FIGURES
J. H.S.— MA (Jésus, Maria).
Ensuilt le devis que a faict Maislre Phelipes Beaumaner
et Maistre Jehan Hemeri en Tesglise de Notre Dame de
Et Premier :
Item, est requis de faire la tour et que la dite tour aura de laise environ quinze pieds entre les deux murailles, par dedans.
Item, les murs de la dite tour aura seix pieds de laise.
Item, au coign devers la maison de Notre Dame (4) y
(i) La maison qui touche au portail.
aura ung pillier harboutant, faict enîrangle , que le dict pillier aura depeczeur six piez et de sailliez sept piez.
Item, il y aura devers le portai et le pignon de la dite esglise y aura ung aultre pillier, que le dit pillier sera faict entrangle et se montrera hors du pignon ainsi que l'œuvre le requiera.
Item, au coign devers la chapelle sainct Jacques se trouvera ung aultre pillier, que le dict pillier sera faict entrangle et aura depeczeur et de sailleiz autant que les dicts aultres pilliers speciffiés deparavant.
Item, est requis avoir ung vis pour servir la dite tour, que le dict vis sera mis contre le dit pillier devers sainct Jacques.
Item, le dict vis se boutera hors du pignon et mazières deux pieds, et le dict vis aura sans le noiau deux pies et demy et le dict noiau aura depeczeur environ ung espan.
Item, le dit vis sera faict, en ce qu'il sortira de la raazière par dehors, sera faict à pans.
Item, il y aura pour antrer ou dict vis par dedans ung huys, que le dict huys aura de laise deux piez et demy et de haulteur six piez.
Item, y aura davant Fantrée du dict huys une petite fenestre d'ung demy pié de laise et de haulteur comme l'euvre le requiert.
Item , la dite tour sera sousbasé d'ung bon sousbassement , pilliers et vis et tour ; que le dict sousbassement sera assuré d'une mambre (?) et d'une ancelle et ung demy ancelle (?) et ung moucher (?).
Item, est requis avoir ung demy pillier par dedans de la dite tour devers la chapelle de Monsieur sainct Jacques pour recepvoir et prandre l'arc qui sera au grant pillier.
Item , y aura ung grant pillier devers le costé de l'esglise , que le dict grant pillier recepvera les arcs du cors de la dite esglise et Faultre arc qui attachera au pignon.
f&m, y aura ung demy pillier contre le dict pignon pour recepvoir Tare du grant pillier.
Item, le dict grant pillier aura depeczeur doze pies pour soutenir la dite tour et arcs.
Item , se lèvera dessus le dict grant pillier , environ là où il sortira hors de la couverture de l'esglise , ung pillier faict entre angle de la contenance des aultres pilliers des aultres coigns.
Item, les dicts pilliers seront ouvrés en plain offvraigc et des dicts pilliers se tirera à tas de charge pour voultes.
Item, les dites voultes seront ouvrées de la façzon des aultres voultes.
Item , les deux pilliers du cors de l'esglise seront faict de la contenance des aultres de l'aultre costé , moienant qu'ils seront plus grant ausi que l'euvre le requiert garnis des aultiers.
Item, est requis en dessus les arcs avoir les galleries pour aller et venir de l'un tour à l'autre comme de l'aultre costé.
Item , sera tiré devers le corps de l'esglise par tas de charge pour recepvoir logive (?) et auxi devers lesle de la contenance des aultres.
Item , est requis avoir ung grant huys ouvré avecques bonnes molleures, basse et sous basse garny de deux petiz pilliers, que les dicts petiz pilliers seront lermoiez garniz de deux fiollers.
Item, se tirera des dicts deux petitz pilliers une chambralle, qu'il sera cresté, espié garni de larmier et de ung flouron.
Item, au costé destre en antrant en la dite esglise y aura ung benetier, que le dict benetier sera ouvré comme l'euvre le requiert et couvert d'ugn hancepannier.
Item, au dessus du dict grant huys et portai se lèvera une fenestre de la forme qu'il estoit deparavant pour cmploin* les dites vittres de la contenance deparavant.
Item, au quatre coings de la dite tour par dedans se tirera par tas de charge pour porter les croys, ogive et les formellez.
Item y est requis avoir ungn huys pour antrer du dict vis au premyer estaige de la dite tour, avecques une petite fenestre pour donner veffue et clerté davant Fantrée.
Item, est requis avoir des huiseries du dict vis pour antrer en la dite tour et venir par aultant qu'il sera requis.
Item , est requis en la seconde estaige de la dite tour avoir deux rans de corbeaulx pour porter les poultres et les boys des cloches et eschelles.
Item, au dessus des dicts corbeaulx par dehors se trouvera ung larmier, que le dict larmier sera conduct tout entour de la dite tour et vis pour recepvoir les fenestres qui seront sur le dict clochier.
Item , les dites fenestres dessus le dict larmier seront tirées par tablettes pour tirer et avoir les moulleures des dites fenestres.
Item, à chacun pan de la dite tour y aura deux fenestres avecques ung pillier au millieu , que les dites fenestres seront ouvrées de bonnes moulleures , savoir à chacun costé troys mambres garnis de ancelles , demy ancelles et carreaulx (?).
Item, à chacune fenestre y aura ung grant pié de laise et au pillier du millieu entre les dites fenestres y aura quatre pies. de laise.
Item, les dites fenestres auront de haulteur doze piez dampuis les tablettes jusques en voultes.
. Item, les dites fenestres seront garnies de troys liteaulx chacune fenestre.
Item, les dites fenestres seront voultées avecques boillons pendant pour porter pilliers , fioller et crettes garnis de leurs espis.
Item, au dessus des dites voultes se trouveront entre les
iioïlers et les espis se trouvera des arches aveugles , que les dites arches se conduiront jusques es corbeaulx.
Item, la première assiette des corbeaulx sera ouvré de bonnes feillaiges et moulleures tout entour de la dite tour.
Item , y aura ung aultre assiette qui sera ouvré dugn aultre sorte de feillaige , savoir une vignette et l'aultre ou desouls des feilles de choux.
Item, y aura ung aultre assiette de tablettes, que les gargoulles seront en l'androict du dict assiette , savoir ouict gargoulles, savoir quatres sur les quatres coigns et quatres aultres au millieu des pans pour vider et getter Feau hors des clervues.
Item, en l'androict des dites gargoulles se trouvera ung lermier, que le dict lermier sera en dessouls des dites clervues.
Item , dessus ce lermier se lèvera une clervue, savoir gari ( galerie?) que les dicts garis seront ouvrez de bon très de compas , savoir sofflets renversés l'un sur l'aultre.
Item , les dites clervues comprins le lermier qui sera au dessus aura troys piez et demy de haulteur.
Item, au quatres coigns des dites clervues et garis se trouvera ung pillier d'ung pié depeczeur pour soutenir les dites clervues et garis.
Item, au quatres pans des dites clervues se trouvera au milieu sur les quatre gargoulles se trouvera quatre aultres pilliers pour soutenir les dites clervues.
Item , est requis tirer par dedans la dite tour les coings pour les trouver en ouict pans pour recepvoir l'oguillon ou rayz des clervues.
Item, le dict oguillon sera faict en ouict pans garnis de ouict mambres , que les dicts mambres chacun mambre aura ung demy pié depeczeur.
Item, le dict oguillon sera faict chacune assiette en forme de larmier l'un sur Faultre environ deux doyt en forme de couverture.
Item , le dict oguillon aura de haulteur selon la laise de la tour cent dix piez.
Item y led. oguillon aura du comancement du dict oguillon troys piez depeczeur.
Item, aux quatre pans du dict oguillon se lèvera quatre lucarnes , que les dites lucarnes se conduiront de haulteur environ trante piez.
Item , les dites lucarnes auront de jour deux piez et demy garny d'ung meneau faisant poteau garny d'ugn liteau et formant au dessus de troys soufflets et quatre pertuys ravaliez.
Item, les dites lucarnes seront gargoulées, garnies de chevrons et espis avecques ung lermier.
Item , le dict oguillon se conduira par dedans en plain jusques que les pâtes du dict oguillon auroinct despeczeur environ deux .... et de là se conduira jusques aux larmiers à espis.
Item , le dict oguillon sera perssé et ouvré en jour de rosses , d'aucunes des dites de six feilles et d'aultres de quatre, aultres de troys.
Item , au quatre aultres pans que les quatre lucarnes ne sont au milieu du dict oguillon , se trouvera quatre aultres lucarnes qui seront ouvrées en manière de clervues et sofflets.
Item , y aura en tour le dict oguillon quatre fiolleres, que les dites fiolleres seront faict sur pillier en carré et chacune fioller aura de laise quatre piez et les dites fiollers auront de haulteur jusques aux corbeaux quinze piez.
Item , les dicts fiollîers seront garnis de deux assiettes de corbeaulx garni de liteaulx et de gourmeaulx (?).
Item, les dits corbeaulx seront ouvrés de bonnes moulleures et feillaiges et dessus les dicts corbeaulx se lèvera une clervue, que les dicts clervues auront de haulteur comprins leur larmiers deux piez de haulteur.
Item, se lèvera du millieu des dites clervues ung oguillon faict à ouict pans et ouict mambres garnis de larmiers
en forme de couverture , et le dict oguillon sera pecczé au jour à fonnes de haches (feuilles d'ache?) et les dicls oguiilons auront de haulteur comprins leurs espis vingt piez.
Item , dessus les quatre coigns des clervues se lèvera quatre demy arcs quieulx atacheront es dit oguillon.
Item, se lèvera dessus les dicts demy arcs une fioller.
Item , Jes grants pilliers par dehors de la dite tour seront rechairgés là où il sera requis , garni de fioller et de lairmiers.
Item, en la dite tour devers le pignon au bas de la dite tour y aura une fenestre, que la dite fenestre aura environ troys piez et demy de laise et de haulteur ainsi que l'euvre le requera.
Item, la dite fenestre sera faicte d'ung meneau et le fourmement sera faict à troys soufflets quatre pertuis ravalés et les jambaiges seront ouffvrés de bonnes moulleures tirées des tablettes.
Item , au second estaige y aura une fenestre de deux piez de laise et quatre piez de haulteur et que la dite fenestre sera garni de bonnes moulleures.
Item, les dites fenestres seront garnis de chambranles, crettes et ung fleuron sur chacun.
Item, à chacun estaige de la dite tour par dehors y aura ung larmier offvré de bonnes moulleures et feillaiges.
Item , le carré de la dite tour d'empuis la terre jusques au placze de Toguillon quatre vingts piez de haulteur.
Item, y aura en la dite tour ung huys pour aller de l'un en l'autre au dessus de la vitre.
Item y il y aura ung clerveue pour garnir Talée , que le dict clervue sera garni de gargoules pour getter l'eau.
Item, le bec du pignon sera garni d'un chevffron creslé de bonnes crestes et bonnes moulleures avecques son fleuron et une croix au dessus.
Item
Addition au Chapitre V du Livre I.
