a ne se seit conseillier,
Par mautalent li dist en reprouvier :
« Mes sires Gaydes, qui son siecle a àrrier « Qui à vilain se fist acompaingnier.
« Cist siet moult mieus à iestre charretier « Et la charrue tenir et manoier « Qu’à bele danme parler ne acointier. »
Elle ainz que pot s’en retorna arrier.
Dist Gaydes : « Danme, por Deu le droiturier,
« Que voz a dit nostres compains Gautiers?
« Ne volt il mie avec voz repairier?
— Sire , dist elle , Dex li doinst encombrier !
« Se j’éusse auques tenu le plaidoier,
« Il me féist en cel fossé baingnier.
« Il m’i rouva aler por refroidier,
« Trop iere chaude, de coraige legier ;
« Plus grande honte ne me pot il nuncier.
« Par icel Deu qui tout a à baillier,
« Je voldroie ores qu’il fust en cel vivier « Desci à tant que l’iroie saichier,
« Qu’ainz mais ne vi si vilain chevalier.
« Nus gentiz hon qui d’armes weult prisier « Ne déust ja tel home acompaingnier. »
Dist Gaydes : « Danme, je n’ai d’autre mestier; « Cist n’ira mie moi toillir mon marchié. » Ainsiz vont ores devisant de Gautier.
Se Dex n’en pense, li pere droituriers,
Fort lor sera arriéré à repairier,
Car iluec ot .1. garson pautonnier.
Danme Claresme l’avoit batu l’autrier;
Or li voldra li gloutons vendre chier.
Tout belement s’en va par .1. sentier,
Jusqu’au tref Gui ne se volt atargier.
Soupé avoient, si aloient couchier.
Et li gloutons s’en va agenoillier Devant Guiot d’Autefoille le fier ;
Il l’en resgarde, sel prent à arraisnier :
« Que weuls tu , gars , garde nel me noier ?
— Sire, dist il , entendez mon cuidier:
« Que voldriez voz de vostre avoir paier « Qui le duc Gayde voz voldroit enseingnier,
« Que par voz tierz le porriez Hier,
« Et rendre à Karle l’emperere au vis fier ?
« Si m’ait Dex , li peres droituriers ,
« [*Li dus Gaydons est venuz donoier « Au tref Claresme , qui le menda dès ier,
« Et li a dit , de loial cuer antier,
« Qu’ainz se lairoit toz les menbres tranchier « Que en sa vie fust la vostre moillier. »
Quant Guis l’antant, le sans cuide changier,
Et d’autre part n’i ra qu’eléescier :
Bien cuida Gaide toz les menbres tranchier. Dame Claresme comence à laidangier :
« Desloiax famé , Dex te doint ancombrier !
« Si durement me sauriez huier!
« Qui famé croit, on le devroit noier ;
« Quant on la cuide avoir, lors s’en covient gaitier » Lors dit an bas belement, senz noisier :
« Or ai grant tort, par le cors seint Ligier ;
« Paravanture qu’ele a mendé Gaydier « Por lui deçoivre et por lui angignier,
« Qu’el wet m’amor avoir et recovier.
« Je l’ai blasmée à tort, au mien cuidier. »
Dit li garçons : « S’en aurai mon loier ?
— Oïl , dît il , senz plus de l’atargier.
« Aulori , frere , car li alez paier « Si que jamais n’en oie plus plaidier. »
Et cil le va par les flans anbracier,
En .1. fossé l’est alez trebuschier.
Ainz qu’il poüst si qu’au fonz apoier,
Li covint il le col à peçoier.
L’eve est parfonde , si s’est alez baignier.
Dit Auloriz : « Or as tu ton loier ;
« Quant revanras , si seras chevalier. >»
Se Dex n’en panse , li peres droiturier,
Mar vint Gaydons as dames domoier ;
Ainz qu’il soit jorz, jel vos di senz targier, Auroit il bien de mil homes mestier.
Trop costera , ce cuit , icist baisier ;
Onques mais nul nen fu vanduz si chier.
Auloris s’arme sanz nule demorance,
Et Guis ses frere , où il a grant fiance ,
Tex .xxx. awec , n’i a cel qui n’ait lance.
Dex gart Gaydon par la soie puissance ,
Car de morir est il en grant balance!
Et Guis si fu defors en atandance.
Et dit Claresme : « Par les corsainz de France ,
« Alons nos en, fox est qui ne s’avance;
« En la cité ferai asséurance.
« Se tant c’au jor faz ici demorance ,
« Guis , qui qu’en ait éu duel et pesance ,
« Me pora bien fere descovenance ,
« Et vos méismes seroiz mis en viltance.
<( Mielz voudroie estre perde d’une lance « Que éussiez par moi tel mesestance.
— Dame , dit Gaydes , en vos ai grant fiance. » .III. foiz la baise par bone asséurance.
Gautiers regarde aelez une garance,
Et vit de hiaumes flanboier la luance Contre la lune , qui de corre s’avance.
Oit des destriers la noise et la bruiance ;
Deci qu’au tref est venuz senz faillance.
Où voit Gaydon, si li dists’esperance.
« Sire, dit il, mal ait male acomtance;
« Vostres donoiz tomera à grevance.
« Vez ci de l’ost venir une semence ,
« Qui ne vos aiment le tronçon d’une lance :
« Or verra on anuit vostre provance.
« Par icel Deu qui ses amis avance ,
«< Ainz que j’an muire d’espée ne de lance ,
« Por ma moillier i ferai tel vaillance ,
« Que j’esposai quant ele [fryssi d’enfance],
« Qu’il n’a si bele el roialme de France ,
« Ja n’orra dire que face coardance. »
De plaine terre sus el cheval se lance.
Et tint la hache , dont liez fu li menches ; Forment l’estraint, et par tele aïrance Que toz li poinz li toma à suance.
Gautiers s’aïre, de maltalant s’arguë,
Et tint la hache qui bien fu esmolue.
9085 — 9 rt7
Dist à Gaydon : « Vez ci foie atandue,
« Vez ci François venir tote une rue ;
« De cels d’Angiers n’i aurons ja aüe :
« Ceste acolée nos sera chier vandue.
« Ahi ! Lorance , dame bien conéue ,
« Gentil moillier, toz jorz vos ai éue; u Se me perdez , ce est chose séue ,
« Tote joie est de vostre cors issue.
« Vos soliez venir à la çharrue « Aporter moi la grant crote cornue ,
« En la toaille la grant tarte fessue.
« Quant vos véoie , s’iert ma joie créue,
« Puis vos tenoie au vespre tote nue ;
« La vostre pai * n’estoit pas à créue.
« J’ai por mon sire fait grant desconvenue,
« Quant j’ai laissié ma terre et ma charrue ,
« Et ma moil!ie[r], por coi li cuers m’arguë ;
« Por soie amor la guere ai maintenue. » Gaydes saut sus , cui proesce salue ;
L’iaume li lace çele qui est sa drue ;
Es arçons saut de la self volue.
Dame Clareme li a lance landue.
Et Guis chevauche , de Pesploitier s’arguë, Gaydon menace à sachier la véue.
Or le gart Dex qui pechéors salue ,
Car moult grant poinne [<li] ert par tans créue !
Guvoz venoit devant sa conpaignie ,
L’escu au col et la lance anpoignie.
La lune luist , qui est clere et sérié ;
Desi au tref ne si aresta mie.
Quant il i vint , à haute voiz s’escrie : v Par Deu , Gaydon , ce fu grant legerie tr Quant çà venistes donoier à m’amie.
«if
« Ma foi li ai et jurée et plevie ,
« Et ele à moi, qu’ele n’en faudra mie ;
« Vostres voiages tornera à folie. »
Dist Gaydons : « Dame, ne voscelerai mie,
« Or puis je dire, par Deu le fil Marie,
« Que vos m’avez ceste chose bastie.
« Moult par est fox qui en famé se fie ;
« Tout son pansé ne descuevre ele mie.
— Sire , dist ele , por Deu le fil Marie ,
« Ainz me laissasse dou cors traire la vie « Que je pansasse envers vos tel folie.
« J’ai ci .xxx. homes qui sont de ma maisnie; <f Ne vos faudront , nés por perdre la vie. »
Es chevaus montent, nus d’aus ne s’i detrie. Estes vos Gui et sa chevalerie.
Devant les autres le trait à une archie Gaydes lait corre le cheval d’Orcanie ,
Et Guiz à lui, qui ne l’espargna mie.
Chacuns a bien sa force anploïe ;
Lor lances brisent, chacune en est froissie,
Et lor escu ne valent une aillie ,
Ne lor haubert une sarge porrie.
Mais en la char ne s’antamarent mie ;
N’i a celui n’ait la sele vuidie.
Gaydes saut sus, tint l’espée forbie,
L’escu anbrace , où li ors reflanbie ,
Et fiert Guion sor l’iaume de Pavie;
Le cercle cope corne pome porrie ,
La blanche coife de la broigne sartie.
A mi le test est l’espée glacie ,
Que des chevox aracha grant partie.
Au resachier qu’il fist par aastie Li est s’espée très par mileu froissie.
Guios chancelé, ne se pot tenir mie;
A genolz chiet sor l’erbe qui verdie.
Li dus Gaydons hautement li escrie :
« Puisque tu es venuz véoir t’amie,
« Va la baisier, si feras cortoisie ;
« S’ele vos aime, por vos sera marrie.
« Or avez vos ma proesce essaie ;
« Ce est Gaydons qui si bien vos mercie. » Guiz sailli sus , la teste ot estordie ,
Ausi chancelé corn oisons qui tornie.
Atant ez vos venir sa conpaignie.
Dex gart Gaydon, li filz seinte Marie,
Car sa besoigne li est moult anpoirie !
La gent Guion vienent à grant essorz ;
A Gui rameinnent son cheval [‘Maigredosj.
Li gloz remonte es arçons qui sont fort. Gaydon assaillent et le fièrent en dos ;
Se Dex n’en panse, mar issi d’Angiers fors. Gautiers le voit, à poi n’est de duel morz;
Le cheval broche plus tost que les galoz ,
Que de l’eschine li fait croistre les os.
N’ot plus fort home tant qu’au pui de Matos ; Charruer fu , bien sot mettre les sos ,
A harz puchier sus les jumenz des dos.
Mais par proesce ot bien créu son los ,
Car Gaydons l’aime tant que toz en est soz. Vient à son sire qui paor ot de mort ;
Il li escrie hautement, à briés moz :
« Ne t’esmaier, venuz est li prevoz « Qui as genz Challe fera merrer les os. » Fiert Anquetin , qui fu nez de Monfors ,
Que par l’eschine saillent li boel hors.
Gautiers i fiert par ire deffaée,
De la grant hache qui bien fu acerée.
Et Gaidons monte en la sele dorée,
Prant .1. espié à la point[e] acerée,
Fiert Auboïn en la targe listée.
Nevous fu Gui de sa seror l’ainnée ;
Plus sot d’angin que famé de fusée,
Mainte male huevre avoit il compassée.
Gaides le fiert par tele destinée Arme qu’il ait li a pou de durée.
Parmi le cuer est la lance passée ;
Li cors s’estant, l’arme s’en est alée.
Se mal a fait , se vanra sa dossée.
Quant Guiz le voit, s’a la color muée ;
Por son nevou li est s’ire doblée.]
« Ahi ! biax niés , corn dure dessevrée !
« Mais ne sera par vos puisons tremprée. » Il fiert Gaydon par ire deffrenée Desor la targe qui à or fut listée ;
L’unne moitié li a par mi copée.
Li cops descent sor la selle dorée ,
Au bon cheval a la teste copée.
Li chevax chiet, Gaydes fist la tumée ;
Si grant fiat prinst que la terre a croslée , Prez que la pance ne li a effondrée.
Tout ot le cors et la teste estonnée ;
En piés resaut, mais il n’ot point d’espée ; De cuer reclainme la pucelle honorée :
« Sainte Marie , qui es cieuls iez rousée , v Garissiez moi , roïne coronnée !
« Bien oi la gorge et la chiere aweuglée ,
« Quant je issi d’Angiers à recelée ,
« Quant n’amenai de ma gentferarmée.
« Dame Claresme m’a brassé tel porrée « Qui laidement sera escuelée.
« Qui famé croit , s’arme soit tormentée ! »
Ainsiz dist Gaydes coiement , à celée ;
Mais à grant tort a la danme blasmée.
Que nel féist por iestre desmenbrée.
Auloris broche par ire deffrenée ;
Vint à Gaydon par moult grant randonnée , As puins le prent par la cercle dorée ,
Par grant air li a dou chief ostée.
« Avois ! escrie, vostre mors est jurée,
« Demain sera vo gorge souzpesée.
« Je n’en panroie d’or plainne une valée « Que voz n’aiez la hart en col fermée. » Quant Gautiers ot ceste chose escoutée ,
S’il ne s’en venge , poi prise sa posnée. Entr’euls se fiert, s’a la hache entesée;
Cui il ataint, tost est sa vie alée.
Quant Gautiers vit son seignor esmarrir, Entr’euls se fiert par merveillouz aïr.
Fiert Amaugin , bien le sot consievir.
Que il li fait la cervelle boillir.
A Gaydon rant le bon destrier braidï.
De plainne terre est enz arsonz sailliz, Prinst .1. espiel qu’à terre vit jesir ;
S’il ne s’en venge, poi prise son aïr.
Devant le tref fu la bataille grans;
De l’ost Karlon oit on pie noisement].
Les cops ferir et le chaploiement.
Karles s’esveille, qu’iert en son tref gisant. L’ost s’estormist et arriéré et avant ;
Vestent gambais porpoins menuement.
Plus de .111. mil s’en vont appareillant ;
N’i a celui n’ait bon cheval corrant.
Or est dus Gaydes en aventure grant.
Danme Claresme en apella sa jant :
« Seignor, dist elle, trop voz voi tenir lant.
« Par icel Deu à cui li mons apant ,
« Se voz n’aidiez à Gaydon mon amant ,
« j a de vos terres ne tenrez mais plain gant. >» Dist Hanris : « Danme, livré sonz à torment;
« Se le seit Karles, par le mien enciant, v Toute vo terre voz metra en torment.
« Ne voz chaurroit , par le cors saint Amant ,
« Se Karlemaines noz metoit à torment :
« Legiers seroit li vostre acordemens.
« Voz avez mises vos amors folement. »
Claresme l’oit , à poi d’ire ne fent ;
Elle s’escrie quant qu’elle puet corrant ,
Dou tref saut hors moult airéement ,
Au duc s’escrie moult amiablement :
« Frans chevaliers , por Deu , alezvoz ent.
« Se voz morez par mon acointement ,
« N’aurai mais joie nul jor en mon vivant.
« Je ne volsisse , por quant qu’à moi apant ,
« Que voz éusse mandé à parlement.
— Dame, dist Gaydes, por vostre acointement, « Ferrai .1. cop ainz que soie fuiant. »
Le cheval broche des espérons d’arjant,
Fiert Erchembaut par tel aïrement Que l’escu perce , qui fu poins à argent ;
Le roit espiel parmi le cors li rent ,
Par tel vertu dou cheval le descent La teste en fiche enz an pré verdoiant.
Et Gautiers fiert Lambert de Monferrant De la grant hache qui tranche durement;
Par les espaules si ruiste cop li rant Toute l’eschinne li desrompt etporfant ;
Bras et espaulles li fist voler ou champ.
Li cops descent , qui va tout porfendant ,
280 GaYDON. 928' — 9 j 17
La cuisse tranche dou bon destrier corrant , Tout estendu abati l’aufferrant.
« Avois ! escrie, biax sire , alons noz ent ;
« Vez eide l’ost venir l’efforcement.
« Je ne voil mie ci panre finement ;
« Dame Lorence , ma moillers au cors gent ,
« Auroit le cuer moult triste et moult dolent.
« Se noz moriens ici à encient ,
« Jamais vers Dep n’aurienz acordement. »
Li jors esclaire , si reluist el prael ,
Et li dus Gaydes vit venir le cembel ,
De la gent Karle .1. merveillouz tropel ;
N’i ot celui n’ait lance ou penoncel.
Adont s’en torne , ne li fu mie bel.
Il voit Claresme desoz .1. aubrissel ;
Le cheval broche, qui li cort moult isnel , Claresme embrace , qui tant ot le cors bel.
Elle s’ahiert devant à l’arsoncel,
Et s’est assise sor le col dou poutrel ;
A grant effort s’en vont vers le chastel.
Et Guis s’en torne, qui fist un duel nouvel Por ses neveus qui gisent el prael.
Au plus haitié paroient li boel;
Mais n’ont talent de geu ne de revel.
Vait s’en dus Gaydes à la chiere membrée ,
O lui Gautiers, à grant esperonnée.
Et dist Claresme : « Par la vertu nommée ,
« Se Dex ce donne et la Virge honorée « Que noz venonz en la cité loée,
« Voz mepanrez à moillier espousée;
“ Toute ma terre voz iert abandonnée,
« Coronne d’or voz iert el chief posée. »
9J,S 95$o GaYDON. 281
Et Guis s’escrie à sa vois haut levée :
« Par Deu , dus Gaydes , folie avez pansée « Qui la pucelle avez si haut levée ;
« Metez la jus , voz l’avez trop portée. »
Et Gaydes broche tout contreval la prée, Forment en va à grant esperonnée ;
Car moult desirre à véoir la jornée Que la pucelle fust laienz ensarrée.
Mais or li vient pezante destinée ,
Crans encombriers et moult très fors jornée.
A grant effort en vont par une arée ,
.1. fossé trouvent dont la terre iert ostée ;
Lor cheval chiéent enz el fons à volée.
Et Claresme est durement malmenée ,
A bien petit qu’elle n’est deviée ;
.III. fois se pasme en une randonnée.
Gaydes saut sus à la chiere menbrée ;
Vint à la danme , contremont l’a levée :
« Danme, dist il, par la vertu nommée,
« Je croi que l’arme voz soit el cors crevée.
— Sire, dist elle, à poi n’en est alée.
« Por vostre amor aurai moult fort jornée ;
« N’oi mais si male dès l’ore que fui née. »
Grant angoisse ot et fort la danmoiselle;
De la paor touz li cuers li sautelle.
Ferraus li preus fu en une tornelle;
Voit les Fransoiz venir parla praelle,
Et voit son oncle, lui et la danmoiselle,
Gautier le preu à cui li cuers sautelle ,
Qui chéu sont en la fosse nouvelle.
« Dex, dist Ferraus, cui pecherres apelle,
« Se pers mon oncle, ma dolors renouvelle!» Ses armes crie à sa vois haute et bele.
9)ji-9j8a
Ferraus escrie à sa clere raison :
« Hé ! or as armes, franc chevalier baron !
« Alons aidier aü riche duc Gaydon.
« Se perz mon oncle, jamais joie it’aurons. » Es chevax montent , par fiere contenson , .IIm. ou plus, n’i font arrestison.
Ferraus les guie , qui ot cuer de baron ,
Et avec lui Richiers, li fiz Naynmon, Bertrans li anfes à la clere fason ,
Berars li preus, Sartses et Nevelons.
Torné s’estoient devers le duc Gaydon Tel .niim. de damoisiaus guitons Qui ne desirrent se la meslée non.
Moult malement alast ja à Gaydon,
Car Guis estoit ja venus à bandon,
Ensamble 0 lui .nm. compaingnon De la maisnie au riche roi Karlon.
Tuit li pluisor sont parent Ganelon ;
De toutes pars ont assailli Gaydon.
La danmôiselle ne fu mie esbahie ; D’Angiers choisi venir la baronnie , Isnellement contremont s’est drescie,
Dou fossé ist, biens’estoit escorcie,
Fuiant s’en vait vers la cité garnie,
Et jure Deu, le fil sainte Marie,
Que mieus weult perdre toute sa manantie Que Guios l’ait en la soie baillie.
En une vingne est la danme mucie Où il avoit de rezins grant partie ;
Mais dou mengier n’ot point de couvoitise.
*La damoiselle estut soz .1. noier;
Moult se desmente et prent à gramoier.
9)83 — 94 * î GAYDON. 28$
Et Gaydes fu montez sor son destrier ;
Nel rendist mie por .c. libres d’ormier.
Encoste lui fu li vassaus Gautiers.
Voient la force qui leur venoit aidier ;
Cuers et coraige lor prinst à enforcier.
Gaydes commence entor lui à gaitier.
Mais ne vit mie Claresme au cors legiei';
Esbahis est , si se prinst à saingnier.
Guis d’Autefoille le vaferir premiers;
L’escu li perce, ne li vault .1. denier.
Mais li haubers le gari d’encombrier ;
La lance brise , si l’estut depeder.
Leduc Gaydon ne volt mie espargnier;
De son escu li fait le taint percier ,
Le bon hauberc desrompre et desmaillier.
Par tel vertu le fait jus envoier Le cuing dou hiaume fist en terre fichier.
Gaydes saut sus, vis cuida enzraigier;
L’escu embrace et tint le brant d’acier ;
A grant merveille s’en savoit bien aidier.
Guis d’Autefoille tint l’eseu en chantelr L’espée au poing, dont brun sont li coûte! ;
A Gaydon donne merveillouz hatiplel Que tout l’escu li abat en prael.
Par les espaules a conséu Morel,
Le col li tranche ainsiz corn .1. rozel.
Que à la terre fist fichier le muzel.
Gaydes saut sus, à cui ne fu pas bel.
Ja fust li chaples moult grans et moult isnel;
Ez voz Fransois, par delez .1. ruissel,
Plus de .uira., chascuns sor le poutrei.
Là véissiez maint penon à noel >
Et maint escu portrait à Iÿoncel>
Maint bon destrier qui de corre iert isnel.
A Gui ramainnent son bon cheval Morel.
Li glouz i monte , à cui il en fu bel ;
Devers Gaydon tornast ja li mezel,
Quant Gautiers fu issuz fors dou fossel ,
Qui au chéoir ot brisié le muzel ,
Et de sa bouche ot rompu le noel.
J a fuissent prins, cui fust lait ne cui bel ,
Quant Ferraus vint poingnant tout le vaucel ,
Et Amaufrois et Guis de Monbendel,
En lor compaingne tel .nim. jovencel Plus ainment guerre que fius vaslés chapel.
Cil d’Angiers issent à force et à bandon. Devant les autres ez Ferraut le baron ;
Cil estoit niés au riche duc Gaydon.
Au dos le sieult Richiers , li fiz Naynmon , Bertrans ses frere , sor le cheval gascon.
« Avois ! escrient, deffendez voz , baron ! »
Li ber Ferraus ala ferir Simon,
Richiers fiert Hue, et Bertrans Amandon.
Cil .111. ne porrent avoir confession.
Et Ferraus broche , si prent un Arragon ;
Parmi la resne le randi à Gaydon :
« Montez, biaus oncles, de cestui voz faz don , « Maugrez en ait Auloris et G uions ,
« Et li lingnaiges au cuivert Ganelon ,
« Et Karlemaines qui a blanc le grenon. » Gaydes l’entent, tel joie n’ot nus hom ;
De plainne terre est saillis en l’arson , S’enseingne escrie : « Ferez avant, baron! »
Là véissiez de lances maint tronson ,
Maint chevalier abatu de l’arson,
Qui n’ont puissance d’aidier lor compaingnon.
Grans fu li chaples et li estors mortal. Ferraus i fiert com chevaliers vassal.
Et Gaydes tint le brant poitevinal ;
Cui il ataint il a mauvais jornal.
L’erbe an roujoie dou sanc qui cort aval ;
Des .11. parties i fu li diaus coral.
Estez voz Karle corrant par .1. costal;
Plus vaillans hom ne monta an cheval,
Bien .11e. ans avoit en son estai.
O lui fu Naynmes, qui avoit cuer loial,
Ogiers li preus sor Ferrant son cheval.
Et tint l’espée d’acier poitevinnal ,
Lez son seignor menoit grant baptestal ;
Cui il ataint il a mauvais jornal.
Karles s’escrie : « Ferez avant, vassal !
« Se puis tenir Riol le desloial ,
« Gayde son nief , qui tant m’a fait de mal ,
« Qui m’envoia le fel présent mortal ,
« Qui me cuida murtrir en mon ostal ;
« Se Dex ce donne, li pere esperital ,
« Que je le teingne dedens mon tref roial ,
« Li jugemens en sera moult crual. »
Grans fu l’estors et la bataille fiere.
La gens Gaydon ne fu mie lasniere ;
Chascuns i fiert d’angoissouse maniéré ,
Dou sanc des cors vermoille la poudrière.
Dus Naynmes garde delez une joinchiere ;
Voit ses anfans ferir de grant maniéré Qui des gens Karle font faire mainte bierre. Bien les connut as escus de Baiviere,
A lor grans cops, à lor hardie chiere.
Il lorescrie à sa vois qu’ot plenniere :
« Glouton , dist il , trop par iestez trichierre ,
2&& GaYDON. 9482 — 9{t}
« Quant n’aidiez Karle, vostre droit justicierre.
« Se iestez prins, par les sains de Baiviere « Ne foi que doi la riens que plus ai chiere ,
« Plus crueulment voz i ferai maisiere « Que nesun home qui soit en ceste herbiere. » Richiers l’entent, sidist parole fiere.
« Par Deu, biax pere, dist Richiers li menor, « Trop par avez le cuer plein de folor,
« Qui tant créez Karlon l’emperéor,
« Qui des traîtres fait ses consilléors,
« Qui touz jors ont mis France à deshonor.
« Onques voir Gaydes ne fu jor traïtors,
« Vos couzins est, cesevent li pluisor;
« Bien déussiez maître voz en labor « Que li dus Gaydes éust pais et amor « A Karlemaine , son droiturier seignor.
« Par icel Deu qui fait et foille et flor ,
« Ainz me lairoie torner à deshonor ' « Que au duc Gaide faille ja à nul jor.
« Mes couzins est , et je l’ainz par amprs.
— Va glouz, dist Naynmes, Dex te doinst desho- « Je ne doi mie faillir à mon seignor, [nor! « Ne por nul home ne li faudrai nul jor. »
Ainsiz parole et Richiers et Naynmons,
Ne n’i esgardent nulle riens se bien non.
A ces paroles ez voz venu Ferron ,
Et fu montez sor Ferrant l’Arragon ,
L’escu au col où ot point .1. lyon ,
Et en sa lance fermé un confanon ,
Et sor son elme la coe d’un paon.
A grant merveille resambloit bien baron ;
En haut parole , à sa clere raison ,
9f 14—9147 GAYDON. 287
Que on l’oit bien entor et environ :
« Gui d’Autefoille , li parens Ganelon,
« Et où iez tu , fitils à putain , gloutons,
« Qui te vantaz au Charlon pavillon ,
« Que bien m’avoiez tenu en ton broion,
« Ocis m’éussez et rendu à Charlon ?
« Car te trai sà et si nouz rassaionz. »
Dient Fransois : « Bien est drois et raisons. » Ainsiz remest toute la chaplisons.
Por esgarder la jouste de Guion ,
A une part se trait la gens Karlon ,
Et d’autre part la maisnie Gaydon.
Ferraus lait corre le bon destrier gascon,
Qui plus tost çort que ne volent faucon.
Devant son pis a tomé le blazon ,
Brandist l’espié qui fu au roi Othon,
Ainsiz se joint corn uns alerions.
Moriaus li cort par grant devision ,
Que li esclot en volent contremont.
De l’autre part vint contre lui Guions.
Grans fu et gros, bien resamble baron ;
Se il ne fust si plains de traïson ,
En toute France n’éust si bel baron.
Fauvel lait corre par merveilloz randon,
Brandist la hanste où il ot .1. penon ,
Son escu tome devant en quarrillon ,
Vers Ferraut vint par merveilloz randon.
Par tel vertu se fièrent li baron Des escus percent le taint et le blazon ,
Mais li hauoerc lor ont fait garison.
Guios a fait de sa lance tronson ,
Que les esclices en volent contremont Assez plus loinz que le giet d’un baston.
Ferraus le fiert par tel devision
L’escu li perce, ne li vault .1. bouton.
Les mailles tranche dou hauberc fremillon ,
Et la cuirie, la cote et l’auqueton.
Enz el costé li a prins tel braon Dont il poîst bien repaistre .1. faucon.
Si fort l’empoint Ferraus , li gentiz hom ,
Que par derrière li fist brisier l’arson.
Parmi la crope l’en envoie el sablon ,
Que en la terre li fiche li mentons,
Abien petit que li cols ne li rompt.
Ferraus cria quant qu’il pot, àbandon :
« Gui d’Auteloille, li parens Ganelon,
« Or seiz tu bien comment jouster savons.
« Gaydes li dus, qui ait benéison,
« Il noz seit bien donner grant livrison :
« Bien sont servi à sa cort li baron,
« De quant qu’il welent ont il à grant fuison , *< Corn s’il sorsist enz enmi sa maison ;
« Mais tu languis à la table Karlon :
« Plus de .xml. assiet on d’un chapon,
« Nés dou bon pain n’ont il mie à raison.
« Tex gens ne pueent faire se petit non.
« Encor a Gaydes , làienz , en sa maison ,
« Trestout par conte, plus de .vnm. bacons,
«< Et .nra. bues que bien norris avons,
« Et si a plus de .xm. mil chapons.
« Chascuns en a laienz plain sa maison ,
« Et si i a des poissons à fuison ;
« Dou bon forment ne sai devision.
« Moult par est Karles musars et folz bricons , « Qui si noz cuide tenir en son broion.
<« Encor a tel danmoisel à guiton « Qui ainz aura tout flori le grenon « Que ja par force entre an la cit Gaydon.
9j8a-9éi$ GaYDON» 289
« Haut sont !i mur et li fossé parfont ;
« Chascuns quarriaus est saielez à plonc. » Fransois l’entendent , s’en tiennent lor sermon ; Dist l’uns à l’autre : «< Moult est Ferrauspreudom ; « Comment ail jousté contre Guion !
« Ainz plus bel cop ne feri mais nus hom. * Adont repairent Fransois et Borgoingnon ;
Guiot enraainnent desci au pavillon.
Duel ot et ire, louz li cuers li confont.
Dedens Angiers en est entrez Gaydons ,
Ferraus 0 lui et li autre baron.
Gautiers venoit derrière , li preudom ,
Qui vint as dames parler avec Gaydon ;
Derrier venoit desor .1. Arragon.
En sa main tient d’unne lance .i. tronson.
11 resgarda par delez un buisson.
Et voit Claresme à la clere fason.
Si la tenoient iluecques dui garson ;
Faire en voloient lor talent et lor bon.
El se deffent et escrie à haut ton : •
« Car me venez aidier, sire Gaydon J « Je sui honnie ici par .11. garsons,
« Je me ferrai d’un coutel el pormon. «
Elle saisist une pierre à bandon ,
En sa main destre la lieve contremont ,
Parmi le chief en feri l’un garson ,
Que de la teste li sailli à bandon Li sans vermaus «nfresci qu’au talon.
Gautiers la voit, tel joie n’ot nus hom ; , , . .
Bien la connut au vis et au menton ,
As iex rians et au vert syglaton.
Celle part vint corrant à espérons ,
Par les chevox a saisi l’un glouton ,
[*Tot contreval] l’enmainne le troton.
Cil li escrie : •< Ne m’oci , gentiz hom ! » Gautiers le laisse gisant sor .1. perron ,
Arrier revint à la danme au chief blont.
« Dame, dist il, por le cors saint Simon,
« Venez en tost, de demorer n’ai soing.
« Vez des gens Karle tout couvert cest roion ; « S’il m’apersoivent, n’i aurai garison.
« Se voz amez de riens le duc Gaydon,
« Si en venez lassuz en son donjon.
— Oïl , fait elle , plus que nului dou mont. »> Elle s’eslance devant sor son arson ;
Aprez les autres s’en vont à esperon ,
En Angiers entrent par la porte Doon ,
Devant les autres descendent au perron, lluec s’assamblent danmoisel et garson.
Qui li venoient entor et environ :
Por la pucelle est chascuns en frison.
Devant la sale est Gautiers descenduz Et la pucelle, ainz tant gente ne fu.
Li escuier furent iluec venu ;
Il l’en apellent par moult ruiste vertu :
« Sire diables, maufez et malostruz,
« Quel .c diable voz ont or ravestu « De tel pucelle, ainz tant gente ne fu.
« Por soie amor, aurez le dos batu ;
« Se voz gronciez , mal voz est avenu. »
Uns escuiers en est avant venus ,
C’on apelloit Aliaume de Montnu.
Lez la pucelle est cil arrestéuz,
Sor les espaules li a le bras tendu ,
Baisier la volt , qui qu’an fust irascuz.
Voit le Gautiers. ainz si dolans ne fu;
L’espée saiche dont li brans est moius.
Parmi la teste éust celui féru ;
Mais cil se laist chéoir touz estendus.
La noise lieve et li cris et li hus.
Gaydes l'entent dou palais où il fu ;
Celle part vint acorrant par vertu ,
Vit la pucelle, bien l’a reconnéu ,
Si l’a saisie par le paile boffu.
Gautiers hausa le brant d’acier molu,
A bien petit que il ne l’a féru.
Gautiers li dist .11. mos aperçéus :
« Laissiez la danme, n’i avez .1. festu.
« Je l’ai conquise au brant d’acier molu ;
« Voz n’i avez vaillissant .1. festu.
« Voz la laissaistez , que petit voz en fu,
« Dex la confonde et la soie vertus!
« S’elle m’en croit , qui sui vieuls et chenus ,
« Mais ne gerra à vostre costel nu.
— Sire , dist Gaydes, trop voz iestez téuz ;
« Trestuit vo dit me resamblent salu.
« J a envers voz ne serai irascus. »
Dist Gautiers : « Sire , entendez ma raison,
« Je ne voz sai plus faire lonc sermon :
« Par ma proesce l’ai mise à garison.
— Voire, dist elle, Dex voz face pardon!
« Preui aurez, se longuement vivons. »
Atant s’en tornent, n’i font arrestison.
Ainz ne finarent jusqu’au maistre donjon Où il avoit de danmes à fuison .
Grant joie mainnent et aval et amont.
Or voz lairai d’euls .1. poi la chanson;
.1. petitet noz en relascherons,
Si voz dirai dou riche roi Karlon, - : .
lj8>“-97'4
IÇl CÎAVbON»
Qui fu venus arriéré au pavillon*
Èntor lui ot Alemans et Bretons.
Il en apelle et Ogier et Naynmon ,
Girart de Blaivies et le conte Simon ,
Et .xx. des autres privé de sa maison*
« Seignor , dist il , entendez ma raison i « Arfienez moi le mien ami Güion.
« Grant paor ai , si en sui en frison ,
« Qü’il n’ait malmis le col et le chaon ,
« Et en son ventre le foie et le pormon ,
« Quant dans Ferraus l’abati el sablon ; u Se il i muert , jamais joie n’auronz. » Ogiers s’en tome si a bôüté Naynmon ,
Puis li a dit belement, en bas son î « Bien est tornez cist rois à folison ;
« Qui bien le sert, s’a pire guerredon*
« Bien a torné son cuer à cel glouton « Qui ainz ne fist nul jor forstraïson.»
A ces paroles ez voz Venu Guion.
Parles se dresce , si le priftst par lè poing. Lez lui l’assist, si l’a mis à raison, u Amis , dist il , avez voz se bien non ?
« Moult ai esté por voz en souzpesoft.
— Sire , dist il > je h’aüfai se bien non ;
« De cest danmaige ne m’est il .t. bouton,
« Que ja ne fuisse chéuz de l’Arragon ,
« Se de ma selle ne fust brisiez l’arsons.
« Mais or voil je que me donne2 mon don « De la pucelle que requis voz aVonz.
« Si la panrai , voiant maint haut baron., w Maugrez en aient et Gautiers et Gaydons, « Qui la voloient porter en lor maison ;
« Mais je lor fis maitre jus de l’arson.
« Envoiez la querre à son pavillon. »
97 1 ï — 974* Çî A Y DO N .
A ces paroles ez Gautier d’Avalon ;
Cil estoit hom Claresme o le chief blont.
Devant le roi se met à jenoillons.
« Sire , dist il , por Deu quel la ferons ?
« Mal m’a bailli li riches dus Gaydons :
« Dedens Angjers, en sa maistre maison,
« En a menée ma damme en sa prison ;
« Or en fera son talent et son bon/»
Quant Guis l’entent, si tainst comme charbons; Ne déist mot por l’avo[i]r Pharaon.
Ogiers s’en rist , si apelle Naynmon,
Et li a dit belement, à cler ton :
« A bonne proie a failli çis faucons,
« Mais de cest mois n’en fera livrison,
« Karles li vieuls o le flori grenon ,
« Qui en devoit avoir le guerredon « CÜargié .i. mûri d’or fin et de mangons ,
« N’en aura mie, par le cors saint Simon.
Seignor baron , dist Karles de Loon ,
« Moult puis avoir à mon cuer grant frison,
« Je ai tant jor porté mon confanon ;
« [Mlc. ans a], que de fit le seit on,
« Que je chausai premiers mon esperon.
« Abatu ai l’orgoil de maint glouton.
« Onques nus hom ne mut vers moi tenson « Qui en la fin n'éust son guerredon ;
« Mais moult me doit* annuier d’un garson « Que j’ai assiz à Angiers sa maison.
« Or medéust venir à jenoillons,
« Nus piés, en langes, en sa main .j. baston,
« Lahart en col, com .i. autre larron ;
<f De cest afaire n’a talent ne raison ,
« Ansoiz le trais orgoilloqz et félon ,
K Et touz ses homes hardis comme lyons.
« Orne lairoie por .1. mui de mangons « Que je ne[l] voise espier à larron :
« Lor contenance verrai en lor maison,
« Et de Claresme voldrai oïr renon ,
« S’elle panra à espousé Gaydon. »
Dist Ogiers : « Sire , par le cors saint Simon ,
« Se i alez , ce sera folisons :
« N’en revenrez sans avoir sozpeson.
« Se voz persoivent par nesunne ochoison ,
« N’en estordrez sans avoir marrison ,
« S’aucunne pais ne faitez à Gaydon.
— Ogi r, dist Karles, voz parlez en pardon.
«Je n’i ai garde que m’i connoisse l’on ;
« Quant l’ai emprins, por riens ne le lairons.
— Sire, dist Naynmes, voz ferez vostre bon.
« Puis qu’est ainsiz tenir ne voz poonz,
« O voz irai à tout mon chaperon ,
« Que ja sans moi n’irez, par saint Simon.
— Naynmes, dist Karles, bien le voz otroions. » Adont s’atornent sans point d’arrestison.
Charles li rois à la barbe chenue Avoit sa robe maintenant desvestue ;
Une esclavinne, qui fu noire et velue,
Vest en son dos sans nulle arrestéue.
Son vis a taint de suie bien molue,
Prent .1. chapel de grant roe tortue,
Et .1. bordon dont la pointe iert aigue , L’escharpe au col qui bien estoit couzue. Fransois en rient , quant l’ont apercéue. Naynmes s’adoube par autel connéue.
Naynmes s’adoube , li sires de Baiviere,
De l’esclavinne qui fu grans et plenniere ;
Son vis a taint de suie de maisiere.
978a — 9814 GAYDON. 295
Andui s’en vont parmi une charriere ,
Hueses enz jambes, de diverse maniéré;
N’i a celui qui ait semelle antiere.
Franc les commandent à Deu le justiciere Qui les ramaint et sains et saus arriéré.
Charles s’en va à guise de paumier,
Il et dus Naynmes, où moult se pot fiier. Chascuns tenoit le grant bordon plenier ;
Barbes ont grans jusqu’au nou dou braier,
Et sont plus noires que mores de morier,
Huezes enz jambes où il n’ot fil entier;
Jusqu’à la porte ne voldrent detrier.
Naynmes apelle en basset le portier ;
« Ouvrez , biaus frere , por Deu le droiturier.
« Chevalier sommez et si sommez paumier,
« Si revenonz dou sépulcre proier.
« En no pais volionz repairier;
« Parmi la ville [^nos covient] adrecier,
« Et nonporquant bien averienz mestier « Que li frans dus noz donnast à mengier.
« Car parmi l’ost n’osommez repairier,
« Car tant i a garsons et pautonniers « Tost noz feroient trestoz nus despoillier,
« Et noz tolroient sans nesun recouvrier « Nos esclavinnes, por couvrir lor destriers,
« Et de tel chose n’avonz noz nul mestier.
— Je l’otroi bien, ce respont li portiers.
« Or venez ens , por Deu le droiturier.
« Que Jhesus laist dant Gaydon le guerrier « A Karlemaine son seignor apaier ! »
Karles l’entent, le chief prinst à hocier ;
Et cil lor va l’uisset desverroillier.
Karles i entre , l’emperere au vis fier,
296 Gayd-on.
Et avec lui dus Naynmes li Baiviers.
Cil le referme , ne se volt atargier.
Karles s’en tome par la cité d’Angiers , Naynmes o lui , qui ne le volt laissier.
Parmi ces mes choisirent tant destrier,
A ces fenestres tant bon hauberc doublier.
Et tant vert elme luire et refîamboîer,
Tante baniere portraite de quartier.
Et tant eseu sain et fort et entier.
Et tant vassal vigourouz et legîer Qui par ces sieges joent à l’eschaquier,
N’i a celui n’ait le hauberc doublier,
El au costel le riche brant d’acier,
Par delez lui le bon chapel vergier Por iestre près , se il en a mestier.
Karles les voit, si se prent à saingnier ;
Au duc Naynmon a prins à conseilliez « Biaus sire Naynmes, dist Karles au vis fier, « Si m’ait Dex , moult me puis merveillier « Et en mon cuer durement corroucier :
« J’ai sis là fors bien a t. an entier,
« A la jalée , au vent et au tempier ;
« Et cist se font aisier et solascier.
« Vez corn sont prest de lor armes bailliez «< Si m’ait Dex qui tout a à jugier,
« Se les puis panre , il auront mal loier :
«Je les ferai trestouz vis escorchier.
— Sire , dist Naynmes , laissiez vo menacier \ « Mieus voz venroit à Dammeldeu proier « Qu’il voz laissast sain et sauf repairier. » Naynmes dist voir, bien le seit conseilliez Atant s’en vont droit au palais plennier,
Où li' dus Gaydes se séoit au mengier.
L’aigue ont cornée à .1. cor menuier ;
Dj
$849— 9*8i GaYDON. J97
Les tables maitent serjant et escuier,
Li viex Riols s’estoit assiz premiers ,
Gaydes aprez et Ferraus au vis fier.
Et Amaufrois et li vassaus Gautiers,
Et li barnaiges qui tant fait à prisier,
Li uns avant et li autres arrier.
Les mes aportent et Bertrans et Richiers ;
Cil furent fil duc Naynmon le Baivier,
Et aprez euls tel .xl. escuier N’i a celui n’ait chastel à baillier,
Et plus desirrent estor à commencier Que il ne font en chambres dosnoier.
Naynmes esgarde son ainsné fil Richier,
Bertran aprez , qui fu biaus chevaliers ;
Dou cuer dou ventre commence à sozpirer.
Si que la face en convint à moillier Apoiez est sor son bordon plennier,
Que par ,1. poi que ne le fist brisier.
Moult se regarde et avant et arrier.
Et li dus Gaydes l’en apella premiers :
« Dont iqstez voz, bel pelerin paumier?
« Moult voz voi or plorer et larmoier.
— Sire , dist Naynmes, n’en devez merveîllier; « Pelerin sommez d’un estrange regnier.
« Ja fu tele hore noz nozpoienz aidier;
« Chascuns avoit grant terre à justicier,
« Chevax et armes, quant en avoit mestier :
« Or noz convient par autrui mendiier.
« Quant m’en ramemhre , n*i a que corroucier ;
« Je ne me puis tenir de larmoier. »
Gaydes a dit Ne redoutez, paumier;
« Dex est moult grans, qui bien voz puet aidier,
« Seignqr, dist Gaydes, ne soiez adol4 i
« Prennez en grâce la vostre povreté,
« Que tex a moult grant avoir amassé « Qui en poi d’eure chiet en grant povreté,
« Et tex est povres qui puis en a plenté.
« En grant duel faire ne gist mie santé.
« Alez séoir, bien serez conraé « Et bien servi tout à vo volenté.
« Se voz volez en vo pais râler,
« Dou mien aurez , se panre le volez ,
« Chascuns .c. sols de deniers monnaez.
« Que Dammeldex , ii rois de majesté,
« Doint Karlemaine tel cuer et tel panser « Qu’il me pardoinst sa très grant cruauté,
« Dont il m’a si traveillié et pené !
« Ce est à tort, ce saiche Damledex ;
« Mais, par celui qui tout a estoré,
« Quant ne retruis envers lui amisté ,
« Ainz que mais soit li mois d’avril passez ,
« Le cuit je faire si dolant et iré « Que plus ne fu nul jor de son aé.
« Se gel puis panre, par sainte Trinité,
« Ne sera mies delegier eschapez ;
« Touz li danmaiges sera bien restorez ,
« Que il m’a fait et yver et esté. »
Et cfist Gautiers : « Par la foi que doi Dé ,
« Se gel tenoie en cest palais pavé ,
« Ja li auroie le sien grenon plumé,
« Car nus plus fel ne fu de mere nés.
« Tant a traîtres entor lui à plenté « Que loiaus hom n’i puet iestre escoutez. » KarTes l’entent , à poi que n’est desvez ;
Les sorcilz lieve, si a le chief croslé,
Les dens estraint, bien samble home desvé. Tint le bordon qui fu gros et quarrez ;
Diatoeri bv C.ooqIc
99, é-994» GAYDON. 299
S’il ne Cuidast iestre mal ostelez ,
Ja l’en éust parmi le chief donné.
Sor le bordgn est si fort aclinez Que les esclices fist contremont voler.
Touz li barnaiges l’en a moult resgardé ;
Dist l’uns à l’autre : « Cist paumiers est desvez ; « Li vis diables li est ou cors entrez. »
Grant duel ot Karles , bien savoir le puet on. Quant il oi menacier son grenon.
En sa main tint moult estroit le bordon ;
Ja en ferist Gautier enz el chaon,
Mais trop redoute la maisnie Gaydon.
Si fort s’apuie sor le ferré bordon Que les esclices en volent contremont.
Et dist Gautiers : « Par le cors saint Simon,
« Cist paumiers a en cors la passion ,
« Raige l’a prins; seignor, car le lionz:
« Il porroit faire ja tele desvison « Qu’il tourbleroit bien tost ceste maison. » Karïés l’entent , s’en fu en souzpeson ;
Bien volsist iestre dedens son pavillon.
Et dist dus Naynmes : « Estez en suz, baron ;
« Mon compaingnon ne faitez se bien non.
« Par celle foi que je doi saint Simon ,
« Ja fu tele hore quJil fu de grant renon.
« Se il éust souffraite ne besoing,
« Il éust tost .m. chevaliers barons.
« Et il méismez avoit cuer de lyon ;
« Plus vaillans hon ne chausa esperon.
« Or se voit povre , s’en a au cuer frison ,
« Que par .1. poi que li cuers ne li font. »
Dist l’uns à l’autre : « Bien pert à sa fasoa « Qu’il a esté as armes moult preudom. »
Or fu dus Naynmes enz an palais listé.
Et Karlemaines qui Qt le cuer iré.
On les anmainne à .1. buffet quarré*
Si lor aportent blans gastiaus Duletez ,
Et plain barri 1 de vin et de claré.
Et .1. poon rosti et empevré.
Bertrans , li anfes , au gent cors honoré (Cil estoit fiz duc Naynme le barbé),
An une coupe lor verse le claré.
Son pere esgarde , souvent l’a remiré ,
Et par .1. poi qu’il ne l’a ravisé ;
Mais trop le voit taint et descouloré.
Souvent l’esgarde , tant i a son pansé Que il en a le cuer tout eschauffé.
Ne seit que faire , tout i a son pansé ;
Petit s’en faut , tant fort l’a enamé ,
Que il ne l’a baisié et acolé.
D’iluec s’entorne, n’i a plus demoré,
Richier son frere en avoit apellé,
Et en l’oreille li conseilla souef ;
« Richier, biax frere, par sainte charité ,
« A grant merveille ai le cuer trespansé « De cel paumier qui ceienz est entrez,
« Par icel Deu qui en crois fu penez ,
« Je nel croiroie, se il n’est esprouvé,
« Que ce ne fust Karles au poil meslé « Et nostres peres, dus Naynmes li barbez,
« Mien anciant qu’il sont atapiné « Por espiier eeste noble cité ,
« Le duc Gaydon et son riche barné.
<• Bien est nos peres et li roisassoté. »
Et dist Riehiers : « Voz dltez vérité;
« Se ce sont il, bien sera esprouvé.
« Et se c’est Karles , qui tant no? a pené ,
<rr — PigitfeedTiÿ On
$9Sr-»ô,t>i 5 Gaydon. $01
« Ainz qu’il s’en part , sachiez par vérité ,
« Li sera tart que il soit eschapez,
«1 Ou il sera à Gaydon acordez ,
t< Ou bien li poist ou en ait mauvais grez. »
Dist Bertrans; « Frere, di moi quel le ferons? « Irons le dire au riche duc Gaydon « Que Karles est dedensceste maison? »
Et cfist Richiers ; « Nenil, par saint Simon;
■ce En autre guise esploiter en voldronz. te Noz i ironz , sans point d’arrestison,
« Et je et voz, belement, sans tanson. »
Atant i va Bertrans lifiuls Naynmon,
Richiers ausiz, sans autre compaingnon ;
Jusqu’à la table n’i font arrestison.
Naynmes les vit, si le moustra Charlon,
<c Sire , dist il, pot Deu quel le ferons ? tc Vez la mes fiz , por voir le voz disonz ;
« Je me douz moult parcéu ne soionz. »
■Karles respont : « G’en ai au cuer frison, ce Folie fu d’entreî en cest donjon,
« Car j'ai grevé forment le duc Gaydon, ce Et de ses homes mis à destruction.
t< Se il me tient, ja n’aurai raenson;
« Trenchera moi le chief soz le menton-.
« Ha ! Dex ,drst Karles, qui souffris passion,
« Et mort souffristez por no rédemption , te Et suscitastez , que de fi le set on ;
« D’anfer brisastez les portaus à bandon cc Por vos amis qui ierent en prison ,
« En ciel montastez au jor d’Ascension , ee Et li apostre praioherrent vostre non te Par toutes terres , que de fi le seit on ,
« Et il le firent par bonne entencion,
« En ciel en ont moult riche guerredon ;
« Si com c’est voirs , et noz bien le créonz ,
« Deffendez moi , vrais rois de tout le mont ,
« Ne m’apersoive li riches dus Gaydon! »
A ces paroles vint Richiers li frans hom, Bertrans ses frere à la clere fason.
A ces paroles se baisse dus Naynmons;
Son vis apoie desor le roi Karlon,
Samblant fait d’omme qui soit en sozpeson Qu’il ait béu dou vin outre son bon.
Atant ez voz et Bertrant et Richier.
Richiers resgarde Karlemaine au vis fier,
Devant Karlon se vait agenoillier.
Et prinst la coupe qui fu faite d’ormier,
Dou vin versa, qui fu et bons et chiers.
« Tenez, biax sire, dist li anfes Richiers ,
« A plus haut home de voz nel puis bailier :
« Voz iestez rois de France le regnier.
« Bien voz connois, par la vertu dou ciel;
« Voz compains est dus Naynmes li Baiviers.
« Il a ceienz .11. biax fiuls chevaliers :
« L’uns est Bertrans , et li autres Richiers. >»
Par l’esclavinne va son pere saichier :
« Biaus sire pere , por le cors saint Legier,
« En quel termine devenistez paumier ?
« Souef po'istez outre la mer naigier ;
« Poi avez fait [fcles paiens^empirier.
« De truandise voz savez bien aidier,
« Moult savez bien tout le pais cerchier;
« Mais ci endroit ne voz aura mestier.
« Par celui Deu qui tout a à baillier,
« N’en irez mie sans mortel encombrier ;
« Mar i venistez mon seingnor espiier.
10,049— io, o8ï GaYDON. JOJ
— Vaglouz, dist Naynmes, Dex te doinst encom- « lez tu venus por noz contraloier ? » [brier ! Hauce la paume dont li doit sont plenier ;
Tel buffe en donne son ainzné fil Richier Toute la face li a fait roujoier.
Richiers le voit, le sens cuide changier;
Se Dex n’en panse, li peres droituriers,
Ja se voldra de la buffe vengier.
Et nonpcrquant ne se volt atargier,
Ne son coraige ne pot asozploier :
Par la poitrinne va son pere saichier, ...
[‘Tout le descire decy ens el brayer,]
Que la poitrinne li voit on blanchoier.
Karles le voit, vis cuida enraigier;
Ne set que faire mais que Naynmon aidier.
Ne connut mie le fil Naynmon, Richier;
Prent le baston duc Naynme le Baivier,
Les iex roeille, bien resamble adversier,
Richier feri parmi le hanepier,
Que à la terre en fist le sanc raier.
Voit le Bertrans, n’ot en lui qu’aïrier;
Il saut avant sans plus de menacier,
Parmi la barbe va Karlon empoingnier.
Par tel vertu le va Bertrans saichier Plus de .c pois en a fait enraigier,
Le roi Karlon a fait tout embronchier.
Li rois se dresce , n’ot en lui qu’aïrier,
Bertran saisi , ne le volt espargnier.
Par les chevox l’est alez empoingnier,
Vers lui le saiche nostre empereres fier,
Que tout envers l’abati el fouier.
Puis li a dit : « Dex te doinst encombrier,
« Quant venis Karles par la barbe saichier !
« Se nel comperes , moult me doit anuier. »
3 04 GaYDON. io,oS*— 10,1 16
As poins se tiennent et Bertrans et Karlon, Quant les départent et Richierset Naynmon.
De toutes pars assamblent li baron ;
Karlon ahierdent entor et environ.
Maint cop éust de fust et de baston ,
Quant Naynmesdist : « Estez en suz, glouton i « Ce est Karlon , li rois de Montloon.
« Qui féru l’a , n’avera raenson ;
« Deservi a c’on li cope le poins. »
Ferraus l’entent, qui ot cuer de baron ,
Ne fust si liez por l’avoir Pharaon ;
Desrompt la presse, venus est à Karlon ,
Et le saisi au pan dou syglaton ;
Moult belement li a dit sa raison.
Il li demande ne li fist celison Se il est Karles, li rois de Montloon.
« Par Deu , dist Karles , celer ne le poons.
« Bien ra’engingna Pylates et Noirons,
« Quant vins véoir le duc en sa maison ;
« Béu avoie, par le cors saint Simon.
« Ainz n'en volz croire chevalier ne baron ;
« Se honte en ai , bien deservi l’avonz. »
Dist Ferraus : « Sire, n’en aiez souzpeson ;
« N’aurez ceienz, se Deu plaist, se bien non.
« Tout ce volt Dex, par son saintisme nom,
« Que venissiez à Angiers sa maison.
« Or ferez pais, s’il voz plaist, à Gaydon.
— Hé Dex! dist Karles, comment le ferion?
« Comment porroie faire pais au glouton « Qui me voloit murtrir en ma maison ? »
Dist Ferraus : « Sire, voz parlez en pardon.
« Tant en fera com esgardera l’on,
« Com jugeront vo per et vo baron.
« Car voz ramembre, por le cors saint Simon,
« De la contraire et de la traïson « Que ja voz fist li cuivers Ganelons « En Ronscevax, au roi Marsilion,
*< Dont France fu en tribulacion , ,
« Et mainte danme i perdi son baron.
« Parvostre terre en ot grant plorison,
« Puis avint chose que prins fu Ganelons;
« En vostre cort n’ot .1. tout seul baron « Qui l’apellast de nulle traïson ,
«< Fors seulement le preu conte Gaydon ,
« Qui dont estoit escuiers jones hon ;
« A icel tans avot Thierris à non.
« Il apella Gane de traïson,
« Combati s’en à un fcuivert félon ;
« Niés estoit Gane, Pynabiaus avoit nom.
« Il le conquist , que de fit le seit on.
« Adont fu Canes traînez com larrons , u Pendus en haut, voiant maint bon baron.
« Grant honte en orent Auloriset Guions,
« Et Berengiers et Thiebaus d’Aspremont;
« Dont porchacierent la mortel traïson ,
« Por voz ocirre coiement, à larron.
« Desor Gaydon tornerent l’ochoison.
«< Voz l’en chassastez, ce fu male raisons ;
« ür li avez gasté tout son roion.
« Voz amez mieusles parens Ganelon,
« Hardré le fel, Amboyn et Milon,
« Et le lyngnaige qu’ainz ne fist se mal non « Que nul preudomme qui soit en vo maison. » Karlês l’entent , si baisse le menton ;
D’unne grant piece ne dist ne 0 ne non Li preus Ferraus l’en a prins par le poing ,
Et avec lui le vaillant duc Naynmon;
En une chambre les enmainne à bandon.
10, t jt— jo,i8j
Laver lor fait les vis et le menton ,
A chascun baille .1. hermin pelison ,
Robe de paile , dont d’or sont H bouton , De frez hermines forré jusqu’au talon ,
Et bons mantiaus forrez de syglaton.
[frDe la chanbre ist] sans nulle arrestison ; Ainz ne fma desci au duc Gaydon ,
Qui fu encor en son maistre donjon.
El donjon fu Gaydes au cuer loial ,
Et entor lui maint chevalier vassal.
Mieus ainment guerre et estor communal Que il ne font ne carole ne bal. .
Atant ez voz le bon baron Ferrai ;
Gaydon apelle cui nevoloit nul mal.
« Sire, dist il, entendez à moi sà :
« Moult dois loer le roi celestial ,
« Qui tant d’onnor voz fait hui cest jornal, « Ainz plus n’en fist à nul home charnal.
« Véistez voz le paumier natural.
« Qui vint ceienz 0 un autre vassal ?
« Par celui Deu qui fist et mont et val ,
« C’est Karlemaines , l’emperéor roial ,
« Vers cui avez si grantire mortal.
« L’autres est Naynmes au coraige loial :
« Espiier viennent ceiens vo general. »
Gaydes l’entent, si saut en son estai ;
Ne fust si liez por l’or Constentinnal :
« Et où est il , sire couzin Ferrai ?
« Je ai tel joie onques mais n’en oi tal.
« Or remanra la grans guerre mortal « Dont il sont mort tant nobile vassal ,
« Ou , par cel Deu qui fist home charnal ,
« Ainz qu’il eschape jamais de cest jornal ,
10,184 — ioyii6 GaYDON.
« Li ferai traire .1. moult mauvais jornal. »
Li viex Riolz en est en piés levez , Gaydes li preus et Ferraus li membrez,
Et Amaufrois au gent cors honoré ,
Richiers ausiz, qui ot le chief bandé,
Cui Karlemaines ot dou bordon frapé , Bertran son frere, qui ot Karlon tyré Par les grenons , .c. poils en ot osté.
Icil se sont tuit ensamble arrouté ;
Jusau’à la chambre ne se sont arresté.
Riolz li viex en est avant alez ,
Et tint Gaydon par l’ermin engoulé.
Dont s’agenoillent sor le maubre listé ;
Le roi saluent de Deu de majesté.
Riolz parla , qui fu touz li ainznez :
« Cil Danmledex, qui en crois fu penez ,
« Il saut Karlon , le fort roi coronné ,
« Comme celui qui est nostre avoez ,
« Cui noz devons et foi et loiauté !
« Biaus sire rois , s’il voz plaist , entendez *. « Trop par aura ceste guerre duré ;
« Maint gentil home en sont à mort livré ,
« Et mainte eglise et maint monstier gasté , « Et mainte danme chaüe en vesvéé ,
« Qui voz maudient chascun jor ajomé.
« Il est merveilles, sachiez de vérité,
« Terre ne fent où voz iestez passez.
« Gaydes mes niés est chevaliers menbrez ; « Plus loiaus hom ne fil de mere nés.
« Mal voz ramembre de la très grant bonté « Que il voz fist por Gane le desvé ;
« Qu’en vostre cort n’avoit nul home né « Qui ja l’éust de traïson reté,
jo8 Gaydon. 10,117—10,1^0
« Quant por voz , sire , fu son gaige donné « Vers Pynabel, le traïtor prouvé.
« Et l’en rendi recréant et maté,
« Et dont fu Ganes à chevax traïnnez.
« Grant honte en ot trestouz ses parentez ;
« Le duc Gaydon en coillirent en hé,
« Sor lui en orent la traïson gieté « Dont voz l’avez si fort coifli en hé ,
« Et son pais escillié et gasté.
« Or voz ont si li traître enchanté ,
« Que voz avez vers euls vo cuer torné ,
« Que [*loiax hom n’en] puet iestre privé.
« Por celui Deu qui en crois fu penez ,
« Pardonnez Gayde vo male volenté !
— Voire , dist Gaydes , se il li vient à gré ,
« Tant en ferai volentiers et de grez « Corn jugeront li baron alozé.
« Gentiz hom , sire , dist Gaydes , entendez :
« Par celui Deu qui en crois fu penez ,
« A trop grant tort m’avez coilli en hé.
« Saiche Te Dex , li rois de majesté ,
« Ainz ne pansai envers voz cruauté ,
« Ne traïson , ne nulle fausseté.
« Tant en ferai corn jugeront li per. >>
Li rois l’entent , si l’en prinst granspitez ;
Il li respont corn ja oïr porrez :
« Far DeU) dus Gaydes , dist Karles li metnbrez, « Ausiz sui prins com ors enchaainnez ,
<( Si m’estuet faire auques vos volentés.
« Par tel couvent voz iert acréantés « Qu’au jugement mes barons voz tenrez,
« Soit de bataile , s’en iestez apellez ,
« Ou de joïse , s’il voz est devisé.
« Et si me soit li gloutons amenez
io,i$t — 10, *84 Gaydon. 309
« Qui mes grenons a laidement tyrez.
« .IIe. ans a acomplis et passez « Que je fui primez chevaliers adoubez,
« Puisai conquisez .xxxn. roiautez,
« Dont je sui sires partout et rois clanmez ;
«Ne trouvai mais home de mere né « Qui mes grenons ait saichiez et tyrez :
« Deservi a que le poing ait copé. »
Bertrans Tentent , si est avant passez ,
Et s’agenoille sor le maubre listé.
Envers le roi se trait, n’a demoré;
Le poing li tent par grant humilité.
« Gentiz hon sire, dist Bertrans li senez,
« Vez ci mon frere qui a le chief bandé ,
« Cui voz feristez dou grant bordon ferré.
« Quant je le vi , moult en fui aïrez ;
« Se li aidai , n’en doi iestre blasmez :
« Mais ne Savoie rois fussiez coronnez.
« Vez ci mon poing, voiant tout le barné ;
« Se il voz plaist, maintenant soit copez.
— Voir, dist li rois, trop seroie desvez ;
«Je nel feroie por une roiauté.
« Gel te pardoinz et ci et devant Dé ;
« Se tu vis auques, moult auraz de bonté.
— Gaydes, dist Karles, puis qu’avons tant parlé, « Et que avons tout ainsiz devisé
« Qu’au jugement mes homes voz tenrez ,
« Venez 0 moi as loges et as très. »
Et dist li dus : « A vostre volenté ;
« Mes sires iestez, si doi faire vos grez.
« Non pas por ce , ja mar en douterez ,
« Que je le face por nulle lascheté :
« Qu’encor ai je dedens ceste cité « Assez viande jusqu’à .1. an passé ,
jio Gaydon. 10,385—10, J17
« A tant de gent com voz véoir poez.
— Voir, dist li rois, je l’ai bien esprouvé;
« Par maintes fois ont nostre gent grevé. »
A ces paroles sont es chevax monté.
Or consaut Dex Gaydon au cors moslé ,
Et Karlemaine, le fort roi coronné;
Car se Guis puet et Miles et Hardrez Et Auîoris et li fel parentez,
Ansoiz le vespre auront les chiés copez.
Car Gaydon héent plus c’omme qui soit nés ;
Car par lui fu Ganelons traïnnez ,
Dont [*ot] grant honte trestoz lor parentez.
A Karlemaine, l’emperéor puissant,
Ont amené .!. palefroi ambiant,
Et à Naynmon .1. soret avenant.
Karles monta tost et isnellement;
Gaydes li tint l’estrier moult bonnement ;
Karles le voit , moult li vint à talent.
Riolz monta , qui ot le poil ferrant,
Et li dus Gaydes entre lui et sa jant.
Ainz n’i ot lance ne espée tranchant.
D’Angiers issirent , ne s’i vont atarjant,
Vers l’ost chevauchent souef et belement.
Guis d’Autefoille, li cuivers souduiant,
Et Auloris et Hardrez ausimant
Karlon choisirent , qui venoit chevauchant ,
Et le duc Gayde, qui ot proesce grant,
Et aprezlui ses barons et sa jant.
Et dist Guios , li fel outrecuidans :
«f Par celui Deu cui touz li mons apant ,
« Karles revient et Naynmes ausimant.
« Acordez est , je le sai vraiemant,
« Au duc Gaydon, 0 lui vient simplement
icyîi8 — io,jjo GAYDON. JII
«Je n’i voi lance ne fort escu pezant.
« Se pais est faite, alé sonz à noiant.
« Gaydes noz het , et noz lui ausimant ;
« Par lui fu mis nostre pere à tonnent ,
« Dont noz avonz vilain reprochement.
« Seignor, dist Guis, entendez ma raison :
« Par celui Deu qui estora le mont,
« Miex voldroie iestre mis à destruction ,
« Pandus as forches à guise de larron « Que ainz le vespre , que solaus soit escons ,
« Ne fiere Gayde parmi la crois dou front ,
« Et Karlemaine, le roi de Montloon.
« Il a passé mainte longue saison « Que de Karlon vengier nozdéusson. »
Dist Auloris : « Par Deu, trop noz souffronz.
« Noz avons fait mainte grant traïson ,
« Et maint grant murtre et mainte ocision ;
« Or prennons garde comment noz le ferons ,
« Que Karlemaine ocirre péussonz,
« Et le duc Gayde cui tant haïr devons.
« Se m’en créez , par le cors saint Simon ,
« Trestout maugrez l’emperéor Karlon ,
« De douce France coronner te ferons ;
« Tu seras rois , par les iex de mon front.
« Je ai pansée toute la traïson :
« Noz ferons tendre le nostre pavillon ,
« Qui tant est riches qu’esprisier ne! puet on ;
<» Delez cel bois, dont li ombres est bons,
« Là le tendrons sans nulle arrestison.
« Puis manderons l’emperéor Karlon,
« Et nostre gens iert el bois en escons.
« Dont ferons prendre l’emperéor Karlon,
« Si en ferons no talent et no bon ,
JI2 GaYDON. 10,584
« Ou de l’ocirre ou dou maître en prison.
« Tant a vescu qu’il tome à folison ;
« Moult est grans hontes que vivre le laissonz,
« Quant enherbé ou murtn ne l’avonz. »
Et cil respondent : « Cist consaus est moult bons. « Se Guis est rois , en grant pris monterons :
« Noz serons tuit baillif de sa maison,
« Et nos lyngnaiges , dont noz plenté avons ,
« Noz aidera à tenir le roion.
« Et se nus est, tant soit de grant renom ,
« Qui en parolt, maintenant le pendons. >»
Tuit l’ont juré li traïtor félon.
Or gart Dex Karle, par sa rédemption ,
Qu’il en morra , se Dex n’en a pardon ,
Et li dus Gaydes , qui tant par est preudom ,
Qui ainz nul jor ne pensa se bien non !
Et Guis s’en tome, qui ait maléison,
Et ses lyngnaiges , qui tant estoit félons ;
Le tref tendirent , sans nulle arrestison ,
Qui tant est riches plus bel ne vit nus hom.
De soie furent tuit li maistre giron ,
Et mainte estoire trouver i poïst on;
Sor le pomel ot assis .1. dragon ,
Li oil li luisent ausiz corn .1. charbons ;
Par nuit obscure moult cler en véoit on ;
Là s’assemblèrent li traïtor félon ;
Lor conseil prennent qu’il feront de Karlon ,
En quel maniéré délivrer s’en puet on.
Dist Auloris : « Tout devisé l’avons.
« Par celui Deu qui estora le mont , a Se pais est faite au riche duc Gaydon ,
« Envers le vespre , quant souper deverons ,
« Amenrons Karles dedenz cest pavillon, te 11 i venra par bonne entencion ;
io,}8f — 10,417 GAYDOK.
« Quar plus se fie en moi et en Guîon « Que il ne fait en nulle riens dou mont.
<« Quant il sera dedens no pavillon ,
« Si le panrons entor et environ,
« Loierons lui et les piés et les pons,
« En nostre chartre maintenant le métrons ; « Ja nel sauront Fransois ne Borgoingnon.
« Tout maintenant nostre tref destendrons ;
« La lune luist, toute nuit en irons.
« .IIm. somz tuit d’unne nascion « Et d’un lyngnaige, forment noz entramons « A chascun poise de Thiebaut d’Aspremont. « Par Gaydon fu ocis , bien le seit on ;
« Mais chierement ancui li venderons.
« Quant de l’ost Karle délivré esterons,
« Dou remenant ne donroie .1. bouton;
« Qu’en no lyngnaige n’a .1. tout seul baron « Qui n’ait le cuer moult plus fier d’un lyonv « Touz les Fransois 0 noz ajousterons ,
« Et trestouz ceuls qui contre noz seront ,
« As brans d'acier trestouz les ocirrons.
« Se m’en créez , ainsiz en ouverrons. «
Et dient tuit : « Certez, noz l’otroions. >v Ainsiz s’acordent li traïtor félon.
Or gart Dex Karle par sa rédemption,
Qu’il ne seit mot de ceste traïson ,
Ainz vient d’Angiers avec le duc Gaydon b
Charles chevauche à la barbe florie ,
Riolz 0 lui, cui Jhesus béneie ,
Et li dus Gaydes, l’ambléure sérié.
Desci à l’ost ne s’atargierent mie.
Encontre euls vont moult grans chevalerie, Que Katlemaine avoit souef norrie.
Guis d’Autefoille ne s’asséura mie ;
Devant les autres en va plus d’une archie ,
A pié descent enmi la praerie,
Où voit le roi , contre lui s’umelie.
« Sire, dist il , Jhesus, li fiuls Marie,
« Gart vostre cors de mort et de haschie « Et touz iceuls , nel lairai nel voz die,
« Qui bonnement sont en vo compaingnie !
« Est la pais faite ? por Deu nel celez mie.
« Sire, dist Guis, por Deu omnipotent,
« Est la pais faite ? nel me celez noient.
« Sejlle est faite, ce est aumosne grant ;
« Trop a duré la guerre et li torment :
« J a en sont mort maint chevalier vaillant ,
« Dont orphelin sont remez li anfant. »
Puis dist en bas c’on ne l’oï noiant :
« Par celui Deu où touz li mons apant ,
« Voz en morrez à duel et à torment,
« Et li dus Gaydes avec voz ausiment !
— Gui, ce dist Karles, par Deu omnipotent,
« N’avons pas faite la pais outréement ;
« Mais Gaydes vient à moi à parlement,
« Et si s’est mis en nostre jugement.
— Sire , dist Guis , il fait bon encient,
« Car Gaydes a maint anemi puissant ,
« Ne je méismez ne l’ainme de noient.
<( Mais se il fait qu’il soit vos bien voillant ,
« Je l’anmerai de fin cuer loiaument,
« Pardonrai lui trestout mon mautalent.
— Moult ditez bien , ce dist Karles li Frans ;
« La pais iert faite , se Deu plaist le puissant. »
Adont s’en vont en l’ost moult belement.
Guis li traîtres va le roi costoiant ;
0,45»— :o,48j GAYDON.
Naymes le voit, si ne li plot noiant.
Au tref descent chascuns de l’aufferrant.
Li bons dus Naynmes, qui ot bon enciant, Gaydon apelle, se li dist bonnement « J a sera vespres , li solaus va baissant,
« Et Guis voz het , et trestuit si parent.
« Il ont ja fait maint mal encombrement ;
« Je me douz moult , sachiez à encient,
« Que ne voz voillent faire aucun nuisement.
« Prennez congié par le mien loement,
« Et, le matin , à l’aube apparissant ,
« Venrez à Karle oïr son jugement.
— Sire dist Gaydes , grans mercis voz en ranz.
« Dex voz garisse à cui li mons apant ,
«< Qu’il n’ot en voz onques engingnement !
— Sire, dist Naynmes au riche roi Karlon,
<t J a sera vespres et li solaus escons;
« Donnez congié au riche duc Gaydon « Jusqu’à matin, et noz voz en proions.
« Sor quant que j’ai le voz ostaigerons « Qu’il fera droit, voiant touz vos barons.
— Naynmes, dist Karles, voz iestez moult preu- « Onques en voz ne trouvai se bien non ; [dom, « Gel voz recroi par tel devision
« Qu’à moi reveingne demain li dus Gaydon.
— Sire, dist Gaydes, noz le voz otroions. » Les mains a jointes li riches dus Gaydon,
Merci cria l’emperéor Karlon :
<c Gentiz rois sire , ce dist li dus Gaydon ,
« Prennez conseil , Jhesus le voz doinstbon !
« Ne créez mie les parens Ganelon ;
« Li lor conseil ne furent onques bon.
« Je n’i sai plus, à Deu voz commandons. »
Jl6 GaYDON. 10)484 — 10,516
Atant s’en part Gaydes dou tref Karlon.
Quant Guis a veu retorner le baron ,
Lors a tel duel à poi d’ire ne font;
Bien lecuidoit ocirre en tràison.
Or si gart Karles li rois de Montloon ,
Car desor lui tomera l’ochoison !
Tuit ont juré li traïtor félon Qu’il ocirront l’emperéor Karlon.
Gaydes s’e[n] va, et Karles est reniez.
En son tref entre qu’est de paile roé ;
Lez lui fu Naynmes de cui il fu amez ,
Et li barnaiges dont il i a plenté.
Li bons Danois se sist à son costé :
« Sire , dist il , comment avez ouvré « De cest voiaige où voz avez esté ?
— Ogier, dist Karles, par la foi que doi Dé ,
«Je m’en alai espiier la cité ,
« Puis fu tele bore , ja ne voz iert celé ,
« Que volentiers volsisse avoir donné « .M. mars d’argent que je fuisse en cest tref. «Je fui forment laidis et ramposnez ,
« Quant fui laienz percius et avisez ;
« Mais, merci Deu, noz avons si ouvré « Demain venra Gaydes dedens cest tref ;
« Comme preudom sera à loiauté « Ou de bataille ou de joïs porter « De celle chose dont je l’ai tant blasmé.
« Si m’ait Dex li rois de majésté ,
« Je me douz moult, ja ne voz iert celé,
« Que je ne l’aie à moult grant tort grevé ;
« Car li lyngnaiges Ganelon et Hardré « Ont maint grant mal et dit et porparlé. »»
Dist Ogiers ; « Sire, voz ditez vérité ;
«< Trop les avez en vo cort eslevez.
— Certez, dist Karles, n’en seront plus privé, « Fors que Guions li vassaus adurez,
« Car en lui a vasselaige et bonté.
« Point ne resamble Aulori ne Hardré,
« Ne Ganelon ne l’autre parenté,
« Ainz est preudom et plains de loiauté ;
« Certains en sui , je l’ai bien esprouvé. »
Ogiers l’entent, si a Naynmon bouté.
Hé ! Dex de gloire, vrais rois de majesté ,
Ne savoit pas la très grant cruauté Que li traître ontentr’euls empansé.
Se Dex n’en panse, ainz qu’il soit ajorné,
Sera li rois murtris et enherbez.
Li empereres Karles de Saint Denis Sist en son tref de soie cordéis.
La barbe ot blanche et les grenons floris ;
Bien ot d’aaige .nc. ans acomplis.
Tuit li baron ont à lui congié prins,
Et à son tref est chascuns revertiz.
Karles remest auques à escheri ;
Avec lui furent et Guis et Auloris.
Forment les ainmeli rois de Saint Denis ,
Et il le héent assez plus d’Antecris.
« Sire, dist Guis, entendez mon avis :
« Foi que je doi le roi de paradis ,
« Je voz pri moult, de quant c’onques je puis,-^ « Venez esbatre en mon tref cordéiz.
« Monsterrai voz que m’a esté tramis :
« .XII. butors et .1111. vins perdris,
« .1111. faisans et haïrons .xxxvi.,
« .XII. bons lievres et .xini. connins,
« Et .h. saumons qui valent .1. pais,
518 GAYDON. ’io,5{o— -10,582
« Et de lamproies ne sai ou .v ou .vr.
« Venez i, sire , moult serez bien servis. »
Et respont Karles *. « Volentiers, biaus amis. »
Li rois se lieve , qui fu vieus et floris.
Guis d’Autefoille par la main le saisi ,
O lui l’enmainne le petit pas seri.
' Par devant lui ont les cierges espris ,
Que clerement ont le sentier choisi ;
Desci au tref ne prinrent onques fin.
Les tables maitent , n’i ont essoingne quis.
Li rois lava , qui bien estoit trais ;
Ainz mais nus hom ne fu si entreprins.
Au maistre dois l’ont li gloton assiz ;
Moult richement l’avoient fait servir.
Tant a béu que touz fu estordis.
A Guiot dist li rois de Saint Denis Qu’il a .1. an passé et acompli Que il entra premiers en cest pais ,
Amz puis ne fu si richement servis.
Ha ! Dex de gloire , vrais rois de paradis ,
Il ne set mies le dolirouz engin Que on li a et porchacié et quis.
Charles se sist qui ot dou vin béu.
Moult richement l’ont servi et péu ;
Mais à cort terme li sera cher vendu.
Guiz se leva , n’i a plus atendu,
Vint à son frere là où il l’a véu :
« Aulori, frere, n’i ait plus atendu,
« Gardez nostre home soient tuit fervestu ,
« Et no sommier trorsé à grant vertu ,
« Si en ironz , n’i ait plus atendu.
« Encor anuit ferons Karle irascu :
« La mors Ganon li sera cher vendu ,
io, 58; — 10,614 Gaydon.
« Et l’anmors Gayde qu'il a vers lui éu. u Demain doit iestre ses amis et son dru ;
« Mais Karle en iert.ocis et confondus ,
« Il et dus Naynmes et Ogiers li membrus ,
« Se cil n'en panse qui en ciel fait vertus. »
Auloris a toute sa gent armée Tout belement , onques n’i ot criée.
Et Guis saut fors sans nulle demorée ,
Qui cele chose avoit bien devisée.
Ou tref entra comme beste effraée ;
Où voit Karlon , se li dist sa pansée :
« Sainte Marie , roïne coronée ,
« Bons rois de France, mal est la chose alée :
« Vostre gens est honnie et vergondée,
« Se Dexn’en panse, vostre mors est jurée,
« Vez ci Gaydon et sa gent qu’est armée;
« Toute la terre en est acouvetée.
« Alons noz ent , vostre ost est vergondée.
«Ne voz faudrai , c’est veritez prouvée,
« Ainz avérai l’arme dou cors sevrée.»
Karles l’entent , s’a la coulor muée :
« Hé ! Dex, dist il, sainte Vierge honorée,
« Garissiez moi , roïne coronnée ! »
Guis d’Autefoille, cui Dex puist mal donner, A fait Karlon sor .1. cheval monter ;
Li glouz le prinst moult à desconforter.
Entor lui prinst sa grant gent aüner ;
Plus sont de .m., Dex lor puist mal donner ! Tuittraïtor félon et parjuré.
A Karlon vont les nouvelles conter,
Que mors est Naynmes, que tant soloit amer, Et li Danois qui fu nés outre mer,
J20 GaYDON. 10,61$ —
Et li barnaiges qui tant fait à amer ;
« La gent Gaydon les ont fait decoper ;
« Fuiez voz ent , se voz volez sauver *
« Bon fait fuir por sa vie tenser. »
Karles souzpire , ne s’en pot consirrer.
« Vrais Dex , dit il , qui tout as à sauver,
« Comment poez souffrir ne endurer « Que .1. garsons se porra or vanter « Que il m’a fait ainsiz desbarreter,
« Et mors mes homes que tant soloie amer ? Adont commence li rois à souzpirer.
Et Guis li fel , li traîtres prouvez ,
Karlon enmainne , cui qu’en doie pezer, Que n’en sot mot de France li barnez.
Or s’en va Guis , cui Jhesus maléie ; Karlon enmainne , par la resne l’en guie.
Et l’empereres en son cors moult se fie ,
Et Guis le het de mortel felonnie.
Il chevauchierent à la lune sérié,
' Et li rois plore , n’a talent que il rie ;
Sa blanche barbe en est toute moillie.
Or le gart Dex , li fiz sainte Marie ,
Car cil l’enmainnent qui sa mort ont jugie. Ainz demain vespre l’ocirront à hascie ,
Qu’il ont sa mort et jurée et plevie.
Mais Dex de gloire, li fiuls sainte Marie , Sauvera lui ses membres et sa vie :
Ja n’iert honnis qui bien en lui se fie.
Seignor, oiez (Dex voz croisse bontez , Li gloriouz , li rois de majestez') !
S’orrez chanson de grans nobilitez ,
De grant miracle , que Dex a demonstré
Digiti;
JO, <47— 10,678 GaYDON.
Por Karlemaine remaitre à sauveté Et por Gaydon faire de lui privé , ’
Qpi à nul jor ne pensa mauvaisté.
Li dus se dort en son palais listé ,
En une chambre de grant nobilité.
Gâydes se dort en un litcordéis Sor une coulte qui fu de paile bis , *
Et fu couvers d’un couvertor d’ermins Une clarté li tramist Jhesu Cris Et une vois qui vint de paradis.
La chambre est clere , qui fu de maubre bis , Com s il 1 eust .xxx. cierges ensprins :
La chambre est clere c’onques mais ne fu si. Li dus s esveille , si a saingnié son vis Dresce sa main , de Deu s’est benéis. ’
Et dist h angles : « Ne soiezesbahis •
« Jhesus te mande , li rois de paradis « Que tu te lievez maintenant , biaus amis « Et fai armer ta gent et tes amis « Et va secorre Karlemaine au fier vis.
« Se tu nel fais, Karles est malbaillis:’
« Car Guis l’enmainne et ses frere Auloris,
5 1 vJSM'Bes qui tant est enforcis :
« Mener l’en cuidenten estranges pais « Je n ai congié que plüs oies mes dis ;
« Je m en revois , ne soiez alentis ,
« ar tans seraz à Charlon bons amis. »
Gaydes l’entent, à Deu en rem mercis.
Isnellement est chausciez et vestis Sa gent esveille par le palais voltis.
As armes corrent, ne se sont alenti.
« Seignor, dist Gaydes , ne soiez esbahi. Gaydon. a
322 GaYDON. 10,679 — 10,71a
« Seignor, dist Gaydes, franc chevalier membré, « Jhesus de gloire noz a touz visité ;
« Ancui seronz manant et assasé ,
« Que Guis s’en va , li traîtres prouvez ,
« Et avec lui trestouz ses parentez.
« Karlon enmainnent, le fort roicoronné,
« Murtrirle cuident li félon parjuré;
« Secorrons le , si ferons grant bonté,
« Et noz venjons des tra'itors mortez. »
Et cil respondent: « Si com voz commandez ! » De la ville issent, lesfrains abandonnez.
La lune est clere, qui lor donne clartez,
Com Dex éust le soleil haut levé.
Et li glouton qui ont Karlon mené Ont si espois et si grant obscurté Que il ne sevent où il sont arouté.
A mie nuit, com li gauls ot chanté, ,
Sont li glouton lez .1. bois arresté.
Karlon arrestent li traïtor prouvé ,
Et sont ensamble à un conseil alé,
Et ont entr’euls et dit et devisé Que il feront de Karlon le barbé,
Qui lor lyngnaige lor a si avillé.
Dist Auloris : « Se croire m’en volez ,
« Ainz que soit jors , aura le chief copé ;
« Si en serons bien trestuit délivré. »
Ainsiz devisent li traïtor prouvé.
Dex les confonde , li rois de majesté !
Car, ainz qu’il soit au matin ajorné ,
Auront paor d’iestre tuit desmembré.
Gaydes chevauche o son riche bamé ;
Dex le garisse, qui maint en Trinité !
Par tans verront les gloutons deffaez.
Et li dus Gaydes a bien sa gent guié ;
io»7i} — IO>744 GAYDON.
Dist à ses homes : « Seignor, or entendez :
« Ci devant sont li traïtor prouvé « Qui tiennent Karle , nostre droit avoé :
« De bien ferir ne soiez effraé. »
Et cil respondent : « Si corn voz commandez. »
Gaydes chevauche , cui Jhesus moult araa,
O sa maisnie que li dus moult ama.
La nuis trespasse et li jors ajorna ,
Li solaus luist, qui grant clarté gieta;
Li hiaume luisent et de sà et de là,
Et mains escus d’or i reflamboia.
Gaydes s’escrie à sa vois que il a :
« Par Deu , Guiot, mauvaisement voz va ;
« Cuivers traïtrez , n’en eschaperez ja !
« Fox fu li rois quant en voz se fia ;
« Mais , se Deu plaist qui le mont estora ,
« Se Dex me sauve, bien vengiez estera. »
Le destrier hurte , oui grans saus li donna,
.1. traïtor dus Gaydes assena,
Dedens le ventre le cuer qrevé li a.
Li glouz chaï, à terre trébucha.
Li glouton voient Gaydon venir poingnant ; As armes courent tost et isnellement.
Là véissiez .1. estor moult pezant.
Cil d’Angiers fièrent d’espées et ‘de brans ,
Des traïtors abatent maint sainglans.
Guios le voit, à poi d’ire ne fent;
Ceuls d’Angiers voit venir espoissement.
Auloriés s’escria hautement :
« Ferons sor euls , n’i ait arrestement ! »
Et Guis brocha le destrier aufferrant ;
Fiert Amaurri sor son escu devant
Que il li perce et trestout li porfant :
PTainne sa lance Pabati el pendant.
Voit le Richiers , si broche Paufferrant,
La lance empoingne et Pescu mist avant ,
Fiert Aulori en son escu devant ;
L’escu li perce , ainz ne li fist garant.
Bien li copa .c. mailles en tenant,
Delez le flanc vait l’espié conduisant ,
Sus de l’arson Pabati el pandant.
« Avois! escrie, ce est Richiers li frans,
« Qui si fait geu voz seit aler monstrant. »
Et Gaydes broche le destrier aufferrant.
Et fiert Griffon en Pescu par devant Que il li perce et Pauberc li desment.
Parmi le cors va le fer conduisant,
Jus Pabati dou destrier aufferrant.
« Avois ! escrie Gaydes au cors vaillant,
« N’i garirez, fel glouton souduiant. »
Mais à Gaydon tornast ja malement ,
Quant venus est dus Naynmes li vaillans,
Et avec lui li bamaiges des Frans.,
Quant Guis le voit, à poi d’ire ne fant,
En fuies tome le chief de Paufferrant,
Et Auloris li cuivers souduians ;
Lor gens laissèrent , puis s’en toment fuiant.
Et Karles sist desor un aufferrant ;
Vit les traîtres fuians et esmaians.
« Ha! Dex, dist Karles, vrais rois omnipotens, « Ne sai que face, moult me vois esmaiant. »
Où voit Gaydon , si li vint au devant :
« Hé! Gaydes, sire, frans chevaliers vaillans,
« Se tu m’ocis, ce sera pechiés grans;
« Honte i auront tuitti apartenant.
« Je te clainz cuite trestout mon tenement;
10,779 — Jo,8i* GAYDON. JiJ
« Trop ai vescu, bien est apparissant. »
Gaydes l’oï , moult grans pitiés l’en prent ;
Mait pié à terre dou destrier aufferrant,
A genoillons se mait, voiant la jant,
Devant Karlon , l’emperéor puissant ,
S’espée tome , par le pomel li rant.
A ces paroles ez voz esperonnant Ogier et Naynme sor les chevax corrans.
Et Ii barnaiges les va aprez sievant ;
Mar ont les cuers corresouz et dolans.
Et quant il voient l’emperéor puissant ,
Grant joie mainnent li petit et li grant.
Li rois baisa Naynmon premièrement,
Et puis Ogier qu’il ama durement;
Aprez lor conte tout son contenement ,
Et comment Guis , li traîtres puans,
Li avoit dit et fait à entendant Que mort estoient tuit si baron vaillant,
Ses ot ocis Gaydes li combatans.
« Certez, dist Naynmes, fel sont et souduiant;
« Laissié voz ont com félon recréant.
— Voire , dist Karles , par mon grenon ferrant , « Se je les tieng, je les métrai au vent. »
Et cil s’en fuient à grant efforcement.
Grant partie ont laissié de lor parens ;
Gaydes les fist Hier estroitement.
Par vive force les ont demené tant Que il jehirent, voiant toute la jant.
Que il voloient Karlon murtrir errant.
« Dex , dist li rois , à voz mercis en ranz ,
« Et à Gaydon le chevalier vaillant.
« Par lui ai je, certez, de mort garant ;
« Moult l’ai grevé , si ai fait pechié grant. »
Par la main destre l’a prins molt doucement.
Jl6 GaYDON. io,8ij — 10,845.
« Gaydes, dist Karles, entendez mon samblant :
« Je voz ranz ci trestout vo tenement,
« M’anmoravez d’ui cest jor en avant. »
Li rois parole, qui France a en baillie :
« Biaus amis Gaydes , sauvé m’avez la vie.
« Bien me cuidierent ocirre par envie « Li traïtor cui Jhesus maléie;
« Se je vif longues , il morront à haschie :
« Je destruirai et euls et lor lingnie.
« Et je voz doins, par fine druerie,
« De douce France la grant seneschaucie. »
Et dist dus Nayntnes : « C’est assez cortoisie ;
« Merciiez l’en , voiant la baronnie. »
Et li dus Gaydes durement s’umelie;
Ja li baisast les piés, nel laissast mie,
Mais Karlemaines ne li consentit mie.
Amont l’en dresce par moult grant druerie.
Se li pardonne son mautalent et s’ire.
Puis sont monté , sa gens est resbaudie ;
Droit à Angiers ont lor voie acoillie.
Li saint sonnarent par trestoute la ville ;
Ou palais monte Karles de Saint Denise ,
Gaydon apelle , si li a prins à dire :
« Gaydes , biax sire , nel me celez voz mie ,
« Où est Claresme la bele , l’eschavie ,
« Que amenastez par force en ceste ville ?
« Moult par est bele , cortoise et bien aprinse ,
« Moult a grant terre , d’amis est enforcie ;
« Faisonz en noces, por Deu le fil Marie.
— Sire, dist Gaydes, je nel contredi mie. »
Dont l’amenarent en la sale voltie.
Vestue fu d’un paile d’Aumarie ,
Moult par estoit bien fainte et bien taillie ;
Il n’ot si bele jusqu’as pors de Roussie.
Li rois la prent , par la main l’a saisie :
« Ditez moi , bele , nel me celez voz mie ,
« Volez voz Gayde qui tant a baronie ?
« Meillor de lui ne poez avoir mie.
— Sire , dfst elle , Jhesus voz benéie !
« Soie serai , s’il le weult et otrie. »
Et dist li dus : « Il ne me desplaist mie.
— Par Deu , dist Karles , il ne remanra mie ,
« Puis que chascuns le créante et otrie. »
Au monstier vont 0 bele compaingnie ;
On les espeuse el nom sainte Marie.
Crans fu la feste et la joie esbaudie ;
.VIII. jors dura icele compaingnie,
Et au nuevisme est la cors départie.
Karles en va en France la garnie ;
Gaydon commande au fil sainte Marie Qu’il li deffende son cors de vilonnie.
Andui plorerent à cele départie.
Gaydes remest en Angiers la garnie Avec sa famé que il ne haoit mie ;
Mais moult petit dura lor compaingnie ,
Qu’elle morut,ainz .1. an perdi vie.
Gaydes en ot grant duel , n’en doutez mie.
Ainz nus confors n’i valut une aillie ;
Ainz jura Deu , le fil sainte Marie ,
Jamais nul jor ne tenroit seingnorie.
L’estoire dist et la laitre le crie Qu’il en ala en une desertie :
Là fu hermites touz les jors de sa vie ,
Et servi Deu, le fil sainte Marie.
Quant il morut , s’afme en ala florie Devant le roi qui toute chose crie.
Puis fu Guis bien de Karle , n’en douz mie ,
io, 88o — 10,887
Par grant avoir et par losengerie ,
Et par sa geste qui moult fu enforcie. Tant li donna li fel cuivers traîtres Que il refu dou miex de sa maisnie ,
Et puisli fist mainte grant tricherie.
De Gaydon est ci la chansons fenie ;
J a n’iert nus hom qui avant voz en die , Se il n’i weult trouver nouvelerie.
Expucit
li Romans de Gaydon.
°8le
