XXV. — De la grant desloiauté Melier le frere Toros

Ne demora guères après ce, que cis granz hom qui estoit princes des Ermins, dont je vos ai parlé desus, Toros avoit non, fu morz : uns suens frères qui estoit apelez Melier, hom pleins de grant malice et trop desloiaus,vout avoir son héritage. Force, vintàNoradin etli requist moût par covenances qu'il li offroit, qu'il li prestast de sa gent et li feist aide tele par que il poïst toute celé terre prendre à force; car uns suens niés, filz de sa sereur, Thomas avoit non, si tost come Toros fu morz qui estoit ses oncles, entra en celé terre par la volenté de touz cens du païs qui Pi avoient fet venir, et la tenoit jà toute enpais come la seue. Cil estoit latins, mes petit avoit de sens *. Melier fist à Noradin seurté de tenir les promesses qu'il li avoit fêtes, si que cil li bailla grant partie de ses chevaliers, par que il vint en la terre que Toros avait tenue , et fu li primerains entre ses ancesseurs qui Sarrazins amena en celé terre. Lors comença à faire moût granz cruautez eu païs, si que cil ne le porent sofFrir, ne tenir encontre lui la terre. En ceste manière enchaça son neveu et conquist tout le païs.

» 33 novembre 11 72. rant libsralem se et conforment exhibere.

* Sec multum prudens eis quise vocave-

Tout au comencement toli aus Templiers quanqu'il avoient en ces parties, et si avoit-il esté frères du Temple. Dès iors començail à estre si amis et allez de grant amour et de grant priveté à Noradin et aus autres Turs, que dui frère ne se poissent mîe plus entr'amer. Encontre ce, il qui crestiens estoit,avoil touz ceus de nostre foi tornez en si grant despit et en si grant haine qu'il leur porchaçoit tout le mal qu'il pooit. Quant il les pooit prendre en bataille ou dedenz tortereces, meut cruelment les menoit; sovent les envola touz liez en paiesnime, por vendre aus Sarrazins. Quant H princes d'Antioche et li autre baron qui marchissoient à ce cruel home virent que il ne porroient avoir nul peieur voisin, ne porent plus soffrir, ainçois s'assemblèrent et li murent guerre. Sanz faille n'estoit mie bons essamples aus genz de la loi crestienne,qui estoient einsi aceintdes mescréanz de toutes parz, que il portassent armes li un contre les autres; mes cil qui deust estre devers eus leur estoit si deloiaus anemis que par force covint, por deffendre leur frères, que il le tenissent, ausi com un Tur, à leur malfeiteur. La novele de ceste guerre vint au Roi qui estoit en Surie, et li sembla que ce seroit grant afoîbloiement de la gent qu'il avoit à governer, se cil contenz durcit longuement. Por ce, s'en vint à privée compaignie vers Antioche ; car il entendoit à parler de la pais cntr'eus. Ses messages envola pluseurs foiz à ce deloial ermin qui avoit non Melier, et II pria qu'il venist à lui parler tout seurement à un jor'et un leu que il li noma; car il li diroit son preu se il le vouloit croire. Cil fist semblant que la parole li pleust moût, et manda au Roi que il viendfoit moût volentiers; mes onques n'en ot talent, ainçoïs comença à trover achoisons et esloignes por lui détenir à paroles, si que li Rois apercent au darrenier qu'il ne troveroit en celui se barat non et mençonges et deslolautez. Lors fist semondre ses oz par toute la contrée et s'en entrèrent efforcieement en la pleine terre deCilice qui obéissoit à ce desloial ermin; car il ne leur estoit mie legiere chose de surprendre les monlaignes où li fort chastel estoient; mes il s'en alerent parles plains, les blez ardircnt et destruistrcnt les caseaus; moût li fesoient granz domages. Mes

uns messages vint au Roi hastivement qui entendant li fist, si

com voirs estoit, que Noradins estoit venuz 0 grant plenté de

gent en la seconde Arabe, et avoit assise une cité que Ten apeloit

ancienement La Pierre , mes l'en apele ores Le Crac. Quant li

Rois oî celé no vêle, moût en fu angoisseus et douta le péril de

perdre celé forterece. Por ce, prist congié aus princes et aus

autres barons qui avec lui estoient, si s'en retorna hastivement.

Mes ainçois quUl fust venuz dedenz son roiaume, li baron du

pais s'estoient assemblé moût viguereusement, et tant de gent

concueillirent com il porent avoir : chevetaines de leur est estoit

Onfroiz li conestables; Tevesques Raous de Bethléem portoit la

vraie croiz. En ceste manière s'adrecierent tuit en conroi celé

part où Noradins estoit, por lever le siège par force. Ne demora

guères que leur espies qu'il avoit envolées avant por savoir le

covine des Turs, retornerent à eus et leur distrent la vérité, que

Noradins n'avoit point fet de niai à la cité du Crac, ainçois s'en

estoit partiz du siège et retornez en son païs. Einsi avint que

quant li Roisfu retornez en sa terre, il trova Tafaire en bon point

et en greigneur pais qu'il n'avoit cuidié.

XXVL — Cornent Salehadins corut par la terre des Crestiens.

Salehadins vint en l'an après, qui ot assemblée moût grant chevauchiée de Turs et tout le pooir d'Egypte, por entrer eu roiaume de Surie. Il orent jà passé le désert qui estoit entre .11. et furent venu jusqu'à un leu que l'en claime le Cannoi des Turs*. LiRoîs, qui ot seu son appareillement ainçois qu'il venist, avoit jà semons ses oz et appareilliées genz assez. Li Patriarches i fu venuz qui portoit la vraie croiz. Il murent tuit ensemble et se logierent entor le leu qui a non Bersabée, por venir au devant de leur anemis, se il venissent celé part. Il n'avoit pas entre les deus oz plus de .xvi. miles; et nequedent, li Rois ne savoit pas

* Cannetum Turcorum^ apparemment sur les rives du Rbazzeh.

bien la certaineté se li Tur estoient là ou non; mes, sans faille, iluec s'estoient logié por avoir l'aisance de l'eaue. Lors fist venir li Rois ses barons devant lui por demander conseil qu'il feroient. Aucuns en î avoit de cez qui bien savoient que leur anemi n'estoient mie loing; mes n'en firent onques semblant, aïnçois donnèrent conseil que l'en s'en retornast vers Escalone ; por ce, espoir, que Salchadins s'en vendroit celé part. En tel manière firent semblant que il le quéissent là où il savoient bien que il n'estoit pas. D'iluec s'en vindrent au Daron et puis tornerent en leur pais sanz plus faire; si que il orent gasté por néant leur peines et leur despens. Salehadins ne fu mie pereceus de la seue besoigne, ainçois s'en ala par les plains de la terre que l'en apele Ydumée, jusque il entra en ta Surie Sobal, et menoit trop grant route de Turs avec lui. Il assistunchastel en cel paîzquiest meut forz et garantissoit touz ceuz de la terre; sur un tertre haut séoit*. Cil l'asailli tantcom il pot pargenz et par engins; mes n'î profita mie granment, car la forterece estoit bien garnie de tors et de barbacanes. Li bors de la ville séoit sur un pendant si haut que perriere ne mangonel n'i pooit forfaire. Cil dedenz estoient tuit crestien; viandes et armeures avoient assez et metoient grant peine en eus deffendre. Salehadins sist iluec ne sai quanz jors; mes quant ÎI vit que li despens i estoit granz et de proât n'i avoit point, il s'en parti d'iluec et se mist à la voie par le désert tout droit en Egypte *.