XXVII. — Cornent li Tur ocistrent Buiemont

En celui tens puis que Buiemonz, li gendres le Roi, fu retornez de celé mésaventure, et se demoroit dedens Antioche, Rodoans*, li princes de Halape, crueus guerriers et poissanz, entra à grant compaignie de Turs en la terre d' Antioche. Quant li princes oï la novele, bien ot le corage de lui faire issir de sa terre. Si com il estoit vistes et artilleus, hastivement hasta ses barons et vout aler contre lui. Il descend! en la terre de Cilice, car il avoit autres besoignes à fere que il voloit délivrer". Tant chevaucha que il vint en uns moût biaus plains, granz et larges, que l'en apele le Pré des Pailes*. Iluec se logierent, ne ne cuidoient rien douter, car il pensoient que leur anemi fussent loing. Mes li Tur qui assez savoient de guerre, les orent aprochiez, et quant il virent leur covine sanz garde et sanz porvéance, il se ferirent en eus tuit ensemble, Li Crestien furent esbahi, nul retor ne pristrcnt d'eus, ainz tendirent tuit à fuir et lessierent leur seigneur. Si anemi li corurent sus et l'ocistrent et tout le découpèrent, dont il fu trop granz domages. De son aage

» Éd. précéd. « Ne il n'enpristrent nu! pro- ■ Aliis tractuscausisquœdomesticam et/a-

posément. ■ miliarem habebant rationem,

• Quœ dicitur Mecine. ■ Palliarum, Des pailes ou draps de riche

* Non Rodoan, mais Zenghi (Sanguin). tissu.

5l6 GUILLAUME DE TYR. A- ii3i

n'avoit-l'en pieça veu en la terre nul plus vaillant home; car il cstoit sages et de grant cuer, bons crestiens et larges; moût amoit la bcsoigne Nostre Seigneur. En maintes choses mostroit bien qu'il deust estre, s'il vesquist, uns des meilleurs princes de la Crestienté. Mes Nostre Sires soufri qu'il fu morz en ceste manière; dont touz li pueples d'Antioche fist moût grant duel, car il avoient grant espérance qu'il deussent estre souz lui en grant pais et en grant enneur; ores estoient cheoit eu péril qu'il orent avant. Sanz seigneur et sanz chevetaine demoroient entre leur anemis, come gent abandonée. Il ne sorentque un conseil, et celui firent: car il envoierent au Roi hastivement, qui autrefoiz les avoit gardez et defenduz : la mésaventure de son gendre li firent asavoir, et li crièrent merci que venist en la terre por eus conseiller. Qant li Rois 01 celé novele, moût en fu courociez et esbahiz; peor ot que la terre d'Antioche ne fust damagiée durement, s'ele demoroit longuement sanz garde; por ce, ne regarda onques les suens aferes que il avoit granz et perilleus en son roiaume; ainçois prist compaignie avec lui en pou de tans, et s'esmut à granz jornées, tant qu'il vint vers Antioche.

XXVIIL — De la princesse d'Antioche, cornent ele cnvoia vers Sanguin.

Renomée fu venue à la fille le Roi qui estoit femme au prince, que ses sires fu morz. Ainçois que li Rois fust venuz en la terre, ele n'ot pas bon corage, ne ne se contint mie sagement; ainçois fu montée en un fol bobant, et desirroit à avoir le pooir et la seigneurie de la terre. Bien se pensoit que li baron du païs ne s'i acorderoient mie, car ele avoit une fille petitete du prince Buiemont qu'ele n'amoit mie; ainçois la voloit tout pleinement déshériter. Por ce, tantost com ele sot la mort son seigneur, ele envoia à un Tur moût preu et moût poissant. Sanguins* avoit non; elle li manda par letres et par

* Zengui, le pcre du fameux Nonreddin.

A» ii3i. LIVRE NEUVIÈME. 517

messages que li aidast à tenir la terre d'Antîoche, car ele savoit bien que se il voloit, nus ne la li toudroit par force, ainçois la tendroit maugré tous les barons du païs. L'entencions à ceste dame estoit tele que se ele vousist remanoir veve ou ele se mariast, à touzjorz tenist le prince d'Antioche; et sa fille, qui en estoit droiz oirs, pensoît à fere nonain ou à marier en bas leu. Force losenjoit-ele si ceTur. Elle li envoia par un suen privé message un moût bel palefroi qui estoit plus blans que nois, ferré d'argent; li frains et li poitraus estoient d'argent moût bien ovré, la sele moût riche coverte de samit blanc '. Quant cil messasages s'en aloit, il fu pris et arestez en la voie; l'en le mena devant le Roi : tantost li fist-l'en reconnoistre la vérité. Quant^li Rois l'oï, grant duel en ot, et fist pendre le message. Lors s'en voloit aler en Antioche ; mes sa fille qui moût le douta et moût se senti à meffete, ot peor de lui, si li fist veer l'entrée. Il avoit genz en la ville cuî ele avoit doné grant avoir por ce que il li aidassent; par ces fesoit garder les portes et les forteresces delà cité; si voloit einsi tenir la cité contre le Roi. Mes il avint autrement qu'ele ne pensa; car en la ville avoit preudomes et sages qui pou prisierent l'orgueil de celé femme, quant il la virent foiement contenir. Li uns estoit moines de saint Pou , Pierres li Latiniers avoit non, et uns autres de la ville que l'en clamoit Guillaumes d'Averse. Cil dui orent assentement d'autres granz homes de la ville : si envolèrent au Roi privez messages et tout repostement mîstrent le conte d'Anjou en une des portes de la ville qui a non la Porte le Duc ; l'autre que l'en claime la Porte Saint Pol baillèrent au conte Jocelin. Lors ovrirent tout apertement les portes de la cité et receurent le Roi dedenz qui s'estoit aprochiez d'ilec par leur conseil. Quant la Princesse le sot, ele se feri en une tor por peor de son père; mes li preudome de la ville et de la compaignie le Roi parlèrent à lui tant qu'il la firent venir et descendre devant son père ; elle s'agenoilla devant lui et li cria merci ; moût li promist que du tout se contendroit à son pro-

* Exameto coopertum albissitno, ut in omnibus candor niveus eonsonaret.

Sl8 GUILLAUME DE TYR. A- ii3i (août).

posément. Li Rois cui moût pesoit de la folie sa fille, covri son corage com sages home, et la chastia debonnerement; toutevoies receut la ville d'Antioche, et ses gardes i mist, car il ne voloit mie que sa fille en poïst corrocier la Crestienté. Lalische et Gibel qui sont citez de la marine , li bailla , car ses maris les li avoit baillies en douaire. Il atira les besoignes de la ville et du pais moût bien : lors prist les seremenz de tous, et de petiz et de granz, que se il se moroit, il garderoient la ville, à leur pooir, en bone foi à la petite damoiselle qui avoit non Costance, fille le juene Buiemont. Car il doutoit trop la malice de la mère à Tenfant, qu'ele ne la deseritast , einsi com ele voult fere autrefoiz. Lors prîst congié à ceus de la terre, et se retrest vers Jherusalem, si com ses besoignes le requeroient.