XIV. — Cornent H crestien de Rohés rendirent la cité

Tandis, com li afere aloient en ceate manière au roiaume de Surie, une dolereuse mésaventure avint à la cité de Rohés que je vos vueil conter. Mes à ce que vos l'entendiez bien, il m'estuet un pou de loing comencier mon conte. Quant Sanguins fu morz, icil maus hom de que vos oîstes desus qui greva en tantes manières les Crestiens par maintes foiz, Noradins ses filz vout entrer, com en son héritage, en la cité de Mousse : mais autre gent de sa loi i mistrent contenz, si qu'il i ot assez afere et li estut à guerroier en iceles parties. Li citeien de Rohés qui estoîent crestien virent que dcdenz leur cité avoit pou de la gent Noradin; car seulement les fortereces de la ville estoient garnies de Turs ; touz lî remananz estoit de crestiens, qui avoient receu la foi Jhesucrist, dès le tens que li Apostre preeschierent, et fermement Tavoient puis touzjorz tenue, si que nus n'habitoit entr*eus qui ne fust de nostre foi. Li Sarrazin quant il pristrent la ville ne Torent de cui puepler; por ce lessierent dedenz ceus qui né en estoient. Quant cil virent leur point, il envolèrent leur messages au conte Jocelin et li mandèrent que se il se hastoit de venir o grant compaignie de chevaliers, il pooit recovrer la cité de Rohés, sanz péril et sanz fere siège; car il la li rendroient tout delivrement. Quant li cuens Jocelins oï ceste novele, moût en ot grant joie ; il prist avec lui un vaillant home qui estoit moût puissanz eu pais, Baudoins de Mares* avoit non, et de chevaliers et de sergenz à cheval assembla

* Balduinus de Maris ou de Mares ou de froi, surnommé le Moine, lui avait succédé,

Marra, la vill« oà s'étaient arrêtés les premiers puis notre Baudouin, qui devait glorieusement

croisés avant d'atteindre Antioche. Elle est mourir à la reprise d'Edcsse par Noradin.

aujourd'hui dans le district d'Adana. Richard {Familles d'outre-mery p. 390.) en avait été le premier châtelain; son fils Geo>

tant com il en pot avoir, puis se mistrent à la voie et passèrent le flun d^Eufrate. Tout soudcinnement vindrent de nuit à la cité de Rohés. Cil de la ville, qui s'en pristrent garde, virent que ne sai quant Tur qui dévoient fere les eschauguetes furent endormi, si avalèrent cordes contreval les murs, et treistrent assez à eus des chevaliers le conte Jocelin ; cil s'avalèrent par la ville, et ovrircnt les portes, si que li Cuens i entra à toute sa gent. Lors treistrent les espées et quanqu'il troverent des Turs ocistrent : li remananz s'enfoïrent dedans les tors dont il estoient saisi. Li Cuens tint tout le remanant de la ville ; mais les fortereces qui bien estoient garnies d'armes, de genz et de vitailles ne pot-il mie prendre; meismement qu'il n'avoit mie engins avec lui par que il les poïst destreindre ; ne ne trovoit en toute la cité merrien de que il les poïst fere.