VI. — BRANCHE DE LA MONGIE . — 20 OCTOBRE
Production de Jean-Marie de Bideran devant les Commissaires du Roi chargés de la Recherche des nobles dans le duché de Guyenne.
(Bibliothèque nationale — Carrés de d’Hofier, f. 39 à 42.)
Inventaire des titres et papiers par lesquels Jehan- Marie de Biderent, ecuyer, seigneur de la Montice (sic), prétand justifier sa qualité et extraction de noble, par devant nous, messieurs les députés de Sa Majesté pour la recherche des nobles en le duché de Guyenne; lesquels titres led. de Biderent remet et produict par devers vous.
Du 20e octobre 1603.
Premièrement produit le contract de mariage, faict entre noble Helyes de Biderenc, escuyer, fils de noble Amalric de Biderenc et de Marguerite de La Batud, damoyselle, ses père et mère, et Rizilz de Chaumond, damoyselle, femme dud. Helies, dacté du vingtiesme de janvier mil quatre cent septente ung : signé Guydo Pellete, not.
Et pour monstrer que dud. mariage est isseu Bertrand de Biderenc, fils dud. Helyes, produict le testement d’icelluy Helyes, en datte du unziesme febvrier mil quatre cens octante neuf : signé Mathurin Largeaud.
Aussy produict le contract de mariage faict entre ledict Bertrand de Biderenc, escuyer, en segondes nonces et Catherine de Montestène surnommée de Lavédan, damoyselle, en dacte du dix-neufviesme
febvrier, mil cinq cens dix-neuf : signé Gassin, secretére, et nother général en Beard; ensemble la recognoissance du doct reçeu par led. Bertrand de Biderenc de lad. de Lavedan, dacté du seziesme du moys de may mil cinq cens trente quatre, signé des Egaux et Lolméde nothéres, avec certains articles et mémoires bailhées par le Roy de Navarre aud. de Biderenc seigneur de la Montice son maistre d’ostel le tout contenant sa délégation avec une missiye dud. sgr signée Henry et plus bas de Pon adressante aud. de la Montice, le tout attaché ensemble.
Et par ce que led. Bertrand de Bideren décéda ab intestat, pour justifier que du mariage d’icelluy Bertrand et de lad. de Lavedan a esté procréé et engendré Allen de Bideren son fils ayné, Achilles, Jehane, Phelipe, Jehan, autre Jehan, Loys de Biderenc ses enfantz et filles, produict le testement de lad. de Montestene de Lavedan en dacte du vingt septiesme may mil cinq cens soixante quatre, signé Peyroux nothère royal; ensemble certain acte faict par devant monsieur le juge de Saucygnac, contenant la provision de tutteur dud. Allen et autres sesd. frères dessus nommés de la personne de noble messire Jehan de Bideren prieur de la Car et chanoine de sainct Yllére de Poytier, frère germain d’icelluy Bertrand ; le tout attaché ensemble en dacte du vingt sixiesme de septembre mil cinq cens trente six, signé de Puvssaud.
Item produict le contract de mariage faict entre ledict noble Allen de Bideren et Loyse de Beauvoix, damoyzelle, sa femme, en dacte du dix neufviesme de janvier mil cinq cens quarante quatre, signé Serretier, nothére.
Et pour justifier que du mariage dudit noble Allen de Bideren et de lad. Loyse de Beauvoix, damoiselle,
PIÈCES JUSTIFICATIVES
sont isseuz et engendrés Philippes, Godeffre, Guillaume et Jehan-Marye de Biderenc, escuyer, à présent vivant, seigneur de la Montzie, Martre, Loyse de Biderenc leurs enfants et filhes qui sont tous deceddés, fort led. Jehan-Marye de Biderenc, produict la coppie du testemant dud. feu noble Allen de Bideren, son père, escript avec l’acte du compulçoire au pied d’icelly en trois fulhetz de pappier, signé le tout de Limeuilh, lieutenant, de Beaupoil, greffier, et plus bas, Guerrier, nothère royal; en dacte du huictiesme de novembre mil cinq cens soixante deux, reçeu par Peyroux, nothére royal.
Semblablement pour montrer que led. Jehan-Marie de Biderenc a esté déclaré noble et extraict de noble lignée par conséquent déclare exant du payemant des frangs phieufz, produict la copie de l’arresté donné en la ville de Perigueux par Monsieur Le Blang, commissaire député par Sa Majesté pour la recherche liquidation des frangz phieufz et nouveaux acquetz, qui a esté vidimé et transcript sur l’original dud. arrest, signé Brolyodie, grefier, et plus bas, Guerrier et Marteau, nothères royaulx, dacté led. arrest du huitiesme may mil cinq cens nonante huict. Ensemble l’attestation faite par led. Jehan-Marye de Bideran escuyer sur son impotance survenue en sa personne, estant au service du feu Roy dernier décédé, que Dieu absolve, en dacte du quatriesme dud. moys de may aud. an signée d’icelluy de Bideren des attestans, de Limeilh nothére royal.
En finalement pour montrer que led. feu Allen de Bideren estoict prins et subject au bang et arriéré ban, produict une procuration faicte par icelluy Allen pour son exoyne, ne pouvant comparaître par devant Messieurs les commissaires a ce députés par
Sa Majesté pour la conduite d’une compagnie de deux centz hommes d’infanterye du feu sieur de Duras, en dacte du unziesme apvrilh mil cinq cens cinquante quatre, signé Bord, nothère.
Et pour la conservation de ses titres cy-dessus invantorizes produict le présent invantére. Adjoutant à ce que dessus pour justifier que led. feu de Bideren estoit maistre d’ostel de feu Henry, Roi de Navarre, produict sa charge que led. feu sieur luy avaict donné pour conférer avec Madame de Nevers, cousine dud. sieur, escript en deux feuilles de pappier signé Henry et plus bais, faictes à Saincts-Germain-en-Laye, le neuviesme de janvier l’an mil cinq cens vingt huict.
Davantage pour montrer que led. feu Bertrand de Bideren estoict durant sa vie pourveu de l’estât de prévost des mareschaulx de France en toutte la duché de Guienne, par le feu Roy François Roy de France, produict sa provision signée dud. sieur et signée plus bas Robertet, en ung feuilhet de pappier donné à Fontenebleau, le quinziesme jour de mars mil cinq cens vingt huict attaché à l’expedition de ses lettres, faictes en parchemin au mois de mars aud. an signée par le Roy, Roubertet avec (etc.)...
Faict ce vingtiesme jour doctobre mil six cens trois
