HOTE
Les Archiducqz, etc.
Cher et féal, Yostre dernière du xxn' nous a donné compte des propos que depuis vostre pénultième du xix' de ce mois vous a tenu le président Jeannin pour tous persuader que la princesse de Condé debvoit estre renvoyée, non seullemeut pour considération d'estat, mais encore en termes de justice pour les causes par luy alléguées, ausquelles vous avez respondu discrètement et bien i» propo3 qu'ayant ladicte princesse esté retenue icy, à l’instance dudict seigneur Roy et prière du connestable et de la duchesse d’Angoulesme, et mesmes à sa requeste propre, auquelles nous ne pouvions donné lieu que du consentement et permission du prince son mary, qu'il a donné avecq condition et moyennant nostre promesse de ne la renvoyer è aultre qu’à luy, nous ne pouvons maintenant la retracter avecq honneur, si ce n’est par l’un des deux moyens touchez par mes précédentes, à sçavoir par sentence de divorce légitimement donnée ou bien que ledict prince consente quelle soit renvoyée à la maison de son père. Et s’il semble audict connestable et ii la duchesse d’Angoulesme qu’en la poursuite de divorce se perdra beaucoup de temps, pourquoy n’ont-ilz pas tenté et n’essayent-ilz le dernier, y ayant de l’apparence que le prince y pressera facilement son consentement mesmes posé (ce qu’ilz croyent) qu’il luy porte peu d'affection, et s’ilz désirent que nous façions quelques offices et diligences pour l’accélération de l’un ou l'aultre desdicts moyens, nous en faisans advertir nous nous y employerons fort volontiers, ainsi que vous avons ordonné par nostre dernière dudict xxn'
JUSTIFICATIVES
de leur présenter de nostre part. Qu’est ce que pour le présent nous sçaurions faire pour leur consolation ; bien marriz que n’y pouvons davantage pour la compassion qu’avons de leur juste dœuil, san3 nous arrester ny faire aulcun cas de prétexte dudict prince que ledict seigneur Roy auroit voulu entreprendre sur son lict marital, comme de chose qui ne nous touche aucunement, outtre ce que (comme a dit bien ledict Jeannin) combien qu'icelluy seigneur Roy auroit monstré d'estre porté à quelque affection envers ladicte priucesse, il ne s’en suivroit par lix qu’elle courrust danger de son honneur; mais nous ne sommes peu esbahiz du dire dudict président Jeannin que tous les princes souverains, consultez sur ce faict, auroient esté d’advis que pour les causes par luy alléguées et répétées en ladicte vcstre, nostre promesso faicte audict prince ne seroit obligatoire, et vouldrions bien sçavoir qui sont ces princes là. Au reste, nous avons trouvé voz re3ponses sur le surplus des argumens dudict président tant pertinentes, que n’y avons qu'adjouster présentement, sinon que si toutes icelles nonobstant, ledict seigneur Roy se résouldra à nous attaquer et faire la guerre, nous taseherons de la luy faire aussy, auquel effect nous avons faict et faisons eucore les levées nécessaires, lesquelles nous espérons que seront prestes aussy tost que les siennes, et que Dieu (protecteur de la raison) nous aydera par sa bonté. Nous avons bien entendu de ce que vous représentez du chevalier de Valence et de son intention, et vous luy pourrez respondre s'il retourne plus & vous que nous luy scavons gré de l’offre qu'il nous faict de son service et que nous nous ferons informer de sa personne. Euvoyez-nous continuellement de vos nouvelles.
Et Dieu vous ait, cher et féal, en sa contiDuele garde.
A Bruxelles, le xxv apvril 1610.
i Suscription) ; A Peoquius.
(Négociât, de France. 1610-1611.)
PIÈCES
26 avril 1610. — P. Pecquius à l’ Archiduc Albert
Monseigneur, L’on ne voit que pionniers et chevaulx d’artillerie passer à trouppes par cette ville de jour à autre, et la diligence est extrême que l’on fait icy ii l’arsenal à préparer armes que l’on eu veult tirer pour en armer jusques à 4,000 hommes, outre celles ja envoyées en grande quantité à Chalons. Le Roy trèschrestien continue aussy de dire résoluement et avecq beaucoup de chaleur qu'il partira d'icy vers son armée le 12 du mois prochain et qu’il veult que le couronnement de la Royne se face le 6, auquel effect l’ou travaille icy aux ouvrages jour et nuit, mesmes sans respect des festes ny dimenches. Sa passion, au reste, le va disposant de plus en plus il entreprendre sur le pays de Vostre Altesse [si la princesse n’est rendue]. Et je Bcay que ces jours passez, parlant de ce subject il un personnage qui, privé avecq luy, il a dict ne croyre point que Vostre Altesse veuille accorder passage à l’armée françoise par ses pays, pour tirer vers Juilliers, mais d’avoir entendu qu'elle s'est desjà résolue d’en faire refus, et que cela servira de cause suffisante pour rompre. Ledict personnage respondit qu’il n’y avoit pas grande raison d’accorder passage à telle armée, et que néantmoins il pourroit estre que Vostre Altesse l’accordast pour demeurer en paix, demandant au Roy si en tel cas l’armée seroit reçeue en Allemagne, à quoy il répartit en tels termes qu'il donna assez il cognoistre que si ce prétexte de rupture venoit à manquer, contre son opinion, il en trouveroit d’autres. Et il propos de ce qu’il a dict de ladicte résolu-
tion de Vostre Altesse touchant ledict passage, je sçay de bon lieu qu’il en a eu nouvelles du ducq de Bouillon, et que Vostre Altesse s'appreste à la guerre avecq démonstration de beaucoup de cours go, voire quo nonseulement elle ne consentira audict passage ny n’attendra que l’on essaye de le prendre par force, mais mettra son armée en campagne à dessein de combattre la Françoise ii la première occasion qui s’en présentera. Le Roy ne laisse pourtant de se flatter, disaut que nous n’avons ny argent ny hommes pour luy pouvoir faire teste, quoyque ceulx de son conseil n’cn jugent pas ainsy.
Le nonce apostolicque discourut avant hier de ces affaires avecq [le sieur de Villeroy], et luy dit vouloir demander audience au Roy pour luy présenter un nouveau brevet de Sa Saincteté, afin de le desmouvoir de sesdictes entreprinses, [ce que ledict de Villeroy trouva fort bon, mesmes que le nonce taschast de persuader au Roy de faire poursuyvre le divorce de ladicte princesse d’avecq son mary par voye de justice, combien qu’il disoit avoir opinion qu’il n’en fcroit rien. Et m’a ledict nonce promiz le jour d’hier d’en traicter fort amplement avecq le Roy en l’audience qu’il luy a desjà faict demander, et que d’un chemin il luy représentera que le cOnnestable n’auroit occasion de s’excuser sur quelque apparente longueur de ladicte poursuite judiciaire, puisqu’il n’a tenu qu’il luy de la commencer plustost, et que si l’on tombe en guerre, il se trouvera réduit au poinct de ne veoir jamais ladicte princesse sa fille, comme aussi ledict nonce propose de luy parler dudict passage et sonder s’il se contenterait que Vostre Altesse le luy accordast pour 5 ou 6 mille hommes, sans plus, il passer par compagnies ou demies compagnies, comme ont faict les Suisses par vostre comté de Bourgoigne]. Et je ne fauldray de tenir Vostre Altesse particulièrement ndvertie de ce qui se passera en ladicte audience.
PIKCBS
J'ay vau les trois ambassadeurs des Estats des Provinces-Unies avecq iesquelz se trouva Aertssen. Ils me receurent courtoisemeut et nos devis ne furent que de matières communes et de peu d'importance, saulf que Malderé et conséquemment Aertssen se meirent ù dire que les Estats gardoient et entretenoient ponctuellement la trefve mais que Vostre Altesse n'en faisoit pas de mesme, comme au regard du toulien de Zélande, et autres articles. A quoy je respoudis qu’ilz avoient ouy les raisons sur ce alléguées par les commissaires de Yostre Altesse desquelles je disois avoir veu quelque chose et les avoir trouvées fort pertinentes et bien fondées, mais qu'il y avoit apparence que lesdits différens ne se décideroieut sans l’intervention de ceulx qui avoient moyenné la trefve. Ledict Malderé répliqua qu’ilz avoient desjà fait déclarer à Vostre Altesse qu’il n'estoit besoin d’aucune intervention pour estre les choses cleres ii leur avantage, et puis il se plaignit de quelques ordonnances de Vostre Altesse sur le fait de la Religion, par lesquelles il disoit que les subjectz des Provinces-Unies sont fort incommodez et qu’il n'y a que peu de temps que l’on emprisonna un ministre à Tournay sans aucune cause légitime, comme il estoit bien apparu, pour avoir esté relaxé peu après. Je diz n'avoir rien apprins dudict emprisonnement, mais qu’au reste je sçavois que Vostre Altesse n’avoit rien ordonné dont l’on pourroit inférer aucune contravention à la trefve, et qu’au contraire elle avoit occasion de se plaindre des attentats des ministres de Breda et autres sur le plat pays du ressort dudict Breda et de Bergues sur le Zoom. Bref laissant ces disputes, noz propos se terminèrent par un départ amiable, sans que j'eusse peu remarquer aucune inclination desdicts ambassadeurs ù rompre la trefve. Et de fait je suis informé , [qu’un capitaine du régiment de Chastillon estant en Hollande fort familier ausdits ambassadeurs
JUSTIFICATIVES
a dit] que le Roy les a fort importunez pour les induire à ladicte rupture mais qu’ilz s'en sont excusez, disans qu’il a esté autheur et principal instrument de ladicto trefve, dont ilz estoient venuz le remercier et que partant ils esperoient qu'il' ne trouveroit pas mauvais leur désir de la conserver, mais qu'ilz ne manqueroient de luy donner bonne assistence selon leurs moyens. Toutesfois il en court icy un autre bruit, ascavoir que lesdicts Est&ts sont portés & ladicte rupture, [mais je tiens le premier advis pour plus asseuré], et à ce qu’il semble les ambassadeurs auront bientost achevé leur légation et s’en pourraient bien retourner sans attendre le couronnement de la Roy ne.
Je baise sur ce très-humblement les mains <i Vostre Altesse, et prie Dieu la conserver, Monseigneur, soubs sa saincte protection.
De Paris, le 26 apvril 1610.
De V. A. S.
Tres-humble et très-obéissant subject et serviteur,
P. pKfQUIUS.
(Suscription) : A. S. A. S 1 .
(Négociations de Rome, 1610-1611.)
1 On lit en marge : Respondu le 2 de may 1610.
PIÈCB8
28 avril 1610. — P. Pecquius à l'Archiduc Albert >.
Monseigneur, Plusieurs choses remarquables ont esté traittées ès discours de la dernière audience que le Roy très-chrestien a donnée au nonce apostolicque, selon le récit qu’il m’en a fait. En premier lieu, sur la remonstrance dudict nonce, conforme au brevetde Sa Saincteté que le Roy ne debvoit porter ses armes à la guerre de Juilliers, mais tenir la main à l'acheminement de quelque bon accord, puis mesmes que l’Empereur monstroit y avoir de l’inclination, comme ledict nonce disoit avoir fait apparoir par lettres de celuy résident à Prague, qu’il avoitmonstrées au sieur de Villeroy et à autres ministres de cette cour, le Roy respondit ne vouloir empescher que l’on tentast les voyes d’accord, et que le nonce faisoit bien de s’y employer; mais que cependant il passeroit outre avecq les armes au secours de ses amys. Le nonce, après avoir protesté de la charge qu’il avoit de parler cler et en toute candeur luy dit : « qu’autre chose « que la guerre de Juilliers le mouvoità faire son armée, « asçavoir le fait du prince et de la princesse de Condé, « et qu’au jugement du monde il avoit des desseins sur « les pays de Vostre Altesse. » Il respondit, en prennent Dieu à tesmoing, qu’il ne désiroit pas du mal à Vostre Altesse ny mesmes h Sa Majesté Catholicque, mais vouloit aller en personne avecq son armée mettre le siège
1 Une lettre de Pecquius du 27, que nous avons cru pouvoir omettre, donne des renseignements sans importance sur la marche des troupes, et d’autres contradictoires sur les résolutions des ambassadeurs hollandais. 11 dit aussi qu’il n’a rien appris sur les négociations du prince d’Anhalt dont il n’ait déjà parlé précédemment.
JUSTIFICATIVES
devant la ville de Juilliers. Et sur le dire du nonce que son armée serait trop grande pour donner secours aux princes de Brandenbourg et de Neubourg, et que luy mesme avoit autrefois dict qu’il suffirait d'y envoyer quelques sept il huit mille hommes, le Roy repartit qu'il estoit bien vrny qu’il avoit tenu telz propos, mais que lors Sadicte Majesté et Vostre Altesse le traittoient en amys, au lieu qu’il présent elles luy font tant de défaveurs et desplaisirs qu'il a subject de faire une armée royale de plus de trente mille hommes, pour asseurer son fait. Le nonce persista que telle armée obligeoit Vostre Altesse d’en faire aussy une pour se garantir de toute invasion et qu’elle ne pouvoit permettre l'entrée de telles forces estrangères en ses pays; ii quoy comme le Roy eut respondu qu'il n’avoit que bien peuiipassersur le pays de Vostre Altesse, et que mesmement son armée n’y logerait jamais et n'y ferait dommage d’une seulle poulie, ne pouvant croyreque Vostre Altesse luy voulust refuser ce passage, par ce que cela ne se doibt faire entre amys. Le nonce demanda s’il permettrait a Vostre Altesse de passer par la France avecq un ost de trente à quarante mille hommes? Et sur sa response que si, le nonce dit qu'ii son opinion il y penserait plus de deux fois, et que Vostre Altesse, donnant entrée à telle armée en son pays, le mettrait en évident danger. Ce qu’estant coutredict parle Roy, soubs prétexte que Vostre Altesse se debvroit contenter de sa parole, et d’autant plus que son armée n’entreroit pas aux entrailles du pays de Vostre Altesse ny mesmes ne prendrait son chemin du costé de Metz, ou pourrait escheoir plus d’ombrage, ains seulement sur quelques bouts dudict pays, sans passer par aucune ville ny autre place importante. Le nonce proposa que l'on pourroit en ce trouver un expédient qu’il feist passer son armée à la disûlade et par compagnies ou demies compagnies au coup, de la façon
PIÈCES
que les Suysses veuoieut de passer par vostre comté de Bourgoigne; mais la response du Boy fut que sa qualité ne souflfroit pas. de passer avecq une armée qui ne fust toute unie eu un corps, et que Vostre Altesse n’a pas de forces pourluy pouvoir empescher ledict passage. A quoy, après que le nonce eut répliqué qu'il ne sçavoit les forces que Vostre Altesse pourroit amasser, mais quelle feroit indubitablement tout ce que luy seroit possible pour sa deffense, et seroit servie de soldats de grande expérience et d’infanterie meilleure sans comparaison que la françoise, le Roy se priât à user de bravades, comme s'il n’y eust rien aux Pays-Bas que luy peust résister, et dit par après, qu’il feroit demander è Vostre Altesse ledict passage, résolu de luy faire la guerre si elle le refusoit. • VoylA doucques (ce dit le nonce) com- « ment Vostre Majesté veult attacquer l’Archiducq, qui « ne pense pas luy en avoir donné occasion non plus par < la rétention de ladicte princesse à Bruxelles, qu'autret ment. » Et le Roy dit que Vostre Altesse n’avoit aucune raison de retenir ladicte princesse malgré le connestable son père, qui la redemandoit. Surquoy, ayant le nonce allégué aucunes causes de ladicte rétention et mesmes que le Roy l’avoit désirée avecq ledict connestable, la duchesse d'Angoulesme et la princesse mesme, outre l’instance eu faite par ledict prince son mary, et que Vostre Altesse n’avoit peu satisfaire à leur requeste, sans la promesse par elle faite audict prince de no la rendre qu a luy, de sorte que l’on avoit tort de la presser à y contrevenir, le Roy dit que c'estoient discours de Pecquius, mais que l’on n’a jamais requis Vostre Altesse de faire telle promesse. Et entendue la répartie du nonce touchant le scandale apparent qu'il y auroit du retour de ladicte princesse en Franco contre le gré de son mary, le Roy dit que c’estoit abus de penser qu'il procédast en ce fait par passion amoureuse , veu qu’il y avoit de plus
JUSTIFICATIVES
belles femmes en France que ladicte princesse, mais, posé le cas qu’il eu fust amoureux, il demanda si Vostre Altesse, en la retenant en captivité-, ne feroit pas un acte qui luy seroit de grand despit et insupportable? laquelle demande estant glissée par le nonce, qui se remeit à représenter au Roy qu'il ne se debvoit formaliser pour ladicte rétention, jusques à ce que l'on décidast le procès de la séparation de ladicte princesse d'avecq ledict prince son mary , le Roy respondit qu’on luy vouloit faire perdre le fruit de son armée qui luy avoit desjà cousté sept cens mille escuz, mais qu'il n’en feroit rien. Conséquemment il reprocha au nonce que le pape vouloit tout tirer de luy et rien des Espagnols, mais qu’il n’endureroit jamais aucune indignité d’eulx ny que l’on dit qu’il eust abandonné ladicte princesse, sa subjecte, et le bon vieillard le connestable son père. Le nonce répliqua que Sa Saiucteté use d’offices paternelz nussy bien envers Sadicte Majesté Catholicque et Vostre Altesse qu’envers luy, pour trouver moyen de les mettre tous bieu d’accord, et qu’elle seroit mesmement contente que ledict prince se retirastà Rome, pour lever les ombrages résultans de son séjour ès estats de sadicte Majesté, ce que ledict nonce eut tant plus d’occasion de luy proposer, que le sieur de Villeroy et autres ses ministres, avoient desjk desclarô de trouver cet expédient fort propre; mais le Roy luy dit soubdain que ladicte proposition partoit de l’eschole des Espagnols, afin dedonner masque à leurs desseins, en disant que le prince est hors de leur pays. Le nonce luy remonstra par aprè3 qu’il sembloit que faisant son armée, il vouloit braver et menacer Vostre Altesse et d'u n chemin Sadicte MajestéCatbolicque,pourlesconstraindre à luy rendre ledict prince et ladicte princesse, cequ’ilz ne feroient jamais par force, mesmes pour n’estre Sadicte Majesté inférieure à luy, ains esgale et de telle puissance qu’elle rendroit les événemens de la guerre fort doub-
PIECES
teux ; mais quand ores il s'en vouldroit promettre quelque bon succès è3 Pays-Bas, il debvoit considérer qu’en tel cas il se feroit «issy tost beaucoup d’ennemys, signamment le roy de la Grande-Bretaigne, et les Estats des Provinces-Uuies, qui n'auroient garde de le favoriser en la poursuyte de telles entreprinses. Là-dessus, comme il se fut autrefois jecté sur les bravades, disant qu'il se fioit en ses forces propres, et non en celles de ses voisins, et que quand bien les Hollandois ne se déclareroient pour luy, il ne délaisseroit de passer outre à l’exécution de ses desseins. Le nonce luy remonstra qu'il voyoit bien ne pouvoir rien gaigner sur luy, ains qu'il bouchoit les oreilles aux salutaires admonitions et conseils de Sadictc Saincteté. Et le Roy, descouvrant son intention, dit que résoluement il s'en iroit en son armée le 15 du mois prochain, encore qu'il deust remettre le couronnement de la Royne jusques au mois d'octobre, et qu’il ne pourroit tenir Sadicte Majesté ny Vostre Altesse pour amvs, si elles ne luy faisoient de bref quelque démonstration d’arnytié. Et sur l'interrogation du nonce, en quoy debvroit consister ladicte démonstration, le Roy dit tout plat que ce seroit à renvoyer ladicte princesse audict connestable son père, moyennant quoy l’on pourroit accommoder les affaires de Juilliers, et en tous cas si la guerre y continuoit, il ne fauldroit y envoyer de sa part que quattre mille hommes. Il dit aussy que dans peu de jours il auroit nouvelles du sieur de Préaux, enchargé de demander premièrement ladicte princesse à Vostre Altesse do la part dudict connestable son père, et en après aussy de la sieune, comme protecteur et deffenseur de la liberté de ses subjects, avecq ferme opinion que Vostre Altesse s’y accommoderoit, ou que du moins elle clineroit les yeulx pour laisser évader ladicte princesse hors de ses pays, dont il disoit qu’aucuns de ses ministres m’avoient fait ouverture, et qu’il seroit bien que j’y tinsse la main.
JUSTIFICATIVES
De tous lesquels discours ledict nonce conclud qu’il se fault tenir certain de la guerre si ladicte princesse ne retourne en France, et que l’on nedoibt rien espargner à se pourveoir en toute haste de forces suffisantes à contrecarrer ladicte armée françoise.
J’ay discouru le jour d’hier fort amplement desdictes affaires avecq le père [Cotton, qui m’a dit qu’aux Pasques dernières le roy de France estoit en si bonne volonté de faire son salut qu’il eust facilement oublié toute affection envers ladicte prineesse, ne fut qu’elle en eust rallumé le feu par ses lettres à luy escriptes où elle le traictoit d’épithètes amoureux, comme de mon cœur, mon chevalier, et aultres semblables. Il m'a déclairé en oultre que ledict Roy, ces jours passez, après luy avoir longtemps parlé du subject de ladicte guerre, luy a enfin confessé qu’il la feroit pour faire renvoyer ladicte princesse en France, de manière que ledict père dit tout ouvertement qu’il n’en fault nullement doubter, mais cercher les remèdes pour aller au devant d’un si grand mal, lesquelz il disoit debvoir estre promptz et soubdains, et n’en trouver aultre que de commander par Vostre Altesse que ladicte princesse se retirast secrètement en sa patrie. Sur quoy je luy alléguay tant de raisons considérables au contraire, qu’eufin il me dit qu’il seroit doncq à désirer que Vostre Altesse Sérénissime meit une puissante armée pour réprimer l'impétuosité des desseingz de par deçit et disposer les affaires à quelque voye amiable. Et ce matin il m’a secrètement fait tenir l’escript allant cyjoint, par luy dressé la nuict, pour monstrer que Vostre Altesse, en termes de conscience et d’honneur, se peult résouldre à souffrir ladicte eschappade; mais il m’a fort instamment fait supplier que, pour l’amour de Dieu et du bien publicq, je tinsse la main vers Vostre Altesse Sérénissime que cecy ne vienne à la cognoissance du monde, ains que surtout le secret en soit bien gardé.
PIÈCES
J’ay davantage apprins de luy que la nuict pénultième passée, le roy de France se levant du lict en sursault, commanda tout aussitost d'escrire audict de Préaux par la poste, comme il fut faict, qu’il n’usast des paroles brusques et tirantes à menaces dont il avoit esté enchargé ii son partement d’icy; comme aussy j’ay sçeu dudictpère, que la royne de France faict continuellement prier Dieu en beaucoup de lieux pieux au desçeu du Roy, qu'il le veuille destourner du desseing de ladicte guerre. Ledict père Cotton m’a dit d’abondant d'avoir aulcunement résenty que lesdicts Estatz des Provinces- Unies n'ont pas d’envie de rompre avecq nous, mais que dans peu de jours il m’en informera de plus près et au certain.
La Rocquinière vient de me dire à l'oreille que le roy de France luy a aussi donné clérement à entendre, à son grand estonnement, que ladicte princesse sera le subject de ladicte guerre, quelque peine qu’il dit avoir rendue pour l'en desmouvoir, mesme9 par remonstrance des forces que Vostre Altesse peult assembler en peu de temps. 11 m'a en oultre donné advis en confidence qu’il seroit fort ii propos et à son jugement nécessaire que Vostre Altesse Sérénissimc se retirast au plustost de Bruxelles en Anvers ou en aultre lieu seur, pour avoir sçeu, de très bonne part et à certes, que le roy de France a desseing de faire pétarder ladicte ville de Bruxelles, pour la surprendre par grand nombre de cavaillerie, qu’il fera marcher jour et nuict de la Chappelle en Thierace ; disant n’y avoir monts ny rivières qui luy puissent empescher le passage, et qu’au reste il envoyera grande quantité d’infanterie de Maziôres par la rivière de la Meuze jusques à Namur , soit pour favoriser ledict exploict ou pour aultres attentat z. Et protesta fort et ferme ledict La Rocquinière qu’il m’advertit de tout cecy, et m'advertira encore d’aultres choses en faveur
JUSTIFICATIVES
de la foy catholique, qui courra grand danger de se perdre, comme il dit], si nous tombons en guerre. Je baise sur ce très-humblement les mains de Yostre Altesse Sèrénissime, et prie Dieu la conserver à longues et heureuses années, Monseigneur, soubs sa saincte protection.
De Paris, le 28 apvril 1610.
De Vostre Altesse Sérénissime, Très-humble et très-obéissant subject et serviteur, P. PBCQUIU8.
(Suscription) : A Son A Messe Séré-nissime '.
(Négociations de France, 1610-1611.)
— OOjO^OO
29 avril 1610. — Ze prince de Condé à l'archiduc Albert.
Monseigneur, J'ay tant d’obligations à Vos Altesses que je n'en pourray jamais assez recougnoistre la moindre, lesquelles n’ont pas eu seulement le soing de protéger mon honneur et prendre en la garde de leurs mains et propres yeux ce que j’ay de plus cher au monde, mais encor ont voulu pourvoir au loing à la conservation de ma vie et personne, en quoy le sieur de Fritma s’est si dignement aquité de la charge qu’il en avoit, que j'ay bien voulu tesrjjoigner par ceste le ressentiment que j'en ay à Vostre Altesse, et la supplier de se souvenir de luy aux occasions, tant pour le zelle
1 On lit en marge : Respondu le 2 de may 1610.
PIÈCB8
que j'ay recongneu en lui au service de Vos Altesses que pour l'amour de moy, qui fays voeu d’estre toute ma vie, Monseigneur,
Vostre très-humble et très-obéyssant serviteur, Henry de Bourbon, Prince de Condé.
T)e Milan, ce 29° avril 1G10 *.
(Audience, N» 451.)
29 avril 1610. — Henri IV au connétable de France.
Mon compère, J’ay accordé à Spondillon, qui vous rendra ceste cy de ma part, de vous aller trouver pour apprendre de vos nouvelles et m'en rapporter, et vous rendre ceste lettre que M m<! la Princesse, vostre fille, vous escript, que j'ay trouvée dans un paquet que j'ay ouvert.
Par celles que j'ay de Préaux, qui est arrivé à Bruxelles depuis peu de jours, il me mande qu'il espéroit bien de ses affaires; de quoy je m’esjouis avec vous, pour le contentemeut que vous en recevrés. Souvenés-vous de bien faire mettre en haleine les chevaux que vous m’avez promis, et sur ce de croire que je vous aymo bien. Bonjour mon compère.
Ce xxix e d’avril ii Paris.
Henky.
(Suscription) : À mon Compère le connes table de France.
(Recueil des lettres missives de Henri IV, t. VII, p. 894).
1 On Ut en marge : Reçea le xm* may 1610.
JU8TIKICAT1VKS.
30 avril 1610. — P. Pecquius à l’Archiduc Albert.
Monseigneur, L'advis que j'ay donné à Vostre Altesso par mes dernières du dessein du Roy très-chrestien sur vostre ville de [Bruxelles] a depuis esté fortifié par autre conforme donné à don Innigo de Cardenas, ensemble par un troisième du [chevalier de Valence], qui dict avoir apprins que le Roy [faict estât d’aller jusques à Bruxelles]. Et je ne sçay si je m’abuserois de penser que le Roy pourroit estre incité à ce dessein pour prévenir ce que j’ay dict icy, selon le commandement de Vostre Altesse , qu’en cas de rupture elle se tiendra pour deschargée et désobligée de tenir plus la princesse de Condé en sa maison, et advisera de l’envoyer la part qu'il conviendra. A ce que l’on me dict, il y aura dans fort peu de jours mille et deux cens harquebusiers à cheval à Mazières et ès environs et petit à petit s’acheminent les autres gens de guerre vers le rendez-vous ; en apparence que l’armée se grossira fort , m’ayant esté rapporté de bonne -part qu’elle doibt coûster au Roy quattre cens soixante mille escuz par mois. Je suis adverty d'ailleurs, que le Roy de la Grand’ Bretaigne a respondu résoluement à l'ambassadeur de France, qu’il n’a pas de subject de rompre avecq Sa Majesté Catholicque ny avecq Vostre Altesse. Les ambassadeurs des Estats des Provinces-Unies, en me rendant hier la visite, m’ont aussy parlé on telle sorte, comme a’ilz affectionnoient et désiraient à bon escient la manutention de nostre trefve.
Ce matin le nonce de Sa Saincteté, résident en cette cour, m’a monstré lettres de celuy résident à Prague du 17 de ce mois , contenons que Sa Majesté impériale encline A prester l’oreille au party mentionné au commeu-
PIÈCES
cernent de mes lettres du premier de ce mois, dont Vostre Altesse a envoyé extrait à don Balthazar de Cuniga et qu’il en espère fort bien ; lesquelles lettres ledict nonce a communicquées le jourd’hier au sieur de Villeroy, qui reçeut aussy pareilles nouvelles de I’ragues, et confessa d'avoir cy-devant gousté ledict party, quand ledict nonce et moy luy en avions parlé , mais que depuis estoit survenu grand accroissement d'aigreurs par lesquelz la disposition de la volonté du Roy son maistre estoit changée, et qu’il falloit penser aux affaires de la princesse de , Condé, qu’il disoit estre de plus grande presse et conséquence, usant de ces mots : [« si l’Archiducq ne cède &
« l’opiniastreté du Roy, nous sommes tous perduz. »]
Pour faire valoir l’expédient contenu ès dernières et autres lettres de Yostre Altesse, asçavoir que le connestable rende peine d’induire le prince, son gendre, à consentir que ladicte princesse soit renvoyée en la maison de luy connestable, et que Vostre Altesse estant requise d’y tenir la main le fera volontiers , et en sorte que l'on pourra recognoistre qu'il ne tiendra aucunement & elle que ledit connestable ne reçoive ce contentement que de ravoir sa fille, j’ay estimé qu’il seroit à propos d’en parler au chancelier, qui gouverne ledict connestable, afin d’acheminer cette pratique avecq tant plus de poids. Et de fait je viens d’en traitter avecq luy qui, après une très-grande et très-fervente démonstration de désirer quelque voye convenable à eschever la guerre, dont il disoit que l’on va porter le flambeau ardent en toute la chrestienté, s’il ne plaist ii Vostre Altesse l’estouffer en se faisant quitte de la marchandise qu’elle a en dépost, m’a demandé et conjuré de luy dire, en ministre affectionné à la paix et au bien commun, si je croyois qu'il y eust apparence de pouvoir induire ledict prince audict consentement, disant que ce seroit la meilleure et plus salutaire œuvre qui ayt esté faite de cent ans. Jo luy diz
JUSTIFICATIVES
que le counestable n’en debvoit pas désespérer, puisqu’il croy t que ledict prince ne porte point d'affection ù ladicte princesse, et que Vostre Altesse a desja promise de ne la jamais forcer à se remettre en sa compagnie. Le chancelier retourna à me prier de luy déclarer, soubs promesse de silence, si Vostre Altesse en avoit quelque opinion et par quelz moyens. Je respondiz qu’elle ne m’en eust pas escrit si elle eust tenue la chose pour désespérée, et qu’à mon jugement l’on debvoit embrasser ce moyen, puisque l'on tenoit celuy du procès de divorce pour trop long. Et sur sa demande conséquemment faite , comment se debvroit acheminer cet expédient et si Vostre Altesse vouldroit bien prendre la peine de faire addresser les lettres dudict connestable audict prince, en les envoyant ouvertes à icelles, et en quel temps l’on en pourroit avoir la response, je luy diz estimer que Vostre Altesse feroit volontiers tenir la main à la seure addressc desdictes lettres, et feroit au reste tous bons offices pour en obtenir quelque bonne réussie avecq apparence d’avoir bientost response aux lettres par la poste. Puis il me proposa si Vostre Altesse ne vouldroit promettre d’escrire audict prince, qu’à faulte de sondict consentement ou de response endéans bref jour, elle ne pourra plus retenir ladicte princesse à luy redemandée par justice, ains la renvoyera en France. Et sur ma response que je ne croyois pas que cela se peust ou deust faire, il me demanda si les Espagnols seroient coutensque ledict prince prestast son consentement audict renvoy; à laquelle demande je m’excusay de respondre cattégoricquement, disans seulement espérer que Sa Majesté ne trouverois ja mauvais, ains auroit pour agréable les offices que Vostre Altesse feroit en cet endroit. Là-dessus il me dit ces mots : « Je m’en vay doneques y mettre la main tout à l'heure », et me pria de recbef d’y coopérer en toute diligence, disant estimer que je debvois sçavoir davau-
pièces
tage que je ne voulois dire. Il me demanda en après que l'on feroit cependant des affaires de Juilliers? Et sur ma response qu’il y avoit bonnes nouvelles de Prague, il répliqua qu’il fauldroit songer il des moyens qui peussent tenir les choses eu alte. Je le priay de s’esclercir sur les moyens qu’il jugeoit y estre plus à propos ; et il me respondit que nous y penserions à loisir, mais qu’en tous cas il falloit que Vostre Altesse ne feist pas de semblant ny de démonstration de vouloir empescher le passage par ses pays à l’armée frauçoise, parce que ce seroit tout gaster. Et sur ce point estant fort pressé de s’en aller au conseil qui l’attendoit, il me dit avecq beaucoup d’ardeur et courtoisie qu’il ne manqueroit de mettre incontinent en œuvre ce que nous avions traitté, s’il estoit en son pouvoir. Je luy demanday si, après tant de poursuytes et sollicitations miennes , l’on ne feroit jamais la fin du renouvellement de la neutralité des deux Bourgoignes , et le priay de m’en donner une response absolue. Il respondit aimablement « Nous ferons cela, et encore bien d’autres choses meilleures, voire plus d’amytié qu’il n’y eust jamais entre nous, si nous pouvons trouver moyeu d'accommoder l'affaire de ladicte princesse. • De quoy je n'ay voulu différer d’advertir Vostre Altesse en toute célérité, luy baisant sur ce très-humblement les mains, et priant Dieu la conserver à longues et heureuses années , Monseigneur, soubs sa saincte protection.
De Paris, le dernier d'apvril 1610.
De Vostre Altesse Sérénissime ,
Très-humble et très-obéissant subject et serviteur,
P. Pecquius.
(Suscription) : A Son Altesse Strinissiine.
(Papiers d'État et de l'audience. Négociations de France, 1610-1611.)
JUSTIFICATIVES
30 avril 1610. — P.Pecquius au secrétaire d'État Prats.
Monsieur, Au pénultième pacquet qui m’est arrivé de par delà, fut enclos un bien petit à la Françoise, avecq cette superscription : « A Madame, Madame la princesse, » sans plus. Je veulx croyre que c'est à la princesse de Condé, mère, qu’il s’addresse, et néantmoins je vouldrois en estre plus esclercy ; et si au cas qu’il s’addresse à elle, Son Altesse aura pour agréable que je luy fasse donner ouvertement et sans aucune dissimulation, et mesmes si je debvray recevoir les responsives de ladicte princesse si elle m’en envoyé.
La cause pour laquelle [le roy de France ne veult pas ouyr parler du procès de divorce, est qu’on luy a faict acroyre que le prince estant sur ce miB en cause, vouldroit coutendre à dissolution du mariage que l’on tient asseu rément n’avoir esté consummé, et que parvenant ledict prince à ladicte dissolution , il se pourroit marier en Espagne.] Si l’on pourroit persuader audict prince qu'il y auroit fondement apparent en ce que dessus , ce seroit un puissant moyen pour l’induire à consentir au renvoy de la princesse chez son père; pleust à Dieu qu’elle y fust, et nous hors de danger de la funeste combustion qui nous menace.
Je vous baise sur ce les mains et suis à jamais,
Monsieur,
Vostre plus humble et affectionné serviteur,
P. Pkcquius.
De Paris, le dernier d’apvril 1610.
Depuis mes lettres escrites est arrivé un courrier ex-
PIÔCE8
traordinaire d’Espagne, avecq forces despesches à Son Altesse et ministres de par de lù. Veuille le bon Dieu qu'elles soient bonnes et proufitables !
(Suscription) : A M. Monsieur P raets, chevalier secrétaire d’ Estât de Leurs Altesses *.
1" mai 1610. — Ortemberg, ambassadeur à Rome , aux Archiducs.
Messeigneurs. Par l'occasion de la despesche de l’Archevesque de Nazareth, qui partit hier sur la poste pour Nunçe extraordinaire en France, n’ay failly de recommander également les affaires de Vos Altesses Sérénissimes en ces présents mouvements de guerre. Sur quoy Sa Sainteté fut servie me respondre qu’elle y avoit pensé, et donné charge expresse au même Nunçe par Brefs et Instructions qu’il porte quant et soy : disant de plus qu’elle s’estoit résolue d'envoyer les Nunçes pour contenter le monde, puisqu’elle n’avoit manqué à toutes les aultres sortes d’offices que pouvoyent servir à propos. Ledit Nunçe passe par Turin sans toutefois y séjourner, non plus que pour y délivrer un Bref de Sa Sainteté au Ducq illecq, comme Sa Sainteté m’ait dist. 11 porte aussi un Bref au prince de Condé à Milan ; au reste vat-il tout droict en France. Sa Sainteté monstre grand envye de veoir accommodé les desgouts entre le roy de France et ledit Prince, le tout toutefois avecq réputation de Sa Majesté Catholique et de Vos Altesses Sérénissimes, et seurté du Prince, m’ordonnant d’escrire il Vos Altesses Sérénissimes, qu’il aymerait grandement que Vos
1 On lit en marge : Respondu le III e may 1610.
■JUSTIFICATIVES
Altesses Sérénissimes s’y employent sérieusement aultant que possible ; à propos de quoy je disois à Sa Sainteté que le Roy de France n’avoit cause aulcuuede coulper, ny se tenir offensé de Vos Altesses Sérénissimes; à quoy Sa Sainteté respondit que les 1 ce uéantmoings maintenoyent le contraire. Après cecy me disoit Sa Sainteté que le ducq de Savoy e avoit dist ii son Nunçe, résident lez icelluy, que nous n’aurions point de guerre; et que l’agent du ducq de Lorayne avoit référé à Sa Sainteté que le Roy de France avoit escript à Vos Altesses Sérénissimes qu'il ne desseignoit rien entreprendro contre les Estats d’icelles; toutefois, disait Sa Saincteté, qu’il seroit bon de se tenir sur ses guardes, et ne s’y fier sinon à bonnes enseignes. Quant à l’affaire de Juliers, Sa Sainteté se monstroit fort contento à cause du moyen proposé par son Nunçe au Roy do France, approuvé de Vos Altesses Sérénissimes à sçavoir que la décision de ceste cause en fust laissée & l’Empereur, comme Seigneur du fief, en donnant parole il Sa Sainteté de pronunçer une sentençe juste, ou comme avoit demandé le Roy, que les Princes Électeurs Ecclesiastiques en donnassent parole audit Roy.adjoustantSa Saincteté qu’elle estoit d’intention de promouvoir cest affaire au Couvent do Prague bien il certes. A tous, Messeigneurs, baisant très humblement les mains de Vos Altesses Sérénissimes, je prie le Créateur les maintenir en longuissime et très heureuse vie, et seconder leurs sérénissimes intentions.
De Rome, ce premier du mois de may 1610.
De Voz Altesses Sérénissimes,
Très humble et très obéissant serviteur, Hebuax d’OBTEMBBnG , auditeur de Rote.
Négociations do Rome, 1610, t. IX.)
1 Ici un mot oublié.
PIÈCES
2 Mai 1610. — Henri IV au duc de Sully.
Mon amy, Envoyés-moy par La Varanne, qui vous rendra ceste-cy, la somme de trois mille livres, pour l'affaire que vous sçavés, et l’employés dans le premier compte que vous ferés dresser au trésorier de mon espargne. Bonsoir mon amy, ce 9° may, h Paris.
Hbnby.
(Suscription) : A mon cousin le duc de Sully 1 .
(Lettres missives de Henri IV, t. VII, p. 895.)
3 Mai 1610. — Les Archiducs à P. Pecquius.
(MINUTE
Les Archipucqz, etc.
Cher et féal, Nous venons de recepvoir vostre dernière du xxx du mois passé, et respondans aux demandes que vous a fait le chancellier de France, vous dirons que nous ne sçaurions sinon approuver que le connestable escripve au prince de Condé, afin de permectre que la princesse sa fille se retire chez luy durant le procès de divorce qu'elle prétend d'intenter et que nous croyons que pour la raison par vous alléguée audict
1 Au dos est écrit de la main de Sully : - Le Roy, du 2 may 1610, pour bailler iij m 1. au S r de la Varanne. «
Au dessous, ultérieurement « Pour Madame la princesse de Condé, la douairière. «
JUSTIFICATIVES
chancellier, il y consentira; que nous nous chargerons de sa lettre et de luy en procurer response qu'il pourra avoir dedans quinze jours il plus tarder, dez le jour qu’elle partira d’icy; que nous accompagnerons volontiers sadicte lettre d’une nostre et de tous bons offices à mesme fin et effect; et que finalement nous nous faisons fortz que les espagnolz n’empescheront que ledict prince y consente; mais qu’il fault que ledict connestablu do'ibt adviser de luy donner asseurance que ladicte princesse s'y tiendra en sorte qu’il ne luy sera donné aucun subject de s’en pouvoir outrager, parce qu’il n’y a rien qui plus le puisse et doibve amadouer et mouvoir ii presser ledict consentement. Et d'aultant qu’ayans icy faict proposer aux sieurs de Berny et de Préaux que l’on se référast à la déclaration du pape où ladicte princesse sera séquestrée durnnt ledict procès sur divorce, ilz n’y ont voulu entendre, nostre intention est que vous en traictiez par delà avec ledict chancellier et aultres principaulx ministres du Boy, et taschiez de les en faire gouster comme d'un expédient assez propre et le plus court qui soit à la main, puisque l’on rejecte tant la poursuite de la cause du divorce, pour le long traict de temps qu’elle semble requérir, avant qu’elle puisse estre décidée par sentence, sans laquelle toutesfois nous ne pourrons laisser partir d’avecq nous ladicte princesse, comme vous sçavez. Et à tant, etc.
A Bruxelles, le iii« de may 1610.
(Suscription) ; Au conseillier Pecquius '.
(Papiers d’État et de l'audience. Négociations de France, 1610-1611.)
1 II y a ici une lacune regrettable dans la correspondance de Pecquius; elle ne reprend que le l**" juillet.
PIÈCES
4 mai 1610. — Les Archiducs aux gouverneurs deNamur, du Hainaut et des places des frontières de France.
(■MUTE
Les Arctiiducqz, etc.
Cher et féal, Sur ia continuation des hruitz qu’il y a de plus en plus des remuements qui se font du costé de la France, nous vous despeschons de rechef ce mot exprès afin que non seullement soyez bien sur votre garde (comme nous confions vous l'êtes) ; mais aussy procuriez d’avoir quelques gens de confiance à vostre dévotion sur le voisinage, principallement sur les plu 3 grands passaiges et advenues, qui puissent recognoistre et vous advertir des trouppes qui vont et viennent et de tout ce qui se passe. Et dès qu’entendrez que quelques trouppes vouldroyent s’advancer d’entrer en notre pays, vous ne fauldrez de nous en advertir en toute diligence et faire le mesme advertissement aux gouverneurs de nos places voysines (lesquelz sont enchargez de vous rendre le debvoir), afin que par bonne correspondance puissiez estre informé do toutes occurences et obvier aux maulx et inconveniens qui aultrement pourraient survenir.
A tant, cher et féal, etc.
De Bruxelles, le iiij' de mai 1010.
Au ducq d'Arschot, comte de Berlaymont, gouverneur de Charlemont, Philippeville, Mariebourg.
(Papiers d’Ëtat et do l’audience, \° 4 .t6.)
JUSTIFICATIVES
12 mai 1610. — Le connétable de Montmorency au prince de Condé.
Monseigneur, Les plaintes que Madame la Princesse de Condé ma fille m'a fais et repetté par plusieurs lettres et propos qu’elle a tenuz de bouche k aucuns de mes principaux serviteurs qu’nvoy envolé vers elle des mauvais et rudes traittemens qu’elle a receu de vous, et le désir qu’elle a à ceste occasion de se faire séparer par justice, y adjoustant les prières instantes et pitoyables de la voulloir retirer du lieu où elle est pour la tenir près de moy, m’ont induit d'en faire très-humble supplication aux archiducs, tant par requestes, lettres que gentilshommes envoiez exprès, se que me promettois obtenir de leur bonté et justice et qu’ils ne refuseront à un père désolé et qui ressent l'affliction et la douleur de sa fille, une demande si juste. J’ay néantmoings reeongneu qu’ils y apportoient de la difficulté et différoient à me donner ce contentement, soubz prétexte qu'ils mettent en avant vous avoir promis de ne la laisser sortir d’auprès d'eux sans votre permission. C’est pourquoy, à présent, j’ay recours à vous, Monseigneur, pour vous supplier très humblement voulloir mettre en considération les justes causes qui m'induisent à faire cette poursuite, que mon aage et indisposition m’ostent le moien d’aller vers elle pour la consoler en son affliction et luy donner conseil de ce quelle doibt faire pour mettre son esprit en repos, qu’elle n’est pas aussy en lieu où elle puisse avec entière liberté faire ses plaintes et y trouver remède, par ainsy qu’il ne luy reste aulcuu aultre secours sinon de venir k moy. Aiez donc, je vous supplie, pitié du père et de la fille, et vous représentez, s’il vous
PIÈCES
plaict, combien sont justes les causes de mes plainctes et mescontentemont, mieux cogueus de vous que d’aulcun autre, et prenez cette confiance en mon intégrité et de l'honneur dont j’ay tousjours faict profession, lequel accompagnera, moiennant la grâce de Dieu, toutles mes actions jusques au tombeau, qu’elle ne recepvra en ma maison que tous bons enseignemens, pour continuer à suivre la vertu en laquelle elle a esté nourrie et instituée, et que sa vie y sera si innocente qu’elle méritera d’estre louée de vous et d’un chascun, si vous aidez. Monseigneur, ii me faire donner ce contentement et consolation à ma fille, je le tiendray à grande obligation et demeureray en vollonté de vous en rendre très humble service, avec auttant d’affection que le debvoir me le pourfa permettre, lequel me fais encore désirer de vous voir près du Roy au rang deub ii votre grandeur et quallité, comme vous serez tousjours quand vous vouldrez avoir recours ii sa bonté plustost qu’à rechercher des remèdes qui ne peuvent servir que à vous faire souffrir du mal et recepvoir de blâme. Je suis
Monseigneur
Votre très humble et très obéissant serviteur, Montmorency.
Paris, 12 mai 1610.
(Histoire des princes de Coudé, par M. la dnc d’AüMALK, t. II, pièces et documents, p. 573.)
JUSTIFICATIVES
21 mai 1610. — L’archiduc Albert au prince de Condé.
(MINUTE
Monsieur mon cousin, Vous recepvrez avecq ceste une lettre du connestable de France, par laquelle il vous prie, avecq grande instance, que luy permectiez de retirer hors de nostre palais et tenir chez soy la princesse vostre femme, sa fille. Et m'ayant requiz de vous encheminer et d’une voye m’employer ii vous induire de luy donner ceste consolation. Je le fay de tant plus tolontiers que par le changement arrivé aux affaires, au moyen du trespas du feu Roy très-chrestien, Dieu doint repos à son âme, il semble qu’il y a moins de subject de l’esconduire de ce dont il tous requiert par sadicte lettre. Et je prie, sur ce. Dieu de vous bienheurer, Monsieur mon cousin, de santé et longue vie.
A Bruxelles, le 21 may 1610.
Vostre bien affectionné cousin *.
(Souscription) : Au prince de Condé.
(Audience 451.)
1 On lit en marge, en regard des parties en italiques : 1° « Sa- « tisfaction, je n’ay voulu le luy refuser, de tant moins que par « le etc. «; et 2° « De la consolation qu'il se promectde vous en « cest endroict. » — Cette lettre devait remplacer celle de la page 140.
PIÈCES
cm
22 mai 1610. — Ortemberg, ambassadeur à Rome, aux Archiducs
Messeigneurs , M'estant présenté à l’audience de Sa Saincteté, il pleust à icelle me dire que le Roy de France s'avoit déclairé tout rondement qu’il u’cntendoit aucunement rompre la guerre contre Yoz Altesses Sérénissimes, mais quebien luy convenoit-iltoucherleurs payspar l’espace d'environ une journée, où il auroit donné ordre qu’il n’y seroit faicttortmesmesdela valeur d’un poulet, ne fust que le pas luy fust dénié, auquel cas il seroit contrainct de se le faire les armes au poing , de quoy (comme disoit aussi Sa Saincteté) Voz Altesses Sérénissimes auront eu piéça notice. Mais A ce propos elle me disoit une ou deulx fois, et m’enchargea d’escrire A Voz Altesses Sérénissimes, qu’elle désiroit que le faict du prince de Condé fust accommodé, ce que se pouvoit effectuer, elle espéroit de faire quelque chose bonne, et qu’A cest effect elle' avoit du bon en ses mains, par les responçes qu’elle avoit eu sur ses Brefs escriptes audict Roy, arrivés par courrier exprès mercredi passé. Et entre aultres chose disoit Sa Saincteté de rechef, le mesme que j'ay reservi aultrefois, que pour le bien publicq elle se seroit contentée de recepvoir ledict prince en ceste cour
de Rome
De Rome ce 22' de mny 1610.
De Voz AA. Sér“", Très humble et très obéissant serviteur,
Herman d’Ortembbrg, aud r de Rote.
(Négociations de Rome, 1610, t. IX).
JUSTIFICATIVES
26 mai 1610. — Instructions de F. De Groote.
Instruction pour vous François de Groote 1 de qu'aurez à faire
au voyage de Milan, où nous vous envoyons présentement.
Vous tâcherez de vous rendre audict Milan en la plus grande diligence que vous sera possible, et délivrerez au prince de fondé une lettre que, luy escrivona en vostre créance, et en après une aultre à luy du ducq de Montmorency, connestable deFrance, luy disant qu’elle nous a esté envoyée de Paris accompagnée de réquisition de la luy faire addresser et tenir seurement.
Ledict prince entendra par icelle l’instance que faict ledict connestable pour avoir son consentement et permission de retirer la princesse de Condé, sa fille, hors de nostre palais et pays de nostre obéyasance, et la tenir près de soy au royaulme de France.
Luy représenterez ce qui s’est passé icy sur ce subjet depuis son partement de ceate cour, et que jaçoit que ladicte princesse soit entrée de gré à gré en nostredict palais et y esté traictée et chérie comme il sçait, aussy que ledict connestable et la dame d'Angoulème nous en ayent fort courtoisement faict remercier par nostre conseillicrPecquiuset par leurs lettres, siest-ilnéantmoinsque du depuis ilz nous ont requiz instamment de la laisser retourner en France, pour y estre en la maison de son père. Mesmes ont franchement envoyé vers nous le sieur de Préaux avecq lettres tant du Roy très-chrestien que desdicts connestable et dame d’Ângoulesme, et quant et quant une requête signée de leurs mains que ledict de Préaux nous a présenté de leur part, oultre ce que
1 De Groote était greffier de l'amirauté.
PIÈCES
ladicte princesse de Condé en persone accompagnée des sieurs de Berny et dudict de Préaux a présenté à nous Infante une aultre requeste signée de sa main, toutes deux tendantes à mesme fin, comme verra ledict prince plus particulièrement par copies desdictes requestes que vous luy communiquerez.
D'ailleurs il se remarque de jour à aultre le peu d’affection de ladicte princesse envers luy, estant vray que depuis son partement il n’y a jamais eu moyen de luy faire recepvoir ny lire aulcune lettre venant de luy prince son mary.
Quoy considéré et le desplaisir et desgoust que ladicte princesse monstre de plus en plus d’avoir d’estre retenue chez nous, nous sommes occasionnez de luy donner compte de ce que dessus, afin qu’il le considère et advise quelle respouse et satisfaction il vouldra donner ausdicts connestable et duchesse, et se résolvant à la leur donner s’il ne sera bien qu’en mesme temps il demande et poursuive luy mesmes le divorce ou séparation d’avecq ladicte princesse, etc.
Du 26 may 1610
(Audience, N° 456.)
oo}#J>e — - —
27 mai 1610. — La duchesse d'Angoulême à l’infante Isabelle.
Madame, Je supplye très-humblement Vostre Altesse Sérénissime ne voulloir prendre à importunité si je luy réitère la requeste que je luy ay cy-devant faitte de per-
1 On lit en marge : •• Mémoire que ceste instruction n’a esté » despeschée à cause du changement y entrevenu. »
JUSTIFICATIVES
mettre à madame la princesse de Coudé de revenir trouver monsieur le connestable son père, et moy qui la tiens aussy chère que si elle estoit ma propre fille. Je m'asseure, Madame, que vous n’ignorez point combien ce bonhomme désire de la veoir et la consolation qu’il en recevra en ses vieux jours. Luy et moy espérons tant de vostre bonté, que nous nous promettons que vous ne nous refuserez ceste grâce et faveur, de quoy il supplie très-humblement Vostre Altesse Sérénissime, et de me faire l’honneur de me conserver tousjours l’heur de ses bonnes grâces que je mettray toutte ma vye peine de mériter par tous les très-humbles services que j’auray jamais moyen de rendre à Vostre Altesse Sérénissime, de laquelle j’oseray baiser très-humblement les mains, priant Dieu vous donner, Madame , en très-parfaitte sauté trèsheureuse et très-longue vye. Au bois de Vincennes, ce xxvii' may 1610.
Vostre très-humble et très-obéissante servante, Diane L. de France 1 .
(Suscription) : A l'Infantt Sérénissime.
(Audience N° 451.)
28 mai 1610. — Le connétable de Montmorency à l'archiduc Albert.
Sérénissime Prince, Je ne puis me départir de la trèshumble supplication et requeste que j’ay faicte à Vostre Altesse Sérénissime, qu’il luy plaise de permettre à ma-
1 On lit en marge : Respondu le xxx' mai 1610.
PIÈCES
dame la princesse de Condé, ma fille, qu'elle me vienne trouver. Je la luy réytère encores et, derechef en toute humilité, la supplie de me donner ceste consolation, affin que sur mes vieux jours je puisse jouir de la présence de ma chère fille , et luy donner les conseils et les instructions quelle ne peult recevoir d'autre que de moy, qui suis son père. Je veux croyre que la bonté de Vostre Altesse aura esgard à la juste douleur que j’ay de me veoir privé de mes eufans, et quelle ne me desnyera poinct les moyens de l’alléger, ainsy que luy fera entendre le sieur de Préaux, lequel luy rendra ceste lettre de ma part, auquel elle aura s'il luy plaist agréable d'adjouster foy comme à moy-mesme, qui baise très-humblement les mains de Vostre Altesse et supplie le Créateur, Sérénissime Prince, qu'il luy donne toute prospérité avec longue vie.
De Paris, ce xxviii* de mai 1610.
Vostre très-humble et très-obéyssant serviteur.
Montmohkncï 1 .
(Suscription) : A Son Altesse Sérénissime.
(Audience, liasse 451.)
28 «ai 1610. — Le connétable de Montmorency à l'infante Isabelle.
Madame, Je continue encores mes très-humbles instances à Vostre Altesse Sérénissime et la supplie de toutes les affections de mon cœur quelle ayt agréable que madame la princesse de Condé, ma fille, vienne
1 On lit en marge : Reçeu le xxx" may 1610. Répondu le xx” juing ensuivant.
JUSTIFICATIVES
me trouver. Ma vie est plaine de douleurs par son absence et par me veoir privé de luy pouvoir donner les conseilz que la charité et la piété ordonnent aux pères de donner à leurs enfaus quant ilz sont réduictz ès termes de ne les pouvoir recevoir que d’eux. Geste grâce que je demande à Vostre Altesse m’apportera une très-grande consolation , laquelle convertira tous mes ennuys en joyes; que si Yostre Altesse me l’accorde, elle fera chose digne de sa bouté et de sa justice, et je ne luy en seray moings obligé que si jo recevois la vie de sa main, comme plus particulièrement luy dira de ma part le sieur de Préaux. Et sur ce, je baise trèshumblement les mains de Vostre Altesse et supplie le Créateur, Madame, qu'il luy donne toute prospérité avec longue vie.
De Paris, ce xxvm° may 1610.
Vostre très-humble et très-obéyssant serviteur.
(Suscription) : A l'Infante Sérénissime.
(Audience, N° 451.)
29 mai 1610. — Ortemlerg, ambassadeur à Rame, aux
Archiducs.
