C'était une ancienne coutume s!a\f

raisons par escrit pour estre présentées en chasque palatinat. Que si en tous les palatinatz, d'une certaine et délibérée science, par plus fermes et fortes raisons, on est d'accord touchant ung mesme, son nom sera présenté à tous, sans en faire toutesfoys conclusion, seulement les raisons urgentes et nécessaires seront remonstrées simplement et nuement pourquoy tous consentent en celluy seul : si ces raisons sont trouvées bonnes et que tous y consentent, il sera receu pour roy. Mais, si tous sans audace malicieuse, sans témérité, sans tumulte et sans acclamations non nécessaires, usans seulement d'une: sain jugement et de raisons valables, ne peuvent consentir en ung, allors il faudra avec dévotes prières recommander tout cest affaire à Dieu, affin que de sa main, sellon son cueur et sa saincte volonté, il nous donne ung roy et pasteur fidelle : et par ainsi, suyvant l'exemple que nous en ont donné les appostres, il faudra jetter le sort1. »

1. Un mémoire du temps, qui se trouve à la Bibliothèque impériale, nous apprend comment devait s'effectuer ce tirage au sort :

« ...Et au cas que on réduise les voix sur deux, troys, ou quatre personnes, sera tenu de nouveau en toutes les waiwodies ung conseil particullier desdictes quatre personnes, pour essayer de s'accorder d'img. Mais s'ilz ne s'en peuvent accorder et que ladicte élection demeure sur quatre personnes, l'on doibt présenter douze en fan s de cinq ans et tirer au sort sur iceulx; et celluy auquel le sort viendra sera incontinent séparé, affin que nul ayt moyen parler à luy. Puis seront escriptz quatre billetz d'une mesme grandeur, èsquelz ne sera inséré autre chose, sinon en l'ung : Tu as en l'élection la première place ; en l'autre : Tu as en l'élection la seconde place, et ainsy en continuant jusques au nombre des élections. Lesdictz billetz et ceulx qui sont choisiz seront départys par ledict enfant ainsy que la session d'ung chacun billet le portera. En ceste manière seront colloquez ceulz qui sont esleuz ou leurs ambassadeurs ou autres personnes notables en la place des absens. Après seront encore faietz quatre billets d'une grandeur, d'ung papier et mesme escripture, que l'on mectra dans ung coffret à l'enfant, en la présence de toute l'assemblée, affin de les bailler aux esleuz présens. En troys billetz seront escriptz ces motz : Contante toy de ton estât; au quatrième billet : Tu es esleu et constitué de Dieu roy sur ce royaulme de Pologne. Cella fait, ledict enfant doibt tirer lesdictz billetz hors de son coffret, et bailler par ordre ung en la main du premier, au second ung autre, et ainsy ensuyvant au reste chacun leur billet. Lesdictes choses