XIX. — Cornent li Crestien pristrcnt Rafanée

Après cette bataille, li cuens Ponces de Triple ot moût grant talent d'asseoir une cité près de lui qui avoit non Rafanée*. Bien li setnbloît que c'estoit chose dont bien poïst venir à chief. Mes por mieuz acomplir son desirier, il pria le Roi par ses letres et par bons messages, qu'il li aidast, si que il meismes i venist, car trop amenderoit celé chose de sa présence, Li Rois qui n'estoit mie pereceus, et volentiers porchaçoit le preu de la Crestlenté, prist grant compaignie de chevaliers et de serjanz avec lui, si s'en vint là; le Conte trova moût apareillié à celé besoigne. Lors firent chargier leur engins ; targes et arbalestes menèrent assez et autres bernois por forteresce prendre. Lors s'esmurent por aler là; leur gent à pié mistrent avant. Il chevauchierent après en bataille tant qu'il vindrent devant la cité et l'assistrent en tel manière que le premier jor tolirent à ceus dedenz l'entrée et l'issue. Celé cité n'estoit mie moût fort ne de siège ne de forteresce; garnison i avoit trop povre, car ele avoit esté moût grevée longuement. Li cuens Ponces avoit fet près, dedenz la montaigne, une forteresce dont la garnison coroit chascun jor devant Rafanée, qui ne leur soufroit riens à mètre dedenz la ville, et ce qu'il trovoient dehors enmenoient tout. Toutesvoies dura li sièges .xviii. jorz, et au darrenier se rendîrent-il par un tel covenant que l'en fist conduire eus et leur mesniée à sauveté. Celé cité sîet en la province de Paumiers", et fu prise le darrenier jor de marz. Li Rois se parti d'ilec et vint en Jherusalem et fist moût hautement la feste de la Pasque. En cel tens fu morz li empereres d'Alemaigne Henris. Après lui fu esleuz uns moût hauz hom dux de Sassoigne, Lotiers' avoit non. Cist mena son ost en Puille et conquist toute la terre par force jusqu'au Far de Mes-

< Rafineh, ou Raphania, aa nord de Tripoli. mas. «

* In prpvkicia Apamiensif Âpamée, auj. * Henri V, mort à (Jtrecht en 11 25. — Lo-

Hamah. Ed. précéd. « En la province de Pal- thaire II, élu le 3o août 11 23.

AOI137. LIVRE TREIZIEME. 505

chines. Le duc Rogier qui avoit prise celé terre en fist fuir en Sezile, et mist ilec un duc de par lui que Ten clamoit Renon *, qui estoit preuz et sages. Mes quant li Empereres s'en retorna en Alemaigne, cil Rogiers repassa le Far et vint en Puille. Au duc Renon se combati et le meilleur en ot. Après fu morz cil Renons et recevra li dus Rogiers toute la terre, si que il fu puis rois de Puille et de Sezile.