V. — BRANCHE DE LA MONGIE. — 3 AVRIL I

Testament à Cahors de Philippe de Bideran , seigneur de la Mongie.

(Bibliothèque nationale. — Carrés de d’Ho^ier, f. 35.)

Au nom de Dieu... scaichent toutz que l’an mil cinq cens soixante tretze et le tiers jours du mois

PIÈCES JUSTIFICATIVES

d’apvril a Cahors et dans le lotgis de la cloche... ez présences de moy notaire du roy et de monsieur le duc d’Anjou comte de Quercy soubz signé et des tesmoingtz soubz signés constitué en personne noble Phelip de Bydaren escuyer, seigneur de la Monzie, habitant du lieu de Bourg (sic), juridiction de Saussignac en Payrigord, lequel estant au lict couché et blessé de son corps... a faict son testament dernier nuncupatif.. en la forme., qui sensuit.. A recommandé ses corps et âme à Dieu et a voleu et ordonné sond. corps estre ensevely et sépulturé à l’esglize de la paroisse là ou il décédera.. Item à confirmé à damoyselle Loyse de Beauvois, sa mère, l’usufruit de ses biens à elle léguez par son feu père par son testament... Et veult icelluy testateur que pendant la vie de lad. de Beauvois, François e de Lacroix, damoizelle sa femme, soit nourrie entre tenue pendant qu’elle demeurera en viduité selon 1 a faculté de biens d’icelluy testateur dérogeant avecque toute autre donnation qu’il luy pourroit avoir faicte en faveur de mariage.

Item a donne... icelluy testateur à Martre de Bydaren, sa sœur, la somme de quinze cens livres tournoizes à ce inclus le légat a elle faict par sond. père... Icelluy noble Phelip de Bydaren testateur susdit en toutz... ses autres biens a faict et institué son héritier universel et general scavoir est, le posthume du vendre de sad. femme..; et au cas où sa femme ne seroit enceinte et led. testateur déced2roit sans enfans légitimes, a faict et institue et nomme son heritier universel et general Godofre de Bydaren son frère puisné auquel a subztitué Jehan Marye, son autre frère ; au cas advenant que led. Godofre décédé sans hoirs légitimes de luy descendantz et ses hoirs sans enfans légitimes, et ou toutz decede-

roient en la façon que dessus, leur a subztitué lad. Martre de Bydaren sad. sœur ; et ou lad. Martre decederoit sans hoirs légitimes... a subztitué à lad. hérédité nobles Achylles et Jehan de Bydaren, ses oncles paternels et les leurs... nommant en outre icelluy testateur ses exécuteurs testamentaires, Baptiste d’Armouaille *, maistre de camp général de l’armée de Monsieur l’admirai de France, et Achylles de Bydaren son oncle... Sy a prié moy, notaire royal soubz signé, luy en retenir instrument et testament... ce que luy ay concédé. Presantz à ce dessus Noble Jehan de Roault, habitant du lieu de Saulve-Major, Entre-deux-mers, Noble Pierre de Pécheval de Caylutz, de Boucte, Pierre Clayrac, appothicaire de camp, Bernard de Jehan, de la Monzie, Jehan Restament de la paroisse de Castres, en Bordelois, Bernard Blanc, marchant ; Jehan Bac, hoste et maistre Helie Barre, chirurgien, dud. Cahors habitant. Et moy Arnault Rey notaire Royal de Cahors, qui requis ay reçeu le présent instrument, en foy de quoy me suis icy signé et led. testateur. — A. Rey, not. roy.

(i) Il s’agit de Baptiste d’Armavaille ou de Larmavaille, dont le vrai nom était Mondolet, seigneur de Larmavaille, de Grossombre, de Peyrefus, etc., en Bordelais, voisin sinon parent de Marc de Bideran, seigneur de Guibon.

PIÈCES JUSTIFICATIVES