II. — HISTOIRE DE CHARLES MARTEL CCXXVll

Merveilleusement fut joieux Anchier quant il ouy les nouvelles du noble duc Gerard quy celle pan venoit. Il assamblalors le clergié et les notables bourgois de leans et leur declaîra le fait, dont tous furent joieux que plus nepouoient, et se délibérèrent d'aler au devant de luy en notable procession '. Et ainsi fut le gentil duc Gerard receu de ses hommes, quy tant avoient eu a souffrir pour sa guerre que déshéritez en estoient les plusieurs et en grant nombre, mais tous plouroient de joye pour sa venue et lui offrirent leurs corps, leurs biens et leurs services jusques au mourir. Si les eust le duc pour celle cause tellement recommendez qu'en la fin il leur en fut de mieulz. Et quant il se vit en Roncilion obey, et il sceut que le chastel estoit très bien garny de vivres et de bonne artillerie, il requist au notable chevalier Drooa et a son filz Anchier que ilz voulsissent parfoumir le commandement de la royne. Adont ilz firent par tout e paijs assavoir la paix du noble duc, sa venue et l'aliance que la royne avoit avecques luy, en leur priant que de gens ne luy voulsissent faillir pour aler secourir Fourques,' son cousin, en Auridon, se les parens du duc d'Ardenne le vouloient par aucune aventure aler illec assegier *. Et ilz luy mandèrent que de ce ne se soussiast, et que ja ne luy fauldroient de gens, d'argent ne de bon vouloir. Et adont le vaillant prince Gerard rendi graces a nostre Seigneur de la bonté qu'il luy avoit par sa debonnaireté fattte, comme d'avoir ainsi acquis l'amour {fol. v xxix) de la royne. Si se tabt atant i'istôire du gentil duc Gerard, et de ceulx de Roncilion, et parle de la royne qui estoit alée a Orleans pour ouyr de toutes nouvelles et de ses anchiens ennemis.

FIN DU VOLUME Ainsi fut le duc hors de la pensée ou Atamins l'avoit i

.Cf. 057

.. Cf. i 559.