PROPOSITIONS PARTICIPES

Adonc le Rat, sans serpe ni Cousteau,

11 arriva joyeulx et esbaudy,

Et du Lyon, pour vray, ne s’est gaudy,

Mais despita chatz, chates et chatons,

Et prisa fort ratz, rates et ratons,

Dont il avoit trouvé temps favorable Pour secourir le Lyon secourable ;

Auquel a dit : — « Tais toy, Lyon lié,

« Par moy seras maintenant deslié;

« Tu le vaulx bien, car le cueur joly as;

« Bien y parut quand tu me deslias.

« Secouru m’as fort lionneusement,

« Ors secouru seras rateusement. »

Lors le Lyon ses deux grands yeux vertit Et vers le Rat les tourna ung petit,

En luy disant : — ((0 pauvre vermynière,

« Tu n’as sur toy instrument ne manière,

« Tu n’as Cousteau, serpe ni serpillon (( Qui sçeust coupper corde ni cordillon « Pour me gecter de ceste estroicte voye.

(( Va te cacher que le chat ne te voye!

— a Sire Lyon, dit le fils de Souris,

(( De ton propos certes je me soubris ;

« J’ay des cousteaux assez, ne te soucie,

« De bel os blanc plus tranchant qu’une cye;

(( Leur gaine c’est ma gencive et ma bouche.

« Bien coupperont la corde qui te touche a De si très-près; car j’y mettray bon ordre. >)

Lors sire Rat va commencer a mordre Ce gros lien. Vray est qu’il y songea Assez long temps, mais il le vous rongea Souvent, et tant qu’à la parfin tout rompt ;

Et le Lyon de s’en aller fut prompt.

Disant en soy : Nul plaisir, en effect,

Ne se perd point, quelque part où soit faict.

Voylà le compte en termes rimassez ;

11 est bien long, mais il est vieil assez,

Tesmoing Esope, et plus d’ung million.

Clément Marot (1495-1544).