CXXXVIII
[8 août 1610]. — Le prince de Condé à l’archiduc Albert.
Monseigneur, Monsieur le connestable et moy manquerions trop à nostre devoir envers Vos Altesses Sérénissimes, si nous ne leur donnions à entendre nostre heureuse réconciliation, laquelle je m'asseure leur sera autant agréable comme le commandement qu’elles m’en ont faict leur a semblé estre conforme à la bonté de ma conscience ; c’est pourquoy nous avons prié monsieur de Bouteville de les aller visiter et leur représenter la joye et le contentement que ma femme et moy en ressentons, auquel me remettant je demeureray toute ma vie, Monseigneur,
Yostre très-humble et très-obéissant cousin et serviteur,
Henry de Bourbon.
Prince de Condé.
(Suscription) : A Son Altesse Sérénissivu l'archiducq Albert 1 .
(Audience, N 3 456.)
[8 août 1610]. — Le prince de Condé à Tinfante Isabelle.
Madame, Monsieur le connestable et moy avons prié monsieur de Boudeville d'aller visiter Vostre Altesse Sérénissime pour luy donner à entendre nostre heureuse réconciliation et luy tesmoigner que j’ai rendu en cela
1 On lit en marge : Respondnle vi septembre 1610.
JUSTIFICATIVES
au commandement de Vostre Altesse, à laquelle comme ma femme et moy devons la conservation de nostre honneur, aussy raporterons-nous à elle-mesme tout l’heur et le contentement que nous attendons des bénédictions de Dieu, lequel je prie vouloir donner à Vostre Altesse Sérénissime très-longue et très-contente vie, et à moy la grâce de ne demeurer ingrat des faveurs et bienfaits que j'ay receu de Vostre Altesse Sérénissime, qui suis et seray toute ma vie,
Madame,
Vostre-très humble et très-obéissant serviteur, Henrt de Boubbon.
(Suscription) : A la Sérénissime Infante 1 .
(Audience, 456.)
Il août 1610. — P. Pecquius à l'archiduc Albert. (EXTRAIT)
Monseigneur.
Le prince de Condé ayant esté deux à trois jours à Chantilly avecq la princesse sa femme, s’en est retourné en cette ville sans elle, mais il fait estât de l’aller trouver bien tost en sa maison de Valéry, pour par après rentrer en mesnage ensemble en cette ville. L’on me dict que le connestable et la duchesse d’Angoulesme ont despeché le sieur de Bodeville vers Voz Altesses les
1 On lit en marge : Respondu le vx septembre 1610.
PIÈCES
remercier des bons offices qu’il leur a pieu de faire pour disposer et ranger ledict prince à ladicte réconciliation.
C'est merveille de l'authorité que ledict prince se va attribuant en cette cour, mesmes au conseil, où il veult donner la loy îi tous, et je sçay de fort bon lieu que le ducq de Bouillon (auquel il preste l’oreille plus qu’à nul aultre) a dit de luy les jours passez qu’il va fort viste et qu’il n'y a moyen de le suivre a pas mesuré. Il a faict conférer une bonne abbaye h son Rochefort et le veult marier à la fille d’un trésorier, apparente d’estre riche de deux cens et cincquante mil escuz, sœur de la femme du marquiz de Narmoustier.
Lon me veult asseurer que le comte de Beaumont, fils du premier président du Parlement de Paris, sera de bref envoyé en ambassade versVostre Altèze pour luy rendre le retour de celle du comte de Busquoy. Je luy baise sur ce bien humblement les mains, et prie Dieu la conserver à longues et heureuses années,
Monseigneur soubz sa saincte protection.
De Paris, ce 11 d’aoust 1610. ’
I)e Vostre Altesse Sérénissime,
Très-humble et très-obéissant subject et serviteur,
P. Pbcquiüs.
(Négociations do France, 1610-1611.)
JUSTIFICATIVES
17 août 1610. — Les Archiducs à P. Pecguivs.
(MINUTE
Les Archiducqs, etc.
Cher et féal Nous avons aussy bien entendu
ce que par ladicte votre du v e nous reputez des propos tenuz audict comte de Busquoy par le prince de Condé, et dont icelluy comte nous a faict un ample discours qu'il a faict sagement à estre si retenu et circonspect en ses responses, aussy bien que vous en celles qu’avez faict sur ce que ledict de Condé vous a dit sur le subject desdicts propos. Et est nostre volonté que dores en avant non seulement vous ne luy en donniez occasion, mais que ne souffriez qu’il vous en parle peu ny point, bien que vous pouvez et debvez procurer secrètement et soubz main de scavoir ce qui sy passera et fera, pour à toutes occasions nous en advertir. Et pour ce qui touche la résolution du prince de Condé de vouloir reprendre la princesse sa femme, vous voirez ce que vous en escripra de nostre part nostre secrétaire Frats, et de meames sur ce de la forme et stile d’escrire au Roy de France, ce que nous ne faisons présentement pour aulcunes bonnes considérations —
A tant, etc.
A Bruxelles, le xvu e d’aoust 1610.
^Souscription) : A Pecquiut.
(Négociations de France, 1610-1611.)
PIÈCES
31 août 1610. — Le connétable de Montmorency à l'archiduc A Ibert.
Sérénissime Prince, Vostre Altesse eust plustost receu de moy le très-humble remerciement et debvoir, je luy doibs pour les seignallées faveurs, honneurs et bienfaictz qu'a receuz de Voz Altesses Madame la princesse ma fille, sans l'accident arrivé ii mon cousin monsieur de Bouteville, que j’avois prié de partir le lendemain de la réconciliation de monsieur le prince avec sa femme, ainsy que Vostre Altesse verra par mes despêches ; mais les fiebvres cartes quy ont surprins mondict cousin et l'ont réduict & tenir le lict, ont empesché, avec l’espérance que j’avois de sa reeonvalessance, que cestedicte despêche a esté différée, de quoyjesuis estrêmementmarry; n’ayant pas voulleu retarder davantage d’envoyer ce mien gentilhomme vers Voz Alteses, pour luy confirmer de ma part ma très-humble servitude, et faire en ceste occurrence partie des debvoirs et compliments de mondict cousin, quy a beaucoup de regrect d’en avoir esté privé, suppliant très-humblement Vostre Altesse recepvoir pour véritable la créance que je luy ay donnée et que je luy confirme encor par ceste-cy, que tant que je vivray il me restera ung perpétuel souvenir des grandes obligations que madame la princesse et moy vous avons pour vous en rendre très-humble service en toutes les occasions où Vostre Altesse m’en jugera capable, mais ce sera d’aussy bon cœur qu’après luy avoir très-humblement baisé les main3, je prie Dieu donner à Vostre
JUSTIFICATIVES
Altesse, Sérénissime prince, en parfaicte saucté trèsheureuse et longue vie.
De Chantilly, ce dernier aoust 1610.
Vostre très-humble et très-obéissant serviteur. Montmorency.
(Suscription) : A Son Altesse Sérénissime.
(Audience, N« 456.)
— ,>t©ÎO*
31 août 1610. — Le connétable de Montmorency à l'infante Isabelle.
Madame, Par une autre dépêche que j'avois faicte è Vostre Altesse Sérénissime le vnr de ce mois, elle verra s’il luy plaist la résollution que j'avois prinse d’envoyer vers Voz Altesses mon cousin, monsieur de Bouteville, pour m’acquitter en partye de mon debvoir et vous remercier de tant d’honneurs , faveurs et biensfaictz , que madame la princesse ma fille a receus de Voz Altesses ; c’estoit aussy pour luy faire entendre tout ce qui c’est passé en la réunion de monsieur le prince et elle. Et comme mondict cousin estoit sur le poinct de partir, Dieu l'a visité d’une grande maladye quy c’est tournée en fiebvres cartes, quy l’occasionnent de tenir le lict, ce quy m’a donné subject de despêcher vers Voz Altesses ce mien gentilhomme pour luy rendre de ma part les mesmes debvoirs , submissions et remerciementz que eust peust faire mondict cousin & Voz Altesses ; bien marry d’avoir tant différé, mais le soing que j’en ay eu me rendra excusable avec l’accidant de mondict cousin,
quy n’a aucun plus grand regrect avec moy quand il a esté privé de cest honneur, ainsy que plus particulièrement luy confirmera cedict gentilhomme, et l’extrême désir que j’ai de pouvoir rendre à Voz Altesses le trèshumble service que je leur doibs ; et en ceste vérité après luy avoir très-humblement baisé les mains, je prieray Dieu donner ii Vostre Altesse, Madame, en parfaicte sancté très-heureuse et longue vie.
Vostre très-humble et très-obéissant serviteur, Montmorancy.
De Chantilly, ce dernier aoûst 1610
(Audience N» 45G.)
[31 août 1610]. — La princesse douairière de Coudé à l’infante Isabelle.
Madame , Si ma mauvaise forttune m'a privée de l’honneur que j’esperois avoir d'aller baiser les mains de Vostre Altesse et de vive voix luy randre très-humble grasse des bons traittemants que monsieur le prince mon fils et ma belle fille ont reçeu d’Elle , je panserais estre indigne de vivre de demeurer plus longtamps au cilance sans tesraoingner le parfaict resantemant que j’ay de ses obligations, quy sera perpétuellement ataché à mpn âme avec une inpasiance estrôme de voir nestre les ocasions propre à faire parller mes servise pour moy
1 On lit en marge : Respondu le vt septembre 1610.
quy no peuvent jamais égaller ses coutoisye, mon affection seulle m’osera faire promettre la faveur de sa bienveuillance, que j’estimeray plus chière que ma vye et la conserveray jusques à son dernier soupir, comme le titre glorieux,
Madame,
De vostre très -humble et obligée servante ,
