XVI. — De ce meismes
A grant doute parlèrent au message l'Empereur et encerchierent leur courages, se il vouroient encore movoJr por aler en Egypte, se li cuens Phelippes aloit avec eus. Cil respondirent que, sans faille, la seisons de ce emprendre estoit mes moût corte ; nequedent, se li Cuens vouloit jurer sur sainz, de sa main, qu'il iroit avec eus, et, se il acouchoït malades entre voies, porcene remaindroit mie qu'il n'i envoiast de ses genz; et que il demorroit enl'ostàbone foî,sanznulengin,por lepreu de IaCrestienté,tant que li autre baron i seroient; et qu'il ne seroit ne en conseil ne en aide por que les covenances qui estoient entre le Roi et l'Empereur fussent rompues, et ce meismes feist jurer à ses barons, il ne regarderoient mie au meschief qui estoit granz de changier tantes foiz leur conseil, ainz appareilleroient leur oirre et movroient por faire la besoigne Dame Dieu et l'enneur l'Empereur.
Li Avoez, qui tout ce ot entendu, vout jurer por le Conte que il tendroit tout ce : nequedent, aucun de ces poinz en ostoit-il et ne vout pas promettre que li Cuens feist saîrement de sa main. Li Grieu qui estoient sage home ne vourent plus demorer en paroles oiseuses ', ainçois se départirent de ce parlement ; et porce que la parole estoit delaiée jusque eu tens covenable, si com vos oïstes, il pristrent congié, si s'en retornerent en leur païs. Après ce, comencerent à demander li message le conte de Flandres, puis que celé muete d'Egypte estoit remese, quele besoigne li Cuens porroit enprendre porPaide le Roi au preu de la Crestienté; car ne li sembloit mie bêle chose qu'il demorast oiseus eu païs. Cil à qui il en parlèrent respondirent que s'il aloit en la terre de Triple ou vers Antioche, là porroit grever les Turs et faire Tenneur Dame Dieu et la seue. Aucunes genz avoient mescréu * le prince d' Antioche et le conte de Triple qui estoient présent de ce que il eussent destorbé le conte de Flandres d'aler en Egypte, por ce que chascuns d'eus le vouloit trere vers son païs, et guerroier en ses marches par l'aide des Flamenz : mes il ni gaaignierent m ie granment ; car ne çà ne là li Cuens ne fist chose de que l'en puisse dire moût grant bien. Nequedent, por ce qu'il ne poïst mètre la coupe sur ceus du païs, et fesoit moût semblant qu'il eust grant talent de guerroier, li Rois li bailla .c. chevaliers et .n.™* sergenz, et li promist encore greigneur aide, quant il verroit por quoi. Il estoit entor le comencement d'oictovre : li Cuens prist avec lui l'aide le Roi et le mestre de l'Ospital et chevaliers assez du Temple; si s'en ala vers Triple, de que li cuens de Triple l'avoit moût prié. En celé seison meismes, Baliens d'Ibelin, frères Baudoin de Rames, espousa la roine Marie qui avoit esté femme le roi Amauri, fille Jehan Protosevasto de que vos oïstes parler desus. En ceste manière fu sires de la cité de Naples que la dame tenoit en doaire.
* Guillaume de Tyr, sans parler ici des * Dans le sens de blâmer, accascr. Erant
Grecs, se contente de dire : Noluimus amplius qui.,, imputabant... verbis inutitibus insistere.
