I. — BRANCHE DE LA PONCIE. — 7 MAI I

Donation de la seigneurie de Roussille , par Jean de Bretagne y comte de Périgord , à Malrigou de Bideran et à Garde- Arnaud, son fils.

(Archives départementales des Basses-Pyrénées, E, 847.)

Jehan de Bretaigne, conte de Penthievre et de Perigort, viconte de Limoges et seigneur d’Avesnes, lieutenent pour Monseigneur le Roy en Guyenne, à tous ceulx qui ces présentes lectres verront et orront, salut. Comme à la réduction de la bille de Bragerac que nous memes en l’obayssance de mondict seigneur avons remise, eussions promis donner nostre chastel, terre et seigneurie de Roussille à leur vie tant seulement, sans riens y retenir hommage et souverai-

neté, eulx faisans francoys et rendant.... la place de Biron, en l’obeyssance de Mondict seigneur le Roy, ainsi que plus a plain est conteneu es articles sur ce, faitz et passes entre nous et led. Maurigon et Guycharnault, son fils. Savoyr faisons à tous presens et advenir que pour ce que led. Maurigon et Guycharnault, son filz, se sont faietz francoys et ont lad. place de Biron mise et reduyte en l’obayssance de mond. seigneur le Roy et nous ont teneu loyalement ce que

avoyent promis; en reconnaissance à iceulx Mal-

rigon et Guycharnault, son filz, avons donné et octroyé, donnons et octroyons par cesd. présentes

nostre dict chastel, terre et chastellanie de Roussille, tant cens, rentes, droitz, devoyrs, molins, garennes, estangs, prés, boys, mesons, coullombiers, justice haulte, moyenne et basse, que autres chouses quelcunques, sans riens y retenir, sauf hommage et souveraineté. Et ce, durant le cours de leur vie, dudit Maurigon et Guycharnault, son filz, tant seulement. Et voulans que eulx et ung chescun d’iceulx en joyssent et usent comme de leur bien propre et propre chouse, sans nul enpechement quelcunque. Mandons à vous sr de La Douze T. (témoin) que de nostre dict don baillez métré en possession et saysine ; et comandons aux manans et habitans de lad. terre qu’ilz lui obayssent diligemment comme feroyent à Mondict Seigneur .... Car tel est nostre plasir.

Donné à Segur, le septiesme de may l’an mil cccc

sinquante et un. T (témoins) et autres nos officiers

presens Olivier de Bron, escuyer

Collation faicte à Bregues (Bergerac) le vray original aud. Estissac le xeme jour du moys de juillet l’an mil sinq cens en présence de noble homme Gassi-Arnault Giraud

(Signature illisible.)