ENFER ET AVOIR PARADIS
0 toy royne de hault parage Dame du ciel et de la terre Me viens complaindre de loultraige De lennemy qui me fait guerre Mon poure cueur au corps me serre Las cliiere dame secours moy Car ie ne scay ou confort querre Vierge se ie ne lay de toy.
De toy me vient toute bonté Très doulce vierge précieuse Saulchun pèche ma surmonte Vueillez moy estre gracieuse La mort qui est très hydeuse Me vient happer; ne scay Iheure Mon ame en est si angoisseuse Que de douleur chascun iour pleure.
Pleurer me fault mes grans meffaiz Que iay commis par ma follie En pensant en dictz et en faitz Rempliz de toute villenie.
Prye ton filz ie ten supplye Que tu alaictas doulcement Quil luy plaise par courtoysie De moy pardonner humblement.
Humblement ie te faiz prière
Mère de nostre rédempteur
Que ta bonne grâce acquière
Par tamour et par ta douleur
Tu es le chastel fort et seur.
Ou tous pécheurs se viennent rendre
Te te supply oy ma clameur
Et en mon fait vueillez entendre.
Entens moy tressaincte vierge Qui enfantas le doux lesus Ton lilz de qui tu es concierge.
Clere lumière sans refus Oncques refusant ne fus De pécheurs porter la querelle Tu es certes de plus en plus Gracieuse plaisante et belle.
Belle sans per et sans nul sy Plus doulce fleur que nest la rose Metz mon ame hors de soussi Qui de tout pèche est enclose. Car a ton filz parler ie nose Pour les grans vices ou ie suis le te supply sur toute chose Pry luy qu'il ayt de moy merchys.
Mercys requier a ioinctez mains A toy tresoriere de grâce.
Fay que tous mes maulx soyent estains Et que ton lilz pardon me face
Car lennemy tousiours me lasse Et me tient en peine et labeur Et daultre part la mort me chasse Par quoy ie viz en grant langueur.
Langueur me t'ait plus noir que meure Las bien doibtz mauldire ma vie Car orgueil sy ma couru seur Et le pèche de ire et denvie.
Luxure aussi et gloutonnie Avec avarice et paresse Auront sur moy leur seigneurie Si tamour a moy ne sadresse.
Dresse mon cueur ie ten requiers A la vertu d'humilité Par pitié aussi volontiers Faiz tant que iaye charité Toute abstinence et chasteté Avec largesse et pacience Souffisance en povrete Me soit donnée et diligence.
Diligence mest nécessaire Mère de dieu faiz que ie lave Tant qua ton tilz ie puisse plaire.
En quelconque lieu que ie soye, lay prins de tout pèche la voye, Si de toy nay miséricorde.
Tant que de dieu ie me desvoye Samoy ta grâce ne sacorde.
Acorde donc(|ues ma poure ame A iesuclirist roy glorieux Et lui prie ires chère dame Qu'en la lin me soit gracieux
Et que son sainct corps précieux Dignement puisse recepvoir Tant que au royaulme des cieulx Je puis paradis avoir.
Avoir ne puis aultre advocat Quant viendra au point de la mort.
Si toy dame ny metz débat le suis en danger davoir tort le viz lousiours en desconfort Et si ne scay (jue devenir.
Si par toy ne viens a bon port En grant péril me lault finir.
Finir me fault vierge pucelle Conduys mon ame hors de peine, Garde la de mort cruelle Par ta grant bonté souveraine.
Tu es le russel et la fontaine Qui lavez toute ame pollue Purge la de tache villaine Pour estre a dieu nette rendue.
Amen.
Lame qui est dordure taincte Doibt ainsi faire sa complaincte.
Oraison a la glorieuse marie pour dire tous les iours
Glorieuse vierge Marie A toy le me rens et sy te prie Que tu me vueilles ayder En tout ce que iauray mestier Garde mon corps de malladie Et lien mon ame en ta baillie
Faiz moy vivre tousiours en paix.
Et me dettens du faulx maulvais Quil ne me face chose faire Qui a ton lilz doibve desplaire Et sy te pry vierge honnoree Que ie passe ionr et nuytee Sans. point pécher mortellement Et sans mourir villainement Donne moy telle repentance Vierge par ta digne puissance Que iaye vraye contricion Et en la fin confession Et quant mon dernier iour sera.
Que lame du corps partira Yueille la en la garde prendre.
Et de lennemy la deffendre Quil ne luy face villenie.
le te supply vierge marie Que la présentes a ton cher filz En la gloire de paradis Affin que de moy te remembre Le doulx salut ie te vueil rendre Que lange gabriel taporta En disant Ave Maria.
