C XI
19 juin 1610. — Nicolas de Montmorency à T archiduc A Ibert.
Monseigneur, En suyte du commandement "de Vostre Altesse aiant traicté avec le comte de Busquoy sur le faict de son ambassade, luy et moy trouvons convenir pour l’honneur et service de Vostre Altesse qu’elle soit honorable et bien accompagnée, puisque de la conservation des amitiez, celle part où l’ambassade se dirige en dépend un grand bien et repos tant pour le général de la Chrétienneté que pour le particulier des estats de Vostre Altesse. Ainsy le comte se propose de mener quant et soy quiet cavalières bien nez dont les deux ou trois seroieut bien principaux pour l’accompagner en ce voiage et se tiendra prest pour partir dans sept jours, luy semblant que le retardement de deux à trois jours soit de peu
1 On lit en marge : Répondu le xx« juing 1510.
JUSTIFICATIVES
d'importance puisqu’il y en a ja donné advis 6 l’ambassadeur de France, lequel en fera la préavertence en France. Quant aux deniers qu’on luy pourroit furnir, il semble è ceux des finances, considéré qu’il devera courir la poste en deux ou trois trouppes et les frais qu’il devera soustenir «qu'on luy pourroit avancer millo florins, bien que j'ay persisté pour le moins è quinze cent et qu’à son retour, considéré son séjour et sa despense, on luy pourroit adjouster la somme que seroit trouvé de raison. Le comte supplie très humblement que Vostre Altesse soit servie tenir ses lettres et son instruction prestes pour quand il viendra recevoir ses commandemens à Marimont & ce qu’il n'aie occasion d’y tarder, et luy semble comme à moy, si au mesme instant Vostre Altesse se résouldoit sur le renvoy de la princesse de Condé à ses parens, que son ambassade eneeroit de tant plus agréable, nommément à ceux du Conseil qui touchent de plus près h ladite princesse, en quoy Vostre Altesse rencontrera quant à présent moins de difficulté puisque le prince son mary est icy è la main. Baisant sur ce très humblement les mains & Vostre Altèze, je prie Dieu, Monseigneur, la conserver en toute prospérité et santé.
De Brusselles, 19 e de juin 1610.
De Vostre Altèze Sérénissime,
Très humble et fidèle serviteur et vassal, N. de Montmoebncy '.
(Audience, N° 452.)
1 On lit en marge : Du xix. — Répondu le xxv juing 1610.
PIÈCES
CXIT
24 juin 1 G 1 0 . — La duchesse d'Angoulime à Tinfante Isabelle.
Madame, J'ay receu la lettre que Vostre Altèze Sérénissime m’a fait l'honneur de m’esaeire du xx" du présent moy s 1 et veu la faveur qu’il vous plaist me faire de vous souvenir de moy de quoy je ne veux faillir de vous remereyer très humblement et de tant de courtoisies et bons offices qu'il vous a pieu faire à madame la princesse de Condé, en quoy. Madame, vous l’avez extrêmement obligée ettousceulx qui luy appartiennent, et sur tous Monsieur le Connestable son père et moy qui, déairans son repos, souhaittons aussy la veoir bien remise avec monsieur le prince de Condé son mary, ce que nous espérons pourveu qu’il plaise à Vostre Altesse Sérénissime le voulloir entreprendre, comme en mon particulier je l’en supplie très humblement; nous tiendrons tous ce bien beaucoup plus cher nous ayant esté procuré de vous, Madame, qui, par ce moyen, allongerez les jours de ce bon homme de père et les myeus aussy, que je tiendray bien fortunez quand ilz seront emploiez à vous rendre le très humble service que je vous doibz; suppliant très humblement Vostre Altesse Sérénissime m’honorer tousjours de la continuation de ses bonnes grâces et bienvueillance, comme la personne du monde qui en fait le plus d’estat; sur ceste vérité, je baise très humblement les mains de Vostre Altesse Sérénissime, et prie Dieu vous donner, Madame, en parfaitte santé très heureuse et longue vye.
A Paris, ce xxiiii* juing 1610.
Vostre très humble et très obéissante servante, Dianb L. de France.
(Suscription) : A l'Infante Sérénissime.
1 Voir page 15t. (Audience, N* 452.)
JUSTIFICATIVES
25 juin 1610. — Le connétable de Montmorency à l'archiduc Albert.
Sérénissime Prince, La lettre du xx« du présent qu’il a pieu à Vostre Altesse prendre la peine de m’escrire m’a infinyement resjouy et m’eu sens grandement son obligé comme aussy de courtoysies quelle m’a faictes et continue de faire tous les jours à Madame la princesse de Condé, ma fille, la présence de laquelle m’apportera beaucoup de contentement et de consolation qui sera double et comblera ma vieillesse de félicité, si par les sages remonstrances et prudents conseilz de Vostre Altesse, auparavant que madicte fille parte de sa court et cependant que Monseigneur le prince de Condé son mary y est, ilz se remettoyent bien ensemble tous deux. A quoy j’estime que l’authoritté de l’entremise de Vostre Altesse pourra apporter beaucoup de fruit, s'il luy plaist de s’en donner la peine, comme je l’en supplie très humblement, et d’ajouster foy à mon cousin de Bouteville sur ce qu’il luy représentera de ma part. Et sur ce je supplie le créateur, Sérénissime Prince, qu’il donne à Vostre Altesse, très heureuse, très longue et contente vie.
De Paris, ce xxv° juing 1610.
Vostre très humble, très obéyssant et obligé serviteur,
Montmorency.
(Suscription) : A Son Altesse Sérénissime 1 .
(Audience, N° 452.)
1 On lit en marge : Respondu le 2 de Juillet 1610. — A garder par ordre do S. A. du 4 juillet 1610.
PIÈCES
25 juin 1610. — Le connétable de Montmorency d T Infante Isabelle.
Madame, Je remcrcye très humblement Yostre Altesse de l’honneur qu’elle deppart tous les jours à Madame la princesse de Condé ma fille, et luy suis beaucoup obligé du soing qu’il luy a pieu prendre de disposer Monseigneur le prince de Condé, son mary, de luy permettre qu’elle me vienne trouver, comme j’ay veu par la lettre du xx° du présent qu’il a pieu il Yostre Altesse prendre la peine de m’escrire; mais ayant tousjours désiré le repos do madicte fille et de la reveoir prez de raoy, j’ay néantmoings souhaitté quelle feust bien remise avec mondit seigneur son mary, à quoy je supplie très humblement Vostre Altesse de contribuer les offices que sa prudence jugera nécessaires, ainsy que j’ay prié mon cousin de Bouteville de luy faire entendre, auquel elle aura agréable d’adjouster foy, et je supplieray le Créateur, Madame, qu’il donne à Vostre Altesse très heureuse, très longue et très contente vie.
De Paris, ce xxv" juiug 1610.
Vostre très humble, très obéyssant et très obligé serviteur,
Montmorency.
(SuBcription) : A la Sérénissime Infante.
(Audience, N° 452.)
JUSTIFICATIVES
27 juin 1610. — Nicolas de Montmorency an secrétaire d’État Prats.
(EXTUIT)
Monsieur,
Comme le prince de Condé s’est contenté du retour de la princesse en France, et dict vouloir illec se ramectre bien avec elle, plusieurs de ses amvs et le marquis Spinola le premier vouldroient bien luy persuader dès ù présent qu'ils se veissent et reconciliassent, et en a traicté le marquis cet après- disner avec monsieur de Bouteville et avec moy, promectant de faire tous efforts pour y encliner le prince, comme aussy, si Leurs Altèzes le trouvent bon, on pourrait y disposer la princesse, de tant que cela leur serait plus séant et honorable de retourner joincts en France, ou du moins qu'ils se fussent rejoinetz icy de volonté et que chacun irait par après à sa commodité, et qu’en tout cas monsieur le connestable semble le désirer, et pourroient plus amplement en France s’appoincter de tous différens. Il semble que le prince redoubte d’aller il Marimont, craignant que Leurs Altèzes ne luy en parlent, trouvant luy meilleur de le faire quand elle sera chez ses parens ; peult estre qu'il changera d’advis; cependant ay bien voulu vous en préaviser, vous demeurant, Monsieur,
Très affectionné en service,
N. de Montmorency.
De Bruxelles, le 27 de juin 1610.
(Suscription) : A Monsieur monsieur Praets, secrétaire d'État, chez Son Altèze.
(Audience, N° 452.)
1 On lit en marge : du xxvn. — Respondu le xxvm'juing 1610.
PIÈCES
29 juin. — N. de Montmorency au secrétaire d'État Prats.
Monsieur,
Monsieur de Bouteville m’a moustré lettres lesquelles accusent aultres lettres que monsieur le connestable escript à Son Altesse, délivrées à monsieur Pecquius; tout tend à remercîment à Son Altesse et au désir qu’il a de la rejonction du prince et princesse de Condé, mesmes quant se partir d’icy si faire se peult, je ne scay si les aurez reçeu; le prince dict qu’il entend de le faire et vivre bien ensemble ; mais comme il a aultres affaires pour la dot et semblables à desmesler avec monsieur le connestable, il luy semble meilleur de le faire en France, en présence et avec le bon gré des parens d'elle; puisque la disposition y est bonne il seroit plus décent qu’au moins il la veist et parla avant s’en aller en France ; je ne sçay si encor il changera d’advis. Je salue voz bonnes grâces et demeure, Monsieur,
Très affectionné à vous faire service,
N. db Montmorency.
29 de juin 1 .
(Audience, N° 452.)
1 On lit en marge : Reispondu le xxx juing 1610.
JUSTIFICATIVES
juillet 1610. — N. de Montmorency au secrétaire i État Prats.
(EXTRAIT
Monsieur,
Il est bon que j’entens on auroit dict à Marimont que j'aurois proposé que madame de Berny deusse accompagner la princesse de Condé en France, ce que jamais n’ai pensé ; mais bien ay-je dict que l’ambassadeur de France comme il venoit à propos qui conduiroit madicte dame, me dict avoir entendu qu’on devoit requérir sa femme d'accompagner madicte dame ; sur quoy je ne réplicquay mot, et du depuis, comme j'ay compté à aucuns de ces seigneurs ce que l'ambassadeur m’avoit dict, on va interpréter que c’est moi qui trouvois cela à propos; en quoy ils me font tort, et ne l’ay jamais pensé ny trouvé bon ; mais bien ay-je dict que si Leurs Altèzes luy faisoient cet honneur que de la laisser conduire par madame de La Fere, qu’elle ne sçauroit estre mieux accompagnée ; dont ay voulu vous aviser afin que Son Altesse fusse imbue de la vérité, si d’aventure on luy en eusse touché, saluant sur ce voz bonnes grâces, je demeure, Monsieur,
Très affectionné à vous faire service,
N. de Montmobbncy.
De Bruxelles, 1 de juillet 1610 *.
(Suscription) : A Monsieur monsieur Praetz secrétaire d’ Estât chez Leurs Altèzes, A Mariemont.
(Audience, N° 451.)
1 On lit en marge : Du premier; Respondu le 11 de juillet 1610.
PIÈCES
1" juillet 1610. — P. Ptcçitius à l archiduc Albert.
(EXTRAIT
Monseigneur,
L’on m’est venu demander de la part du connestable de France si Vostre Altesse et la Sérénissime Infante ontreceu les lettres que luy et la duchesse d’Angoulesme leur ont dernièrement escrites pour les supplier d'avoir en recommandation la réunion en bonne concorde du princo et de la princesse deCondé; et sur ma response que je n’en avois encore nouvelles, l’on m’a dict que le sieur de Boudeviile a trouvé ledict prince en assez bonne humeur pour s’accommoder à ladicte réconciliation, et que ladicte princesse y apportera toute la soubsmission qu’il pourra raisonnablement désirer d’elle. De sorte que ledict connestable et ladicte duchesse sont en grand’ esperance de les veoir bientost en bon mesnage par deçà, moyennant qu’il plaise à Yoz Altezes les hounorer de leurs bons et favorables offices à l’accomplissement de cette négociation. Il se dict en ceste cour que ledict prince coinmuuicque fort privéement ses affaires au secrétaire du sieur de Berny, nommé Berouger, qui est celuy qu’il menaça de battre lorsque le vacarme se feit à l’hostel d’Oranges : l'on s’esraerveille de tant de nouvelle confiance, et croyhou que ledict prince ne s’en trouvera pas bien. La princesse de Condé, mère, loua ces jours passez pour ledict prince l’hostel de Gondy, au faulxbourg de Saint-Germain, maison la plus belle et la plus magnificque de Paris, après le Louvre; mais la Royne ne veult pas qu’il y loge, et demanda ces jours passez s’il vouloit loger audict faulxbourg pour recevoir
JT'STIFICATIVES.
les pacquetz d'Espagne. Je ne suis pas marri de ce changement, d’aultant que ledict hostel est vis-à-vis de mon logis, qui eust peu causer des soubçons sans autre subject. Je sçay de bon lieu que le prince de Conty et ceulx de la maison de Lorraine, ont envoyé vers ledict prince, pour l’attirer à leur party , et que le comte de Boissons n’en a pas faict moings, mais l’on juge que le meilleur sera pour luy de n’espouser la querelle ny pour l’un ny pour l’aultre.
Et sur ce baisant très-humblement les mains à Yostre Altesse, je prie Dieu la conserver à longues et heureuses années. Monseigneur, soubs sa saincte protection.
De Paris le premier de juillet 1610.
De Vostre Altesse Sérénissime, Très-humble et très-obéissant subject et serviteur, P. Pbcquius.
(Suscription) : A Son Altesse Sérénissime.
(Papiers d’État et de l’audience. Négociations de France, 1610-1611.)
4 juillet 1610. — P. Pecquius à Tarchiduc Albert.
Monseigneur, Ce jourd’huy partira d’icy le sieur de Barrault, puis naguierres ambassadeur en Espagne, que le Roy et la Royne très-chrestiens ont despesché vers Bruxelles, pour y aller trouver le prince de Condé, et, soubs le bon plaisir de Vostre Altesse, le ramener au
1 On lit en marge : Reçu le 4* et res pondu le 7” Juillet 1610.
PIÈCES
plus tost par deçà. [Les princes du sang, frères, (aussi peu coutens l’un de l'aultre que jamais) iront au devant dudict prince trois lieues ou environ hors de la ville, comme l'on me dit. Le ducqde Bouillon, sept lieues; les aultres seigneurs et gentilzhommes plus ou moins, selon leur qualitez]. Bref, toute la cour se veult offrir à ce prince comme à l’envy. Et la Roy ne luy fera présent d’un beau logis, qui a esté jusques à présent au seigueur de Schoonberg, où ledict prince doibt entrer. La duchesse d’Angoulesme me viut dire hier au soir que demain s’acheminera vers Mariemout la comtesse d’Auvergne, à intention d’accompagner la princesse de Condé à son retour eu France, et quelle fait estât de trouver à Binche la femme du sieur de Berny, et de se loger illecq, pour le peu de commodité qu’il y a audict Mariemout. Ladiete duchesse m’a aussy dict que ledict priuce a reçeu et leu de bon œil les lettres à luy escrites par le connestable, et déclaré au sieur de Bouteville, qui les luy présenta, qu’il se rangera volontiers à la raison en ce qui concerne ladiete princesse, pour veoir s'ilz se remettront bien ensemble; mais qu'il vauldroit mieulx que cela se traittast icy, en présence dudict connestable et de ladiete duchesse, laquelle ne reste pas du tout satisfaite de ceste response, se trouvant frustrée de son espérance, que la réconciliation se feroit par delà au moyen de l’authorité et des offices favorables de Vostre Altesse et de la Sérénissime Infante. Et m'a ladite duchesse instamment requis de supplier Vostre Altesse de tenir la bénigne main à ce que du moins ledict prince devant que partir de Mariemont voye et salue ladiete princesse, ou qu’il soit permis à elle de le veoir et saluer, sans parler des choses passées ny d’aucunes difficultez. Elle m’a dict davantage que ce luy seroit une obligation sans mesure s’il plaisoità Vostre Altesse luy faire la grâce et faveur de recommander audit prince à son partement [la déli-
JUSTIFICATIVES
vrance du comte d’Auvergne, détenu prisonnier à la Bastille depuis tant d’années, dont il y a apparence qu’il debvra sortir au sacre et couronnement du Roy; mais ladite duchesse désireroit bien (que V. A.) 1 reeommandast ce faictaudict prince, sans faire semblant d'en avoir esté suppliée. Je luy ay respondu que ledict prince entendra bien d’où vient ceste recommandation si Vostre Altesse s’y incline]. Et sur ce luy baisant très-humblement les mains, je prie Dieu la conserver, Monseigneur, soubs sa saincte protection.
De Paris, le 4 juillet 1610.
De Vostre Altesse Sérénissime,
Très-humble et très-obéissant subject et serviteur,
P. Pbcquius*.
(Suscription) : A Son A Itcsse Sérénissime.
(Papiers d’État et de l’audience. Négociations de France, 1610-1611.)
exx
5 juillet 1610. — Le connétable de Montmorency à l’infante Isabelle.
Madame, Avec la comodité de ma filhe madame d’Auvergne que j’envoye vers madame la princesse de Condé sa sœur pour l’accompaigner à son retour en France, je me renouvelleray en l’honneur de vostre souvenir et dispenseray de luy baiser très-humblement les mains ;
1 Mots oubliés.
* On lit en marge : Respondu le un* juillet 1610.
pareillement de remercier avec la mesme humilité Sou Altesse de tant de faveurs, honneurs et bienfaictz qu’elle a eu agréable de faire h madite filhe madame la princesse , quy sont sy grandes que je ne les puys assés exprimer ; elle me l'a souvant tesmoigné par ses lettres, tellement madame que je ne manqueray jamais de n'avoir le ressentiment que je doibs et de vous rendre trèshumble service en tous les endroietz qu’il vous plairra m’honorer de voz commandementz d’aussy bon cœur que je demeure ,
Madame,
Vostre très-humble et très-obéissant serviteur.
Montmorency.
De Paris, ce v” juillet 1610 *.
(Su8cription) : A l'Infante Sérénistimc.
(Audience, N» 453.)
6 juillet 1610. — Le connétable de Montmorency à V archiduc Albert.
Sérénissime Prince, Anvoyant ma fllhe la comtesse d’Auvergne vers madame la princesse sa sœur pour l’accompagner è son retour en France, je luy ay commandé de baiser de ma part très-humblement les mains à Vostre Altesse et la remercier en mon nom (de) tant d’honneurs, faveurs et courtoisies quelle a eu agréable de
1 On lit en margo : Reçu et respondu le xiiu* juillet 1610.
despartir & madite filhe la princesse* laquelle avec moy luy en serons perpétuellement obligez pour luy eu rendre très-humble service ft toutes occasions que nous serons honnorez de ses commandements, ausquels pour mon particulier je rendray tousjours l’obéissance que je doibs. Vostre Altesse en prendra s’il luy plaist ceste véritable créance et que je suis,
Sérénissime Prince,
Vostre très-humble et très-obéissant serviteur.
Montmorency.
De Paris, ce 6 e juillet 1010 *.
(Suscription) : A Son A liesse Sérénissime.
(Audience, N°453.)
6 juillet 1610. — La duchesse d Angoulême à l’infante Isabelle.
Madame, Suyvant ce qu’il a pieu à Vostre Altesse Sérénissirae me mander, par la dernière lettre quelle m'a fait l’honneur de m’escrire, quo madame la princesse de Condé pouvoit quand bon luy sembleroit revenir trouver monsieur le connestable son père et moy; ma nièpce, madame la contesse d’Auvergne sa sœur s'en va la quérir, estant infiniment marrye que mon indisposition ne me permect de faire moy-mesme ce voyage , pour avoir l’honneur de veoir Vostre Altèze Sérénissime et luy tesmoigner de vive voix mou affection et le service trèshumble que je désire luy rendre toutte ma vye. Je ne
1 On lit en marge: Reçu et reepondu le tim* juillet 1610.
PIÔCBS
perdz point ceate espérance et me prometz d’avoir quelque jour ce bonheur de m’acquicter de ce debvoir. Cependant, Madame , je ne veulx pas faillir de remercyer très-humblement Vostre Altèze Sérénissime de tant de courtoisies et bons traictemens que ceste jeune princesse a receuz de vous, en quoy vous ne l'avez pas seullement obligée, mais monsieur le connestable et tous les siens , et spéciallement moy, Madame, qui ne l’ayme pas moings que si elle estoit ma propre fille; suppliant très-humblement Vostre Altesse Sérénissime me faire l'honneur de me continuer tousjours l’heur de ses bonnes grâces et bienvueillance comme à la personne du monde qui désire le plus les mériter, en vous rendant toutte ma vye le très-humble service que vous doibt, Madame,
Vostre très-humble et très-obéissante servante,
Diane L. le France.
(Suscription) : A l'Infante Sérénissime.
(Audience, N° 453.)
6 juillet 1610. — N. de Montmorency an Secrétaire d’Ëtat Prats.
( EXTRAIT
Monsieur,
Le prince de Condé se parte vers Marimont et de la vers France. Sa réjonction avec sa femme se remect en France, ne soit que Leurs Altèzes facent le dernier coup, du moins qu'ils se voient et parlent.
1 On lit en marge : Reçu et respondu le xim« juillet 1610.
JUSTIFICATIVES
J’entens que madame la comtesse d’Auvergne vient pour ramener la princesse de Condé sa sœur en France ; s’il plaistè Son Altèze me donner congé d’estre un jour à Marimont quand elle arrivera, je luy en supplie bien humblement pour luy faire un compliment de parent.
Très affectionné à vous faire service, N. de Montmorency.
De Bruxelles, 6 de juillet 1610.
Suscription : A Monsieur monsieur Prats, Secrétaire d' Estât chez Son Altèze.
(Audience, N° 453.)
8 juillet 1610. — N. de Montmorency au Secrétaire d'État Prats.
(EXTRAIT
Monsieur,
Enfin le prince de Condé est party se contentant de veoir sa femme à la fenestre. Je pense qu’il y a quelque dessein secret que je n'escrips, et le temps le descouvrira.
Très affectionné (i vous faire service, N. de Montmorency.
De Bruxelles, 8 de juillet 1610.
(Suscription) : A Monsieur monsieur Prats , Secrétaire d'Fstat de leurs Altèzes Sérénissimes . à Mariemont.
(Audience, N® 453.)
pièces
9 juillet 1610. — N. de Montmorency au Secrétaire d'Êtal Prats.
Monsieur, Je scavois bien avant que le prince de Condé partoit d'icy, qu’il en useroit en ceste sorte avec sa femme et qu’il y a quelque mystère caché comme je vous mandois par ma précédente, c’est assez qu’elle a faict le devoir ; je fais estât d’estre demain soir ou dimenche sur les 7 heures du matin à Marimout, que s’il y avoit changement au jour de l’arrivée de madame d'Auvergne, ou si elle partoit plustôt, mandez-le moy en diligence ii ce que je ne faille de la trouver.
Très affectionné à vous faire service,
9 de juillet.
N. dk Montmorency.
(Audience, N» 453.)
\A juillet 1610. — Les Archiducs à P. Pecquius.
(■MUTE
Les Archiducs, etc.
Cher et féal. Nous respondrons par ceste à voz trois dernières du 4”, 5' et 9 e de ce mois. Nous attendons d'heure ii aultre d'entendre par voz lettres à quoy finalement l’on se résouldra par delà, touchant les affaires de Juilliers, estant nostre résolution celle qu’aurez eu-
JUSTIFICATIVES
tendu par noz deux ou trois précédentes, selon lesquelles il convient que vous vous régliez, signamment uoz dernières du 7' de ce mois, et partant ne laissez de nous tenir continuellement advertiz de ce que s’en passe eu cette cour. Nous avons bien entendu ce que nous représentez du désir de la duchesse d'Angoulesme que par nostre moyen le prince de Condé vist et saluast la princesse sa femme, devant partir d'icy. Et encore que vo3tre lettre traictant de Icelle réquisition de ladicte duchesso n’estoit encore arrivée au partement d’icelluy prince, si n’avions-nous obmiz pourtant d’y faire les offices qu'avions trouvé convenir; mais il n’y a eu moyen de à cela le persuader, s’estant contenté le jour précédent son partement de la veoir dez nostre jardin ou il se pourmenoit, elle se monstrant en une fenestre et s’entre saluans de ceste façon sans parler l’un à l’aultre. Et pour ledict partement dudict prince n’avons-nous eu moyen de luy recommander la délivrance du comte d’Auvergne, selon le désir de ladicte duchesse d’Angoulesme. Et Dieu vous ait, cher et féal, en sa continuele garde.
A Mariemont, le xihi” juillet 1610.
(Suscription) : A Pecquius.
(Papiers d’État et de l’aud. Négociât, de France, 1610-1611.)
14 juillet 1610. — L'infante Itabelle au prince de Condé.
(MINUTE
Mon bon Cousin, Avecq l’occasion du retour de la princesse vostre femme en France, accompagniée de la
PIÈCES
comtesse d’Auvergne, sa sœur, je n’ay voulu laisser de vous resouvenir le propos que je vous ay tenu avant vostre partement d’icy sur ce de vostre réconciliation avecq ladite princesse. Pensez-y sérieusement, et le grand repos que vous pourra apporter vostre réjonction oultre la consolation qu’en arrivera au connestable de France, son père, et à la bonne duchesse d’Angoulesme, à laquelle je n'auray aussi petite part. Et je prie avecq ce, Dieu de vous conserver, Mon bon Cousin, en santé et très heureuse vie.
A Marimont, le xim* juillet 1610.
Vostre bonne Cousine,
Isabbl.
(Souscription) : Au prince de Condé.
(Audience, N» 453.'
De Paris , du 23 juillet 1 .
Ce matin, M. le prince de Condé a esté visiter la cour de parlement, accompagné de Messeigneurs le prince de Conty, des quatre frères de Guise, ducq d’Albeuf, de Sully, qui a fait intériner ses lettres de pair de France, qui sont devant Monmorency, et y sont esté les généraux de France et grand nombre de noblesse.
Monseigneur le prince a faict entendre à la Cour par sa bouche qu’il la visitoit pour se condouloir avecq eux
1 Cette pièce, intercalée dans la correspondance de Pecquius, est probablement la copie d'une de ses lettres.
JUSTIFICATIVES
de la mort dudict Roy, et aussy qu’il les debvoit visiter en corps, revenant de dehors du royaume, pour le subject qu’ilz sçavoyeut à son grand regret, l'y obligeant sa naissance et le rang qu'il tient en Frauce, ayant recognu en plusieurs occasions la bonne volonté qu’ilz ont eue et ont en son endroit, pour laquelle il les supplioit de croire qu'il estoit tout prêt de les assister et maintenir en l’exercice de la justice pour donner terreur aux meschans et conserver les innocens au service du roy et de l’Estat.
Le premier président respondit avec une succinte harangue et dit qu’iceluy prince estoit plus obligé de les aymer qu’aucuns autres du royaume, tant pour sa naissance que pour le rang de premier prince du sang, et particulièrement parce que, lorsqu’il n’avoitque sept ans, la cour du parlement, eu corps, l’estoit allé trouver à Sainct-Germain, pour luy faire hommage, ce que jamais n’avoit esté faict à nul enfant de France du vivant d’un roy, depuis Pharamond Premier.
La royne a faict entendre audict prince de Condé qu’il sera à propos et l’aura pour aggréable qu’il donne congé à tous les gentilzliommes extraordinaires qui sont ii sa suitte, ayant de mesmes faict commandement à tous aultres qui n’ont que faire en cour de se retirer chez eux et en leurs charges.
Les ecclésiastiques pairs de France sont en procès contre les séculiers, disans ceux-là debvoir estre préférez à ceux-cy, mesmes à cause de leur dignité ecclésiastique. La cour en debvra juger.
(Papiers d'État et de l’audience. Négociations de France, 1610-1611.)
PIÈCES
24 juillet 1610. — P. Pecquiiis à l'archiduc Albert.
Monseigneur, Ce ne sont que soubçons, desfiances et apprestz de remuemens que l'on voit en ceste cour, s’estant [la nuict passée le ducq de Bouillon venu rendre chez le prince de Condé accompagné de grand nombre de gentilzhommes, où il demeura jusques après la minuict que la royne envoya audict prince le sieur de Concini, qui feit en sorte que ladicte assemblée, estant de plus de trois cens hommes, tant dehors que dedans la maison, se désempara. Le prince d'Oranges y fut aussy en armes avec les siens. Et pour donner couleur ù ceste assemblée ou l'on contrefaisoit une terreur panique, l’on a prins le prétexte de plus de trente advis, que ledict ducq de Bouillon disoit luy avoir esté donnez, que l’on vouloit attenter à la personne dudict prince et à la sienne. Et je suis fort bien adverty que ledict prince a aussy dit qu'il ne se tient guerres asseurré de sa vie, et qu’il luy pourroit un jour arriver au conseil ce qui arriva à Jules César et au feu ducq de Guise. Je sçay davantage que la royne ne l’ayme pas, nonobstant tous les bons traictemens qu’elle luy faict], à sçavoir de cincquante mille escuz de pension, aultres cincquante mille escuz d’appoinctement, et aultant pour une fois, à la descharge de ses debtes, oultre la donation quelle luy a faictede l’hostelde Gondy. Elle a voulu que les bourgeois de Paris s'armassent comme ilz font jusques ù plus de septante mille hommes enroollez, desquelz elle a faict prendre le serment. L’on s’est aussy informé du nombre des gentilzhommes estans en ceste ville qui a esté trouvé se monter à plus de sept mille, [et se vante, le ducq de Guise, d’en avoir les cincq mille à sa dévo-
tion. Le ducq d'Espergnon faict tenir garde en son logiz de quarante à cincquante hommes de nuict en nuict, et l’on estime qu’il ne le faict pas sans grand subject, tant est véhémente l’animosité de ceulx de la ligue contre luy, comme principal soustien du party de la royne, laquelle faict ce qu’elle peult pour s’obliger le ducq de Guise, jusques ù luy avoir accordé cent mille livres de pension et offert de payer toutes ses debtes dans six ans, dont il ne se contente pas encore, ains désire que sesdictes debtes soyent ecquictées dans deux ans. Bref, il semble que chascun demande à la royne, l’espée au poing. Elle a bien eu du mal à appaiser le prince de Couty ; mais enfin luy et les siens se sont contentez moyennant cincquante mille escuz de pension qu'on luy donne, oultre aultres dix mille à la princesse sa femme, et promesse de tel gouvernement qu'il vouldra choisir il la première vacance]. Le lendemain de ceste négociation, lesdicts princes de Coudé et de Conty so trouvèrent à la cour du parlement ou cclluy de Condé, par une harangue briefvement troussée, approuva la régence de la royne, en remerciant ladicte cour du soing quelle a eu de pourveoir à la tranquilité du royaume. Mais, [pour tout cela les desfiances ne cessent pas, continuans ceulx de la ligue ii prétendre importunément que non seulement ledict priuce de Condé, mais encore les ducqz de Guise, de Mayence, de Sully et de Bouillon, doibvent avoir entrée au conseil secret de la royne, qu’ilz appellent le petit conseil, consistant le plus souvent ès personnes dudict prince de Condé, le comte de Soissons, cardinal de Joyeuse, chaucellier et Villeroy. Ilz se plaignent d'ailleurs que la royne prend des advis particuliers avecq ledict deConciny, qu’elle a cejourd'huy honoré du tiltre de Conscillicr du conseil d'Estat, et incline ii faire ériger en duché certaine belle terre par luy acheptée, faveurs qui accroissent extrêmement la hayne que
PIÈCES
les grnndz de ceste cour luy portent, estant homme de petite extraction et avancé par l'affection que la royne porte à sa femme, sœur de laict à icelle royne, et fille d’un fournier de Florence. Il a grand besoing de se bien tenir sur ses gardes à ce que j'entendz. En somme, si la royne ne s’accommode à la volonté desdicts de la ligue, ce qu’elle ne peult faire sans perte de son authorité, je prevoy que ce royaulme est sur le poinct de tomber en grande confusion].
J’ay faict la révérence audict prince de Condé, me conjouissant avecq luy de son bon retour en France ; et il m’a tesmoigné fort amplement les obligations infinies qu’il aura toute sa vie à Yostre Altesse, pour les grandes faveurs reçeues d’icelle, disant qu’il [en eust bien desjà voulu faire preuve au regard des affaires de Juilliers, dont il avoit disputé quntre heures de long, pour faire rappeller le secours de France, mais que l’opinion contraire avoit prévalu à pluralité de voix], et que c’estoit au sieur de Villeroy que l'on se debvoit principalement addresser sur ce subject. Et sur ce, baisant très-humblement les mains à Vostre Altesse, je prie Dieu de la conserver, Monseigneur, soubs sa saincte protection.
De Paris, le 24 juillet 1610.
De Vostre Altesse Séréuissime,
Très-humble et très-obéissant subject et serviteur,
P. Pbcquius.
(Suscription) : A Son Altesse Sérénissime '.
(Papiers d'État et de l'audience. Négociations de France, 1610-1611.)
1 On lit en marge : Respondu le xxx' juillet 1610.
JUSTIFICATIVES
27 juillet 1610. — P. Pecçuiiti à l'archiduc Albert.
(EXTRAIT
Monseigneur, Par la relation que [j’ay mise en cyfre des propos teuuz par le prince de Condé au compte de Bucquoy, Vostre Altesse voira à quoy la malice des françois Huguenotz et l'ambition des catholicques conspirons ensemble, s’en va réduire la France. Je m’en suis bien doubté, mesmes par aulcuns discours que m'a faict ces jours passez Kerremans, conseillier du prince d’Oranges, conformes en partie ceulx dudict prince de Condé, qui se descouvra fort librement audict Kerreman, lice qu’il m’a dict; en quoy s’il y a de l’imprudence, elle est encore plus grande il révéler tel secret audict comte de Bucquoy, et puis d’avoir requiz ledict comte d’en advertir le marquis Spinola et non Vostre Altesse. Je ne sçay comment cela se peult accommoder avecq tant d'obligations que ledict prince va publiant d’avoir à icelle; qui descouvriroit fe la royne ceste conspiration que l'on veult faire soubz la marque du bien publique, comme l'on a faict cy-devant du temps de Louis Onzième, ne s'esloigneroit je croy en rien de la raison, et en tel cas il ne seroit à propos que ledict comte demeuras! plus en ceste cour. Mais si Vostre Altesse avoit envie de descouvrir de plus près le fond de ceste caballe, il ne conviendroit encore rappeller ledict comte, d’aultant que les seigneurs et aultres courtisans de par deçà se communiquent à luy par beaucoup de confiance, comme s’ilz se promectoient de l’attirer à leur party, dont ilz sont bien loing. Cependant je n’en ay parlé ny n’en par-
PIBOBS
leray h fune qui vive, en attendant sur le tout en extrême diligence le commandement de Vostre Altesse].
Je baise sur ce très-humblement les mains à Vostre Altesse et prie Dieu de la conserver, Monseigneur, soubs sa saincte protection.
De Paris, le 27 juillet 1610.
De Vostre Altesse Sérénissime,
Très-humble et très-obéissant subject et serviteur,
P. Pkcquius.
(Suscription) : A Son Altesse Sérénissime 1 .
>>' J-|Or
27 juillet 1610. — Le comte de Bucquoy à l archiduc Albert.
Décifrement d'un advertissement du comte de Busquoy envoyé a Son Altesse avecq sa lettre eserite à Paris, le 27 juillet 1610.
11 y a trois jours que le prince d'Orenges me vint visiter et entre aultres discours nous parlasrne de la chasse, et il me pria de venir veoir courre ses lévriers h Sainct-Maur-des-Fossez, maison du prince de Condé, où il vouloit me donner à dîner, ce que j’acceptay ; et nous yallasmes ensemble le lendemain matin; et comme nous approchssmes, il me dit que j’y trouverois le prince de Condé qui y estoit venu dormir. Je m’en estonnay parce qu’il ne m’en avoit rien dit auparavant. Nous le trou-
> On Ht en marge: Regpondu le xxx' juillet 1610.
JUSTIFICATIVES
vasmes au lict et uusaitost qu’il fut levé il me mena veoir sou logia et sou parcq ; et de là il noua meit dans une isle où se debvoit faire la chasse. Et comme en questant j’estois un peu ealoigné de luy, il m’nppella et me dit ce que s’ensuit : « Il fault que je vous parle et en peu de « motz avant qu’il arrive plus de gens. Vous verrez la « France en fort grande confusion devant trois mois, et
• de telle façon qu'il ne s’en peult attendre qu’une
• guerre civile, parce que moy et mes amys ne pouvons « et ne voulons plus souffrir la forme de gouvernement « de la royne ; et sommes délibérez de l’obliger à las- « cher beaucoup de son authorité, ce que nous croyons « quelle ne fera pas, ains que par sou refuz elle nous oc- « casionnera de prendre les armes. Le chemin que nous «■ avons choisy à cest effect sera appuyé de la bient veuillance et faveur du peuple et des ecclésiastiques » parce que nous voulons présenter une requeste à la
• royno dans quinze jours, afin quelle face joindre les « cstatz généraulx de France, et qu’avecq eulx il soit
• traicté du soulagement général du royaulme, et com-
• ment l'on pourra rendre à l'Eglise ses immunitèz et « privilèges. De plus que dores en avant les affaires du « royaulme soyent gouvernez et maniez par lesdicts
< estatz généraux en ce, et si avant qu’il leur compète, « selon les coustumes. Et ne voulant la royne entrer eu « ce party, comme je m’en asseure, moy et mes amys i dans aultres quinze jours après sortirons de ceste « ville, pour aller chascun en noz gouvernemens et nous
< asseurer d'iceulx, d'où nous voulons commencer la « guerre, ce que ne pouvons faire de la ville de Paris, « pour estre trop affectionnée au roy et à la royne et « trop ennemie de nouveaultez. Je vous prie de faire part « de tout cecy au marquiz de Spinola, afin qu’il vous « advise aussi tout ce que nous debvons attendre d’Es ■
• pagne d’argent ou d'aultre ayde, et qu'il sçnche cecy
PIÈCES
* devant l’archiducq, afin que selon son conseil je me
* reigle envers ledict Archiducq. Vous luy manderez « que nous avons pour nous le Languedocq, la Guienne, « la Provence, le Daulphiné, et quasi tout ce qui est « sur la rivière de Loire. En Normandie quatre places, « trois desquelles sont portz de mer, et la quatriesme « est au milieu du pays. En Picardie, Péroné, Troye et
• Mont-Didier, et toutes ces places à la main pour favo- « riser l’entrée des Espagnolz. Il ne nous manque que « de l’argent, mais nous en trouverons dessus le pays, « et que l'on crie qu’il y ait bien de l’argent à la bastille.
• Le feu roy n’eust jamais sept millions de livres ou de « francqz, desquelz la royne ne sçauroit monstrer main- « tenant six cens mille escuz d’or, »
A tout quoy, je n’ay respondu aultre cliose qu’en soubsriant et faisant des interrogations sur des choses les moins importantes et les plus esloignées de la matière, sans m’estre en rien engagé que d’escrire au marquis, ce que je n'ay voulu faire toutesfois sans ordre de Vostre Altesse et sans en préallable l'avoir advisô de ce que dessus, la suppliant bien humblement qu’elle soit servie de me faire sçavoir sur tout ce quelle veult que je face, n’estant point en peine de me conduire bien envers ledict prince de Condé, encore qu’il m’ait fort pressé de luy faire avoir nouvelles au plustost dudict marquiz, vers lequel Vostre Altesse me commandera comment j’auray à me régler pour éviter à la plainte que l’on pourroit faire de moy de ne luy avoir escrit, si d’aventure ledict prince l’en advisoit par aultre chemin.
(Papiers d'Ëtat et de l'audience. Négociations de France, 1610-1611.)
JUSTIFICATIVES
30 juillet 1610. — Les Archiducs au, comte de Bucquoy.
(MINUTE
Les Archidücqz, etc.
Très cher et féal, Avecq vostre dernière du xxvii” de ce mois nous est arrivée la relation y-joincte des propos que vous avoit tenu le prince de Condé. A quoy vous dirons que vous avez faict discrètement à luy respondre en la manière que l’avez faict et de nous en avoir donné compte. Et afin d’excuser ‘semblables propositions, il sera bien qu’advanciez aultant que faire pourrez vostre retour sans donner lieu et mains aulcune occasion audict prince à vous tenir plus semblables propos, réservant à vostre venue de dire au marquiz Spinola ce qu’il vous a enchargé de luy escrire. Et Dieu vous ait, très cher et féal, en sa continuels garde.
A Bruxelles, le xxx' juillet 1610.
(Souscription) : Au comte de Busquoy.
(Papiers d’Ëtat et de l'audience. Négociations de France, 1610-1611.)
«oj^oo-
5 août 1610. — P. Pecquius à ï archiduc Albert. (EXTRAIT)
Monseigneur, Il semble à voir que la Royne Très Chrestienne n’appréhende pas beaucoup les soubsleve* mens qui se trament contre elle, mais tasche de s’obliger par liberalitez et autres bienfaits tantost l'un tantost
PIÔCBS
l’autre de ceux de la ligue, comme si par ce moyen elle pouvoit suffisamment pourvoir à l’asseurance de son repos. Toutefois je remarque de jour à autre plusieurs choses [qui confirment la vérité de l’advis donné puis naguerres a Vostre Altesse par le comte de Busquoy, et encore que le prince de Condé ne sçache que l’on m’ait communiqué ce secret, si est-ce qu’estant venu visiter avant hier ledict comte et moy, il me dit que devant six sepmaines nous verrions de grands remuemens en France, pendant lesquels le Roy d’Espagne et Vostre Altesse n'auroient à son advis aultre chose à faire que stare a vedere en nourissant soubz main les divisions dans le Royaume. Mais que si S. M. et V. A. pouvoient joindre et entretenir une puissante armée, la saison seroit propre pour l'employer contre les Estats des Provinces-Unies qui se trouveroient délaissées de toute assistance françoise, parce que les François auroient grand besoing de leurs forces et deniers à se maintenir les uns contre les autres, n'y ayant présentement à la Bastille (au dire dudict Prince) que quatre ou cincq cens mille escus de reste. Et puis tout d’une suite il dit audict comte et à moy que le ducq de Sully avoit beaucoup d’argent, mais qu’il est le plus meschant et le plus pernicieux homme qui soit sur la terre, et que l’on l’entretient seulement afin qu’il ne face point de mal. Il dit aussy, fort vistemeut et comme en passant, que le duc d'Espernon employoit beaucoup de gens pour se remectre bien avecq luy. Et comme nous le servions de fort peu de reparties, il me dict que dans un jour ou deux il viendroit loger en son hostel ayant appartenu au baron de Gondy, et que nous serions fort proches voisins, mais qu’il ne convenoit pas que je le visse souvent, ains plus tost que Ion se servist de moyens secretz et d’autant plus que l’on commençoit desia à parler que ledict comte de Busquoy estoit practiqué pour leur parti.
JUSTIFICATIVES
Finalement il nous déclaira qu'il estoit résolu de reprendre la princesse sa femme, mesme pour deferer au commandement que Vostre Altesse et la Sérénissime Infante luy en avoieut faict, et pour avoir aussi apprins par advis de grands docteurs de par de là qu’il n’y a moyen de rompre son mariage.
Ledict comte de Busquoy fera dailleurs rapport à Vostre Altesse que le dict Prince luy a dit do nouveau que sous peu de sepmaines il y aura de grandes altérations en France et qu’il a plus d’authorité par deçà qu’il ne luy en fault, mesme que quand il parle chascut» tremble. Ledict ducq d’Espergnon a aussi dit audit comte que les affaires de par deçà ne se passeront pas sans bruict, et qu’il n’y a aulcune raison que ceulx de la caballe demandent à la Royne les raisons de ses actions et luy veuillent donner la loy.
L’on assoure icy que ledict Prince demandera à la Royne l’estât de connestable de France du gré (lu connestable son beau-père; mais que la dicte Royne est résolue de s’en excuser, afin de n’accroistré pas trop le pouvoir et auctoritô dudict Prince, u'ayant oncques esté veu que un premier prince du sang ait eu ledict estât. Et si bien quelques aultres princes du sang en ont esté pourveuz, ils en ont tous abusé
lui baisant sur ce très humblement les mains, et priant Dieu de la maintenir à longues années, Monseigneur, soubz sa saincte protection.
De Paris le 5 d’aoust 1610.
De Vostre Altesse Sérénissime, Très-humble et très-obéissant serviteur et subject, P. Pkcquius.
(Suscription) : A Son Altesse Sérénissime.
(Négociations de France 1610-1611.)
PIÈCES
6 août 1610. — Jean Simon, Secrétaire de Pecguius au Secrétaire J État P rats.
(EXTRAIT
Monsieur,
Vous aurez sceu que par l’entremise, industrie et authorité du prince de Condé, celuy de Conty et le comte de Soissons se sont embrassez en présence de la Royne, comme ont faict aussy les princesses leurs femmes et autres cavaliers discordans en cette cour, si bien qu’il semble que la France s’en aille jouyr d’un grand repos, ne soit que comme cet air est inconstant, quelque humeur intempérée ne face lever quelque nouveau brouillard sur cet horizon. Ledict prince de Condé faisant bien à cet Estât en faict encores à soy mesmes, par la recognoissance que luy tesmoigne la Royne de jour 6 autre, luy ayant faict encores nouvellement ung merced de 20,000 escus pour ammeubler l’hostel de Gondy qu’elle luy a achaptée et payée la somme de 65000 escus. Lon tient qu’iceluy Prince après avoir accordé les autres se laissera accordé aussy sa femme, laquelle, à ce qu’on m’asseure, il va veoir dans peu de jours à Chantilly, pour complaire et obéir à la Royne qui le sollicite à la réunion, pour laquelle advancée et mettre à chef, le conneslable promect luy resigner doiz à présent la survivance de son estât de Connestnble, morceau assaissonné de l'espoir mesme de Régence généralle de France, luy fera avaller la pilulle de quelque ressentiment qu’il pourroit avoir des choses passées.
JUSTIFICATIVES
Sur ce vous baisant très humblement les mains, je demeure pour tousiours, Monsieur,
Vostre très-humble et très affectioné serviteur, J. Simon.
Paris, ce vi d'aougst 1610.
(Négociations do France, 1610-1611.)
7 août 1610. — P. Pecquiut à V archiduc Albert. (HTIAIT)
Monseigneur,
Ledict prince de Condé s’en alla hier à Chantilly trouver sa femme, laquelle neantmoings il ne veult encore amener à Paris, ains l’envoye à Saint-Vallery pour quelque temps comme par manière de probation selon que le bruict en est icy tout commun.
Je baise sur ce très-humblement les mains de Vostre Altesse et prie Dieu la conserver Monseigneur soubz sa saincte protection.
De Paris, le 7 d’aoust 1610.
De Vostre Altesse Sérénissime,
Très-humble et très-obéissant subject et serviteur,
P. Pbcquius.
(Négociations de Franco, 1610-1611.)
446 PIÈCES
CXXXYI
8 août 1610. — Le connétable de Montmorency à l'archiduc Albert.
Sérénissime Prince, Mon Cousin, monsieur de Bouteville, s'en va expressément trouver Vostre Altesse Sérénissime pour luy rendre très humbles grâces de ma part, des honneurs, faveurs et courtoisies quelle a eu agréable de faire â Madame la princesse ma fille, lorsqu’elle a eu cest honneur d’estre près de Vos Altesses, vous suppliant très humblement prendre ceste créance, que le ressentiment m’en est sy grand est le souvenir sy vifvement emprainct dans mon âme, que je ne puis assés l'exprimer dignement à Vostre Altesse; laquelle verra aussy par les autres lettres que luy aporte mondict cousin de monsieur le prince, comme il participe à ceste obligation; ainsy que je me prometz que Vostre Altesse fera d’entendre la bonne réunion qu’a esté faicte entre mondict seigneur le prince et sa femme, ce quy c’est passé avec tant de contentement et joye que cella prolongera mes ans. J’ay sceu ce que Vostre Altesse y a contribué, et nous luy en sommes sy estroictement obligés que pour mon particulier je souhaicteray avec passion qu’il s’offrit quelque occasion où je puisse estre si heureux de rendrefc Vostre Altesse le très humble service que je luy ay voué, ainsy que mondict cousin luy fera entendre ; sur lequel me remettant après avoir très humblement baizé les mains â Vostre Altesse, je prieray Dieu luy donner, Sérénissime prince, en parfaicte santé longue et très heureuse vie. *
De Chantilly, ce vm* d’aoust 1610.
Vostre très humble et très obéissant serviteur, Montmorbncy.
(Suscription) : A Son Altesse Sérénissime 1 .
(Audience, N° 456.)
1 On fit en marge : Respondu le vi septembre 1610.
JUSTIFICATIVES
8 août 1610. — Le connétable de Montmorency à Tinfante Isabelle.
Madame, Comme Vostre Altesse Sérénissime a eu agréable de faire paroistre à madame la princesse ma fille tant de grâces, faveurs et honneurs quy ne se peuvent exprimer ; aussy le ressentiment que nous tous en avons et moy particulièrement est sy grand, que je ne puis assés à mon gré le vous tesmoigner ny combien il est empreinct dans mon âme. Vostre Altesse en scnura une partye par la bouche de mon cousin, monsieur de Bouteville, que j’ay prié d’aller sur ce subject vers Voz Altesses, et pour luy faire entendre la bonne réunion qu’a esté faicte entre monsieur le prince et sa femme, ce quy c’est passé avec tant de joye et de contentement qu’il ce pouvoit souhaiter. Après Dieu, madame, l’obligation vous en est deue pour y avoir contribué voz bons offices ; ilz en auront un perpectuel souvenir, et vous en rendent de nouveau les très-humbles remerciementz qu’ilz doibvent par les lettres que Vostre Altesse en recepvra, outre ce que luy en dira mondict cousin, et que pour mon particulier, je ne vivray jamais contant sinon lorsqu’estant honnoréde sescommandementz.je pourray tesmoigner à Vostre Altesse que je suis, Madame,
Vostre très-humble et très-obéissant serviteur.
Montmorency.
De Chantilly, ce vin' d’aoust 1610.
(Suscription) : A Tinfante Sérénissime.
(Audience, N° 456.)
PIÈCES
