III. — BRANCHE DE SAINT-SURIN. — 27 FÉVRIER

Hommage pour Saint-Surin rendu au baron d'Es iissac par Louis de Biderant où est relatée la donation de 1477*

(Archives du château de Canteranne. — Original en parchemin.)

Loys d’Estissac, chiualier, seigneur et baron du dict lieu, de Montclar, de Cahuzac, Salcignac 4, Paulhac, Monteson et Cabrasse, sçavoir faisons : Comme nostre feu ayeul, que Dieu asseulhe (sic), dès le vingt cincquiesme jour de juing, l’an mil quatre cens soixante dix sept, heust anobly, et balhé à noveau fieuf et homaige à feu Jehan de Bideren, escuyer, le repaire et maison noble de Sainct Seurin, avec trente sexterées de terre, comprins en icelles, six sexterées terre par led. de Bideren acquises de Girault Duclaux, le tout situé en la parroisse dud. Sainct Seurin, jurisdiction dud. Cahuzac; item, plus heust donné aud. feu de Bideren, le droict de directité et fundalité d’une pièce de terre et vigne, par led. de Bideren dud. Duclaux acquis, situés en la parroisse de Sainct Martin, jurisdiction dud. Cahuzac, au tenement du Gontollz, aplain confrontant en l’instrument sur ce faict, passé et receu par maistres Léonard Gregori et Guy Pellete, notaires, soubs le debuoir et homaige d’ung paire de gans blancz, au seigneur et vassal muants, ainsin qu’est et afirme (?)

Apres le deces de nostre dict ayeulh les terres dud. repaire de Sainct Seurin auraient esté mesurées, et y fornire vingt sept sexterées terre, et demy jour-

(1) Saussignac.

nal pré seulement. Et pour fornir cesd. trente sexterées de terre, nostre feu père, que Dieu acceulhe, heust donné aud. de Bideren troys sexterées de terre, scituées en lad. parroisse de Sainct Seurin, juridiction dud. Cahuzac, le tout conforme à l’achat 1 receu par maistre Jehan de Farguollis, notaire, en dacte du vingt troiziesme jour d’april, l’an mil quatre cens quatre vingtz neuf. Lequel feu Jehan de Bideren seroit décédé, délaissant aultre Jehan de Bideren, son fils, qui seroit aussi decede, délaissant Loys de Bideren, escuyer, son filz et héritier universel, et luy ayant succédé.

Pour ce, aujourd’huy dessoubz escript, led. Loys de Bideren c’est venu présenter a nous pour faire led. homaige et a recogneu tenir de nous, a cause de nostre dicte chastellanye de Cahuzac, à homaige noble, franc, gentilh, led. repaire de Sainct Seurin avec trente sexterées quatre pognerées et demys terre, ensemble le droict de directite et fundalité de la dicte terre et vigne du Gontollz, sauf ce que maistre Jehan Decreze et Bernard Deschamps tiennent en la dicte terre et vigne que le dict de Bideren nous a bailhé en eschange. Et pour ce nous a faict les foys et homaige, et pour raison de ce nous estoit tenu de faire, estant a genoilh, la saincture et esper ostée, la teste descouverte et les mains joinctes; et nous a pour les dictz debuoirs, desquels debuoirs l’en auons tenus quicte et quictons pour ceste foys, et nous a promis et juré estre bon et loyal vassal, procurer nostre profict, evicter nostre domaige, sauf nostre dit droict, et toute justice haulte, moienne, basse, impere, semitinpere, exercise d’icelle et ce que en despend, ensemble le

(i) Mot douteux, l’écriture étant effacée.

Pièces JUSTIFICATIVES

droict de l’aultruy. Et en tesmoingtz de ce, avons -signé les presantes, faict signer par nostre secrétaire, et sceller de nous armes.

Donné en nostre chasteau de Cahuzac, le vingt septième jour de feburier, l’an mil cinq cens quarante deuz, ez présences de noble Jehan Buade, seigneur de Sainct Sernyn et Jehan de Fayolles, seigneur de Puyredon, tesmoingtz.

(Signé) Loys d’Estissac.

(et plus bas) :

Par commandement de mond. seigneur Rambaud, secrétaire de mond. seigneur.