PROCÈS-VERBAL

DES ARMOIRIES ET AUTRES SIGNES DE PRÉÉMINENCES DANS LES ÉGLISES DE LA TRINITÉ ET DE S. -SAUVEUR, EN L'AN 1545.

Et cVempuis au dict mesme jour saiziesme de novembre Tan mil cinq cent quarante cinq, par intervalle de temps pour le faict et exécution de la veue occullaire empoinctée paravant ceste heure entre les parties cy apprès nommées, de quoy sont cognoissans et confessans, se sont transportés à l'église de la Trinité près Guingamp , savoir : Maistre Pierre de L'Isle , lieutenant de Monsieur le seneschal de la court de Guingamp et commissaire d'icelle commis à la fin cy apprès : Entre Messire Raoul de Gleauroux , sieur de Kerauffret, acteur d'une part, et Maistre Rolland de Glevesdé, sieur de Kergaultier, deffandeur, d'aultre. Aussi se sont transportés et ont esté appelés , requérant le dit de Cleauroux, à lad. esglise : Maistre Guy de Kerleau, sr de Goazangarant ; Maistre Arthur de Rosmar , sr de Runangoff ; Bertram Fleuriot , sr de Kernabat ; Guillaume du Goezlin , sr de Keryas ; Jehan Pinart , sr de Cadoallan ; Charles de Reranrais; Pierre Fleuriot; Jehan Pasquiou, le viel; Yvon Le Goff ; Jehan Le Bras et Michau Rocancourt; et le dict de Glevesdé a représenté les dicts Goeslin et Pasquiou , aussi de sa part.

En laquelle esglise le dict acteur (i) a monstre au dict

(i) Demandeur.

commissaire, en présence des dicts susnommés , la grande vitre d'icelle esglise.

En laquelle grande vitre a celluy acteur montré un escuszon des armes du Prince en la poincte au suzain soufflect d'icelle et es aultres quatre soufflets prouchains quatre escuszons que dict estre les armes que avoue led. deffandeur (1), remonstrant icelluy acteur que les dicts quatre escuszons des armes du dict deffandeur sont apposés es lieulx ou souloinct estre les armes du lieu et des feuz seigneurs de la Trinitté (2).

Oultre led. acteur a monstre ungn escript en lad. grande vittre au pied de la seconde porte d'icelle , devers l'evangille , quel escript contient : von Tronson et sa femme fe la moyttie de ceste vittre en may Van mil quatre cents vingt trois. Et a dict et remonstré avoir apparoyssance que lad. vittre en droict et joignant le dict nom von a esté rompue et que auparavant la dicte rompeure y avoict Yvon au lieu du dict mot von

Et pour de ce informer produit à témoins Maistre

Guy de Kerleau, etc et mesme pour informer d'ungn

escuszon estant au bas de la première porte de lad. vittre qui est d'argent à ungn cheffron de gueulles , trois roses d'azur et une molette d'or, que dict et remonstre led. acteur estre les armes et partie des intersignes de noblesse des Tronsons et signanlement de Yvon Tronson. (3).

(i) Ces armes des Clevesdé , que je n'ai trouvées en aucun armoriai, étaient, d'après la description de l'un des témoins d'une trèsvolumineuse enquête , relatée au procès qui provoqua la visite des lieux dont je transcris le procès-verbal : a d'argent à deux lyons de gueulles tenants une lance d'azur au millieu. »

(2) Les points de suspension indiquent des dits et contredits des parties qui allongent démesurément le procès-verbal , et que je supprime, ne voulant conserver que la partie purement descriptive.

(3) Yvon Tronson avait épousé Marguerite Kouzault : c'était aux

En l'endroict led. de Clevesdé a monstre la présentation de deux personnaiges l'un d'homme l'autre de femme estant au dessus, en même portai, du dict escript, quels a dict en leur présentation desmonstroint estre et qu'ils estoint gens partables (4) et de bas estât, vestus, sçavoir : le dict homme d'une robe de bleu et ceint d'une ceinture blanche et la dicte femme d'une robe verte ceinte d'un tissu d'argent et un chapperon rouge sur la teste que a dict le dict deffandeur estre la forme des présentations des gens partables : oultre montre en lad. mesme vittre la présentation d'aultre homme et femme vestu led. homme d'une robe aussi de bleu et ceinte comme la précédente et la dicte femme d'une robe rouge ceinte aussi d'un tissu d'argent et chapperon rouge sur la teste. Au dessoubs de la presentacion desquels y a escript contenant que ensuit que

Rouzault que , de temps immémorial , appartenait le manoir de la Trinité. Ils s'y ruinèrent au commencement du xvie siècle , et les Daniou t après eux les Clevesdé , en furent propriétaires , par des moyens que Raoul de Cléauroux prétendait dolosifs et frauduleux ; à raison de quoi, et comme héritier, par les femmes, des Tronson, il intenta un gros procès qu'il perdit. Cette acquisition ne proûta guère aux Clevesdé. Jean Poences et Jeanne de Clevesdé, sa femme, ayant pris la ferme des recettes de la seigneurie de Guingamp , vers l'an i56o, se ruinèrent absolument , et durent abandonner le manoir de la Trinité à Pierre Bizien du Lézart, qui, ayant cautionné pour eux, s'obligea à combler le déficit , en prenant le gage. Soit qu'il ne put lui-même payer, soit qu'il n'y trouva pas son avantage , il vendit la Trinité à Rolland de Coattrieu de La Rivière, qui, suivant une quittance du 25 octobre 1679, acheva de payer Madame de Martigue. C'est la maison de Coattrieu La Rivière qui, comme je l'ai dit, fonda le couvent des Capucins , au manoir même de la Trinité. — Je suppose que le personnage qui, en i4oo, donna le presbytère de Notre- Dame, sous le nom d'Yvou Trouseon , qu'il faudrait lire Tronseon, élait le père de notre Yvon Tronson , si ce n'est pas lui-même.

(x) Soumis à l'impôt roturier.

ne peut-on lire fors : Guy... et sa femme... la moyttié de cestc, à l'honneur de Dieu et le parsus du dict escript n'est lissable. Par quoy le dict Glevesdé dict estre apparant que ceulx qui sont représentés en lad. vittre l'avolnt faict faire comme fabricque d'icelle esglise comme ont les fabricques es aultres esglises accoustumé faire et y mettre leurs noms et faire escrire les choses faictes en leur temps es dictes esglises avoir esté par eulx faictes

Plus le dict acteur a monstre en la seconde porte de la ditte vittre, en la porte de derrière d'icelle, devers l'espitre, ungn ymaige et effigie de Monsieur Sainct Yves, en la robbe duquel y a escript : S. Yves, representateur des deux personnaiges d'homme et femme

Oultre le dict acteur a monstre aultre vittre estant en la ditte esglise près le grand aultier d'icelle , du costé devers l'espitre, en laquelle y a presentacion de deux personnaiges d'homme et femme , l'accoustrement des queulx estoit et apparoissoit couvert de teinture noire ; disant que estoient l'effigie de ceulx de la Trinitté, industrieusement et de nouveau ainsi taincts pour latiter leurs armes : quelz celui Cleauroux a faict découvrir à Ollivier Marchant, vitrier, estant en sa compaignie. Et l'effigie du dict homme estoit d'une coste d'armes, sur laquelle y a l'effigie de trois moutons d'argent que dict estre les armes du lieu et manoir de Laindevez, sittué en la paroesse de Bourbriac, que advoue avoir esté aux prédécesseurs de feu Nicolas Rouzault : et aussi en la coste de la ditte femme y avoict les dittes armes m y parties avecques aultres à nous incogneues

Et aussi a remonstré cinq escuszons en icelle vittre des armes que le dict dcffendeur advoue estant au dessus des dittes effigies : et pour informer de la veUistiUé d'icelle

vittre , avecques des dittes armes d'azur à trois moutons d'argent, estre de Laindevez, autreffois appartenant aux dicts les Rouzauit et à présent au dict acteur, a reproduit les dicts témoings ,

Item monstre deux escabeaulx et accoudouars estant presque au marchepied du grand aultier d'icelle esglise , l'un du costé devers l'évangille et l'aultre devers l'espislre : avecques quatre pierres tomballes , enffeus , estant au joignant du dict marchepied, aux quieulx y a neuf escussons sans apparissance d'armes , et a supplié et requis les dicts tesmoings estre interrogés si aultreffois estoint es dicts escussons les armes du dict lieu et mannoyr de la Trinitté...

Plus , le dict acteur a monstre au bas du chanszeau d'icelle esglise, en la chapelle du costé devers l'espittre, quattre vittres quelles se demonstrent estre bien ancziennes et vétustés , en l'une des quelles vittres y a cinq escuszons des armes que advoue le dict deffendeur. Aussi a monstre le chantereau d'icelle esglise contenant cinq portes qui apparoissent estre peintes de anczienne et vétusté paincture. Et en la première porte et coign du costé devers l'espittre y a en paincture apparoissant vétusté ungn escuszon my party et contenant en sa moyttié dextre d'argent à ungn mi cheffron de gueules, une rose et demy rose d'azur et aussi une demy mollette d'or ; et en l'aultre moyttié contenant aussi d'argent à ungn demy sautoir de gueulles et ugne demy hermine et une demye rose de gueulles, que nous a dict le dict acteur estre les armes de feuz Yvon Tronson et Margarine Rouzauit , sa femme et compaigne , ainsi my partis en signiffiancze de leur mariaige, et que elle fut fille du dict lieu de la Trinitté, maryée au dict feu Yvon Tronson et yssue des Rouzauit, sieurs du dict lieu de la Trinitté, des quieulx et du dict lieu les armes principalles sont d'argent à ungn sautoir de gueulles, ungne hermyne et ungne rose de gueulles

Aussi a monstre trois aultres vîttres non armoiez en la chappelle estante au dict chausceau au costé devers l'evangille. Mesmes a monstre trois vittres plantes en la grande esglise du costé devers l'espistre, en la première des quelles n'y a aulchunes armes, et en la seconde au haulct d'icelle y a trois escuszons des armes que advoue led. deffendeur, et au bas d'icelle y a representacion de deux personnaiges, les accoustrements des quieulx estoint couverts de sable , et à ce que le dict acteur a remonstré la ditte couverture y avoir esté nouvellement et pour pareille industrie faicte, a demandé qu'ilz eussent esté découverts par Guillaume Marchant, vittrier, qui présent estoict . . . .

et fuct la ditte taincture noire par le dict Marchant

effacée et dénigrée et on y a trouvé deux personnaiges vestus en effigie de cottes d'armes es quelles occullairement apparoissent les armes my parties que celui de Cleauroux acteur a dit et affirmé par cy devant estre les armes des dicts lieux de la Trinitté et Laindevez. . . . Aussi a monstre et apparu ungn autre vittre au pignon souzain de la ditte esglise où y a deux escussons armoyés des armes que advoue le dict deffandeur et que les armes du dict deffandeur y apparoissent estre nouvellement mises. Aussi a monstre ungne vieille vittre en droict et ungn peu plus bas que les fons du costé devicrs l'évangile quelle n'est armoyée. Item ungn aultre vittre où y a deux escuszons des armes dud. deffandeur apparoissant y avoir esté nouvellement apposées. Et en la prouchaine vittre tirant au hault d'icelle esglise y a un escuszon tainct en noir, novellement et industricusement, ainsi que nous a dit le dict acteur. Et amprès qu'il a esté découvert a requêste du dict acteur, on y a trouvé ungn escuszon armoyé d'argent à ungn cheffron de gueuille, trois roses d'azur et une molette d'or en hault du cheffron, que dit estre les armes du dict Yvon Tronson.

Item , aultre vittrc au haull du dict costé contenant trois portes, en la poincte de la quelle sont les armes du Prince et aux soufflets prochains y a deux escussons des armes que advoue le dict Glevesdé apparoissant y avoir esté mys de nouveau. Et aussi nous a monstre plusieurs escussons vollans en pappier des armes que led. deffandeur advoue estantes es pilliers et envyrons par dedans de lad. esglise. Et ce faict, se sont transportés à requeste du dict de Cléauroux fors la dicte esglise ou cymittière. D'icelle endroict le grant pignon suzain où est lad. grande vittre et au pignon de la secretairerye d'icelle esglise qu1est joignant le dict grant pignon , y avoict deux endroicts couverts de chaux quieulx ont esté découverts en l'absence du dict deffanpeur, où l'on a trouvé sçavoir au plus hault, escript : Jehanne, et en l'autre endroict soubzain: Dollou , avecques ung escuszon armoyé des armes de la Trinitté et des fillettes , que a dict le dict acteur estre les armes de la ditte Jehanne Dollou, autrement ditte de la Coste, mère de Nicolas Rouzault, et dict que sont les armes des maisons de la Trinitté et de la Coste my partyes ensemble . .

Et d'illecques sont les dicts surnomés transportés à l'esglise Notre Dame de Guingamp , en laquelle le dict acteur a monstre ungne chappe de voullours cramoysi où y avoict ungn escuszon armoyé des armes de la Trinitté et des dicts Tronson my partis , en même blasson que estoinct ce que on a trouvé en la dicte esglise de la Trinitté des dicts Tronson et Rouzault.

Et d'illecques se sont transportés à l'esglise parocbialle de Saint Saulveur, près du dict Guingamp, en laquelle le dict acteur a monstre deux escuszons estans au tabernacle au dessus du grant aultier d'icelle esglise , qui sont de mesme blasson des aultres armes que on a cy devant dict estre les armes des Tronsons et y a ungn my party des

dicts Tronsons et Trinité, queuls escussons se demonstrcnt vieux et anciens occullaireinent

Et en oultre le dict acteur a monstre deux vieulx et anzciens escuszons estans au chantereau d'icelle esglise devers le bas , l'un du costé devers l'evangille qui est des dicts Tronsons et l'aultre devers le costé de l'espistre qui est my party des dictes armes et de celles de la Trinitté

Oultre a le dict de Glevesdé monstre en la dicte esglise, en la vittre estant au pignon au bas d'icelle, deux presentacions sçavoir : une en la seconde porte de la dicte vitlre du costé devers l'espistre d'homme et de femme , le dict homme ayant la robbe de bleu et ungne saincture d'argent et la dicte femme ayant la robbe rouge , les manches d'icelle larges au bas et sur les mains , et ungn chaperon rouge, saincte d'une saincture d'argent, et sous leurs pieds y a escript : Yvon Tronson. Et en la seconde porte devers l'evangille y a aultre representacion d'homme et de femme, l'effigie du dict homme vestu d'une robbe rouge à une saincture d'argent et la dicte femme vestue d'une robbe de bleu ayant aussi le bas de ses manches larges à ungn tissu d'argent et un chapperon rouge, sous les pieds des quelles y a escript ce qui ensuit: Jehan Collin. Remonstrant le dict de Glevesdé que le dict Tronson et sa dicte femme estoinct et se portoinct en leur temps en gens partables et leurs presentacions estre telles que les partables du temps avoinct

accoustumé avoir

Et pour proceix verbal de veue occulayre et de

tout ce que a esté agitté ont esté cestes signées de nous soubscripts les dicts jour et an. Signé De Quelen.

(Archives de La Rivière.)

No 5.

Addition au Chapitre VI du Livre f.