XIV. — Des messages Tempereur Manuel

A ce tens estoient en Jherusalem li message l'empereur Manuel, haut home de sa terre : Androines, qui estoit apelezli Angles, niés l'Empereur, filz de sa sereur * ; Jehans, uns granz

* L'année de deuil. mariée à Constantin l'Ange.

' Non de sa sœur, mais de sa fille Théodora,

hom du palais ' ; li cuensAlixandres de Puîlle ' ; Jorges de Synaï, Cil estoient moût privé de leur seigneur, et les avoit envoiez au Roi por semondre d'acomplir les covenances que l'Empereres et li rois Amauris avoient fêtes avant, et après, cist rois meismes Baudoins les avoit renovelées à l'Empereur, de guerroier les anetnis de la foi. Et bien cuidoient que li tens en fust ore covenables, tandis com li cuens Phelippes, qui granz hom estoit et moût avoit beles genz avec lui, demoroit en la terre. Li Rois fist mander touz ses barons et les prelaz, à un jor nomé, en Jherusalem. De touz estoit l'espérance comune que, par l'aide Nostre Seigneur et par le conte de Flandres, deust estre moût creuz et essauciezli pooirs de la Crestienté; mes n'avint mie si com il cuidoient. Nequedeiit, li message l'Empereur s'angoissoient moût et disoient que la demorance porroît estre périlleuse : la volenté leur seigneur estoit de parfaire ce que l'en avoit empris, et il estoient prest des covenances tenir moût largement, et faire par desus plus qu'il n'avoient promis. Quant li Baron oïrent ce, et virent que li cuens de Flandres ne respondoit mie à ces paroles, il l'apelerent à une part et treistrent les letres l'Empereur bullées d'or, en que les covenances estoient escriptes, beles et profitables; toutes les firent lire devant le Conte, puis li demandèrent que l'en sembloit et que il conseilloit que l'en feist. Il respondi qu'il estoit uns estranges hom et riens ne savoît de la terre d'Egypte, qui estoit, si com il avoit oï dire, de plus diverse manière et de plus estrange nature que toutes les autres régions; car aucune foiz estoit coverte d'eaue en pluseurs leus, après estoit sèche et ardanz ; et nequedent, il avoit oï dire à ceus qui en la terre avoient esté, qu'il n'estoit ore mie bone seisons d'aler là, por le tens d'iver qui estoit près, et lors i suelent venir les eaues. D'autre part, l'en li avoit dit que jà s'estoient assemblé à merveilles grant plenté de Turs por deffendre la terre; pardesus ce, il dotoit moût, ce disoit, que viande ne fausist à ceus qui là iroient. Il, endroit soi, cuideroit faire pechié et mal, se il menoit ses homes

qui avec lui estoient venu en païs où il morussent de fain. Quant li Barons oïrent ce que cil sires responnoit einsi mauvesement et trovoit achoisons por destorber celé grant besoigne, il li offrirent .vi.^' chamaus que il li querroient por porter vitaille et armeures par terre, et autres choses qui mestîer li auroient; des nés li présentèrent tant com il en vouroit avoir, por porter engins, paveillons et autres bernois. Il leur respondî que de ce n'avoit-il cure, et bien leur estroussa * qu'en nule manière n'iroit en Egypte, porce que ses genz n'avoîent mie apris à avoir povretez de viandes, ne ne sauroient ce soffrir; mes se il vouloient eslire autres parties où il poissent guerroier et grever les Turs, il iroit volentiers avec eus et leur aideroit à son pooir.

pCV. — De ce meismes.

Il n'estoit mie bêle chose ne seure de venir encontre les covenances que l'en avoit fêtes à l'Empereur, meismement porce que cist grant home qui estoient si message avoient portée avec eus moût grant somme d'avoir, et semonoient moût efforcieement le Roi et les autres barons de faire ce qu'il avoient promis. Eu port d'Acre avoient apareilliées .lxx. galies, sanz les autres nés qui dévoient porter genz et autres choses par la mer jusqu'en Egypte. Asprement semonoient par leur serement les Barons de movoir en Tost. Il orent conseil entr'eus devant le Roi et pensèrent que grief chose seroit et domageuse de refuser celé grant aide l'Empereur, qui estoit toute preste et apareîUie. Por ce fu de touz acordé que il atorneroient leur aferes et movroient por aler en Egypte, si com il avoient, grant pièce avant, promis et afermé par les messages à l'Empereur. Quant li cuensde Flandres oïceste chose, si fu corociez que il sembloit estre desvez, et disoit partout que ce avoit-l'en empris por mal de lui et pour lui faire honte. Li Baron ne sorent que faire qui trop le doutèrent à corroucier. Si

* Var. « dist tout à estrous », c'est-à-dire : leur dit nettement.

parlèrent tant aus Grieus qui avec eus estoient, que par leur volenté fu cele muete respitiée et delaiée jusqu'après avril. Quant li Cuens ot après ce sejomé en Jherusalem quinze jorz, et ot visitez les sainz leus et fêtes ses oroisons, il pendi la paume à son col, qui est signes que li pèlerinages estoit parfez, ausi come s'il en vousist partir du tout. Après vint jusqu'à Naples; lors envoia Tavoé de Bethune et autres granz genz avec lui en Jherusalem, au Roi et aus Barons, et leur manda que il avoit eu conseil et apareilliez estoit d'aller avec eus en ost sur les Turs en Egypte, ou par tout les leus où il le vouroient mener. Li Baron aperceurent bien quele entencion il avoit ; car il vouloit oster le blasme de sur lui et sur ceus de la terre mètre, si que il poïst mander aus barons d'outre les monz que par ceus du paîs fust remese cele granz emprise qu'il avoient fête à l'Empereur. Por ce ne sorent que faire, car il leur sembloit que ce fust ausi com un gabois tantes foiz muer leur conseil et requerre ces hauz homes de Grèce une eure de remanoir, autre eure de Taler.