XXIX. — De la mort le roi Baudoin le secont

Tantost com il fu revenuz en Jherusalem, une grief maladie le prist dont il acoucha malades. Après, quant il comença plus à estre grevez du mal, bien senti et bien apercent que il ne vivroit pas longuement; lors se repenti moût de ses péchiez vraiement et cria à Nostre Seigneur merci. Puis se fist porter en la meson au Patriarche, porce qu'ele estoit plus près du Sepuchre où Nostre Sires Jhesucris fu morz; porce que il vouloît mourir près de ce leu. Grant espérance avoit que cil qui là resordi le resusciteroit et sauveroit au jor du Jugement. Lors fist sa fille et son gendre venir devant lui et un leur petit enfant de deus anz qui avoit non Baudoin. Li Patriarches estoit presenzet pluseurs des autres barons du roiaume. Ilec lessa le roiaume et s^en devesti devant eus. Si le bailla à son gendre et à sa fille, et leur donna sa benéiçon moût piteusement. Après dist qu'il voloit morir en povreté, por enneur de son Sauveur qui por lui et por les autres crestiens avoit esté povres en cest siècle. Tantost guerpi abit et toutes autres choses qui à roi apartenoient, et vesti robe de religion, si devint chanoines riglez de Tordre de Teglise du Se-

puchre. Ne demora mie que l'ame s'en parti qui s'en ala, si com l'en doit croire, en la compaignie des anges. Grant due! en firent petit et grant, tel com l'en doit fere de roi preudome quant il muert. Il trespassa de cest siècle l'an de Tlncarnacion Jhesucrist .M. et .c. et .xxïi. le vint et uniesme jour d'aoust, eu treziesme an de son règne. Enseveli/, fu moût richement corne roi desouz Monte Calvaire, devant le leu que l'en apeleGolgota. Genz i ot assez, prelaz, barons, clers et chevaliers.