août iji

Bibliographie. 107

situm, quum ab amico michi semper excolendo Christophoro Longuolio,

viro sine controversia studiorum omnium bonorum excellentissimo, iam

ab hinc quatuor annos commodo primum exscribendumaccepissem, unum

tibi manu mea scriptum, forma quidem non usque quaque ineptum, ad te

ex Parrhisiis in Turoniam mittere venerat in mentem. Viro cuius etiam

nomini lubens parco ad te dederam portandum; verum ipse alii nescio

cui, te, me, et sua fide posthabitis, satis impudenter dono dédit. Labore

meo sic ego frustratus , aiterum tibi conscribere maturabam, nisi ipse

Longuolius, qui exemplar iam olim ex Morinis adportaverat, et michi,

ut dixi, commodo dederat, nuper ex Pictavis Parrhisios adveniens, mo-

nuisset imprimendum curarem. Curavi equidem, nominibus opidorum

seiunctim et seriatim coordinatis, additis etiam suo loco plusculis aliter

in altero exemplari scriptis. Feci et indicem, quo facillime quodcumque

opidi et loci nomen in toto opère disquiri possit. Mirabitur fortassis

aliquis ipsius operis stilum , interdum etiam nonnullis in locis lati-

nitatem. Stilum ipsum satis laudabit studiosus; latinitatem vero

antiquae illi setati lector non malivolus condonabit. Multa subemen-

dassem Ptholomeo , Strabone , Dionysio , Mêla , Plinio , Solino et

authoribus aliis aliquot non omnino aspernandis usus, sed et authori au-

gusto reverentiam, et exemplari admodum vetusto synceritatem obser-

vans, nichil immutare volui, Longuolii mei in aliud tempus studia vigi-

lantissima, vel alicujus Hermolai limam exactissimam expectans. Unum

est quod hic tangere non verebor, authoris nomen in exemplari fuisse

meo judicio imperfectum (nam et Antonius Augustus inscribitur). Ab

Hermolao, viro alioqui nitido, Antoninus multis in locis apud suas in Pli-

nium castigationes allegatur. Viderint qui legent. In textu exemplar

ipsum secutus sum. In inscriptione libri Hermolaum sum imitatus.

Laborem meum quantulumcumque tibi (ut debeo), animo nequaquam

ingrato, nuncupatim dico. Suscipe, oro, qua fronte et optima quaeque

soles, et permitte studiosissimorum quemque per insignes mille urbes,

te duce, cum hoc itinerario venire. Vale, studiorum meorum succollator

humanissime.

Parrhisiis, e regione collegii Coqueretici, 14 calendas septembris 1512 I.

CIVIS