FRANÇAIS, EN JANVIER
1er Témoin.
Lancellot Le Chevoyr, sr de Quoiteslan, aigé de trentesept ans ou environ, comme il dit, tesmoign, jure dire vray, purgé de conseil et enquis, recorde que à ung jour de sabmadi ou mois de janvier mil imcc mixx et ouyt, autrement ne sceit declerer le temps , il ala à la ville de Guingamp pour ses affaires, et en celuy jour il ouyt communément dire en la d. ville que ung ost et armée de François venoit poser le siège devant la d. ville , laquelle estoit en loboissance de la Royne, nostre souveraine damme, tenante lors partie contraire du Roy. Et à ce que ce tesmoign voulit s'en aler à sa maison pour debvoir préserver ses biens , Guillaume Boesboessel , qui estoit lieutenant sur la compaignie de Olivier de Quoitmen , de laquelle y avoit plusieurs en la d. ville pour la garde d'icelle, parla à ce tesmoign qui estoit d'icelle compaignie de demourer en la d. ville pour aider à la garde d'icelle contre les d. François, ce que il fit. Et au dimanche ensuivant, il, estant sur la motte du château de la d. ville, veist partie de la d. armée du Roy se montrer en bataille en une lande assés près de la d. ville , et estoit lors sur la d. motte le d. Boesboessel
et plusieurs de la d. compaignie du d. Olivier de Quoitmen , savoir Vincent Le Serré , Jacques de Mareil , Guillaume Le Divezat, Huguet Le Louet, Jehan de Quelennec, Roperz Kerdu, Jehan de Quoitquelven et plusieurs autres; aussi y estoit Jehan Boesgelin , qui estoit cappitaine des frantz archiers de ïreguer, et autres gentilz hommes. Et eux estans ensemble sur le d. château, ce tesmoign oyt dire, n'est souvenant à qui, que le sr de Quoitmen avoit rescript au d. Boesboessel et à ceulx de la ville , d'icelle garder et résister contre les d. François, et que il leur envoieroit du secour dedans le mardi ensuivant, et fut délibéré entre eulx les d. bourgeois et gens de guerre estan à la garnison de la d. ville, que ainsi il le feroint. Et le lundi ensuivant les gens de guerre du d. ost et armée du Roy, environ mydi d'iceluy jour, posèrent le siège devant la d. ville et se loga (sic) le sieur de Rochan (sic), qui se portoit lieutenant du roi en la d. armée , en la maison des Gordeliers , près la d. ville, et se efforcèrent les gens d'icelle armée de prandre la d. ville d'assault, que ne purent, par la bonne résistance que firent ceulx qui dedans estoint. Toutesfois le d. Boesboessel , ce tesmoign et les d. autres de la d. compaignie du d. Olivier de Quoitmen devant nommez et aussi le dit Jehan de Boesgelin , cappitaine des frantz archiers , voians la petite puissance des estan en la d. ville pour résister a rencontre des d. François, qui estoint à grant nombre, et que aucun secour ne leur venoit, ilz avisèrent ensemble que mielx valoit parler avec les d. François de quelque composition, et trouva moyen le d. Boesboessel de parler avecques ung veil homme d'armes de la d. armée du Roy que ce tesmoign ne cognoisset point , et accordèrent ensemble ceulx Boesboessel et homme darmes que le d. Boesboessel yroit parlemanter de quelque composition avecques le d. sr de Rochan et autres cappitaines qui y estoint, et que ce pandant ilz cesseroint tout esplect
de
de guerre. Et incontinant le d. Boesboessel descendit du d. chasteau et entra en l'église Nostre Damme en la d. ville, et le suyvirent ce tesmoign et autres gens de guerre de la d. compaignie du d. Olivier de Quoitmen , scavoir ceulx qu'il a devant nommez et plusieurs autres gentilz hommes et gens de guerre de la d. compaignie quieulx ne sceit nommer, et devant l'ymaige Nostre Damme, environ îe mylieu de la d. église, s'entre assemblèrent les d. Boesboessel et gens de guerre. Aussi se trouvèrent en celle assemblée les sennechal et procureur de la d. ville de Guingamp et aussi Yvon Le Calouart , Jehan Louel , Yvon Le Dantec et Guillaume Le Dyen , bourgeois de la d. ville ; n'est souvenant avoir veu en la d. assemblée autres de la ville. En laquelle assemblée ce tesmoign ouyt le d. Boesboessel remonstrer aux estans en celle assemblée le dangier où ils etoint, en les avisant que forcze leur estoit se rendre. Et pour tant que le d. homme d'armes qui avoit parlé à lui près le d. chasteau avoit dénoté que le d. sr de Rochan et autres cappitaines de la d. armée demandoint que les estans en la d. ville se feusent mis en la voulonté du Roy, le d. Boesboessel demanda aus d. gentz de guerre s'ils étoint ad ce contans (sic) , et luy fut répondu par les d. Vincent Le Scré et Jehan de Boesgclin , portant les paroles pour les d. autres gens de guerre, que jamais ne l'accorderoint en la fourme , mais qu'ils estoint constans de perdre leur desferre, sauff avoir leurs vies saulïves, et baillèrent les d. gens de guerre charge au d. Boesboessel de faire composicion de la fourme ou meilleure s'il eust peu;# et fut illecques avisé que deux ou trois des d. gens de guerre que ne sceit nommer, iroint en la compaignie du d. Boesboessel devers le sr de Rochan. Ne veist ne oyt en celle assemblée aucun de ceux de la d. ville bailler cherge au d. Boesboessel ne à autres d'aler devers le d. sr de Rochan parleinanter de composicion pour ceulx de la ville,
et ne fut présent à assemblée quelconque de ceulx de la d. ville pour l'envoy du d. Boesboessel ne autres devers le d. sr de Rochan, parlamanter pour eulx de composicion. Dit oultre que des le d. jour de lundi à mydi jucques au mercredi ensuivant y eust ceis et abstinence de guerre , sans que durant iceluy temps eust été tiré troict ne donné coup d'un costé ne d'autre. Et à ce que ce tesmoign peut congnoistre, ceulx de la ville povoint pendant le d. temps s'assembler pour avoir délibéracion sur la d. matière, ou lieu qu'ils ont accoustumé de tretter de leurs négoces, et a ouy ce tesmoign dire et tenir communément en la d. ville qifilz ont accoustumé de faire leurs d. assemblées en la d. esglise de Nostre Damme , et la chapelle S. Jacques. Item recorde que le d. jour de mardy, il , estant à disgner à la maison Raoul Perihevaulx en la compaignie Roperz Kerdu, François Hely , Selvestre Le Leslech , Huguet Le Louet , luy fut dit par les d. nommez que le d. Boesboessel leur avoit dit que le d. sr de Rochan et autres cappitaines de la d. armée du Roy avoint baillé pour response au d. Boesboessel, qui avoit porté paroles de composicion tant pour les gens de guerre que pour ceulx de la d. ville, que il ne les receuveroit à composicion quelconque , si ceulx gens de guerre ne se mettoint à la volunté du Roy, et que les d. bourgois et habitans et autres y estans, poieroint cinquante mille frantz ou dix mille escutz d'or pour avoir leurs vies et biens sauffves. Et après digner, ce tesmoign estant sur la placze de la d. ville , assés près du puits au bout de la ^cohue, oyt le d. Yvon Le Dantec, Pierres Le Mintier, Mahé Tailboys, Raoul Le Gai et Katherine Flouriot, sa femme, dire que ne seroit possible es bourgois et habitans de la d. ville povoir fournir les d. dix mille escutz que les d. François demandoint, si ceulx de la juridicion du d. lieu de Guingamp ne leur eussent aydé. Ausi ouyt plusieurs autres de la d. ville en grand nombre, quels ne sceit nommer,-
dire qu ilz n'estoint agréables de la d. composition et qu'ils ne la sauroint poyer. Ne sceit si les d. bourgois donnèrent eherge au d. Le Dantec de porter les d. paroles aux d. François , ne s'il le feist. Et dit que durant le d. siège le d. Boesboessel estoit chieff et cappitaine sur les gens de guerre estans en la d. ville, et n'avoint les d. bourgois aucune autorité sur la clôture ne ouverture de la d. ville ; et le sceit pour tant que durant i-celuy siège, il veist souvent ung homme que ne sceit nommer porter les cleffs de la d. ville auprès le d. Boesboessel , qui faisoit clorre et oupvrir les d. portes sans qu'il veist aucun de ceulx de la ville de ce aucunement s'entremettre. Et dit que les choses par luy devant déposées sont vraiez, notoires et manifestes, en règne voix publique et commune renommée ou pais et à la partie ; n'a ouy les d. acteurs les cognoistre ne confesser. Item dit que à la fin le sr de Rochan et autres cappitaines de la d. armée auroint composé les d. gens de guerre estans en la d. ville qu'ilz perdroint leur desferre, et qu'ilz auroint leurs vies sauffves et s'en irointhors chascun ung bâton en la main. Et le d, mercredi ensuivant environ dix heures, ce tesmoign veist grant nombre de la d. armée entrer ou boulovart de la porte de la d. ville devers Rennes , ne sceit qui leur avoit ouvert la porte , et oyt ce tesmoign dire en ville , n'est membrent à qui , que les d. François estans oud. boulovart, desquieulx le sr de Saint-Pierre estoit chieff, faisoint leur mener oud. boulovart des plus puissans des bourgois et autres estans en la d. ville pour ostages et en sceurté de poiement des d. dix mille escutzqu'ilz disoint ceulx de la ville avoir composé leur bailler, et que entre autres ilz avoint prins Meryen Ghcron, Tugdual Berthevaulx, Yvon Quoitcoureden, Jehan Louel, Yvon Le Dantec , Yvon Jegou et autres que ne sceit nommer, et que du d. boulovart le d. sr de Saint-Pierre les avoit renvoyez en ville et baillez en garde, ne ouyt dire a qui. Et
environ vespres d'ieeluy jour, le d. Boesboessel, ce tesmoign et autres gens de guerre qui estoint en la d. ville s'en yssirent hors. Item recorde que avant issir hors la d. ville, le d. jour de mercredi , il bailla en garde à la femme Raoul Le Gai, son ostesse, une galvardine et trante deux livres monnoie, et dedans trois sepmaines après il revint à la d. ville pour debvoir recouvrer ses d. argent et galvardine, et luy dist celle femme du d. Gai que les d. François avoint rompu les coffres de sa maison et robe les biens que y avoint trouvez , et entre autres l'argent de ce tesmoign , et luy monstra deux coffres quelx apparissoint (sic) estre rompuz, et luy dist outre la d. femme que paraillement (sic) ilz avoint fait en plusieurs autres maisons de la d. ville, et dit qu'il est chose toute notoire ou pays et à la partie que les d. François, à leur entrée en la d. ville et tandiz qu'ilz y furent, rompirent coffres, huges, greniers , etprindrent les biens qu'ils y peurent trouver, et que de leurs despans, tandiz qu'ilz y furent, n'avoint poié comme riens. Et c'est ce qu'il dépose des premier, segond, tiers, quart et xve articles et de la notorité (sic) du cinquième article , où il est séparé et sur iceulx interrogé sellon les interrogatoires de
