XV. — De la mort Guibelin et cornent Arnouis fu patriarches

Au renovelement du tens, en cel an meismes, fu morz li preudons Guîbelins patriarches de Jherusalem. En son leu fu esleuz un autre qui ne le resembla mie : ce fu cil Amous arcediacres, dont vos avez oï parler desus, que Ten apeloit en seurnon Malecoronne. Bien cuit que ce fu por le pechié du clergîé et du pucple qui, par haine Nostre Seigneur, avoient deservi tel prélat sur eus. Si come il avoit fet avant, ne cessa mie por sa digneté à fere assez mauveses oevres; car il doutoit pou Nostre Seigneur : por ce se contenoît desloîaument. Longue chose seroit de raconter ses mauvez fez : mes entre les autres vos en dirai un. Il avoit une seue nièce que il maria à un des greigneurs homes de la terre, ce fu à Eustace Grenier qui es toit sires de ces deus citez de Saiete et de Cesaire. Sachiez que il li dona, por prendre sa nièce, la meilleur ville que li Sepuchre tenist, ce fut Jerico, o toutes les apartenances. Bien la prisoit-l'en .v."- besanz de rente. Il qui estoit prestres et patriarches fu de trop mauvaise vie, com cil qui ne doutoit pechié ne blasme; si que moût issoit de lui maie renommée par tout le pueple. Pource que il poïst mieuz fere sa volenté des choses de Teglise, il porchaça tant par sa malice, que li establissemenz fu despeciez que li dux Godefroiz et li autre baron avoient establi en Teglise du Sepuchre, quant la cité fu conquise; [car il i mistrent clers qui avoient

témoin dans le rescrit d'érection de l'évêché *• Mense decembri,

de Bethléem.

riches provendes, et par eus et par leur compaignies servoient moût hautement Teglise;] cil ne fina onques jusque il i ot mis chanoines rieulez, [qui estoient menue genz, ne riens ne li osoient contredire qu'il vousist fere* .]

XVL — Cornent li Tur barroierent le païs d'Ântioche.

Tantost com la cité de Saiete fu prise et celé n ou vêle fu espandue par la terre de Perse, une grant plenté de Turs de la terre s'assembla, qui distrent que il vendroient en la terre de Surie por eus esprouver en armes et por conquerre pris et los, [si que bonne renommée retornast d'eus en leur païs]. En ceste manière le firent-il pluseurs foiz ; car dès lors que nostre pèlerin entrèrent en la terre, bien par quarante ans après, ne leur failli onques celé tempeste ; car chascun an issoient de celé terre* noveles compaignies por guerroier la Crestienté. Si grant plenté en i avoit, tele eure ert, que toute la terre en estoit couverte. Mes Nostre Sires i mist conseil, quant lui plot*. Car il a une terre près du roiaume de Perse qui a non Avesguie * et siet devers Bise ; en celé terre naissent plus grant gent que autre home, et fort de grant manière. Cil de Perse les souloient vaincre et défouler en toutes places, si que il avoient trop greigneur pooir que celé gent, por ce que cil n'avoient mie les armes aiîsées, ne ne se tenoient pas ensemble. Mes après, quant cil s'apcrceurent, qui plus forz estoient, et li Persant meismes leur orent fet aprendre des armes, qui toute jor leur coroient sus, il s'enpristrent* à contretenir contre leur anemis, etteus les atornerent que cil estoient desconfit toutes les fois qu'il s'en osoient entremetre. Por ce n'enpristrent puis li Persant à conquerre noviaus roiaumes, aînçois se tenoient tuit lié quant il se pooient

* La dernière phrase omise : Regem ctiam dicitur Avesguia.^ Ccst la Géorgie, que le« €id hoc impulit ut, vivante adhuc uxoresua, anciens désignaient sous le nom d*Ibérie. ->Je aliam duceret, sicut in sequentibus dicetur, ne trouve pas ailleurs ce nom d'Avesguie.

* De isto $inu Persico erumpetat, donné & la Géorgie, ancienne Ibérie.

* C'est-à-dire : de temps à autre. * Ils se mirent, se prirent à résister. ■ Est autem Hiberia»,, quœ alio nomine

A«iii3. LIVRE ONZIÈME. 407

ilec défendre. Mes ainçois que il fussent en tel point, si com je vos ai dit, celé plenté de Turs issirent de la terre et passèrent Mesopotame et vindrent outre le flun d'Eufr^te. Toute celé terre comencierent à barroier et à gaster, puis asistrent un moût fort chastel du païs qui a non Turbessel. Quant il i orent sis un mois, cil de léanz se furent si bien défendu que il n^i receurent mie grant damage. Quant li Tur virent qu'il y perdoient le tens et la peine, si se départirent dMlec. Moût se fièrent en la plenté de gent qu'il avoient ; por ce, se trestrent vers Halape. Moût tendoient à ce et metoient grant peine que Tancrez, qui si estoit preuz et hardiz, chevauchast encontr'eus folement à pou de gent contre leur grant assemblée. Mes cil qui estoit sages le fist come bien apensé. Par ses letres manda au Roi que hastivement le venist secorre. Cil asembla chevaliers et vint sanz demorance vers ces parties; avec lui amena le conte de Triple qui de la seue gent avoit asez avec lui. Il vindrent tuit ensemble jusque au chastel deRuge*. Leanz trouvèrent Tancré qui les atendoit atout son ost. D'ilec s'en issirent por aler contre leur anemis et chevau*chierent, les batailles toutes conrées, tant qu'il vindrent devant une cité qui a non Cesaire ' où li Tur s'estoient avant logié. [Ce n'est mie celé Cesaire qui est archeveschiez en la terre de Surie, ainz est une autre.] Quant li Sarrazin les virent einsi venir contr'eus pour combatre, il les doutèrent, si les comencierent à eschiver et retrere leur genz vers leur païs. Li nostre les porsiirent jusqu'il furent fors de la terre. Puis pristrent congié^ et s'en retorna chascuns en sa contrée.