XV. — De la grant mescheance qui avint de ccus de Rohés
Li Cuens envoia messages par toutes les terres aus barons de la Crestienté, et leur manda coment il avoit la cité de Rohés recovrée, et leur pria, tant come il pot, qu'il se hastassent de lui aidier, tant que les forteresces fussent délivres que li Tur tenoient encore, et que la citez poïst estre garnie, si qu'ele poïst soffrir siège. Quant ces noveles furent espandues par le païs, tuit en firent grant joie qui grant duel avoient fet quant ele fu perdue; mais ceste joie ne dura pas longuement; car Noradins ol que li citeien avoient mis dedenz le Conte et sa gent ; si envoia partout le païs et fist grant assemblée de Turs ; tantost s'esmut et vindrent soudeinnement devant la ville; il départi les places et fist asseoir la ville de toutes parz. Lors furent moût esbahi li nostre qui dedenz estoient, car il leur estoit avenu si com li prophètes dist : defors est li glaives et deden\ lapeorsK II avoit tant de leur anemis hors des portes qu'il n'en poïssent issir que tuit ne fussent
* Deuteron. xxxii, 25.
A'im3. livre seizième. II3
livré à mort. Dedenz avoit assez des Turs enclos avec eus qui estoient saisi des tors : cil leur fesoient trop ennui et domage, car il ne finoient de trere pilez et carriaus, et giter grosses pierres; saillies fesoient enmi les rues à pié quant il véoient leur point, par que il ocistrent assez des noz. En tel manière estoient li Crestien qu'il ne savoient que devenir. Sovent prenoient conseil entr*eus; mais il n'en pooient nul bon trover, car quelque part qu'il se tornassent n'i avoit rien de l'eschaper qu'il ne fussent pris ou mort. Au darrenier s'accordèrent à ce que li dcmorers dedenz la ville estoit li pires et li plus perilleus; car se li Tur qui hors estoient s'en entroient dedenz, il lestroveroient csparpeilliez par les rues, si les porroient ocire corne bestes, à l'aide de ceus qui gardoient les tors. Por ce, leur fu avis que mieuz estoit qu'il s'en ississent et se combatissent à ceus qui estoient dehors : au mains se il ne pooient eschapper, se vendroient-il bien et domageroient leur anemis. Il estoient en ceste mesese, porce que dedenz la ville n'avoit point de viande; si que par le délai moreussentil sanz cop ferir. Geste chose fu accordée de touz qu'il s'en istroient. Voirs est qu'il n'i avoit nule bone voie de leur eschaper; mais, au regart des autres, ceste fu la mains mauvese. Li citeien de la ville qui avoient mandé le Conte et receu léanz, oïrent que leur proposemenz* estoit d'issir hors, et orent peor que se il remanoient après eus, li Tur les feissent morir de maie mort, por ce qu'il avoient fet; si se conseillèrent entr'eus, et distrent qu'il s'en iroient avec l'ost le Conte, et feroient autel fin com cil ; leur femmes et leur enfans menroiént avec eus, poressaierse aucun porroient eschaper de ce grant péril où il se metoient.
