On a ajouté : prétendue

consumation d’iceluy. Que les payens avoient dit les meilleurs mariages estre entre pareils ; or de la religion sortoient les plus grandes disparités, et la vraye religion estoitle plus fort lien pour bien unir les hommes, de quelque estât qu’ils fussent, et le mari avec la femme, qui est la plus estroite .conjonction qui se treuve entre les humains et celle qui a plus de puissance sur les èspritz et volontez, qui sont facilement destournez par le commandement de l’homme sur la femme ou par les mignardises et alèchemens d’icelle envers le mari. Que pour ceste raison. Dieu avoit défendu à Israël de prendre mari ou femme idolâtre à leurs enfans, afin qu’ils ne fussent distraits du pur service de Dieu et attirez aux polutions et immondicités des autres peuples. Et combien que ceux de Juda et d’Israël fussent un mesme peuple et eussent une mesme circoncision, néant moins Dieu avoit condamnées les alliances qu’ils fesoient entre eux , pour ce qu’ Israël s’estoit destourné de son vray service et avoit corrompu la religion par plusieurs additions et substractions. Et l’apostre admonestoit les fidèles de ne s’accoupler ny mesler avec les infidèles. Et combien qu’on ne mit ceux de la religion [romaine l ] au mesme reng de ceux desquels Moïse et l’apostre parloient, pour les traces qui y estoyent encore de l’alliance de Dieu avec son église, toutesfois le christianisme estoit tellement corrompu parmi eux par les traditions humaines, qu’il restoit en leur religion fort peu de la pureté du service de Dieu et des mystères de la foy, comme ils avoient esté enseignez et laissez en escrit