Lacune dans la copie

Sur le brouillon original, Malvyn a barré ce mot et l'a remplacé ainsi : Malvyn sur ce a remonstré, Dans lout le discours, il a substitué la troisième personne à la première.

eschaugueteurs d'opinions sont très pernicieus, ennemis capitaus de l’innocence et de la vertu et indignes d’ung collège d’honeur, qui s’efforcent par moyens si illegitimes d’acquerir l’amytié des persones d’authorité et de corrompre par faus rapport et sinistres interpretations l’avis de gens de bien, et y attachent leur dent venimeuse pour après faire avaller ce poison à ceus dont indignement ct trop lachement ilz veulent retirer la bonne orûce.

Je ne tiens pas ce propos sans bien grande occasion, de tant qu’on a fait entendre à Monsieur de Dags qu’en ceste mercuriale j'avois mal parlé de luy, comme je vis hyer par une lettre qu’il a ecrite à Monsieur le garde des seaus et qu’il m'a communiquée, au pied de laquelle il y a sis ou sept lignes ecrites, comme je croy, de la main propre dudit sieur evesque d’Ags, esquelles il fait mention de moy, mais de manière qu’il appert qu'il est bien en colère et irrité contre moy pour avoir tenu, comme il dit, en ceste mercuriale des opinions à son desavantage, et entre autres choses il me semble qu’il y a des mots bien douteus et de l’interpretation desquelz je ne me peus pas bien demesler. Je priay monsieur de Babiaut ' me bailler l’extrait de ceste lettre et ce qui me concernoit, ce qu'il me promit. J’envoyay despuis chez luy pour retirer ceste copie. Il m'asseura que je l’aurois ce matin. Je l’en ay prié ce jourdhuy, mais il m'en a refusé tout à plat. Ce neaulmoins, j'ay retenu la substance de ce qui me touchoit en ceste lettre et, comme je croy, les mots mesmes qui y sont escrits ou à bien près. Voyla donques les mots de ceste lettre :

« On m'a adverty qu’on parle mal des absents en vostre mercuriale et que le plus aigre promoteur d’icelle est monsieur de Cessac. Ce n’est pas ce qu'il m'avoit promis et juré en ma maison à Bordeaus, en la presence de monsieur du Haillan?. Jay dit par tout beaucoup de bien de luy, mesmes estant dernièrement à la court. Je serois marry d’estre contraint de me desdire. S'il ayme tant son honneur, qu’il ne pardonne point à ses amis, qu’il se pardonne à soy mesme. »

C’est, messieurs, comme je suis taxé d’avoir mal parlé dudit sieur Evesque, ce que je n’ay fait ny pensé et ne l’ay jamais nommé en mes opinions, ce que la Court sçait très bien, lui ayant tousjours porté autant d’honeur et de respect que sa dignité et son merite debvoit impetrer et requerir de moy. Ce neaulmoins, il m'a voulu enveloper en une façon

r. Christophe de Babiault de Rabayne, conseiller lai, reçu le 26 janvier 1568.

2. Bernard de Girard, sieur du Haillan, né à Bordeaux vers 1535, mort à Paris le 23 novembre 1610, historiographe de Charles IX et de Henri I. Du Haillan avait été le secrétaire de François de Noailles, évêque de Dax de 1556 à 1585. C’est peut-être de ce personnage que Malvyn se plaint. (Voir sur François de Noailles, abbé A. DEGERT, Histoire des évéques de Dax. Dax, 1899, in-8°, pp. 267-294.)

d’écrire et poignante et douteuse, etque je n’ay merité de luy ny d’autre. Car quant à ce qu’il dit que je suis le plus aigre promoteur de la mercuriale, ce mot d’aigre y est trop. Au reste, ce me seroit plus d’honeur que je ne puis recognoistre, s’il y av{oit] en ceste mercuriale plus de ma promotion que des autres. Ung chascun df[e] nous y a apporté son symbole, et pour ma part je y ay contribué ce que je pouvois d’honeste ardeur et affection au bien de ceste compaignie, et partant le desplaisir qu’on me veut faire me reviendroit à l’avanture à honneur et à plaisir, si je le meritois.

Et quant à ce qu’il dit que ce n’est pas ce que je lui avois promis et juré en sa maison en ceste ville, en la presence de monsieur du Haillan, j'ignore entièrement que c’est de ceste promesse et jurement. Je ne suis pas grand jureur et sçay bien que je n’ay serment q’au Roy et à la Court. Mais s’il veut dire que je luy ay promis affection et service, je confesse l’avoir fait non seulement lors, mais plusieurs fois et toutes et quantes fois que l’occasion s’en est offerte, et non seulement promis, mais aussi bien voulontairement voué. Toutesfois je n’ay pas estimé que de là on peut tirer une convention ou promesse contre mon debvoir, la liberté de mes opinions et la très pure et nette integrité que je m'estudie de representer en ma charge. Et quand j'aurois fait quelque paction contraire à la legalité requise en ma function ou qui peut afoiblir la vigueur d’esprit que je veus maintenir en tant que je puis ès affaires qui sont occurrents ceans, je ne serois nullement tenu de la garder. Ces debvoirs d’honeur, d’amytié et de courtoysie n’etablissent pas une necessité; ilz sont en ma puissance, je les puis revoquer quand bon me semble. Je ne suis precisement serviteur de personne que du Roy; des autres je le suis quand il me plaist, et selon que mon inclination ou l'occasion y applique. Toutesfois je ne me repens pas d’avoir bien colloqué mes voulontés et les avoir mises en lieu eminent et de merite, pourveu qu’on ne me donne occasion de m'en desdire. Mais, quoi qu'il en soit, ma conscience ne fait joug à personne et ne reçoit point de loy etrangère qu’on luy veuille imposer.

Et en ce qu’il est dit qu’il seroit marry de se desdire du bien qu’il a dit de moy, je luy en suis obligé de l’honeur qu’il m'a fait. Je n’ay point esté paresseus à m'en revencher autant que j’ay peu; mais si je n'ay merité sa louange, je n’ay point merité de blasme de luy. Et possible qu'on pourroit desirer quelque chose en ceste action de mesdire de celuy lequel on auroit beaucoup loué. Je n’ay pas la nature si forte et la vertu si constante que je m'ose attribuer ce que dit Horace :

Nec me Falsus honor juvat et mendax infamia terret *.

Et finablement pour le dernier mot il est dit: Si j’ayme tant mon honneur, que je ne pardonne point à mes amis, que je pardonne à moy mesme. C’est ung mot que je treuve bien obscur : que je pardonne à moy mesme, et n’entens nullement le sens d’iceluy. Quand le sieur evesque d’Ags n’en voudra eclaircir, il me treuvera tousjours bien prest de responce, s’il y en faut, et que je suis celuy qui ne lairray rien usurper de mon honneur à homme qui vive, si je le puis maintenir et deffendre. Bien suis-je certain qu’il ne peut pas dire que je ne sois homme de bien, car il ne me desrobera jamais ce tiltre, puis qu’il m’apartient, et ne souffriray pas qu'autruy triomphe de ma despouille, si je la puis ravoir en quelque façon que ce soit 2.

C’est ce qu’il m'a semblé que je debvois dire publiquement en ceste compaignie, puis que je suis repris des opinions que je y ay tenues, voire mesme de ce que je n’ay pas dit et que je n’ay point pensé de dire. Jay tousjours esté poussé d’un zèle très entier de l’honneur de ceste compaignie, sans estre tiré d’aucun interest ou commodité particulière, et me suis travaillé pour la part que j’ay peu conferer à la 5 reformation d’icelle. Voylà la recompense que j’en ay cependant : on me dresse un assasinat, car quiconque m’a presté ceste charité me couperoit la gorge, s’il pouvoit. A tant je requiers trois choses : premièrement, que Messieurs les presidens et conseilliers se purgent par serment s’ilz ont revelé les opinions qui ont esté discourues ceans ès articles de la mercuriale et les particularités d’icelle et les autheurs desdites opinions; en second lieu, qu’il plaise à la Court me bailler acte et declaration que je n’ay point mal parlé de monsieur d’Aags en mes opinions; et pour le dernier, que monsieur de Dags sera requis et interpellé, à la poursuyte de messieurs les gens du Roy, qui luy a dit ou ecrit et par le moyen de qui il a entendu le contenu dé la lettre qu’il m’a recitée à present à la Court. S'il plaist à la Court, elle faira droit de mes requisitions.