XXI. — Cornent Buiemonz li princes d'Antioche prist à femme

la fille le roi Baudoin.

Vers rissue de septenbre avint que Buiemonz, li juenes princes de Tarente, qui fu filz au viel Buiemont, ot fet une manière d'aliance à son oncle Guillaume le duc de Puille, tele que cil d'eus deus qui vivroit après l'autre auroit toute s^escheoite. Lors apareilla bêle estoire de nés, .x. galies i ot, et .xii. autres vessiaus à porter homes et chevaus et touz hernois ; si s'adreça por aler en Surie. Moût se fioit en la loiauté le Roi et avoit ferme espérance que sitost com il vendroit là et demanderoit son héritage, que li Rois le li feist avoir sans contenz. Il arriva vers Antioche. Quant li Rois le sot, qui demoroit en ces parties, il vint encontre et mena avec lui des barons de la terre. Moût le receut bel, et le mist dedenz Antioche, la cité li rendi et tout le prince. Par le comandement le Roi, li firent tuit si baron homage en son pa-

* Galeis viginti et quatuor, < Centum et triginta ex eis gladio per*

* Le latin dit seulement : Potus inopia labo- emptis. Ed. précéd. « Quar il en i avoit morz rantest sitis necessitate compulsi ut aquas ou onze vinz ou douze. »

hauriant.

AMiaR. LIVRE TREIZIÈME. 507

lais. Lors parlèrent tant au Roi si ami, que il dona une de ses filles, la seconde, à Buiemont à femme, Aliz avoit non*. Grant joie en firent cil de la terre, car il se pensèrent que li Rois en ameroit mieuz le païs et plus volentiers les secorroit à leur besoinz. Buiemonz estoit bien d*aage entor dis huit anz, granz et droiz et moût biauz; cheveus avoit blons, visage moût bien fet, dous et gracieus. Entre toute Tautre gent poïst-l'en connoistre que ce fust li sires. De parole estoit moût sages et meurs; de touz ceus qui Tooient avoit grâce et bone volenté. Gentius hom estoit moût de lignage, car Buiemonz ses pères fu filz Robert Guichart qui si fu preudom que touzjorz-mès parlera-Pen de lui en bien. Madame Costance, la mère à cest juene Buiemont, fu si haute femme come fille le roi de France Phelippe. Quant cist princes ot prise sa femme et les noces furent fêtes à moût grant feste, li Rois se parti du païs et s'en revint sains et hetiez en Jherusalem. Ne demora guères après ce, quant li tens renovela, Buiemonz sot que, ne sai quanz anz' avoit que li Tur avoient pris de son eritageun chastel qui avoit à non Cafardan. Sise pensa que volentiers le recouverroit. Il assembla chevaliers et serjanz du prince, tant com il en pot avoir, engins fist porter des meilleurs que il ot, et mena avec lui de bons engignéeurs assez qu'il trova en la terre : lors assist le chastel. Moût se pena de bien emploier son premier siège. Les engins fist drecier et giter dedenz la ville à moût grant esploit. Ses genz fist assaillir au chastel moût hardiement, il meismes se tenoit près por véoir et connoistre qui bien le feroit. Si asprement enprist la besoigne que li chastiaus fu pris en pou de tens. Il trova leanz de grans prisons et de riches assés qui moût voloient doner or et argent por sauver leur vies, mes il n'en vout onques rien prendre, ainçois leur fist tantost couper les testes, et dist qu'en ceste manière vouloit estrener la guerre de lui et des Turs. Et teus eti fust li commencemenz '.

* Halim nomine, argumenta prima. Lui-même devait plus tard

* Aliquot ante annis. Stre traité avec la cruauté dont il s'était fait ' Has dédit primitiasy inclytus et nobilis, gloire.

uct adolescentiœ princeps^ et bonœ indolis

508 GUILLAUME DE TYR. A» iiag-

XXIL — Du descort qui fii entre Buiemont et Jocelin.

Riens ne puet estre longuement en pais où 11 deable puisse mètre descorde. Je ne vous sai mie à dire par quoi ce fu, mes entre le prince Buiemont et le conte Jocelin de Rohez sordlrent haines et anemistiez trop granz. Si neis que li cuens Jocelins en fist une chose qui trop fu vilaine et de mauvese essanple ; car il fist tant vers les Turs, que par prière que par loîer, il les amena avec soi eu prince d'Antioche, et par leur aide gastoit les villes et ardoit ; les crestiens fesoit ocîrre et mener en prison ; et tout ice fist-il tandis com li Princes estoit eu servise Dame-Dieu por guerroier les Turs. Ce fu une chose qui trop fist blasmer Jocelin à touz les crestiens qui ce oirent dire. Li Rois ol novele de celé descorde; moût li desplot por deus resons : Tune fu que ce pooit estre trop grant péril à la terre; car quant li anemi de la foi verroient ces deus homes afebloiez de leur guerre, plus legierement leur corroient sus et gasteroient leur terres ; l'autre resons fu por ce qu'il li apartenoient anbedui : Jocelins estoit ses cousins germains, Buiemonz avoit sa fille cui il Tavoit donée novelement. Por ce se pensa qu'il se retreroit vers ces genz por savoir s'il en porroit fere pais. Il prist avec lui le patriarche d'Antioche, Bemart, qui moût bien li aida à fere cel acordement. Une chose estoit avenue qui moût bien aida : car li cuens Jocelins avoit esté malades moût perilleusement, si que il s'estoit fet confés, et trop se repentoit de celé guerre. Lors voa que se Dame-Dieus le respitoit de mort, il s'acorderoît au Prince et li feroit son homage qu'il li devoit. Tout einsi avint-il, car si tost com il fu gariz, voiant le Roi qui la pais fist et voiant lî Patriarche, devint ses hom de ses mainç et dès lors en avant li garda bien sa loiauté. Quant celé descorde fu einsi apaisiée, li Rois s'en retoma à Jherusalem. [En celé seson] avint que li cuens Rogiers de Sezile ot apareilliée grant navie de quarante galies ' tresbien armées et ati-

* Kd. précéd. « De dis galies. ■

riées, que il envoia en Aufrique, por gasterla terre. Mes li Tur du pais furent bien acointié ainçois de leur venue, et se garnirent si qu'il orent armées encontre quatre vinz galies qui se mistrent si devant eles que onques ne leur lessierent riens forfere, ainçois les chacierent arières jusques en Sezile; lors assaillirent à une noble cité et ancienne qui a non Sarragouce'. Moût avoit esté longuement enpais, si en estoit plus pleine de richeces et mains se sot défendre ; ne ne se prenoient garde de celé aventure, car cil vîndrent soudeinnement et la pristrent de venue. Le plus de ceus qu'il troverent, homes et femmes, petiz et granz, ocistrent touz, le remanant menèrent en prison. Li evesques et ne se quant cler en eschaperent à grant péril ; aus villes s'enfoïrent loing de la mer. Quant les galies orent acompli leur fet, si s'en retornerent chargiées de grant avoir et de prisons.